هل لأنك تتكلم اللغة العربية فأنت عربي ؟!

[امرأة من ورق]

كاتب النص الأصلي : gabriel

طيب بما انه خليط ليش تم نسخ كافة القوميات وطبع كافة الاشخاص العايشين بالمنطقة بالطابع العربي

اول شي مافيك تقول انو كافة القوميات والاشخاص انسخو تماما بدليل انو لسه ضمن سوريا مثلا في اقليات محافظة لحد كبير على خصوصيتها متل السريان وببعض المناطق لسه بيحكو لغة خاصة فيون..... بس كمان بدك تخلي ببالك انو مستحيل اي جماعة تعيش ضمن مجتمع اكبر الا وماتتأثر فيه يعني الخصوصية اللي لهي الجماعة رح تضعف الى حد ما ورح ياخدو شي من الطابع المحيط واللي هوي الخليط اللي عم احكي عنو

وتانيا انو اي بلد بالدنيا بحاجة للغة رسمية ولحكومة يكون الها طابع معين..... ويمكن بفترة من الفترات كانو العرب هني الاقوى وقدرو يحصلو على هالشي

[Fady007]

اول شي جواب سريع على سؤالك انو مجرد الكلام باللغة العربية بيخلينا عرب بقلك برأيي انا انو لأ
اللغة لحالها بعمرها ماكنت بتعمل قومية

كلامك مظبوط 100%
وردا علي كلام الناس اللي مش مقتنعين
خلاص يبقي الارجنتيني اللي بيتكلم اللغه الاسبانيه هو اسباني وليس يدري
وماعندوش انتماء لبلده اللي هي الارجنتين وولاؤه لازم يكون لاسبانيا
هل هذا معقول؟؟؟

بس الي تعليق عالموضوع انو انت (وطبعا كمان كاتب المقال اللي نزلتو) بدك ترجع بالتاريخ للنقطة اللي بتعجبك يعني بدك اشخاص يقولو انو هني مثلا سريان..... بس بحب قلك انو هاد كمان مانو حكي منطقي ابدا لانو ماضل في شخص انتمائو القومي سرياني ببساطة لانو مرت عالمنطقة مراحل كتير وخلال هي المراحل اجت شعوب كتير وصار بينها تزاوج كتير وبالتالي مستحيل يكون ضل شخص سرياني او شخص فرعوني او شخص فينيقي او.......
يعني انو الاشخاص الموجودين بهي المناطق ببساطة هني خليط عجيب من اكتر من حضارة ومافيك هلأ ترجع تفصل بيناتون

اذا مش عايزاني ارجع للتاريخ الباطل المخرب بتاع العرب
الاستعمار الجامح الذي يأتي بالاخضر واليابس
وبلاش كده ياستي
خليني افترض اني مقتنع بالمنطقه العربيه والعروبه
ماذا فعلت العروبه كي انتمي اليها وافتخر بها
يبقي عايزاني اعمل ايه يعني؟؟؟

وكلامك مضبوط علشان كده قلت اني فرعوني قبطي
يعني جت الحضاره الفرعونيه وبعدين الحضاره القبطيه
وليس انتمائي للاحتلال العربي

وميرسي ليكي

[امرأة من ورق]

كاتب النص الأصلي : Fady007

اذا مش عايزاني ارجع للتاريخ الباطل المخرب بتاع العرب
الاستعمار الجامح الذي يأتي بالاخضر واليابس
وبلاش كده ياستي
خليني افترض اني مقتنع بالمنطقه العربيه والعروبه
ماذا فعلت العروبه كي انتمي اليها وافتخر بها
يبقي عايزاني اعمل ايه يعني؟؟؟

وكلامك مضبوط علشان كده قلت اني فرعوني قبطي
يعني جت الحضاره الفرعونيه وبعدين الحضاره القبطيه
وليس انتمائي للاحتلال العربي

وميرسي ليكي

طيب بس سؤال واحد وصغير
انو برأيك لأي درجة الفراعنة الحاليين بيشبهو الفراعنة القديمين؟؟ بالحضارة واللغة والتفكير وحتى بالشبه الجسدي يعني هيك بشكل عام

[Abu ToNi]

كاتب النص الأصلي : امرأة من ورق

طيب بس سؤال واحد وصغير
انو برأيك لأي درجة الفراعنة الحاليين بيشبهو الفراعنة القديمين؟؟ بالحضارة واللغة والتفكير وحتى بالشبه الجسدي يعني هيك بشكل عام

شو بتقصدي فيها لهاي الجملة


انا برأي الاخ فادي بيعتز " وهاد من حقه " بالحضارة الفرعونية لأنها كانت حضارة علم وثقافة اثبتت جدارتها بكافة المجالات عموما وبمجال البناء خصوصا

يعني شي بيرفع الراس على عكس الانتماء العربي

ليش انا بدي اتشجع واعتز بانتماءي لبلد كتب تاريخه بالدم يعني اصغر مثال الخلافة ما كانت تنتقل بين الاشخاص الا عن طريق القتل قعلى شو بدي ابني اعتزازي

[Fady007]

كاتب النص الأصلي : امرأة من ورق

طيب بس سؤال واحد وصغير
انو برأيك لأي درجة الفراعنة الحاليين بيشبهو الفراعنة القديمين؟؟ بالحضارة واللغة والتفكير وحتى بالشبه الجسدي يعني هيك بشكل عام

الفراعنه الحاليين ( المصريين )لا علاقه لهما بالفراعنه القديمين

بالحضاره:لم نقدم شيء للعالم حتي الان
وهذا ناتج بطبيعة الحال لدخول المنطقه في زمرة الاحتلال العربي

باللغه: بقلك احتلال عربي يعني الهمجيه والتخريب واكراه الذات
انتي ما قرتيش تكمله الموضوع ولا ايه اللي بيقول( مصر كما يريدها احمد لطفي السيد)

بالتفكير:لا يوجد عقول حتي نفكر وذلك للفكر المتشدد السائد في البلاد
نتيجة تطبيق الشريعه... ولا ايه رأيك؟؟؟

بالشبه الجسدي:اختلطت الانساب والاعراض
لما مر منذ العصور
فراعنه واقباط ورومان ومماليك وهكسوس ودوله عثمانيه واتراك وعرب
وفرنساويين وانجليز

ولكن ما تبقي من كل هذا هم اسوء السييئين وهم العرب واللغه العربيه

[امرأة من ورق]

كاتب النص الأصلي : Fady007

الفراعنه الحاليين ( المصريين )لا علاقه لهما بالفراعنه القديمين

بالحضاره:لم نقدم شيء للعالم حتي الان
وهذا ناتج بطبيعة الحال لدخول المنطقه في زمرة الاحتلال العربي

باللغه: بقلك احتلال عربي يعني الهمجيه والتخريب واكراه الذات
انتي ما قرتيش تكمله الموضوع ولا ايه اللي بيقول( مصر كما يريدها احمد لطفي السيد)

بالتفكير:لا يوجد عقول حتي نفكر وذلك للفكر المتشدد السائد في البلاد
نتيجة تطبيق الشريعه... ولا ايه رأيك؟؟؟

بالشبه الجسدي:اختلطت الانساب والاعراض
لما مر منذ العصور
فراعنه واقباط ورومان ومماليك وهكسوس ودوله عثمانيه واتراك وعرب
وفرنساويين وانجليز

ولكن ما تبقي من كل هذا هم اسوء السييئين وهم العرب واللغه العربيه

شكرا كتير على ردك السريع
بس حابة استفهم منك على نقطة.....انو ليش كل شي سلبي كان سببه برأيك العرب وبس العرب اما التغيير الجسدي كان برأيك نتيجة للاختلاط بحضارات متعددة يعني عرب وغير عرب؟؟

برأيي انو طالما في اختلاط مع حضارات مختلفة رح يأثر هالشي على كل النقاط ومو بس نقطة واحدة

[امرأة من ورق]

كاتب النص الأصلي : gabriel

شو بتقصدي فيها لهاي الجملة


انا برأي الاخ فادي بيعتز " وهاد من حقه " بالحضارة الفرعونية لأنها كانت حضارة علم وثقافة اثبتت جدارتها بكافة المجالات عموما وبمجال البناء خصوصا

يعني شي بيرفع الراس على عكس الانتماء العربي

ليش انا بدي اتشجع واعتز بانتماءي لبلد كتب تاريخه بالدم يعني اصغر مثال الخلافة ما كانت تنتقل بين الاشخاص الا عن طريق القتل قعلى شو بدي ابني اعتزازي

بقصد بالشبه الجسدي هوي انو كل شعب الو مميزات جسدية.... يعني بتشوف شعب بكاملو مايل للقصر او الطول وشعب بكاملو مثلا بيكون للبشرة الفاتحة او الغامقة بالاضافة لانو بيكون في شكل عام للوجه مثلا الشفاه الممتلئة او الرقيقة, الانف الناعم او الافطس.... وفيك تلاحظ هالشي عند الفراعنة القديمين لانو كل التماثيل او الصور اللي وصلتنا منون بنشوف في شكل عام وفيه شبه كبير بين شخص والتاني
وبظن انو الاخ فادي فهم شو قصدي وجاوب عالسؤال

اما انو التاريخ العربي انكتب بالدم.... يمكن معك حق..... بس برأيك في اي حضارة قامت بدون اي تضحيات او اي نزف للدم لافراد شعبها؟؟
وطالما عم تحكو عن الفراعنة القديمين رح ضل معكن فيها..... انو برأيك كم شخص مات مثلا لحتى تم بناء الاهرامات؟؟؟

يعني انو كل الحضارات بدون استثناء كانت دموية وبكتير اوقات كان دم الشعب او بعض الافراد رخيص..... بس بقى الشغلة انو نحنا من اي منظور عم نشوف هي الحضارة واذا كنا عم نركز عالايجابيات او السلبيات

وانا معك انو اي شخص من منطقة الفراعنة وبيظن انو الو اصول فرعونية طبيعي انو يحس بالفخر لانو فعلا اقامو حضارة كبير

وتحياتي

[Fady007]

شكرا كتير على ردك السريع

شكرا ليكي انتي
لانك مؤمنه بفكرة اختلاف اراء الاخرين مع رأيك
واختلاف افكار الاخرين مع افكارك
وتقبل ذلك بصدر رحب وبأسلوب محترم

بس حابة استفهم منك على نقطة.....انو ليش كل شي سلبي كان سببه برأيك العرب وبس العرب اما التغيير الجسدي كان برأيك نتيجة للاختلاط بحضارات متعددة يعني عرب وغير عرب؟؟

لانه ببساطه هما الذين تبقوا من كل تلك الحضارات
وتبقوا بفرض احتلالهم و تشددهم وليس بجمال حضارتهم وافكارهم
ولم يفعلون شيء حتي ينضاف الي رصيدهم الايجابي
يبقي لماذا نري الموضوع من منظور مختلف
ونقول انه السبب في اللي احنا فيه حاليا هم بشر اخرين؟
والعرب هما اللي بأيدهم يفعلون مايريدون
لديهم الوطن واللغه والشعب
ماذا فعلوا حتي يتنافسون علي زعامة العالم؟؟؟
بلاش زعامة العالم
ماذا فعلوا لكي يتباهي العالم بحضارتهم وافكارهم ؟

[Nirvana]

حابة ضيف شغلة ..
الفراعنة عملو حضارة رائعة .. بس مو كل شي عملو وآمنو فيو صحيح ..
ومع ذلك حلو انو الواحد يفتخر فيهم .. وخصوصا اذا كانو هني اجدادو ..

وهالحكي بينطبق على عدة حضارات وأصول ..
وحر الواحد اذا بدو يعتبر حالو عربي ، فرعوني، فينيقي ، سرياني ..

نحنا بالمنطقة خليط .. وفي منا ما بيعرف شو أصلو .. كل اللي بيعرفو واللي تربى عليه انو عربي..
انت يا فادي ما قلت أنو انا فرعوني وسكتت ..
انت صرت تقول العرب هيك وهيك وهيك .. وحتى لنفرض جدلا انو كلامك صحيح ..
شي طبيعي انو واحد اذا كل اللي عندو واللي باقيلو انو هو عربي .. بدو يزعل ويضايق .


وشي طبيعي مني اني اتضايق ..


وبهالمناسبة أنا اختلفت مع كتير ناس بالآراء والأفكار وانا احترمت هالاختلاف وهني احترمو .. فليش بعد 2000 مشاركة الي صرت انا ما بحترم أفكار حدا وبدي كل الناس يفكرو متلي برأيك ؟؟؟

[امرأة من ورق]

كاتب النص الأصلي : Fady007

لانه ببساطه هما الذين تبقوا من كل تلك الحضارات
وتبقوا بفرض احتلالهم و تشددهم وليس بجمال حضارتهم وافكارهم
ولم يفعلون شيء حتي ينضاف الي رصيدهم الايجابي
يبقي لماذا نري الموضوع من منظور مختلف
ونقول انه السبب في اللي احنا فيه حاليا هم بشر اخرين؟
والعرب هما اللي بأيدهم يفعلون مايريدون
لديهم الوطن واللغه والشعب
ماذا فعلوا حتي يتنافسون علي زعامة العالم؟؟؟
بلاش زعامة العالم
ماذا فعلوا لكي يتباهي العالم بحضارتهم وافكارهم ؟

يمكن صحيح انو هني اللي بقو من كل الحضارات التانية بس هاد مابيمنع انو بفترة وجود الحضارات التانية كان لهي الحضارات تأثير كبير...... وبالتالي التأثير السلبي مافيك تعزوه بس للباقيين حاليا وهني العرب

اما انو ليش العرب ماعم يتنافسو على زعامة العالم او التباهي بحضارتهم..... انا برأيي انو عندون كتير هموم كبيرة تانية...... في استعمار دام سنين طويلة وخلف الكتير من الجهل والفقر وهني بحاجة سنين باضعاف سنين الاستعمار لحتى يقدرو يتخلصو من الاوضاع اللي هني فيها حاليا

[Fady007]

حابة ضيف شغلة ..
الفراعنة عملو حضارة رائعة .. بس مو كل شي عملو وآمنو فيو صحيح ..
ومع ذلك حلو انو الواحد يفتخر فيهم .. وخصوصا اذا كانو هني اجدادو ..

طبعا كلامك صحيح

نحنا بالمنطقة خليط .. وفي منا ما بيعرف شو أصلو .. كل اللي بيعرفو واللي تربى عليه انو عربي..

بس ربنا عطانا عقل وحريه لكي نفكر بالاصلح لنا وهو فين ونروحلوا ...ولا ايه؟؟؟

انت يا فادي ما قلت أنو انا فرعوني وسكتت ..
انت صرت تقول العرب هيك وهيك وهيك .. وحتى لنفرض جدلا انو كلامك صحيح ..
شي طبيعي انو واحد اذا كل اللي عندو واللي باقيلو انو هو عربي .. بدو يزعل ويضايق .
وشي طبيعي مني اني اتضايق ..

وايه اللي خلي الواحد
اللي باقيلو فقط انه يكون عربي ...اليست العروبه نفسها هي التي فعلت ذلك؟
علي فكرة ده سؤال خطير جدا

وبهالمناسبة أنا اختلفت مع كتير ناس بالآراء والأفكار وانا احترمت هالاختلاف وهني احترمو .. فليش بعد 2000 مشاركة الي صرت انا ما بحترم أفكار حدا وبدي كل الناس يفكرو متلي برأيك ؟؟؟

مش عارف بس اسلوبك في بعض المشاركات
في الموضوع اللي فتحته لاوديسا ...فاكراه
هو اللي خلاني احكم بكده
عالعموم حصل خير ومافيش اي مشكله نهائي
وانا بفضل احترمك واحترم ارائك

[Fady007]

يمكن صحيح انو هني اللي بقو من كل الحضارات التانية بس هاد مابيمنع انو بفترة وجود الحضارات التانية كان لهي الحضارات تأثير كبير...... وبالتالي التأثير السلبي مافيك تعزوه بس للباقيين حاليا وهني العرب

اما انو ليش العرب ماعم يتنافسو على زعامة العالم او التباهي بحضارتهم..... انا برأيي انو عندون كتير هموم كبيرة تانية...... في استعمار دام سنين طويلة وخلف الكتير من الجهل والفقر وهني بحاجة سنين باضعاف سنين الاستعمار لحتى يقدرو يتخلصو من الاوضاع اللي هني فيها حالي

صدقيني لو ادناهم العمر كله حتي مجيء القيامه
العرب هيفضلوا العرب
وصورة العرب لم ولن تتغير في عيون العالم باكمله

وذلك منذ الفاتح عمرو بن العاص حتي اسامه بن لادن الان
ولسه ماا هو آتي اعظم واكثر توحش ...

فبطبيعة الحال دعنا من فكرة العرب والعروبه نهائيا

[Abu ToNi]

كاتب النص الأصلي : امرأة من ورق

اما انو التاريخ العربي انكتب بالدم.... يمكن معك حق..... بس برأيك في اي حضارة قامت بدون اي تضحيات او اي نزف للدم لافراد شعبها؟؟
وطالما عم تحكو عن الفراعنة القديمين رح ضل معكن فيها..... انو برأيك كم شخص مات مثلا لحتى تم بناء الاهرامات؟؟؟


وتحياتي

ما كان قصدي بالدماء المهدورة دماء افراد الشعب بل دماء الآخرين التي سفكت بدون مقابل

[yass]

سامحوني لأني قريت الموضوع الرئيسي و نطيت كل الردود السابقة.. بيجوز راح احكي شي حدا حاكيه قبلي

بشكل عام لا أعتقد بالقوميات ولا بالعرق الصرف و ما الى ذلك من هذه النظريات. و العروبة بشكل خاص لا أعتقد بوجودها كقومية (رغم اعتقادي بأن العروبة اطار اجتماعي-ثقافي من الضروري الحفاظ عليه).
لا أعتقد بوجود العروبة كقومية و استند باعتقادي هذا على الخلفية التاريخية للدول المصطلح على تسميتها عربية. يفترض أن انتشار العروبة بدء مع الفتوحات الاسلامية (التي هي, بدون الدخول في أمور دينية, ليست أكثر احتلال لمناطق لم تكن خالية, اذ كانت هناك شعوب محلية لها ثقافاتها و لغاتها).
يقول ابن خلدون أن المغلوب يحاول دائما التشبه بالغالب, و في الفتوحات الاسلامية الغالب كان المد الاسلامي, هذا المد كانت لغته هي العربية و ثقافته هي الاسلامية. لكننا لو بحثنا في كتب التريخ لما وجدنا تيار قومي عربي حتى عصور متقدمة نوعا ما.
على مر تاريخ الدولة و من ثم مجموعة الدول الاسلامية لم تكن العروبة شرطا للحكم أو للسلطة, انما كانت هناك اعتبارات ظاهرها دينية و باطنها مصالح عدة.
بدأت فكرة القومية العربية بالظهور غي النصف الثاني من القرن التاسع عشر و في لبنان تحديدا, و كان ذلك محاولة لتقليد الحركات القومية الأوربية التي ظهرت كذلك في تلك الفترة, لكنها كفكرة لم تلق رواجا حتى الحرب العالمية الأولى, حين تبناها الشريف حسين كمبرر لتحالفه مع الانكليز ضد العثمانيين الذين هم مسلمون مثله. ثم تبنت هذا الفكرة العديد من حركات التحرر ضد الاستعمار الأوربي و أهمها حركة الضباط الأحرار في مصر (لاحظوا أن الزعيم الوطني سعد زغلول الذي هو سابق لهذه الحركة كان يتحدث عن مصر كأمة).
العروبة كما قلت ليت أكثر -برأيي- من اطار ثقافي عامل ربطه الأكبر هو اللغة. لكن التمسك بالفكرة القومية العربية أعتقد أنه فكر يوتوبي ليس له ظل في الواقع الاجتماعي.

[Fady007]

يا معلم yass
بصراحه كلامك منطقي
وذو تفكير راقي

[خريف دمشق]

انت عبتغلطي بالتفريق بين اللغة والقومية

البرازيليين بيتكلموا اللغة البرتغالية لأنهم كانوا محتلين من قبل البرتغال بس انتمائهو القومي مانه برتغالي

حبيبي حاجة تخلط الأمور ببعضها!! اللغة العربية مو دولة لتنتمي إلها بينما اللغة الاسبانية هي دولة لهيك ما فيهن البرتغاليين ينتموا إلها! حاجتنا تخبيص!

بس بحب اسالك شو الفرق بين الفتوحات والاحتلال ؟؟

لح جاوبك أنا...

الاحتلال دمار وخراب بينما الفتوحات هي تعمير وتنمية للبلد مع ترك الحرية لأهل البلد لممارسة شعائرهم بل وتقوم الدولة بالدفاع عنهم ضد الأخطار الخارجية! وأكبر مثال على هيك فتح الأندلس وازدهارها بعد ما فتحها المسلمين وكيف وقتها ازدهر العلم وصار الطلاب يقصدوها من كل أنحاء أوروبا ليطلبوا العلم بجامعاتها.

بتمنى يرجع العرب للعصر الجاهلي لأنهم بوقتها ما كانوا منتشرين بالعالم وما كانو عاميين الفساد على سطح الكرة الأرضية

عزيزي كل أمة وفيها الصالح والطالح والفساد موجود بالأمم التانية أضعاف اللي موجود عند العرب وأمريكا واسرائيل وفسادهم أكبر مثال. بقا يا ريت نبتعد عن التعميم اللي ما بقوم فيه غير دوي التفكير السطحي.

طيب بما انه خليط ليش تم نسخ كافة القوميات وطبع كافة الاشخاص العايشين بالمنطقة بالطابع العربي

طيب هي أمريكا انصهر الكل فيها من كل الأعراق وصاروا يحكوا باللغة الانجليزية.

ماذا فعلت العروبه كي انتمي اليها وافتخر بها

ماذا فعلوا لكي يتباهي العالم بحضارتهم وافكارهم ؟

انجازت العرب وفضلهم واضافاتهم للعلوم جميعا تحتاج لكتب للحديث عنها وراجع الانترنت واقرأ عن هذا واذا كنت كسول ومو جاية على بالك تبحث بجبلك مواضيع بتحي عن هالانجازات موثقة تاريخيا!

وكلامك مضبوط علشان كده قلت اني فرعوني قبطي

وما الذي يجعلك متأكدا أنك تنحدر من الفراعنة؟؟! هل عندك صك يؤكد نسبك للفراعنة!

ثم الفراعنة حتى لو كان لهم حضارة مادية وعمار جدير بالاعجاب ولكنهم للاسف فشلوا في الناحية الروحية وقاموا بعبادة تمائيل قاموا بصناعتها وكانوا يعتبرون الفرعون الها وهذا يدل على الدكتاتورية والعبودية التي كانوا يعيشونها! فأرجوك لا تجل الفراعنة وكأنهم ملائكة!!

ليش انا بدي اتشجع واعتز بانتماءي لبلد كتب تاريخه بالدم

عزيزي كل شعوب الأرض ما انتشرت غير بالحروب وكمثال مملكة بريطانيا (التي يعتز بها صاحبنا) ما زادت رقعة أراضيها إلا بحروب قتلت فيها الناس لتوسع رقعتها! اضافة لذلك كان المسلمون يفتحون الدول بأقل قدر ممكن من الحروب ولو تم هذا سلما فكانوا يفضلنوه ثم انهم كانو يقومون بمحاربة من يمثل خطرا وتهديدا على الامة وبالعكس على الشعوب التي دخلها الفتح الاسلامي أن يسعدوا لأن هذا من صالحهم أن يصبحوا مسلمين و ينقذوا أنفسهم من عذاب أبدي!

[امرأة من ورق]

كاتب النص الأصلي : Fady007

صدقيني لو ادناهم العمر كله حتي مجيء القيامه
العرب هيفضلوا العرب
وصورة العرب لم ولن تتغير في عيون العالم باكمله

وذلك منذ الفاتح عمرو بن العاص حتي اسامه بن لادن الان
ولسه ماا هو آتي اعظم واكثر توحش ...

فبطبيعة الحال دعنا من فكرة العرب والعروبه نهائيا

هون بدأنا بالحكي الافتراضي واللي هوي مجرد توقعات مستقبلة لاتنفع في اي حوار عقلاني

[امرأة من ورق]

كاتب النص الأصلي : gabriel

ما كان قصدي بالدماء المهدورة دماء افراد الشعب بل دماء الآخرين التي سفكت بدون مقابل

عزيزي اللي بيسترخص دم شعبو اكيد رح يحس اي دم رخيص وقت الحاجة ووقت اللي بيتوقع انو هالشي فيه مصلحة وطنية حتى لو غلط بمعنى المصلحة الوطنية..... يعني مابظن انو في دماء فعلا سفكت بدون مقابل بس دائما وقت سفك الدماء بيكون في فكرة انو هالشي فيه مصلحة للبلد..... وبرجع قلك انو يمكن يكون مفهوم المصلحة خاطئ

وطبعا لاتفهم من حكيي اني مع سفك الدماء بالعكس انا ضدو تماما بس اللي بدي قولو انو اي حضارة بالكون قامت على سفك الدماء