أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 07/08/2006   #1
شب و شيخ الشباب SABE
مشرف متقاعد
 
الصورة الرمزية لـ SABE
SABE is offline
 
نورنا ب:
May 2004
المطرح:
حمصي عمبدرس بألمانيا
مشاركات:
1,965

افتراضي Forum alone


في ببالي هيك فكرة صغيرة أو رد كنت عمفكر حطو تعليق بموضوع هون ببريد المنتدى رداًً على العضو (( مايسترو )) عميشتكي من وضع الخلافات بين الأديان .. و أنا عمبكتب هالرد, سرحت كتير الظاهر و وقت خلصت لقيت إنو الأفضل يكون موضع منفصل لأنو ماعادو بنوب رد صغير أو تعليق على موضوع ...

من فترة شوي طويلة كانت علقانة هون بالمنتدى العلقة العجيبة, إسلام مسيحية ضمن حوار الأديان , و خود يا معلم على مسبات و تحديات و إثباتات و نظريات و كلمات حتى كبار السياسين ما بيعرفوا يستخدموها .. و هون إنبثقت من ظلام الحرب فكرة إغلاق منتدى حوار الأديان .. و صار كتير لف و دوران و ناس مع و ناس ضد بس بالآخر إتسكر منتدى حوار الأديان ..

بعد بفترة صار في خلافات بين سنة و شيعي بالمنبر الحر, الخلافات ما كبرت كتير لدرجة إنو يصير تدخل من قبل الإدارة لحلها, لأنو بالأساس إجت هالخلافات من كتابات لا علاقة لها بأخوية و من مواضيع بالأصل منقولة من أماكن أخرى ...

بعدها إجت مشكلة السعوديين , أو بالأحرى الخلافات مع السعوديين, و هون عاد شفنا العجب, و قرينا كلمات عجزت قواميس الشوارع كلها عن إستيعابها, و بانت العنصرية على أصولها على كل من الطرفين .. و إتخذت الإدارة مشكورة بعض الإجراءات للحد من هذه الخلافات ضمن بيئة أخوية ..

بعد فترة الأدارة خففت إجراءاتها ضد السعودية, و ما إستفدنا شي .. الوضع رجع متل ما هو و رجعت المشاكل و الإدارة رجعت إتخذت إجراءاتها مرة تاني ..

و هلأ بعد ما عدينا عن المشكلة مع السعوديين رجعنا مرة تاني لمشكلة مع بعض ..

وهون أنا بسأل نفسي دائماً, إنو ليش هيك ؟ طبيعتنا يعني منحب المشاكل , والشغلة الأهم , مين هو رفيقي أو صديقي و مع مين لازم إتقاتل ..

هلأ المتل بيقول , أنا و أخي على إبن عمي , و أنا و إبن عمي على الغريب ...

هون فيني فسر الوضع هيك , بلشنا أول شي سوريا ضد السعودية ..
طلعت السعودية , رجعنا سوريا ( مسلم ) ضد سوريا ( مسيحي )
و متأكد متل ماني شايف الكيبورد إدامي , إنو إذا طرف من هدول الطرفين الأخيرين طلع رح تصير المشاكل هيك على سبيل المثال :
سوريا ( مسلم \ x \ )ضد سوريا ( مسلم \ z \ ) و بعدها كمان رح يصير في إنقصامات لو فرضاً ربح الطرف x و منكمل المعادلة على هاد الأساس :
سوريا ( مسلم \ x -من الحارة الفوقانية- \ )ضد سوريا ( مسلم \ x -من الحارة التحتانية- \ )
و تستمر المشاكل و تستمر و تستمر ... لحتى يفضل بالمنتدى أنا و أخي يلي من أبي و أمي لأنو إبن عمي قوصناه من شي ساعتين لأنو هيك بيقول المتل (( أنا و أخي على إبن عمي ))

بعد فترة ساعتين و كام دقيقة, بكتشف خيانة أخي, بكتشف إنو طلع وثباوي .. و لك أخ .. بعد كل هالعيشة سوا أنا و أنت , و كل هالحروب اللي ربحناها ضد كل الأعداء و آخرتها إنتصارنا على إبن عمي بتطلع وثباوي ... كنا تقريباً 14 ألف عضو بالمنتدى و أنا و انت وصلنا على النهاية و صفينا كل الأعداء من جميع الطوائف و جميع القوميات و جميع محبي هاني شاكر .. و بالنهاية بكتشف هالمصيبة !!! طب ليش ماخبرتني من الأول ..

و بسرعة البرق باخد المسدس اللي مازالت السبطانة تبعيتو سخنة من الرصاصة تبعيت إبن عمي و بلقي نظرة سريعة على مستودع الطلقات بلاقي فيه إسا كام طلقة , لأنو ما صرلي ساعتين زمان معبيه .. و بدون ما عيد التفكير , لأني بالأساس ما فكرت بالموضوع , بصرخ بأعلى صوتي :
وثباويييييي يا حقييي******ر (( قال لازم تتشفر الكلمات هاي )) و طاااااخ ...
و شي ربع ساعة عمبيلعلع صدى صوت الطلقة بادني و بالمنتدى , لأنو المنتدى صار فاضي و بالهدوء بيضل الصدى شي نص ساعة أو تلت رباع الساعة عمبيروح و بيجي و يخبط بهالحيطان و بهالمنتديات الفاضي .. و يعلق شي كام ثانية بالجملة المكتوبة تحت (( أكتر مرة عجقت عنا عالخط : 1,006 يوم 30/06/2006 في 15:19. ))وهون ضحك الصدى و كفى خبيط بهالحيطان .. و طلع لفوق شوي و بيعلق كمان كام ثاني بالجملة (( البشر المنورينا هلق: 1 (1 عضو و 0 ضيف) يا لطيـــــــف!))هون شفتو بعوني عمبيضحك ضحكة خبيثة و بيتسائل بينو و بين حالو .. أنا هلأ ضيف هون ليش مانون حاطين إنو في ضيف ...

أكيد .. ما أنا ضليت لحالي بهالمنتدى ..

شي نص ساعة زمان تاني بيبلش صدى الطلقة تدريجياً بالتلاشي .. و بشعل سيجارة النصر على جميع الأعداء هالمرة عنجد .. نصر نهائي .. ما عاد ضل حدا غيري هون .. كل المعوقات اللي حكيت عنها أزلتها من طريقي , و هلأ فيني كفي الطريق .. بس المشكلة إنو ...

لوحدي

أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة

أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/08/2006   #2
شب و شيخ الشباب SABE
مشرف متقاعد
 
الصورة الرمزية لـ SABE
SABE is offline
 
نورنا ب:
May 2004
المطرح:
حمصي عمبدرس بألمانيا
مشاركات:
1,965

افتراضي


ملاحظة : الموضوع اللي طرح

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و أنا رديت عليه بهالموضوع موجود في بريد المنتدى لذلك وضعت الرد أيضاً في بريد المنتدى ..
  رد مع اقتباس
قديم 07/08/2006   #3
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


يا معلم كلامك كلو حكمة ورقي

بس بدك مبن يفهم هال الحكي يلي تفضلت فيه

ومشكور وانا اذا بدك رايي وانا هاد بعملو لو كنت مشرف

هاد الكلام يلي قلتو بحطو برسالة خاصة وببعتو للكل هون بالاخوية

حتى ما حدا يتغاضى عنو وكل فترة وفترة ببعتو

ايييييييييييه يرحم ايام الاخوية القديمة مع اني انا مشترك صرلي شهرين بس بعرفها من زمان


ومشكور

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 07/08/2006   #4
شب و شيخ الشباب الطرمبجي
عضو
-- أخ لهلوب --
 
الصورة الرمزية لـ الطرمبجي
الطرمبجي is offline
 
نورنا ب:
Jul 2006
مشاركات:
88

افتراضي


بيني و بينك يا معلم .. أخر شي رح يقوص حالو

أذا كان قتل مليون بريء يؤدي ألى قتل مذنب .. فهو شيء جيد ... و من الحسن تكراره من فتر ألى أخرة ..
  رد مع اقتباس
قديم 07/08/2006   #5
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


ولك SABE فكرت تدرس اخراج شي ؟؟


هاد تعليقي مارح علق عل صلب الموضوع لأنو مافي داعي للكلام كلشي واضح

"أوقفوا حجب أخوية في سوريا"
-------------------
يا نبع المحبه.... عينك عَ وطنا
-------------------
فلتحيا سوريا للأبد
واكسيرها للخلود سيكون دماء محبيها ..
-------------------
ساعدنا في الاشراف... استخدم زر المشاركة العاطلة
  رد مع اقتباس
قديم 07/08/2006   #6
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


العرب لا يعرفون القراءة, واذا قرأو فأنهم لا يفهمون.

كلامك ما رح يعمل شي

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 07/08/2006   #7
صبيّة و ست الصبايا Gazita
عضو
-- مستشــــــــــار --
 
الصورة الرمزية لـ Gazita
Gazita is offline
 
نورنا ب:
Dec 2005
المطرح:
Casablanca ma ville et ma vie
مشاركات:
4,831

افتراضي


اسفين اذا غلطنا شي ومتل ما قلت الخناقات وبتكون من نفس الطائفة.بس هي المشكلة ما بتفارقنا .وانشا الله نتخلص منها وما نكرر الغلط وما نزعل حدا هالشهرين اللي فاضلين

(¯`v´¯)غزلان زهرة نيسان(¯`v´¯)






(¯`v´¯)Le souvenir du bonheur n'est plus du bonheur ; le souvenir de la douleur est de la douleur encore.(¯`v´¯)







(¯`v´¯)اخوية صبية وست الصبايا(¯`v´¯)
  رد مع اقتباس
قديم 07/08/2006   #8
شب و شيخ الشباب TheLight
مشرف
 
الصورة الرمزية لـ TheLight
TheLight is offline
 
نورنا ب:
May 2006
المطرح:
عند ساركوزي اللعين..
مشاركات:
3,091

افتراضي


اااااااااااااااااااااااااااخ

كل الحق ع اميركا واسرائيل الحقيرين

بس كلامك حقيقي وبيلمس كل واحد فينا وانا اول واحد

وراح بلش اشتغل ع حالي من اليوم

I am quitting...
  رد مع اقتباس
قديم 07/08/2006   #9
صبيّة و ست الصبايا ~YAFA~
عضو
-- زعيـــــــم --
 
الصورة الرمزية لـ ~YAFA~
~YAFA~ is offline
 
نورنا ب:
Jun 2006
المطرح:
mY CrazY CornEr
مشاركات:
1,728

افتراضي


الى صاحب الموضوع ..
انا معك بكل الحكي ... وانا ما بفوت منتدى حوار الاديان عشان هيك ما بعرف شو المشكلة الي فيها

بس المهم انو احنا بنعبد رب واحد فا ليش الاختلافات هاي كلها ...

وبالنسبة للموضوع السعودية انا تابعتو كلو وكان الحق عا السعوديين الي ما عرفو يمثلو بلدهم بهيك منتدى راقي ....


اما الشيعة والسنة .....

فإنا من بلد مافيه شيعة وإن ووجد فهو مش بهاي النسبات الكبيرة انما قليلة جدا جدا فما بعرف شو يعني خلاف بين الشيعة والسنة لهيك ما بحب ادخل ....

بس احنا لازم نكون اكتر جدين ونتخلى عن كل هاي المشاكل وعلى قولة الفيلسوف الفرنسي (ما بعرف اسمو)

انا بالصدفة فرنسي..
بالولادة مسيحي
وبالضرورة انسان

يعني بالصدفة فرنسي لانو كان بين الحظة والتانية كان ممكن ينولد بإي بلد تانية
وبالولادة مسيحي يعني عشان امو وابووه طلع مسيحي مش عشان اشي تاني ...

ولكن الاهم من الدين والبلد انو انسان وهادا هو الاهم والي انخلق ليكون انسان ..!!

________________
أنــا إنسانــــة بـــلا حــــــــدود


طيب بس نلون التوقيع :D


I Cared, I Was Hurt . I Took Risks, I Failed . I Sacrificed, I Lost . I Hoped, I Gained Nothing
  رد مع اقتباس
قديم 07/08/2006   #10
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي




طيبــــــــــــــــة ابن العم

بس مع هيك انا بشك انك تضل لحالك ...الا ما يضل معك أخر شي شي صبية ..... ولوووووووووووووووو

J.S: Death is the solution to all problems. No man = No problem.
  رد مع اقتباس
قديم 07/08/2006   #11
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


هلق مع انك اخر الشي قوستني بس رح ارضاها منك ورد عليك ...

انا اول ما اريت الموضوع مبارح كان في عندي وجهة نظر مختلفة شوي .. انو كل عمرو في اختلاف بالراي بين العالم .. وما بيصير تنين عندون نفس التفكير 100 % حتى اخوك الي هوي اخوك ... بس هادا ما يعني انون كلون غلط وانتي الصح ... بس لما قريت الردود تبعيت التراتيل حسيت انو معك حق لانو لو وقتا كان معي فرد وكنت شايف هاي الاخت كنت قوستا كمان .. بس الله سترا انو ما عندي غير هالكيبورد الي فيني بس اكتب فيه ...
بس المهم منرجع للموضوع .. انتي كلامك هاد صح . لانو في كتير عالم الله خلقة ما بتعرف تناقش .. بتعرف بس ترد وتقاتل وتجرح الي عما تحكي معو ..
يعني وقت فترة السعودين .. صارو كل العالم يتقاتلو معون .. وما اجا ولا واحد سعودي متل الخلق والعالم خرج يناقش وخرج الواحد يحكي معو ... كلون بيجي لانون شافو شي موضوع ضد السعودية وبدون يردو عليه ....
وقت الخلافات تبعيت حوار الاديان .. كمان وقتا كل مين كان عما يغلط التاني يعني ما حدي حب يحكي مع حدا .. او يتناقشو سوا .. لاء بالعكس كل مين يجيب شي بيكذب التاني .. وبجوز الدين يكون في شي مميز لانو في كتير خطوط حمرا الواحد ما بيصير يتخطاها .. بس المشكلة انو ما حدي اخد هالشغلة بعين الاعتبار ....
ومشان خلافات المنبر الحر بين الشيعة والسنة .. كمان هاي الواحد ما فينو يحكي شي عن الموضوع ... لانو تيناتون بيفكرو انون هني الصح .. والتاني كافر وما بيعرف الله .. انو ليش لحتى ما يقبلوا بالرأي الاخر ... وهاي المشكلي ما بس عند المسلمين .. كمان هاي الشغلة في منا بالمسيحية كمان .. يعني المسيحي الكاتوليكي بيقول انو المسيحي البروتستانتي كافر .. وهاي المشكلة لهلق اساتة موجودي بدول متل ايرلندا.. بس المشكلة انو معد متل ابل .. يعني لهلق بيصير في مشاكل بيناتون بس ما بتتقارن هلق بالوضع بين السنة والشيعة تبع العراق مثلا ....
والحكي هادا فينك تكفي عكل الاحتمالات تبعيتك ..

بس انا براي انو فينا نغير الخاتمة تبيعيتك .. يعني بدال ما اخر الشي تقوسني وتضل لحالك نلاقي حل تاني للموضوع ..
فينا ناخد اورويا بشكل عام كقدوي النا .. هون بالعصور الوسطى كان القتل والدبح شغال على ابو جنب .. بس شوفون هلق . كلون قاعدين حبابين وصارو من ارقى دول العالم .. يا ترى ليش؟؟؟
انا بعتقد لانون اتلو بعض بما فيه الكفاي واخر الشي ملو من هالقصة .. يعني ملو من شغلة التار لانو كل مين صار عندو تار ما بينرد لو قضى عالبشرية كلا .. وهيك اقتنعو الشباب انو خلص مافي حل للموضوع .تيناتون موجودين ولازم يعيشو مع بعضون .. ومافي عندون احتمال تاني ..

ونحنا هلق عما نرجع نعيد نفس فترة العصور الوسطى تبعيت اوروبا .. ورح نضل نقتل لبعضنا لحتى نرجع نمل .. يعني ابو تلاتين اربعين سني بعدين منرجع متل البني ادمين .. ومقتنع انو فينا بدال ما نقتل الشخص المعارض نقدر نعيش معو ونتفاعل معو كمان .. بس انو الشغلة بدا شوية وقت لحتى الكل يفيق من النوم تبعو ...

وبهالحالة ما بتضل لحالك باخوية وتكتوب موضوع لحالك وبعد شوي ترد عليه ... بيكون في كتير عالم معك ... بس وقتا ما بيكون محمد وجورج وحسن وبينيامين وكيشنر .. وما بيكون في شلة ال الاسد وال سعود و ال نصرالله وال مبارك ..
بيكون في بالاخوية الاخ .... والاخ ... والاخ ... بغض النظر من هني او بشو بيامنو او منين جاين ... وقتا منكون كلنا سوا وكلنا فهمانين بعضنا ....

بس انو هادا الحكي بالنسبة النا كلو نظري هلق... ولبين ما يطبق لازم نمر بكل مراحل لخناق .. وما حدي بيوصل عالنهاي الا اذا مرق عليه كلشي ... وانشالله تكون اخوية هلق عما تمر بمرحلة لخناق وتخلص منا بسرعة مشان اخر الشي تصير اخوية الرايقة والهادي الي بيحلم فيا كل واحد هون ....

انا لست على هذا العالم كي اكون كما يردني الغير ان اكون

العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه

We ask the Syrian government to stop banning Akhawia
  رد مع اقتباس
قديم 07/08/2006   #12
شب و شيخ الشباب HashtNasht
مشرف متقاعد
 
الصورة الرمزية لـ HashtNasht
HashtNasht is offline
 
نورنا ب:
Oct 2003
المطرح:
قدامك ...مانك شايفني !
مشاركات:
3,438

افتراضي


اقتباس:
بس احنا لازم نكون اكتر جدين ونتخلى عن كل هاي المشاكل وعلى قولة الفيلسوف الفرنسي (ما بعرف اسمو)

انا بالصدفة فرنسي..
بالولادة مسيحي
وبالضرورة انسان

يعني بالصدفة فرنسي لانو كان بين الحظة والتانية كان ممكن ينولد بإي بلد تانية
وبالولادة مسيحي يعني عشان امو وابووه طلع مسيحي مش عشان اشي تاني ...

ولكن الاهم من الدين والبلد انو انسان وهادا هو الاهم والي انخلق ليكون انسان ..!!
و الله على عيني انتي و هالفيلسوف المجهول

بالمناسبة ..نقلولنا الموضوع ع الصالون
  رد مع اقتباس
قديم 07/08/2006   #13
شب و شيخ الشباب majd88
عضو
-- أخ لهلوب --
 
الصورة الرمزية لـ majd88
majd88 is offline
 
نورنا ب:
Mar 2004
المطرح:
Homs-Syria
مشاركات:
257

إرسال خطاب MSN إلى majd88
افتراضي


أنا برأيي أن نترك المجال للحوار وأن يأخذ أبعاده فلا خطورة في ذلك

فكلنا نعيش في دول قمعية ونجد صعوبة في التعبير عن أفكارنا وجه لوجه
لذلك استعنا بهذا المنتدى لذلك أطلب من الإدارة ألا تتدخل في موضوع......
ومهما كانت النقاشات حادة وعنصرية فإنها أفضل من التقاتل في الشارع وفيها فائدة ولو كانت غير منظورة على المدى القريب

مع التحية

بلادي وإن جارت علي عزيزة
وأهلي وإن جاروا علي كرام
  رد مع اقتباس
قديم 07/08/2006   #14
شب و شيخ الشباب SABE
مشرف متقاعد
 
الصورة الرمزية لـ SABE
SABE is offline
 
نورنا ب:
May 2004
المطرح:
حمصي عمبدرس بألمانيا
مشاركات:
1,965

افتراضي


اقتباس:
يا معلم كلامك كلو حكمة ورقي
مشكور يا معلم .. بس بالله إذا نجح الإنقلاب تبعك تتركلي شي كرسي بالوزارة الجديدة .. يخليلنا ياك


اقتباس:
بيني و بينك يا معلم .. أخر شي رح يقوص حالو
هيك كانت رح تكون النهاية ومنلاحظ هالشي لما نظر إلى مخزن الطلقات و شاف فيه إسا كام طلقة , بس الكاتب قرر إنو يترك النهاية مفتوحة, قال هو بيحب النهايات المفتوحة..

اقتباس:
لك SABE فكرت تدرس اخراج شي ؟؟
إذا درست إخراج ممكن إطلع مطرب ؟؟

بس بتعرف الوسط الفني ما كتير بيواتيني , بيظهر عندي أعراض جانبية (( من جنب اليمين بالعادي ))

اقتباس:
كلامك ما رح يعمل شي
هاد الشعور الي صابني بعد قراءة هالجملة هو ما يطلق عليه في القواميس (( الإحباط ))

اقتباس:
كل الحق ع اميركا واسرائيل الحقيرين
هاي هيي الحجة البيرفيكت اللي أعطاها القدر لكل العرب للرد على جميع المشاكل و التي أغلبها طالعة من عنا ..

اقتباس:

ولكن الاهم من الدين والبلد انو انسان وهادا هو الاهم والي انخلق ليكون انسان ..!!



اقتباس:
طيبــــــــــــــــة ابن العم

بس مع هيك انا بشك انك تضل لحالك ...الا ما يضل معك أخر شي شي صبية ..... ولوووووووووووووووو
إبن العم سؤال .. الصبية اللي بتضل معي للآخر أنا باختارها .. أو الجمهور بيختارها , أو بتكون إفتراضية نازلة مع المنتدى ؟؟

اقتباس:
handsome
ولك انت مبارح قوصتك ... شلون رجعت كتبت رد هون
ملاحظة : اللي ما بيعرف بيكون handsome أخي ... الصغير
و على فكرة الفكرة اللي انت طرحتها ماشي حالها .. بس أنا برأي العطل من المينتاليتيت تبعيت العرب .. يعني النوعية تبعيتنا .. هيك خيو نحنا شعب منكره بعض, بسبب أو بدون سبب .. بس أنا بتمنا يكون حكيك صحيح ...

اقتباس:
بالمناسبة ..نقلولنا الموضوع ع الصالون
خيو إذا زاعج الموضوع هون والله بينتقل من عيوني التنتين ..

هلأ إذا في فائدة من نقلو مننقلو .. أما إذا ما في فائدة من نقلو, منخليه هون

اقتباس:
دول قمعية
قصدك من الناحية الشكلية ؟؟؟
  رد مع اقتباس
قديم 07/08/2006   #15
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


هلق أنو اللي عم تحكيو كتير حلو ... وكتير رهيب ...
بظن انو هي أزمة بالمجتمع العربي بشكل عام ... ما منقدر نحترم اختلاف الأخرين ... ومنحب نتجمع مع مين بيشبهونا لنكتشف بالأخير انو ما حدا بيشبهنا تمام ... وأنو الكل مختلفين
طرحك للموضوع كتير كتير كتير حلو ...
بس اشد على يد أخي حشت نشت بوجوب نقل الموضوع إلى الصالون

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 07/08/2006   #16
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


سعيد الحرامي اللص المحتال ...


كيف بتسرق الفيلم تبع الله ؟؟؟

لك هاد الفيلم لالله .. بطولة الله

و اللا لا ؟؟؟

لا لا


هداك الجزء التاني من قصتك

انت بتبقى لوحدك بالمنتدى، و يمكن بالنت كلها كمان

بيقوم بييجي الله (هي بالجزء التاني) بيبعتلك ملاك الموت بيقبض روحك، و انت بتولول و هيك...، بعدين بيبعتو لعند سيرافيم مدري شرشبيل، شي ملاك من هدول ... بيبعتلو ملاك الموت بيقبض روحو ، كمان بيولول و ما بعرف شو، بعدين بيبعتو لعند جبريل (مو تبع الشعبية، هداك خلص من زمان) جبريل الملاك، و نفس الشي يللي صار مع اللي قبلو بيصير معو، ولولة و حركات

هلأ وين الحبكة يا حزرك؟
الحبكة لما ما بيضل غير الله و ملاك الموت .. بيقوم الله بيقللو لملاك الموت يقبض روح حالو (شوف من لسردة انت) اي و نفس الشي ولولة و اللذي منو، و بيضل الله لحالووووووووو

بيجعر هديك الجعرة، بتصير بترجف حيطان هديك الشغلة السودا ... و بيقول بصوت عالي كتيييييير ... "الزلمة فيكم يقرب"

تمت

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 07/08/2006   #17
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : krimbow

بيقوم بييجي الله (هي بالجزء التاني) بيبعتلك ملاك الموت بيقبض روحك، و انت بتولول و هيك...، بعدين بيبعتو لعند سيرافيم مدري شرشبيل، شي ملاك من هدول ... بيبعتلو ملاك الموت بيقبض روحو ، كمان بيولول و ما بعرف شو، بعدين بيبعتو لعند جبريل (مو تبع الشعبية، هداك خلص من زمان) جبريل الملاك، و نفس الشي يللي صار مع اللي قبلو بيصير معو، ولولة و حركات

هلأ وين الحبكة يا حزرك؟
الحبكة لما ما بيضل غير الله و ملاك الموت .. بيقوم الله بيقللو لملاك الموت يقبض روح حالو (شوف من لسردة انت) اي و نفس الشي ولولة و اللذي منو، و بيضل الله لحالووووووووو

بيجعر هديك الجعرة، بتصير بترجف حيطان هديك الشغلة السودا ... و بيقول بصوت عالي كتيييييير ... "الزلمة فيكم يقرب"

تمت
الله ... بس أفهم شو عاملك الزلمة ... ؟؟؟
الزلمة كتير مسالم وحباب ...
وبعدين هالفيلم الرعب انا شايفتو . وما حبيتو وقتا .. بس كان عزراييل هوي اللي بياخد الأرواح
بس أنا ضامنة حالي مطولة ... شنو الله بيحب الرواق ما بدو صرعة فوق
  رد مع اقتباس
قديم 08/08/2006   #18
شب و شيخ الشباب SABE
مشرف متقاعد
 
الصورة الرمزية لـ SABE
SABE is offline
 
نورنا ب:
May 2004
المطرح:
حمصي عمبدرس بألمانيا
مشاركات:
1,965

افتراضي


شو عنجد في هيك فيلم ؟؟ هاتو الإسم خلونا نشوفو ..
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 01:18 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18013 seconds with 13 queries