المساواة بين الرجل والمرأة

[majd88]

وأقصد بلعب المرأة الدور نفسه في المجتمع أي مشاركتها بكل القطاعات الاجتماعية والعملية.
العمل السياسة الاقتصاد..........الخ
ادلِ برأيك وعبر عنه.

[الكبير]

نعم تسطيع المرأة أن تشارك الرجل بكل المجالات
وأضيف: يجب على المرأة أن تشارك الرجل بكل المجالات
لأن من يعمل ويرى نجاح الأعمال التي يقوم بها رجال مع نساء في كل المجالات
يأسف بشدة على أيام كانت المرأه بها في المنزل
ولكن الإدارة يجب أن تكون للرجل لسبب بنيته الجسدية الأقوى وإمكانية تحمله الظروف الشاقة
وشكراً

[Joe]

كاتب النص الأصلي : الكبير

ولكن الإدارة يجب أن تكون للرجل لسبب بنيته الجسدية الأقوى وإمكانية تحمله الظروف الشاقة
وشكراً

ليش؟
حتى لو كانت ادارة مكتب أو مؤسسة أو بورصة أو مستشفى.... ؟

[Hus]

انا ماني مع انو تلعب المرأة نفس دور الشب بالمجتمع .. ما بينفع
المرأة مراة والرجل رجل وكل مين ليه دور بالمجتمع
انا مع المرأة الي بتلعب دورها بالمجتمع
ولو بيكون النقاش شو دور المرأة بالمجتمع بيكون افضل ..

انا مع عمل المرأة ومع انطلاق وتحرر المرأة و مع انفلاتات المراة اذا بدك ومع تسيب المراة كمان .. فعلا وصدقا لا اري في هذا اي شي خاطى ..
بس في فهم عام صاير بالمجتمع وبمجتمع المراة للحرية ..
المرأة تطالب الرجل بالحرية وبحد ذاته مطالبة المراة بالحرية (طلبها بالباطن من الرجل) هي تقول انو انا حرييتي بايدك وانا مصيري بايدك وانا وانا وانا ...
حرية المراة ودورها بالمجمتع مو الرجل هوي الي بدو يمنحها ياهم هذا شيئ طبيعي وطبيعي جدا ..
والمفروض ما يكون في للرجل اصلا اي صلطة على حرية المراة .. من وين هوي عم يستمد صلطو بان يقول لا تعملي ولا تزهبي عشان انتي امراة ولا تفعلي عشاان انتي امراة ..
شو هال المصخرة

[mhmary]

أنا ماني مع لعب المرأة نفس الأدوار الذي يلعبها الرجل في المجتمع وكمان ماني مع لعب الرجل كل الأدوار التي تلعبها المرأة في المجتمع

[Syrian_Prince]

يا جماعة الخير سؤال واحد بس
ليش انتو بتساوو بين المرأة والرجل بموضوع الشغل
هلاء الله خلق هالدنيا وخلق فيها الرجال الو وظائف والمرا الها وظائف
انا برأي انو لازم كل واحد يئوم بوظائفو من دون تجاوز للاخر
يعني بالنسبه للمراءة شغلها ببيتها وجمب ولادها وزوجها هوه المكان المناسب الها

تحياتي

[majd88]

أنا مع شغل المرأة بالمجالات المهنية لأنو ضروري لتطور الحياة والمجتمع اللي ما بتشتغل فيه المرأة يفقد نصف طاقته الانتاجية وبينخفض التطور فيه للنصف. فالمرأة لم تخلق للعمل بالبيت ولم يخلق الرجل للعمل خارجه
بعدين العمل هو حق للمرأة لانا عم تتأهل علميا متل الرجل وعم تدرس بنفس المدارس وبتخضع لنفس الفحوص وبتنال نفس الشهادات.
وإذا لعبت المرأة دورها الكامل في المجتمع فهادا لايعني الخلط بين مفهومي المراة والرجل فالعمل لا يشكك في أنوثة المرأة ولايضعف رجولة زوجها.
بل عمل المراة ضروي للأسرة لترفع مستوى معيشتها وتحقق لأولادها حياة كريمة وتعطيهم فرصة للحياة السعيدة والنجاح.

[dimozi]

طبعا المرأة مساوية للرجال بكل شي ........ بكل المجالات و الإختصاصات , و اي حكي خلاف ذلك مرفوض تماما .
من حق المراة تعمل اللي بدها اياه و تشتغل الشغل اللي بيناسبها اذا كانت عندها المؤهلات
اصلا المجتمع ما بيتلحلح الا اذا شدوا النسوان فيه حيلن شوي و بلشوا يتحركوا

و عيني رب النسوان




و اسلمن



ديموزي

[keko]

طبعا المرأة مساوية للرجال بكل شي ........ بكل المجالات و الإختصاصات , و اي حكي خلاف ذلك مرفوض تماما .
من حق المراة تعمل اللي بدها اياه و تشتغل الشغل اللي بيناسبها اذا كانت عندها المؤهلات

آخخخخخخخخخخخ يعني بدكن تجبروني اتدخل وانا عندي فحص وما حابب ضيع وقت هلق
بس يلا مو خسارة فيكون

يا سيدي المرأة ممكن تكون في أي مكان ممكن أن يكون فيه الرجل
لكن هل ستكون بنفس الكفاءة تبع الرجل أو بالاحرى هل سيكون الرجل بنفس الكفاءة تبع المرأة بكل المجالات
هون بتتفاوت النسب هالشي تابع لنوع العمل و ظروف العمل وطبيعة الشخص (دون النظر لكونو رجل أو مرأة)
لكن في مجالات لا تقدر المرأة الدخول فيها كما لا يقدر الرجل الدخول في مجالات خاصة بالمرأة

المساواة تكون بالمساواة في الحقوق يعني بحق للرجل ان يأخذ قراره بنفسه مثلا إذا يجب أن يحق للمرأة أن تأخذ قرارها بنفسها أيضا
يحق للرجل أن يذهب للجامعة إذا يحق للمرأة أن تذهب للجامعة
يحق للرجل ممارسة الجنس (وأنا ما مع هادا الشي ...) إذا يجب أن يكون للمرأة الحق في ممارسة الجنس
لا يحق للمرأة أن تتزوج أكثر من رجل إذا يجب أن لا يحق للرجل أن يتزوج أكثر من مرأة ...
هاي المساواة على كل الصعد تماما

المساواة تكون أيضا على صعيد الواجبات.. يعني
واجب على المرأة أن تخضع لزوجها إذا واجب على الرجل أن يخضع لزوجته
واجب على الرجل تقديم المرأة إذا واجب على المرأة تقديم الرجل
واجب على المرأة احترام الرجل إذا واجب على الرجل احترام المرأة
........
شوفو لو كان الوضع هيك قديش منكون مرتاحين


بالنهاية المرأة والرجل من صنع الله ولا يوجد لحدا منن أفضلية على حدا
بس في قدرات طبيعية لازم نحترمها وما ننساها

يعني بالنسبه للمراءة شغلها ببيتها وجمب ولادها وزوجها هوه المكان المناسب الها

والله هالحكي مرفوض الا إذا كان برأيك شغل الرجل بالبيت و مكان الرجل بجانب زوجتو واولادو

[majd88]

كلام مظبوط ونضيف,
أما عن كفاءة المرأة في المجالات العملية فهي (برأيي) بسبب ضيق تجريتا الحياتية بمجتمعنا فتربية البنت غير تربية الشب. فالبنت من الصغر بتنحجب عن شغلات بينما بينسمح للشب بهالشغلات وهادا الفرق اللي بخليها أقل كفاءة.

[Hus]

دقيقة هلق في موجة عامة بيجوز وهون تحديدا مع المساواة وحقوق المرأة بس يا عمي كمان بالعقل يعني ما بدنا انزودها
المرأة تاخد حقها واتشتغل وكلشي بدها تعمل بس في ليها واجبات ما الرجل هوي الي بيفرضها عليها بل طبيعة الحياة
طبيعة الحياة انو المرأة هيي الي بتجيب اولاد وهيي اقدر من الرجل في تربيتهم بطبيعة سايكولوجية المراة
اي ما بدنا كمان تنزل تشتغل و تسيب بيتها داشر .. لا ما صح هيك .. اذا بتقدر اتوفق بين بيتها والشغل تشتغل بس اذا ما فيها اتوفق
البيت اولوية عن الشغل

نقطة تانية مو الموهم بعمل المرأة رفع المدخول تبع البيت وهيك .. جزء قد يكون مهم بس الاهم برأيي هو المرأة بحد زاتها
المرأة الي بتشتغل نفسيتها بتكون احسن .. بتحس بقيمتها اكتر وبتحس بانتاجيتها اكتر ..
المراة الي ما بتشتغل وقاعدة بالبيت بشكل لا ارادي ولا واعي بدها مع الوقت اتصير خاضعة للرجل مو لانو الرجل بيحسسها بهيك ابدا
بل بحكم انها غير منتجة (بالمنظور العام) والرجل منتج بالمنظور العام

يعني انا مع عمل المرأة منشان مصلحتها هيي ومنشان بناء شخصيتها بطريقة سليمة اكتر بالتالي بتقدر تربي اولادها بطريقة افضل وبالتالي بتقدر تخلق مجتمع افضل وافضل

[majd88]

بس ما فينا ننكر أهمية عمل المرأة على الصعيد المادي، صحيح أنو للعمل دور بتفعيل طاقات المرأة وبناء شخصيتها.
بس كمان بتأمن للأسرة مدخول تاني مهم بحسن الوضع، وبصير للولاد فرصة مستقبل أحسن بما أنو الظروف أحسن

[HashtNasht]

ما بعرف إذا الشباب انتبهوا مزبوط ع السؤال قبل ما يجاوبو
السؤال :هل أنت مع لعب المرأة الدور نفسه الذي يلعبه الرجل في كل المجالات؟؟
يا أخي
أنا شو الي علاقة
يعني إذا كانت المرأة بدا تلعب شو ما كان نحنا الزلم ليش لنوجع راسنا؟؟
خليا تلعب ع كيفا و هيي بعدين منا لحالا وقت بتلاقي الشغلة صعبة عليها بتقلك بطلت
أنا بدي اتجوز و اقعد بالبيت
يعني ما محرزة القصة كل هالنقاشات
خلونا نشوف بطولة أمم أوروبا أهم برأيي
و الله أنا هيك شايف

[COSTA]

الرجل له دوره في الحياة والمرأة ايضا
بس هون بتختلف البيئة والمجتمع يللي عايشين فيه
وبحسب طبيعة المجتمع بكون دورهون بالحياة
مافينا نجيب رجل من نص افريقيا ونقلو عيش مع امراة من شرق اسيا ..... لانو هدول كل واحد ربي ببيئة مناسبة لطبيعة جسمو وطبيعة المناخ يللي عاشو فيه
هلأ المراة بتقدر تلعب تقريبا كل المجالات يللي بيلعبها الرجل ....
بس كمان بتقدر المراة بتكوين جسمها على الاعمال المجهدة ؟؟؟ اكيد لاء
وبنفس الوقت ما بيقدر الرجل يقوم بكل اعمال المراة
والشغلة انا بشوفها نسبية

[ما بعرف]

كاتب النص الأصلي : COSTA

الرجل له دوره في الحياة والمرأة ايضا
بس هون بتختلف البيئة والمجتمع يللي عايشين فيه
وبحسب طبيعة المجتمع بكون دورهون بالحياة
مافينا نجيب رجل من نص افريقيا ونقلو عيش مع امراة من شرق اسيا ..... لانو هدول كل واحد ربي ببيئة مناسبة لطبيعة جسمو وطبيعة المناخ يللي عاشو فيه
هلأ المراة بتقدر تلعب تقريبا كل المجالات يللي بيلعبها الرجل ....
بس كمان بتقدر المراة بتكوين جسمها على الاعمال المجهدة ؟؟؟ اكيد لاء
وبنفس الوقت ما بيقدر الرجل يقوم بكل اعمال المراة
والشغلة انا بشوفها نسبية

ما رح قلك نكوشة لاني فهمان شو عم بتساوي

القصة مو قصة مساواة
القصة هي انو الرجل او المرأة ياخد دوره الصحيح بالحياة وكلمة مساواة بيصنعها القانون الصحيح (من حيث المواطنية ) بس هون في شغلة كتير مهمة : طالما الاديان عم تلعب دور كبير بتكوين قوانين المجتمع والتأثير عليها فلا يمكن ابداُ ان تحدث مساواة بالمعنى الحرفي للكلمة