مسابقة الشعر (1)

[عاشق من فلسطين]

مرحبا بالجميع أنا حبيت بعد أذن كل أعضاء المنتدى أني اعمل مسابقة شعرية ..
ورح تكون دورية وعلى الشكل التالي :
1- بختار أنا موضوع للقصيدة .
2- يقوم المشاركون بالكتابة عن الموضوع (قصيدة تفعيلة أو قصيدة نثرية ) على أن يحاول المشترك الالتزام قدر الأمكان بالقواعد الشعرية للنمط الذي أختاره في كاتبة قصيدته ( قصيدة نثرية أو تفعيلة ) ..
3- يتم التصويت كالعادة على أجمل قصيدة ..
الموضوع الأول سيكون عن الوطن ..
يعني كتابة قصيدة عن مفهوم الوطن عندك وشو قيمتو عندك (سلبا" وايجابا") ..
بالنسبة لقواعد التفعيلة بظن الغالبية من اللي بيكتبو بيعرفوها .. أما القصيدة النثرية فقواعدها كالتالي :
1- عدم وجود قافية بالقصيدة ..
2- عدم وجود وزن بالقصيدة ..
3- عدم وجود صور مفضوحة عن مضمون القصيدة ( يعني اللي بدو يكتب قصيدة نثرية يحاول يكون غامض ويلف ويدور حول الموضوع دون أن يذكره علانية )

وأتمنى أن أجد مشراكات لأن ذلك يفرحني جدا" ...
ومشكورين على تحمل غلاظتي :
اذا الموضوع الأول هوي عن الوطن ..
يالله بلشو ..
وبالمناسة الفائز بالمسابقة الأولى هوي اللي رح يحدد موضوع المسابقة اللي بعدها ( يعني موضوع القصيدة )

وبالمناسبة السماح للمشاركات رح يطل مسموح حتى 5/3/2005 وبعدها رح نقفل المشاركات ونبلش التصويت ..
لحقوا حالكن ..

[mhmary]

حلوة الفكرة وأنا رح بلش وحط قصيدتي بس أسف أذا كانت ما على التفعيل أو شي لأنو ما عندي فكرة على الموضوع


أحببتك منذ ولدت
من الحظة الأولى التي رأيتك فيها
من المرة الأولى التي أستطعت فهمك فيها
من اليوم الأول الذي أختبرتك فيها
منذ أن عرفت أخطائك الكثيرة ورغم ذلك أحببتك لورعة لشخصك
عذبتني ......
شردتني ....
أذللتني ........
حاولت كثيرا أريد أن أبقى معك لا أفارقك
ولكنك لا تدعيني كأني عدوك الدود أو أنك لا تعرف التعبير عن حبك
لم تعد هناك أية فرصة للحياة معك أنهيت كل أمالي المتبقية
هجرتك وروحي مازالت معك تعزبني تشعروني بأني أنا المزنب رغم كل شيء

أههههههه كم أحبك يا وطني.........

[عاشق من فلسطين]

حلوة كتير .. ومو مشكلة بالنسبة للتقيد بالقواعد .. المهم أنو تكون نابعة من القلب ..

لك وين الشباب ... وين المواهب ...

[حسون]

وطني
يا كلمة محفورة على قلبي
يا من ولدت لأجلك
و سأموت لأجلك
يا حبي
كل الدنيا
من المحيط إلى الخليج
بالنسبة لي
و لعيني
و لقلبي
فمن دونك
ما عرفت من أنا
و لا عرفت أين دربي

[عاشق من فلسطين]

حلو كتير حركو الشباب

[عاشق من فلسطين]

الانتماء..

صرخة الولادة الأولى ..
جاءت لتعلنني الها" ..
ينتمي الى أرض الفردوس..
جاءت لتقطع حبلي السري..
وتصلني برحم الأرض
حبلا" لا مرئيا" ..
تنسجه الفطرة ..
فتستل من شراييني ..ريشة" ..
لترسم وشما" في القلب والذاكرة..
يتخذ شكلا" غامضا" ..
يعرفه العشاق ..
..
صرخة الولادة الأولى ..
أعلنتني جريحا"
وعلمتني كيف أنتظر الطعنة ..
دون خوف ..
ما أصعبها ..
وما أجملها..
حين تكون قربانا" ..
للعلاقة المقدسة بين توأمين ..
كبرا على حب بعضهما ..
على جرح بعضهما ..
على قتل بعضهما..
فأنجبا وطنا" ..
خلقت فيه ..
وبقيت فيه ..
خوفا" على حبلي اللامرئي
من الانقطاع..
وكنت من الخلود قريبا"..


ولا تواخذونا ..

[عاشق من فلسطين]

شباب أنا بعتذر من الجميع على الخطأ الفني الذي حصل .. واللي هوي أني فتحت التصويت قبل انتهاء مدة المسابقة لذلك .. سوف ألغي التصويت الآن حتى 5 آذار سأقوم بفتح التصويت .. وعنجد لاتواخذوني على هالخطأ الغبي .. بس هي أول مرة بعمل مسابقة .. والغاية من حذف التصويت الآن أنه ممكن يشترك شخص آخر بالمسابقة .. وممكن تعجبني مشاركتو مثلا" أكتر من مشاركة اللي كنت صوتلو .. وهيك ماعاد فيني صوتلو .. وأكرر أعتذاري وأعدكم أنه في المسابقة القادمة لن يكون هناك أخطاء.. وأشكر الأخ فراس الذي نبهني على هذا الموضوع ..
وأكرر اعتذاري مرة ثانية وبالأخص ل mhmary ولحسون ..
ولا تواخذونا .. ومتل ماحكينا المسابقة رح تطل مستمرة حتى 5آذار وعندها نوقف الاشتارك بالمسابقة ونفتح التصويت ..
ولا تواخذونا ...

[Espaniol]

وطني
وطني يا قصة الحب الكبير
عشقك عشق لا متناهي
أغنية حصاد
قيثارة محب
يا من شربت معه نخبي ونخبه
كأس نبيذ من نجومه
في ليالي السهر السامر
ولو كانت الكأس مرة نشربها سويا
معك أكون أو لا أكون
يا كتابا حوى صفحات عمري
عليه سطرت نهايتي
يا مقلة عيني
يا سترة شتاء بارد
الشمس فيك غير شمس
بل قلادة ملك تشع ذهبا
والقمر فيك غير قمر
بل لؤلؤة أميرة تسرح بغناء الليل
فيك لانحلم بالنجوم
بل النجوم تأتي وتسهر معنا
وجودك قارورة عطر ثمين
سلامك ميرون لسلامنا
بدونك أنا شجرة يابسة بلا ورق ولا ثمار
كيمامة من دون أجنحة
كورقة من دون كتاب
كيراع من دون كاتب
كرضيع من دون أم
أناديك أناجيك
ابقى وطني ......ابقى وطني
لأن أقسى أنواع الغربة
هي الغربة في وطني

[عاشق من فلسطين]

لحقوا حالكن يا شباب بدأ التصويت لمسابقة الشعر .. والتصويت رح يستمر لمدة عشرة أيام .. فرجونا همتكم ..وتذوقكون الشعري ..

[عاشق من فلسطين]

شباب أرجو أن يكون التصويت موضوعي .. وأن لا تدخل فيه الاعتبارات الشخصية .. يعني أتمنى أن يكون التصويت للقصيدة الأكثر تأثيرا" .. ومشكورين ..
بدنا همتكن ..

[zozo]

حنان قصيدتك كتير حلوة

[Kakabouda]

كاتب النص الأصلي : zozo

حنان قصيدتك كتير حلوة

انت الحلوة

[عاشق من فلسطين]

انتهت مسابقة الشعر .. اليوم .. والفائزة هيي حنان ..
ألف مبروك لحنان ...
وبدنا همت الشباب ليباركو للسنيورة حنان ..
وأنا أول شي رح باركلها وقلها .. والله بتستاهليها عن جدارة .. وبس تبدأ المسابقة التانية أنتي رح تختاري موضوع القصيدة ..

[zozo]

الف مبروك حنان والله بتستاهلية بجدارة

[Espaniol]

كاتب النص الأصلي : عاشق من فلسطين

انتهت مسابقة الشعر .. اليوم .. والفائزة هيي حنان ..
ألف مبروك لحنان ...
وبدنا همت الشباب ليباركو للسنيورة حنان ..
وأنا أول شي رح باركلها وقلها .. والله بتستاهليها عن جدارة .. وبس تبدأ المسابقة التانية أنتي رح تختاري موضوع القصيدة ..

دموع الفرح شكرا لالكون :P :P :P
شكرا شكرا شكرا الف شكر لجميع يلي صوتولي ولالك ياعاشق الرائع
بس وين الهدية :P
والموضوع الجاي اكيد رح يعجب الكل
شكرا للكل

[Espaniol]

كاتب النص الأصلي : zozo

الف مبروك حنان والله بتستاهلية بجدارة

زوزو كنت معي عطول المشوار
انا بشكرك كتييييير يا ام قلب طيب
:P :P :P :P :P :P

[حسون]

مبروك لأحلى شاعرة بالموقع
أنا روحي رياضيي

[عاشق من فلسطين]

بس وين الهدية
والموضوع الجاي اكيد رح يعجب الكل
شكرا للكل

الهدية على الدكتور حسام .

مبروك لأحلى شاعرة بالموقع
أنا روحي رياضيي

بدي هالروح الرياضية تكون بكل شي ..