هل مريم كانت عذراء؟؟

[عيسى]

سؤال حيرني كثير

[شكو زولو]

و شو يلي محيرك تقبرني
و شو بيهمك من كل هل القصة اذا الأهم ما بتعتقدو فيه
بقا حط رجليك بمي باردة و طمن بالك حياتي
و لا تخاف هاي الحالة ما بتطول كتير يا عمري

[emadiab]

السيدة مريم عذراء و هذا لا شك فيه و استطيع ان اثبت هذا بأدلة من القرآن و لكن هل انت مستعد لتصديقها؟؟؟

[عيسى]

كاتب النص الأصلي : emadiab

السيدة مريم عذراء و هذا لا شك فيه و استطيع ان اثبت هذا بأدلة من القرآن و لكن هل انت مستعد لتصديقها؟؟؟

السيدة مريم غير عذراء و هذا لا شك فيه و استطيع ان اثبت هذا بأدلة من القرآن , الانجيل ومن وين بدك و لكن هل انت مستعد لتصديقها؟؟؟

[ma7aba]

السيدة مريم عذراء بكل تأكيد
فمن يستطيع أن يقيم الموتى ويخلق البشر ويتحكم بكل الحياة يستطيع أن يحافظ على بكارة أي إمرأة إن أراد ذلك فهو الله الذي لايصعب عليه شيء
سلام

[الأستاذ]

إجابة على السؤال:
بالنسبة للمسيحيين مريم كانت عذراء عندما حبلت بيسوع المسيح من الروح القدس و لبثت في عذريتها أثناء الحبل و حتى بعد الولادة
كما يؤمن المسلمون بحبلها و هي عذراء من روح الله
أما اليهود فهم المشككون الوحيدون بعذريتها و أساساً بحبلها من روح الله القدوس و يرون أنها حبلت زنىً
و لك أيها الأخ العزيز تبني أحد تلك المواقف الثلاثة

[HashtNasht]

يعني من وجهة نظر فوقية للموضوع . و من خلال قراءة الانجيل .. ممكن نفهم انو مريم كانت عذراء عندا حبلت من الروح القدس و ظلت كذلك حتى ولادة المسيح . و لكن هذا لا يعني انها بقيت عذراء .

و هي مثال :

في انجيل لوقا : فَقَالَتْ مَرْيَمُ لِلْمَلاَكِ: «كَيْفَ يَحْدُثُ هَذَا، وَأَنَا لَسْتُ أَعْرِفُ رَجُلاً؟» ( لوقا 1 : 34 )
و في انجيل متى : و لم يعرفها حتى ولدت ابنها البكر و دعا اسمه يسوع ( متى , 25:1)

يعني بدي اعتبر حالي ما بعرف شي من قبل . و عم اققرا الاناجيل :
شو معنى كلمة أعرف بالايتين ؟
يعني اذا كانت مريم عم تسأل الملاك انو كيف هي حامل و ما بتعرف رجل , فكلمة لا اعرف هنا تعني عدم وجود اتصال جنسي .
و في الاية الثانية .. المعنى واضح أيضاً .. و لم يعرفها حتى و لدت ابنها ( البكر) يسوع .
يعني اوضح من هيك مافي ...ليش بدنا نأول ع كيفنا ؟؟؟

هلق اللي انا بستغربو انو ليش المسيحيين بفكروا بالموضوع كتير ...ما هو اساساً ما بمس العقيدة باي شي . يعني شو المشكلة اذا كان عند مريم عشرين ولد طالما انو ولادة المسيح تمت بلا دنس !!!

التركيز على عذرية مريم نوع من الغيرة غير المبررة على المقدسات . يعني اهمية مريم ما بتجي من كونا ضلت عذراء كل عمرها او لاء . خاصة ً انو ملايين النساء ضلو عذراوات كل حياتن . الأهمية بتجي من انها هي اللي حملت ( الأله ) و بالتالي ما في مشكلة بعدين اذا ضلت عذراء أو لاء . و كلمة مريم العذراء لا يجي ان تفهم على انها مريم اللي ضلت كل حياتها عذراء . و انما هي للدلالة على الولادة العجائبية للمسيح لا اكثر

انا هيك بفهم الموضوع من خلال قرائتي للأنجيل . وبشوف انو ما في مشكلة بالنسبة للمسيحين اذا كانت عذراء بعد ولادة المسيح أو لاء ز

[goodheart]

السيدة مريم غير عذراء و هذا لا شك فيه و استطيع ان اثبت هذا بأدلة من القرآن , الانجيل ومن وين بدك و لكن هل انت مستعد لتصديقها؟؟؟

يعني سؤالك ما قبل الولادة المقدسه ام بعد ؟!!
اذا كان قبل فلا داعي بأن يجيبك احد لان هناك كتاب سماوي يشرح لك وايضا ممكن انك تلجأ للقرآن وايضا مذكوره هناك
اما اذا كان بعد فهذا شي مختلفين عليه بعض الطوائف وهو ايضا لا يعني لنا شيء اذا كانت ام لا فما يهمنا هو الرب المسيح والولاده بلا دنس واستعملت كلمة عذراء لولادتها بلا دنس كما ذكر الاخ العزيز

[emadiab]

الموضوع اللى بيحكى عنه الأخ عيسى ما يهمنيش فى حاجة
المهم ان ربنا طهر مريم و اصطفاها على العالمين و هى من افضل نساء الأرض و كذلك لها مكانتها الرفيعة فى الجنة
كون انك تشكك فيها وتتكلم عن موضوع غريب فده امر يخصك وحدك و مش حيفيدنا الأخوة هنا بحاجة و لا حيضرهم
على العموم ربنا يهديك

[Kakabouda]

أنا برأي أول رد كان أحسن واحد ..

و شو يلي محيرك تقبرني
و شو بيهمك من كل هل القصة اذا الأهم ما بتعتقدو فيه
بقا حط رجليك بمي باردة و طمن بالك حياتي
و لا تخاف هاي الحالة ما بتطول كتير يا عمري

بصراحة يعني اللي بحترم حالو ما بيرجع بيفتح هيك موضوع بعد هاد الجواب .. تحياتي الك شوكوزولو .
بعدين الشي التاني اللي عجبني كمان :

بالنسبة للمسيحيين مريم كانت عذراء عندما حبلت بيسوع المسيح من الروح القدس و لبثت في عذريتها أثناء الحبل و حتى بعد الولادة
كما يؤمن المسلمون بحبلها و هي عذراء من روح الله
أما اليهود فهم المشككون الوحيدون بعذريتها و أساساً بحبلها من روح الله القدوس و يرون أنها حبلت زنىً
و لك أيها الأخ العزيز تبني أحد تلك المواقف الثلاثة

تحياتي الك استاذ ..

[الأستاذ]

كاتب النص الأصلي : Kakabouda

تحياتي الك استاذ ..

تسلم................

[Joe]

شباب...
العذرواية هي رمز عميق على الخصوبة الغير منقطعة و تأكيد لفكرة أمومة العذراء المقصودة للعالم و كونها "والدة الإله" أو أمنا الكبيرة
يعني مثلا بجميع الديانات السورية او الديانات يلي فيها شخصية الام و الابن او الام و الابنة او الام لوحدها... يعني دائما تكون صفة العذرية مرتبطة فيها حتى لو كانت هذه الأم بنفس الوقت إلهة الحب (و بالتالي ممارسة الجنس مرات عديدة)

بقى يا شباب مريم العذراء حسب الدين المسيحي و حسب تعريفها... كونها والدة الإله إلخ... فأجباري هي عذراء و حتى لو كان عندها خمسين ولحد رح تضل عذراء (حسب التعريف)

بينما لما يصير نقاش... مادي... على الحرف... عن شخصية تاريخية اسمها مريم العذراء... إنو تزوجت و ما تزوجت و بكر و و و ... يعني لما ندخل بالتفاصيل المادية
فسمحولي قول إنها طبعا مانا عذراء... لانه الحبل بيتم بطريقة وحدة منعرفها جميعا و الطفل المولود لما يخلق.. حتى لو بشي طريقة غريبة عجيبة ضلت الام عذراء و هاذا مستحيل... فما رح تضل عذراء بعد انت تضع الولد. و نقطة انتهى!

بقى انو الواحد يناقش اذا مريم العذراء فعلا عذراء او غير عذراء... يعني غلط فلسفي من الأساس
لانه... و كما وضح أحد الاخوة أعلاه... إما انك تأخذ "التعريف" المسيحي لمريم العذراء او التعريف الاسلامي او اليهودي...(و أضيف انا التعريف العلمي).. و لا يمكن مناقشة هذه التعاريف (الثلاثة الأولى منها) لانها ببساطة "تعاريف" مفروضة من قبل الجماعة المعينة

يعني مثلا الادارة الامريكية تعرف الارهابي على انه كذا و كذا
معناتا اي شخص او جماعة تمتلك تلك الصفات... اصبحت ارهابية
حسب التعرييييف الأمريكي
و لكن هل هو فعلا ارهابي مثلا بالنسبة لتعريف اخر؟ تعريفك انك؟ هذه قضية اخرى

شكرا

[mhmary]

مرة كان في عنا متل لقاء ديني أو شي من زمان وكنا عم نحكي عن هادا الموضوع هلق مريم كانت عذراء قبل الولادة وعند الولادة بس بعد الولادة هون بيحطنا الجمال بتذكر أنو في مجمع قام بشي 856 ما متذكر شو اسمو وظل عشرين يوم عم يتناقشو بكتير شغلات وبهادا المجمع أنشقو الكتوليك والبروسطنت والأرثودكس وكل هاي الطوائف من شان كتير أسباب ومن الأسباب ألي أنشقو منشانا كانت اذا مريم عذراء بعد الولادة
هيك بتذكر وأذا لقيت معلومات كمان رح حطا

[Joe]

شكرا أخ أبو عضل
بس اسمحلي علق بشغلة
انو المجامع الكنسية الكبيرة المشهورة كانت بسنة 400 و 500 لأنه بعدين صارت الانشقاقات و ما عاد حدى يجتمع مع حدى إلا بالحرب
و المجمع يلي عم تحكي عليه هوي غالبا مجمع خلقيدونية سنة 400 و كمشة... و وقتها انفصلوا الملكيين يعني الروم الارثوذكس و الكاتوليك و الموارنة و اللاتين الحاليين عن الباقين مثل الارمن و السريان الارثوذكس و الاقباط يلي بيشكلوا طائفة وحدة.. ( ووقتها طبعا ما كان في كاتوليك و ارثوذكس بالمعنى الحالي) . الارثوذكس كانوا السريان و الملكيين هني مين تبعوا الملك و كان الخلاف وقتها عن الأقانيم و الطبيعة المشتركة

بينما الخلاف تبع مريم العذراء هوي ... بصراحة ما متأكد قبل ام بعد بس صار بسبب نسطور و انفصلوا وقتها الاشوريين عن السوريين السريان

البروتستانت وينك وين... هدول نشاؤوا باوروبا نتيجة السيطرة الكاتوليكية و رفضوا كل التقاليد و منها الايمان بعذرية مريم العذراء لانهم بياخدوا بس كلام الانجيل الحرفي و فقط الانجيل يعني بيرفضوا كل التشريع الكنسي
و منهم طوائف متعصبة اكتر و اكتر و بتشد مع الصهيونية بسبب الايمان الحرفي بالانجيل و العهد القديم... حتى انهم بيحبوا العهد القديم اكتر من الجديد!

ماني متذكر كتير التفاصيل حول اي سنة صار الخلاف مع نسطور هل قبل مجمع خلقيدونية ام بعد... فبركي حدا بيوضحلنا

شكرااا

[keko]

مرة كان في عنا متل لقاء ديني أو شي من زمان وكنا عم نحكي عن هادا الموضوع هلق مريم كانت عذراء قبل الولادة وعند الولادة بس بعد الولادة هون بيحطنا الجمال بتذكر أنو في مجمع قام بشي 856 ما متذكر شو اسمو وظل عشرين يوم عم يتناقشو بكتير شغلات وبهادا المجمع أنشقو الكتوليك والبروسطنت والأرثودكس وكل هاي الطوائف من شان كتير أسباب ومن الأسباب ألي أنشقو منشانا كانت اذا مريم عذراء بعد الولادة
هيك بتذكر وأذا لقيت معلومات كمان رح حطا

حبيبي أبو عضل
هادا الكلام موصحيح
يعني بعد اذنك طبعا خليني صححلك
في مجمع تم فيه الإقرار بعقيدة والدة الإله والإقرار يعني الوفاق
وهاد المجمع من المجامع المسكونية السبعة يعني قبل الأنشقاق الكبير ومافي خلاف على هذه العقيدة

[mhmary]

كاتب النص الأصلي : keko

حبيبي أبو عضل
هادا الكلام موصحيح
يعني بعد اذنك طبعا خليني صححلك
في مجمع تم فيه الإقرار بعقيدة والدة الإله والإقرار يعني الوفاق
وهاد المجمع من المجامع المسكونية السبعة يعني قبل الأنشقاق الكبير ومافي خلاف على هذه العقيدة

أي روقنا حبوب شبنا يعني وأذا رح تصير مهندس بعد شي عشر سنين
عكلن صح تذكرت هن المجامع المسكونية وما كانو ب856 كانو متل ما قال المعلم جو بشي 400 وخشبة
بس مع أحترامي ألك أخ كيكو أنا متأكد أنو بواحد من هاي المجامع المسكونية أختلفو بشأن مريم العذراء

[Joe]

كاتب النص الأصلي : mhmary

أي روقنا حبوب شبنا :aah: :aah: يعني وأذا رح تصير مهندس بعد شي عشر سنين :lol: :lol:
عكلن صح تذكرت هن المجامع المسكونية وما كانو ب856 كانو متل ما قال المعلم جو بشي 400 وخشبة
بس مع أحترامي ألك أخ كيكو أنا متأكد أنو بواحد من هاي المجامع المسكونية أختلفو بشأن مريم العذراء

yes they did man.. it was with Nestorius

in the council Ephesus 431 مجمع افسس

he objected on the term: mother of God

[Kakabouda]

المجامع المسكونية أختلفو بشأن مريم العذراء

no comment