|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
28/11/2004
|
#1 | ||||||
|
مشرف متقاعد
|
تجربتي مع اللاهوت المسيحي المعاصر
من يومين استوقفني بالجامعة شب اشقراني اميركي طويل و قال انه من كولورادو و هي ولاية اميركية و عايش حاليا بكندا
قلتله اهلا .. لنشوف شو بدو ملحوظة: عندما تعيش في كندا او اميركا ستتعود على رؤية الكثير من المبشرين المسيحيين خاصة من شهود يهوه و الانجيليين و ايضا من الهندوس عادة من الباب للطاقة بيجي بيسلم عليك.. او بيعمل حالو عم يقرأ شو مكتوب على كنزتك او طاقيتك (انا كان عم يقرا شو مكتوب على طاقيتي) المهم بلش يحكيلي طبعا عن المحبة و الله و السلام العالمي و انو عندون اخوية و شي حلو و بيجتمعوا باسم المسيح اعظم الانبياء يعني الزلمة عم يلف و يدور كتير.. و دايما هني هيك... بقى مشان نختصر الطريق.. قلتلو دج هيك.. انت بتأمن انو المسيح هوي الله؟ سكت هيك قال لاء قلتلو لكن انت مانك مسيحي شو انت قال.. يعني انا ما بآمن انو المسيح هوي الله.. بل انو ابن الله و انو اخر و اعظم الانبياء.. و لما نزل على الارض صار انسان متلنا تماما المهم و بعد حكي كتير قلي... شو بيكون شعورك اذا بتعرف انو في نبي عايش.. و عنده 12 رسول؟ قلتلو يعني انتوا عم تحاولوا ترجعوا الامجاد الماضية؟؟ قلي لاء ما عم نحاول.. لأنو موجود حاليا في نبي... prophet ... و 12 رسول معه انا ما قدرت ما ابتسم شوي.. قلتله عن جد؟ شو اسمو؟ و عطاني اسمو! بس نسيت شو كان للأسف قلي اي شو شعورك؟ will u be interested to know that? قلتله لا و الله عادي اندهش هوي  يمكن انطعج شوي بعيد عنكم المهم بعد حكي طويل عن ليش و ما ليش اكتشف انو انا بالحقيقة ما كتير بآمن بوجود الله من الاساس.. اطلع فيني هيك...  .. انو صرلنا نص ساعة عم نحكي و طلعت ما بتآمن بوجود اللهالمهم عيش كتير بتشوف كتير اذا بتنزلوا على قلب المدينة رح تشوفوا كتير مبشرين... سود و بيض... شي عم يعزفوا موسيقا و يطبلوا على الطبول... اقترب يوم القيامة... اقترب يوم القيامة... و شي عم يرسموا لوحات ... و شي شباب كنديين لابسين تياب هندوسية و عم يحاولوا يبيعوك كتب... و انا مرة من هوشنتي اشتريت واحد و اتبرعت كمان .. اخدني بالعبطة و الله  بتذكر كمان مرة (من زمان قبل قصة الأخ من كولورادو) رحت ع كنيسة معمدانية عربية بأوتاوا.. و الله الشباب طيبين كتير و ما في احلى منون.. و معظمهم لبنانيين و عراقيين بقى عم نحكي مرة... قلي "القسيس".. عم يعرفني ع واحد... قلي فلان قبل كلمة الرب من فترة قصيرة كمان... قلتلو بكل فضول.. ليش شو كنت؟... قلي كنت روم ارثوذكس  و انا بهديك الفترة كنت روم ارثوذكس لاخر درجة ... بقى طلعوا الروم مانون مسيحيين و شوية شباب بيقضوها غناء و عزف بيانو و جيتار بكنيسة هني الاصح... و من يومها بطلت روح على الكنيسة المعمدانية رحت ع كنيسة العرب الارثوذكس و سمعنا الخوري.... ما تتناولوا عند الكاتوليك... ما تتناولوا عند الكاتوليك برنامج للأطفال من اصل لبناني فقط طبعا الخوري لبناني و ما متعصب للأرثوذكس و اللبنانيين إلا شوي و من يومها بطلت روح ع كنيسة الروم...! كنيسة الكاتوليك بعيدة شو بدو ياخدني و الاقباط لاء و الموارنة؟ احسنلي ما فكر بالموضوع من اساسو.... مع انو الزلمة يلي علمني شوية سرياني كان موراني و حباب كتير و شكله حبني كتير كمان... بس بين كل كلمة و كلمة بيسب العرب و البيزنطيين ! (في وجهة نظر :P ) و من يومها.. و بعد 400 صفحة لفراس السواح... بطلت شغلة الدين! خييي الواحد بيرتاح ع فكرة بقى هاي كانت تجربتي مع اللاهوت المسيحي المعاصر باختصااار[/u]
ذكرى مرور عام على وفاة الأديب العالمي سيبيري ماسكوليه 1932 - 2008
|
||||||
|
|
28/11/2004
|
#3 | |||||||
|
مشرف متقاعد
  |
اقتباس:
الاطرميز واحد ...بس الزيتون كتير و متنوع
|
|||||||
|
|
|
28/11/2004
|
#4 | ||||||
|
القــــــــــــــــــائم
|
تجربة رهيبة .. رح احكيلك عن تجربتي هون
طبعا الغالبية بمصر اقباط (عقيدة ارثوذوكسية) لكن في كل الطوائف .. اصحابي هون قال يابا بدون ياخدون على الكنيسة تبعون وانو عيد وما بيصير قلنا يالله تسالي يعني منروح .. رحنا كنيسة الاقباط بمصر الجديدة .. دخلت .. واذ الشباب بجهة والبنات بجهة هاي اول طعجة حضرنا القداس ولا انا ولا اي حدى فهمان شي لانو الصلاة بالقبطي وما حدى حتى من الاقباط بيعرف قبطي .. رحنا نتناول قام قال لازم تشلح من رجل .. لك له يا حبيب شو هال الحكي قال اي والله .. شلحنا هال البوط ورشقناه بالزاوي .. وطلعنا على الدرج منشان نتناول .. طبعا بعدها بيضيفوك ميي كاسات مي هيك ما بعرف ليش بس تسالي .. وطبعا الشباب بيتناولو بطابور والبنات بطابور تاني .. غير هيك احنا مندخل الهيكل منشان نتناول اما البنات فالخوري بيطلع عندهم لبرات الهيك وبيناولهم اي هذاك يوم وهذا يوم .. رحنا كنيسة تانية بالصدفة لليسوعية .. وانو محسوبك رايح على الجيزويت من باب انو بركي منرحلنا شي رحلة منرحلنا شي حفلة .. المهم الصلا كلها بالفرنس !! والتراتيل كمان فرنسي والناس الي جوا كلهم بيعروف وبيحكو فرنس .. وانا الي شو داخل بالعرض .. انو شو قال شبوبية وطلي وجمهور وسوري بمصر يعني وجاي لاكسح الشباب  رحنا دبلكي .. حسيت حالي متل الاطرش بالزفة .. انسحبت على السريع .. حفاظة على حبة الكرامة الفاضلة ..رحنا كنيسة بعدها ايضا بمكان غريب والكنيسة مخفية جدا .. كان راحو الشباب قبلها باسبوع وخبروني انو تسالي .. رحنا كان في وعظة + فرقة موسيقية غيتار على درامز على زمامير كلو شغال جوا الكنيسة مع الوعظة .. وبلش الواعظ بالكلام طبعا كبداية اي واعظ .. لازم يستخدم اسلوب الترهيب ويخوفك والجنة والنار و و و .. بعد حوالي ساعة وربع من الوعظ من الكلام المكرر الي صارت الناس بتسمعو عن غيب .. قال كلمة تاريخية قال : هلق بعد هال المقدمة البسيطة عن الروح القدس فينا انبلش موضوعنا انا صطلت هون !!!انو يا ابن الحلال .. يا حبيب قلبي بقالك ساعة وربع عم توعظ وكل هال الوعظ طلع مقدمة !!!!!!! انا عاد ما استحملني عقلي اكتر قعدت شي عشر دقائق .. لبين ما انتفخ قلبي على الاخر .. عاد حملت حالي وطلعت وهداك يوم وهذا يوم بعدين طلعت الكنيسة لاتين .. في المرة القادمة ححكيلكون عن تجرتي مع الاهوت الاسلامي المعاصر وتجربتي في جوامع القاهرة .. 
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
|
|
08/12/2004
|
#8 | ||||||
|
عضو
-- قبضاي --
|
سلام للجميع
مع احترامي لآرائكم وطبعا كل واحد حر كيف يمشي بهل دنيا بس مو حر انو ينشر عن غيروا كلام ما الو طعم وهو كلام ما بعمل الا ضلال وبعكس وجهة نظر كثير من الناس على ديانتهم المجيده فإذا انت شفت متجدد ولا رومي ولا لاتيني وووو فهذا لا يعني انك تكتب عنهم بهيك طريقه وما بعتقد اخي المستشار انو الدين والكنيسه للتسالي فكيف انت عم تحكي عن اراء اخرين ووجهت نظر اخرين وعم بتوجه انتقاد وانا على ثقه من كتابتك انك لا تملك من الايمان ذره فأرجو انك ما تكتب عن دينك انتقادات ما الها طعم وهي مجرد ضلاله للاخرين والاخ joe اين الفخر بأنك لا تؤمن تنتقد وتوجه الكلام بطريقه سخر من ديانتنا العظيمه تفخرون بما يزرع ابليس بقلوبكم اسمحلي لانو مثل هذه الاعمال ليست الا بدع ولك مؤمن يعرف ما اتكلم وما اكتب انت لا تؤمن اذن انت لست مسيحي عزيزي وكلامك هو ضد المسيحيه والمستشار يدعم كلامك فأرجو منكم اخواني اذا انتم مش مؤمنين وليس لديكم ذره ايمان لانه لو وجد ما كتب هذا فأرجو انو ما تكتبوا عن غيركم انتقادات او بالاحرى لا تكتبوا عن المسيحيه لانكم لستم بمسيحين حسب ما ذكر انت لا تؤمنون تقبلوا تحياتي وارجوا مراجعة نفسكم بدينكم وتجربة كلمة الرب التي تسخروا منها سلااااام
[url]www.members.lycos.co.uk/heartgood[/url]
أنا هو الألف والياء , البداية والنهاية , أنا أعطي العطشان من ينبوع ماء الحياة مجانا لقائي بالسيد المسيح [url]http://www.islameyat.com/arabic/islameyat/nahed_metwali/leka2i/leka2i.htm[/url] |
||||||
|
|
|
08/12/2004
|
#10 | |||||||
|
مشرف متقاعد
|
اقتباس:
فأنا طرحت بعض الانتقادات على اللاهوت المسيحي المعاصر.. اذا عندك تفسير اتفضل شارك الموضوع مفتوح للجميع... غير هيك طلبك مرفوض بخصوص الامتناع عن الكتابة |
|||||||
|
|
|
08/12/2004
|
#11 | ||||||||
|
القــــــــــــــــــائم
|
اقتباس:
انا رح بسـتازنك وضيف مشاركتي واجابتك التي بالاعلى على مشاركتي رح ضيفهم لتجربتي بالاهوت المسيحي المعاصر .. يعني انتى ومشاركتك هاي فعلا تجربة من تجاربي بالاهوت المسيحي المعاصر ليش انتو الفلسطينية بتبقو هيك حاملين السلم بالعرض ليش اخي انتا لما بتحكي ولا اي شخص بيحكيلي عن تجربتو مع الله وخبرتو بالمسيح ما بقلو انا سد بوزك وعلى اعتبار اني انا ما بقلو وما بيحقلي قلو (انا ما بعطي لنفسي الحق باني قلو) لواحد عم يحكيلي عن تجربتو مع الله سد بوزك اي بنفس المعيار بالظبط لما بدي احكي انا عن تجربتي مع الاهوت المسيحي المعاصر ما بيحقلو اي كان انو يقلي وطي صوتك .. عرفت كيف ..الفكرة صايرة هوي بيحقلو يحكي بدون ما قلو سد بوزك وانا بهال الحظات حر اسمع او ما اسمع وانا بيحقلي احكي بدون ما يقلولي وطي صوتك وبهال الحظات فيهم الباقين يسمعو وما يسمعو وعلى سيرة الحقوق راجع المادة 19 من الإعلان العالمي لحقوق الانسان بتقلك اقتباس:
بقا ما حلوي نفرط فيهم .. فائق الاحترام |
||||||||
|
|
|
08/12/2004
|
#12 | ||||||
|
عضو
-- قبضاي --
|
يا عزيزي انا ما عم امنعك تكتب
اكتب يلي بدك اياه واذا كنت ملحد ولا مسيحي ولا مسلم ما بمانع كتابتك بس الكتابه في الها اصول يعني لما انت بتستهزء بالديانه فما عاد هذا حوار بل مسخره واصبح الوضع تماما كصراع وليس حوار فإذا كان عندك استفسار عن المسيحيه اطلبه اما احتقار واستهزاء فأنت تعلن على حالك الحرب ضد المسيحيه وبعدين بتقول اني اخترق الموقع وشويه كلام ما الو طعم يعني فأرجو انو لو تكون شوي متمكن من كتاباتك مو متهور لانو مهما صار بيضل حوار وما في داعي للتهور بالكلام |
||||||
|
|
|
09/12/2004
|
#13 | ||||||
|
عضو
-- قبضاي --
|
والله يا مستشار يا حبيب قلبي
اولا ارجو انك ما تحط الفلسطينيه بالنص لانو موضوعنا مو سياسي بل اخلاقي ومن ناحيه الاخلاق والمبادئ في شي اسمو حوار وخلاف وانتقاد مو تسالي واستهزاء فأنا ما بدي اطول السييره نفس الكلام يلي فوق بقدمو الك بس مع زيادات بسيطه اولا انا بنظري كل ملحد او عبد للشيطان او مش عارف شو هو عباره عن انسان ضال وبحاول مساعدته بدون اي تجريح او استهزاء او احتقار كما كتبت بموضوعك عن تجربت التسالي بالكنايس والنتقادات يلي ما الها صحه او ما الها اساس بعدين انت حر بالتعبير عن رايك بس مو حر بأنك تسخر من غيرك وانا عرفت بموضوع مواقع تحت الهجوم ليش كنت عم بتمانعني الراي والاخ معك بشد وكنت عم بتكلمني عن المبادئ والاخلاق وطلع السبب بأنك مو مؤمن بوجد الله وهذا سبب كافي لانتقادك الموضوع وكلمه اخيره اخي انا مش عم امنعك تكتب وحتى ممكن تشتم ما حد راح يمنعك بس بحاورك بكلماتك الاخلاق والمبادئ يلي كنت عم بتحاورني فيهم وارجو انو موضيعنا تكون بمثابة الاخلاق والمبادئ مو حوار السخريه والاحتقار |
||||||
|
|
|
09/12/2004
|
#14 | ||||||||
|
عضو
 |
اقتباس:
أبو عضل
|
||||||||
|
|
|
09/12/2004
|
#15 | |||||||
|
القــــــــــــــــــائم
|
اقتباس:
حدى سمعني شي مرة عم قول اني غير مؤمن بوجود الله .. لكن ان قلت عبارة " ان الشيوعيين يطبقون الشيوعية بطريقة خاطئة ولا تمت البتّ لتعاليم الزعيم لينين " هال العبارة لا تعني اني عم اشتم الشيوعية ولا تعني اني عم انفي وجود الزعيم لينين ولا تعني اني غير شيوعي اذا قلت " ان الواعظ بالكنيسة قعد ساعة ونص عم يحكي كلام مكرر وبعدها صدمني بقوله هاي كانت مقدمة بسيطة وبدنا ندخل بالموضوع" هذا لا يعني اني عم اشتم المسيحية ولا يعني اني عم قول ان الله غير موجود ولا يعني اني غير مسيحي فهمت |
|||||||
|
|
|
09/12/2004
|
#16 | ||||||||
|
عضو
-- قبضاي --
|
اقتباس:
اقتباس:
طب انا دخلت كنايس وشفت قداسات وعرفت انو الي برتاح عندهم هم المتجددين مثلا لانهم بفهموا الواحد كل صغيره وكبيره بس مش معنها انو الباقي مو نافع بالعكس بس هي مسألة وين الواحد برتاح اكتر والجو الي برضيه اكتر وانا تعليقي كان على كلمة تسالي لانه الكنائس هي شيء مقدس مو تسالي وحتى لو انك ما ارتحت عندهم بس في احترام للكنيسه يا اخي والعتب على النظر حيرتني فيك يوم اشوفك مؤمن ويوم اشوفك تشد مع الالحاد لانو كلامك كان مجرد دعم لكلام الاخ جووو وهذا الي خلاني فكر انك ملحد واوجه انتقاد لكتاباتكم تقبل تحياتي  |
||||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 14:50 (بحسب عمك غرينتش الكبير +3)