احجية منطقية بحاجة الى حل سريع

[رومانوس]

لك يا شباب وحياتكون الحل حطيتو بس ليش مصممين على حل هل القضية
برجع بقول هيدي القضية مالا حل يعني سواء قلتو صح رح يطلع غلط وسواء التو غلط رح يطلع صح يعني النتيجة سلبية على الجهتين
هيدا كان منطق السفسطائيين وهني مدرسة انتشؤت بالقرن الرابع قبل المسيح في اثينا بس سقراط عرف كيف يوقفون عند حدون لانو اخد يطرح عليون اسئلة بتختص بالمفاهيم يعني يسألون شو هوي الجمال شو هوي الخير ......الخ وهيك بلشت الفلسفة او اول تفكير فلسفي جدي اوكي برجع بقول هيدي القصة ما الا حل الغرض منا تحريض الخصم فكريا وعقليا دون الحاجة الى الوصول الى نتيجة اوكي .......
وبالنسبة لاخر رد كلمة كل هيي بمعنى الفرض ومانا مفتاح الحل فكروا فيا شوي

[zen]

اخي سمعو مني
الحل متل ام انا كتبتوا
ريحوا راسكون بقى

[سمر]

النص بيقول إنو هو كاذب بس أنا مافهمتها

[ramrom]

انتو بعدكن مع جان

يعني من اول ما قرأتها فهمت انو جان رجل من فرنسا
جان بيقول انو كل الفرنسيين كزابين
اي شو دخلو هو .....هو من فرنسا مو فرنسي

بس الزلمة كزاب مو كل الفرنسيين كزابين

فهمتو شي انا ما فهمت

[سمر]

شي برق برق واتخبى بين الورق وياعمي يافاكياني عندك فاكية بدون ورق ياحزركون يافزركون شوهيه ورجوني شطارتكون

[بشارة معقد]

الفرنسيون كذبة اذا بدك واذا ما بدك مافي عندن مشكلة

[toocoolfriend]

حزورة حلوة
بس شو الجواب

[murad]

مرحبا ... جان كاذب لانو بيحكي كل الفرنسين كذبة .. جان فرنسي اذن جان كاذب .. والمرة الجاي بحاول اطلعو صادق ... مراد

[البرنس 11]

صادق جدا ...
وإذا مابتصدق إسأل جان

[البرنس 11]

برافو JUL 2005
أنا أوافق اني مافهمت

[سهرت الليل]

شو الموضوع مش فاهم شي

[fady juventus]

أول الشي أكيد هالأحجية منطقية؟؟؟؟؟؟؟؟؟!!!!!!!!!!!!!:jakous h:

[saa]

شي برق برق واتخبى بين الورق وياعمي يافاكياني عندك فاكية بدون ورق ياحزركون يافزركون شوهيه ورجوني شطارتكون2 أسبوع مضى 03:19

هي بسكليته دولابها الوراني منفس ... صح

[toocoolfriend]

ما فينا نعرف ولا بأي شكل من الأشكال

[الجنيه]

WoW
لخبطتوني

[وردة شامية]

جلست افكر وافكر
وفكرت وثم فكرت
وفكرت في الفكرة
وبعدين هيك طلعم معي

جان كاذب باعترافه شخصيا
هو قال كل الفرنسيين كذبة
ليس المفروض انها الحقيقة كل الفرنسين كذبة
ولكنه كاذب حسب نظرية اسقاط ما بنفسه على الاخرين
فهو عندما يكذب يفكر بكل من حوله كذابون
هيك طلع معي ما بعرف شو رايكم انتو

[سلوى كلو]

يعني متل هذه الفلسفة المحبوكة ماشفت أحيك يا كريمدو

كاتب النص الأصلي : krimbow

جان فرنسي ( الفرض آ)
جان بيقول كل الفرنسيين كزابين ( الفرض ب)

=> جان كزاب (1)
=> مو كل الفرنسيين كزابين ( لأنو جان كزاب حسب 1) (2)
=> جان ممكن يكون مو كزاب ( لأنو طلع معنا بـ 2 انو مو كل فرنسي كزاب و جان فرنسي) (3)
=> ممكن يكون كل الفرنسييين كزابين (لأنو جان ممكن يكون مو كزاب حسب 3) (4)
=> جان كزاب

منرجع لـ (1) و هيك ...
بهالحالة بتتشكل عنا حلقة ( loop ) بيسموها حلقة الجدل البيزنطي
منلف و مندور و منبقى بذات المحلات

بيقول برنارد شو : تعلمنا الخبرة اننا لا نتعلم شيئا منها .... جدل بيزنطي
بيقول اينشتاين : لا شيء مؤكد حتى هذا القول .... جدل بيزنطي
عنا بالاخوية بحوار الاديان كل المواضيع فيه بتندرج تحت بند الجدل بيزنطي

شرط الجدل البيزنطي انو نتحدث عن امور مطلقة ... سواء كان نفي المطلق (متل: لا شيء مؤكد ) او تأكيد مطلق ( متل: كل الفرنسيين كزابين )

غالبا الجدل البيزنطي بيرافق الحوارات عن وجود او عدم وجود الله ... لأنو الطبيعة الالهية بتفترض امور مطلقة، يا بتآمن بشكل مطلق يا بتنكر بشكل مطلق

مشكلة المطلق انو قريب جدا من عقولنا، منشعر فيه كأنو منطقي جدا و حتى بديهي ... بنفس الوقت، ما في اي دليل مادي او حسي على وجود الامور المطلقة، و لهيك بينشأ عن الحوار بالمطلق جدل بيزنطي

غالبا المطلق بيرافق الغموض، للحظة منشعر انو المطلق بيفسر الغموض ... بس الواقع انو كل ما ازدادت المعلومات عن الموضوع المطلق يللي منفكر فيه كل ما ابتعدنا عن المطلق
لهيك المطلق بيتناسب طردا مع الجهل بالامر، و عكسا مع المعرفة فيه

بمحاولة يائسة من قبل بعض الفلاسفة لكسر حلقة الجدل البيزنطي بالمواضيع المطلقة الغير الهية وضعوا القاعدة التالية: لكل قاعدة استثناء (شواذ ) بيأكدها و بيثبتها للقاعدة ...... حتى هذه القاعدة لها استثناء

بس ما بتخيل انو وصلوا لنتيجة

انتوا شو رأيكم ؟؟؟

و دمتم

[وردة شامية]

شي برق برق واتخبى بين الورق

وشي عند الفكهاني وهو من غير ورق

فكرت بفاكهة من غير ورق مالقيت

اجا ببالي الفطر بيطلع بعد شتوية وبرق وهو من غير ورق
هيدا حلي علبان ما فكر بحل تاني واذا صح بليز خبروني حتى ما اتعب من التفكير