قانون الأحوال المدنيه جاهز للتوقيع والعمل به قريب

[Nay]

كاتب النص الأصلي : أم الجود

ابو نجبو عيوني انته أكيد أفهم مني بهالخصوص بس أنا بذكر إني قريت هالكلام من فترة و بحبشت عليه لأستشهد فيه رداً على نقطة ال80% تبعيت الأخ علاء الدين ... و بالنهاية كلامي مو موجه ضد طائفة أو دين أياً كان ..
و حتى لو كانوا السنة بيشكلوا عن جد 80% بتصور -وبظن بتوافقني الرأي- هادا ما بيعطي تشريعهن الحق بأنه يلغي حقوق بقية الأديان و الطوائف بأنه يكون الهن خصوصيتها بتحديد قوانينها بالطريقة اللي هي بتشوفها مناسبة و متوافقة مع قناعاتها و عقائدها ...

بتمنى ترجعي ام الجود للي كتبتو بردي السابق..
صديقتي .. رغم انو المسلمين وليس السنة حسب الاحصاءات بيشكلو 80 بالمية من السكان بسوريا الا أنو سوريا بلد بتقدم نفسها على اساس دولة علمانية.. ومتل ما حكيت سابقا الدستور السوري لم يحدد دين الدولة .. وجميع القوانين في سوريا قوانين مستقلة عن الشرع باستثناء قانون الاحوال الشخصية..
يعني ما في مبرر للمطالبة بانو يكون قانون الاحوال الشخصية قانون مستمد من الشريعة لانو هادا الشي بيخالف الدستور وبيخالف شكل النظام العام بسوريا

[Nay]

كاتب النص الأصلي : aladdinjad

أنا بدي علق بشكل سريع لأنه انا بالشغل و ما في وقت اني علق بشكل موسع .
بس في نقطة انو الدراسة الي استندي عليها للتوزيع الديموغرافي لسوريا مأخوذ من إحصائية عملتها الدولة و من 4 سنين .. و طبعا أنا ما رح ناقشك فيها لأنه انا ما بعترف بهيك إحصائية معمولة من قبل نظام ما عندو أي مصداقية.
و رح حاول اتأكد من معلوماتي و معلوماتك عن التوزيع الديموغرافي و من مصدر حيادي و موثوق ..
بتمنى منك بس انو تخفي من حدة توترك و هجومك عليي لأنه بلشت خاف منك و أنا لما عم ابدي رأيي فأنا عم قول من وجهة نظري و على حسب ما فهمت بنود القانون و متل ما ذكرت أنا لاني متدين أو و ماني حقوقي نحنا جماعة تبع رياضيات و كمبيوتر و معادلات يعني ما بفهم بهيك أمور . و كل الفكرة انو حبيت قول رأيي . و شكرا الكم ..

معلومتك حول كون المسلمين 80 بالمية صحيحة انما هنن المسلمين وليس السنة فقط..
انا كنت بتمنى انك تسمع الاخرين وتقرا منيح بما انك مو من جماعة القانون لانو انا شخصيا ما بفوت على موضوع الو علاقة بالرياضيات ولا بأي منتدى وبحط رأيي فيه لأنو بصراحة وقتها رح يتمقطعو فيي الفهمانين بالرياضيات ورح أظهر بمظهر الجاهلة..
سلامي

[أم الجود]

كاتب النص الأصلي : Nay

بتمنى ترجعي ام الجود للي كتبتو بردي السابق..
صديقتي .. رغم انو المسلمين وليس السنة حسب الاحصاءات بيشكلو 80 بالمية من السكان بسوريا الا أنو سوريا بلد بتقدم نفسها على اساس دولة علمانية.. ومتل ما حكيت سابقا الدستور السوري لم يحدد دين الدولة .. وجميع القوانين في سوريا قوانين مستقلة عن الشرع باستثناء قانون الاحوال الشخصية..
يعني ما في مبرر للمطالبة بانو يكون قانون الاحوال الشخصية قانون مستمد من الشريعة لانو هادا الشي بيخالف الدستور وبيخالف شكل النظام العام بسوريا

ناي قريت ردّك و متفقة معك 100 بالمية ..
بس أنا كنت عم رد بكلامي على الأخ علاء الدين اللي شاف القانون المقترح شي طبيعي و عادي كتير كونه مستمد من الشريعة الاسلامية و مو مستاهل تقوم الدنيا و تقعد عليه بما انو نحنا عايشين بدولة أغلبية مواطينها بينتموا للطائفة السنية .

[jano.]

بالنسبة لقانون الطوائف ما بعرف شو رح يصير بعد إلغاء التعديلات او القوانين الجديدة الخاصة يلي صدرت بال 2004 وال 2006! بس ما بتصور أنو يلغوها، معقولة يعني؟

بالنسبة لعلاء الدين، يلي محسب العلمانية بعبع هدفها الوحيد هو القضاء عالدين!! طيب انسى هالعلمانيين وانسى الاكترية يلي لازم تكون كل القوانين على حسب معتقدها وجاوبني:
بترضى بقانون يسمح لأبو مرتك أنو يلغي زواجكن لمجرد أنو الأب قرر أنو يعتبرك عديم الكفائة؟

[Nay]

بعرف انو متفقة.. بس أنو فكرت حالي ما وضحت الفكرة..

[jano.]

أو قضيّة اعتبار المرأة نصف شاهد!
ما بتمنّى لأي إنسان أنو يقع بمشكلة قانونية معصلجة ويكون شاهدو الوحيد هوي إمرأة!
تصور لو خدش شي شوفير تكسي سيارتك بالشارع والحق كان عليه، وبالمحكمة شهدت عابرة طريق واحدة لصالحك وعابر طريق واحد لصالح صاحب التكسي، وبالنهاية بتطلع انت المذنب!
أو إذا شهدوا 3 نسوان لصالحك وزلمتين لصالح شوفير التكسي وبتطلع أنت المذنب!

[Nay]

كاتب النص الأصلي : jano.

بالنسبة لقانون الطوائف ما بعرف شو رح يصير بعد إلغاء التعديلات او القوانين الجديدة الخاصة يلي صدرت بال 2004 وال 2006! بس ما بتصور أنو يلغوها، معقولة يعني؟

بالنسبة لعلاء الدين، يلي محسب العلمانية بعبع هدفها الوحيد هو القضاء عالدين!! طيب انسى هالعلمانيين وانسى الاكترية يلي لازم تكون كل القوانين على حسب معتقدها وجاوبني:
بترضى بقانون يسمح لأبو مرتك أنو يلغي زواجكن لمجرد أنو الأب قرر أنو يعتبرك عديم الكفائة؟

بتعرف جانو انا بشوف انو النسخة التانية من المشروع أفضل من النسخة الاولى لأنو النسخة التانية بتشبه كتير القانون المعمول فيه حاليا...
وبالنسبة للعلمانية .. أحيانا الناس بيفكرو انو العلمانية هيي ند للدين .. في حين هيي دعوة لفصل الدين عن الدولة وبتتفجأ انو المتدينين رح يكونو قادرين على ممارسة شعائرهون بحرية أكتر مما لو كانو بدولة دينية.. في رجال دين كتير بيحملو فكر علماني.. متل جودت سعيد وخالص جلبي ومحمد أركون ومحمد شحرور..
تحياتي

[ابو نجبو]

كاتب النص الأصلي : أم الجود

ابو نجبو عيوني انته أكيد أفهم مني بهالخصوص بس أنا بذكر إني قريت هالكلام من فترة و بحبشت عليه لأستشهد فيه رداً على نقطة ال80% تبعيت الأخ علاء الدين ... و بالنهاية كلامي مو موجه ضد طائفة أو دين أياً كان ..
و حتى لو كانوا السنة بيشكلوا عن جد 80% بتصور -وبظن بتوافقني الرأي- هادا ما بيعطي تشريعهن الحق بأنه يلغي حقوق بقية الأديان و الطوائف بأنه يكون الهن خصوصيتها بتحديد قوانينها بالطريقة اللي هي بتشوفها مناسبة و متوافقة مع قناعاتها و عقائدها ...

انا معك بهاد الشي ...وصراحة ...الموضوع ماكتير مضطلع عليه

لكن في سياق المتابعة ...استرعى انتباهي المعلومات اللي حاططيها ...و قلت انو من الواجب التنويه...

[أم الجود]

كاتب النص الأصلي : Nay

بتعرف جانو انا بشوف انو النسخة التانية من المشروع أفضل من النسخة الاولى لأنو النسخة التانية بتشبه كتير القانون المعمول فيه حاليا...

صح ناي .. بس كمان نحنا النا كل هالوقت عم ننتظر قانون الأحوال الشخصية الجديد على أمل انو نقدر نتخلص من العيوب الموجودة بالقانون القديم .. بس للأسف شكلها النسخة الأولى اللي تسربت و انسحبت و تعدّلت من كتر شناعتها خلتنا نشوف القانون المعمول فيه حالياً فرج و رحمة ، و نقبل بقانون بيخلينا مكانك راوح بدال ما يعالج مشاكلنا الأسرية و يحسّن بنية المجتمع ..

[jano.]

كاتب النص الأصلي : Nay

بتعرف جانو انا بشوف انو النسخة التانية من المشروع أفضل من النسخة الاولى لأنو النسخة التانية بتشبه كتير القانون المعمول فيه حاليا...
وبالنسبة للعلمانية .. أحيانا الناس بيفكرو انو العلمانية هيي ند للدين .. في حين هيي دعوة لفصل الدين عن الدولة وبتتفجأ انو المتدينين رح يكونو قادرين على ممارسة شعائرهون بحرية أكتر مما لو كانو بدولة دينية.. في رجال دين كتير بيحملو فكر علماني.. متل جودت سعيد وخالص جلبي ومحمد أركون ومحمد شحرور..
تحياتي

مشكلة العلمانية بالعالم العربي أنّو بيربطوها بالغرب! بيربطوها بجورج بوش يلي دمّر العراق وبشارون وغيرو وغيراتو. العلمانية هيي أسلوب حياة هيي مجموعة قيّم وهي ناتج طبيعي لتطوّر أي مجموعة من الشعوب إذا حبت تتقدم، فمشايخنا بالتلفزيونات بيعرّفوها بكل بساطة على إنها إلحاد ولواطة وانحلال ومابعرف شو!
مشكلة العلمانية أنو أول من وصلوها هني الأوربيين، مع أنو بعالمنا الشرقي من زمان كان في محاولات للوصول لهالتطور الطبيعي (طبعاً تمّ القضاء عليها). بس خلص بما انو الغرب علماني معناها شي مو منيح(اتذكرت رد حلبي بموضوع الحجاب)!

المشكلة التانية والي بعتبرها الاهم والافظع! أنّو حتى يلي بيعرف ومتيقن انو العلمانية مارح تضرّ دينو ومارح تمنعو من ممارسة شعائر هالدين، بس بيرفضا لأنو ضمن هالأسلوب الحياتي شعائرو ما رح تنفرض بالغصب على أبناء دينو! هادا هوي سبب تخلفنا وبمجرد وجود هالتفكير عنّا بيجعل الأمل للوصول لحياة أفضل مستحيل! ... أنانيّة لأبعد الحدود!

نحنا عايشين بعالم من النفاق وعدم الثقة بالنفس وبالمعتقدات يلي بنآمن فيها (حتّى لو أدّعينا بهالشي). كمثال بسيط: بنرتاح للنظام والقانون المتديّن لأنّو بيضمنلنا 100% أنّو بناتنا مارح يتزوّجو من غير دين، بدل ما يكونو هنّي من نفسون مقتنعين بأنّو يتزوجو من دينون! يعني ببساطة ما بنعرف شو هيي الحريّة.
الدين والعادات والتقاليد حريّة شخصيّة وما بيحق لحدا يمنعها، بس أنا بستغرب دائماً لما شوف ناس عايشة ومستفيدة من خدمات تطوّر الإنسان الحديث ونمط حياتو وبنفس الوقت بتحب تفرض أسلوب حياة كذا قرن لورا على غيرها.





هامش:
ياجماعة
في شغلة وعامل مهم كتير مالازم ننساه بالنسبة لقانون الأحوال الشخصيّة بسوريا، وهيي النظام الحالي ومصالحو الخاصّة وسياستو بتعاملو مع المجموعات الدينيّة ووضع القوانين بشكل عامّ (بتتذكروا الدمى المتحرّكة تبع أفلام الكرتون؟). فيعني لا توجعو راسكون كتير. بس يعني حلو لما الواحد بيعرف أنو فيه يتفائل بالتفكير الشخصي الإيجابي لدى المواطنينوالخلود لرسالتنا

[قرصان الأدرياتيك]

كاتب النص الأصلي : jano.

بالنسبة لقانون الطوائف ما بعرف شو رح يصير بعد إلغاء التعديلات او القوانين الجديدة الخاصة يلي صدرت بال 2004 وال 2006! بس ما بتصور أنو يلغوها، معقولة يعني؟
بالنسبة لعلاء الدين، يلي محسب العلمانية بعبع هدفها الوحيد هو القضاء عالدين!! طيب انسى هالعلمانيين وانسى الاكترية يلي لازم تكون كل القوانين على حسب معتقدها وجاوبني:
بترضى بقانون يسمح لأبو مرتك أنو يلغي زواجكن لمجرد أنو الأب قرر أنو يعتبرك عديم الكفائة؟

كاتب النص الأصلي : Nay

بتعرف جانو انا بشوف انو النسخة التانية من المشروع أفضل من النسخة الاولى لأنو النسخة التانية بتشبه كتير القانون المعمول فيه حاليا...
وبالنسبة للعلمانية .. أحيانا الناس بيفكرو انو العلمانية هيي ند للدين .. في حين هيي دعوة لفصل الدين عن الدولة وبتتفجأ انو المتدينين رح يكونو قادرين على ممارسة شعائرهون بحرية أكتر مما لو كانو بدولة دينية.. في رجال دين كتير بيحملو فكر علماني.. متل جودت سعيد وخالص جلبي ومحمد أركون ومحمد شحرور..
تحياتي

عيوني جانوتي أحلى قصوراني أبو عقال وبإيدو سيجارة وتبغ ملفوف تقول عم يعمل "جوقات"! .
هاد كان أوّل باشتان...
التاني يا أبو شوارب طوال وباه قصير هوّ أنّو "قانون الأحوال الشخصيّة" الجديد رح يكون متل ناسخ، وبكلّ الأحوال حتّى "قانون الأحوال الشخصيّة للطوائف الكاثوليكيّة" اللي صدر سنة 2006 تعدّل، وانعمل عليه عدّة إضافات وخاصّة بما يختصّ بالمحاكم الكنسيّة والمدنيّة!

يعني لا كتير تشدّ إيدك... آكلين خــ آكلينو بدولة برلمانها شرّع وفسّح لقانون فيه بنشوف أنّو الله كاتب "إذا كنت ببيتك لحالك وكنت بـ "الكلسون" الأبيض ماركة حنين أو بـ "البوكسر" المطّاط، ووقع السي دي من إيدك عالأرض وطخّيت لتتناولوا فأجت دبّانة أنثى وخريت على "كلسونك" فشو لازم تعمل؟! أنا بقلّك: بتروح أوّل شي بتعترف بذنبك كون الدبّانة "الأنثى" كشفت عورتها عليك وبهالحالة أنت صرت في حدود "الفاسق"... يعني لا مؤمن ولا كافر... فاسق يعني: منزلة بين منزلتين! وبعد ما تعترف بذنبك وتدبحلك شي ستّين خروف عالعيد كفّارة، وتسلخلك ستلاف ركعة... نجي عالكلسون تبعك هاد بتمسكوا بملقط الفحم وتروح تحرقوا ببيت خراب ما فيه إلا البوم وهونيك بنفس المكان بتحفر وتطمر رمادو، لأن إذا طار رمادو بيجوز يجي عَ شي حدا وينجسو متل ما نجّسك!!!

بقا تقلّي قانون وأحوال وشخصيّة ومدنيّة... لك آخ آخ... إذا عم يقلّك شرع الله كاتبو بخطّ إيدو، فشو عم تاكل هوا وتقول أنو مساواة وما بعرف شو؟! يعني إذا البخاري "الحيض" رقم 293 و"الزكاة" رقم 1369، وصحيح مسلم "الإيمان" رقم 114، والترمذي "الإيمان" رقم 2538، وأبو داود "السنّة" رقم 4059 وابن ماجة "الفتن" رقم 3993 ومسند أحمد في "المكثرين" رقم 5091 قايلين أنّو "النساء ناقصات عقل ودين"...

جاي أنت تتفهمن علين وتقلن لأ مو صحيح... إي روح عنّا يا شيخ حاجتك كفر وزندقة وإلحاد!

[jano.]

كاتب النص الأصلي : قرصان الأدرياتيك

عيوني جانوتي أحلى قصوراني أبو عقال وبإيدو سيجارة وتبغ ملفوف تقول عم يعمل "جوقات"! .
هاد كان أوّل باشتان...
التاني يا أبو شوارب طوال وباه قصير هوّ أنّو "قانون الأحوال الشخصيّة" الجديد رح يكون متل ناسخ، وبكلّ الأحوال حتّى "قانون الأحوال الشخصيّة للطوائف الكاثوليكيّة" اللي صدر سنة 2006 تعدّل، وانعمل عليه عدّة إضافات وخاصّة بما يختصّ بالمحاكم الكنسيّة والمدنيّة!

يعني لا كتير تشدّ إيدك... آكلين خــ آكلينو بدولة برلمانها شرّع وفسّح لقانون فيه بنشوف أنّو الله كاتب "إذا كنت ببيتك لحالك وكنت بـ "الكلسون" الأبيض ماركة حنين أو بـ "البوكسر" المطّاط، ووقع السي دي من إيدك عالأرض وطخّيت لتتناولوا فأجت دبّانة أنثى وخريت على "كلسونك" فشو لازم تعمل؟! أنا بقلّك: بتروح أوّل شي بتعترف بذنبك كون الدبّانة "الأنثى" كشفت عورتها عليك وبهالحالة أنت صرت في حدود "الفاسق"... يعني لا مؤمن ولا كافر... فاسق يعني: منزلة بين منزلتين! وبعد ما تعترف بذنبك وتدبحلك شي ستّين خروف عالعيد كفّارة، وتسلخلك ستلاف ركعة... نجي عالكلسون تبعك هاد بتمسكوا بملقط الفحم وتروح تحرقوا ببيت خراب ما فيه إلا البوم وهونيك بنفس المكان بتحفر وتطمر رمادو، لأن إذا طار رمادو بيجوز يجي عَ شي حدا وينجسو متل ما نجّسك!!!

بقا تقلّي قانون وأحوال وشخصيّة ومدنيّة... لك آخ آخ... إذا عم يقلّك شرع الله كاتبو بخطّ إيدو، فشو عم تاكل هوا وتقول أنو مساواة وما بعرف شو؟! يعني إذا البخاري "الحيض" رقم 293 و"الزكاة" رقم 1369، وصحيح مسلم "الإيمان" رقم 114، والترمذي "الإيمان" رقم 2538، وأبو داود "السنّة" رقم 4059 وابن ماجة "الفتن" رقم 3993 ومسند أحمد في "المكثرين" رقم 5091 قايلين أنّو "النساء ناقصات عقل ودين"...

جاي أنت تتفهمن علين وتقلن لأ مو صحيح... إي روح عنّا يا شيخ حاجتك كفر وزندقة وإلحاد!

يلعن ترينك! ذكّرتني بماركة "حنين". مقطوع ولازم وصّي دفعة جديدة من البلد

جاي أنت تتفهمن علين وتقلن لأ مو صحيح... إي روح عنّا يا شيخ حاجتك كفر وزندقة وإلحاد!

يا أخي صحيح صحيح... بس لما تشوف حدا كاتب هيك كتابة:

"أما بالنسبة لحقوق المرأة فأكيد المشرعين أو اللجنة الي حطت القانون مو طلاب مدرسة ولا ناس ما الها علاقة بالدين او القانون أكيد ناس فهمانة كتير منيح شو عم تعمل و التشاريع الي ذاكرين فيها المرأة أو الي تخص المرأة مستمدة من الدين بس هني مفسرينها على عصرنا الحالي ."

يعني مافيك غير أنّو تتفائل لأنو الشباب مفسرينها بحسب متطلبات العصر الحالي إذا عالعصر الحالي وهيك فشو إذا على غير عصر؟!
روح اشكر ربّك وصوم وصلّي وتوب وحجّ على هالنعمة ولا تكون ناكر جميل

[aladdinjad]

،قال تعالى : ((ولن يجعل الله للكافرين على المؤمنين سبيلا ))
باختصار شديد .. أنا ماني متدين أو عم طالب انو تكون سوريا دولة اسلامية لأنه هاد الشي بالوقت الحالي مستحيل بس بتمناه من قلبي .. و انا من الناس الي بتطالب بفصل الدين عن الدولة و بشدة و بخاصة لما بجتمع مع ناس من الاسلاميين الي بيحكو انو لازم يكون النظام بسوريا اسلامي ..
بس بنفس الوقت ما بقبل انو يفسر الدين على انه البعبع الي رح يحبسنا و يقيد حرياتنا لأن الله أعدل العادلين , و كل واحد بآمن بالله أكيد مقتنع بهاد الشي و بيعرف انو الاسلام هو الدين الحق و طبعا بأمن هيك بشكل منطقي حتى لو ماكان مو مسلم لأنه أخر دين سماوي نزل فالشي المنطقي و العقلاني انو يكون جاب حل لكل مشكلة اعترضت الناس بالديانات الي قبلو ..

* سوريا مابتقدر تقدم نفسها على انو دولة علمانية لأنه بالدستور بيقول انو دين رئيس الدولة هو الاسلام .
80% من سكان الدولة من المسلمين . سوريا عضو في مؤتمر العالم الاسلامي .. و غيرو وغيرو ,

بالنسبة لجانو \بترضى بقانون يسمح لأبو مرتك أنو يلغي زواجكن لمجرد أنو الأب قرر أنو يعتبرك عديم الكفائة؟ \
بقلك انو اكيد لما ابوها رح يروح عند القاضي و يقلو انا عديم كفاءة القاضي ما رح يستنا هالكلمة منو و يطلقنا لأنه الشغلة مو سلطة .. القاضي رح يطلب منو اثباتات على كلامو و رح يبحث و يتحرى مزبوط قبل ما يتخذ اي قرار سواء التفريق او الاستمرار بالزوج .

انسة ناي : انا لما قلت انو ما بعرف بالقانون او بلدين هذا ما بيعني انو انا جاهل او ما من حقي اني قول رأيي لأنه بالنهاية الموضوع بخص بلدي سوريا وبخصني انا شخصيا فمن حقي قول رايي فيه حتى لو كنت رح اظهر بمظهر الجاهل ...و معنا معنا منتعلم ومنكم نستفيد

* اغلب الانتقادات الموجهة للقانون كانت بسبب انو اللجنة سرية و انو بينتقص كتير من حقوق المرأة و الطفل و بيكرس الطائفية ,,,
بس اكتر شي استفزني و هو الي خلاني اكتب انو الناس معترضة لأنه اول شي الاحكام كانت مأخوذة من الشريعة
الاسلامية و وقتها اكتشفت انو النظام السوري الحالي قدر يأثر على الناس و يقنعهم انو الدين هو خصمهم و انو اي شي مستمد من الدين هو ضدهم وضد مصالح الدولة و الشعب .. و الصراحة معهم حق لأنه لما بيرجع الدين للبلد رح تقوم القيامة عليهم و مارح يضلو دقيقة بالحكم ..

و الي استفزني أكتر انو كل مواد الدستور السوري مافيها اي شي بيقيد حرية المواطن إلا قانون الاحوال الشخصية ؟؟!!
يعني ازا قلنا :
1- قانون الطوارئ ... اتعودنا عليه و ما بيمشي حالنا من دونه
2- حزب البعث هو القائد للدولة و المجتمع ... اكيد نحنا منتنفس حزب البعث
3- تعديل عمر رئيس الدوة من 40 سنة ل 34 سنة ... عادي كيف بدنا نعيش بدون أسد ؟!! ما منقدر لأنه الاسد ملك الغابة و نحنا تحولنا لغابة و الحمدلله ..
و قانون و قانون وقانون و ما بعرف شوبدي عد لعد ,, هاد الشي الوحيد الي قامت قيامتكن عليه ؟؟!!!


و اخيرا بدي قول .. أنا لما بكون عم دافع عن ديني ما بكون عم افرض رأيي على حدا او عم حاول انو الناس كلها على اختلاف طوائفا و معتقداتا, بالعكس أنا بكون عم دافع عن قضية أنا مؤمن فيها و شايفها بنظري انو صح لحتى يثبت العكس و حدا يقنعني انو الشي الي كنت عم دافع عنو غلط .. وقتها انا بعتذر قدام الناس كلها و بسحب كل كلامي و كل شي قلتو لأني كنت غلطان .. بس لحد الآن ماني مقتنع بكلام اي حدا ..

بتمنى انو يتاخد كلامي بصدر رحب و ما تاخدو عني فكرة سيئة انو انا متعصب و متخلف و عامل دقن 3 متر ..
انا مجرد شب عادي .. متلي متلكم تربيت بسوريا عندي اصدقاء من كل الطوائف و متربيين سوا ... يعني ما عندي شي ضد حدا أبدا حتى كلمة طائفية ما كنا نسمع فيها الا من جديد .. طبعا من بعد ما بدأت ايران تتدخل و تضم سوريا لولاية الفقيه

على فكرة كل عام و انتو بخير

[أم الجود]

كاتب النص الأصلي : aladdinjad

،قال تعالى : ((ولن يجعل الله للكافرين على المؤمنين سبيلا ))

الله يعزك ...

كاتب النص الأصلي : aladdinjad

باختصار شديد .. أنا ماني متدين أو عم طالب انو تكون سوريا دولة اسلامية لأنه هاد الشي بالوقت الحالي مستحيل بس بتمناه من قلبي .. و انا من الناس الي بتطالب بفصل الدين عن الدولة و بشدة و بخاصة لما بجتمع مع ناس من الاسلاميين الي بيحكو انو لازم يكون النظام بسوريا اسلامي ..

دقيقة دقيقة .. فتت بالحيط .. كيف مانك متدين و عم تطالب بفصل الدين عن الدولة و بنفس الوقت متمني من كل قلبك تكون سوريا دولة إسلامية !!؟

كاتب النص الأصلي : aladdinjad

بس بنفس الوقت ما بقبل انو يفسر الدين على انه البعبع الي رح يحبسنا و يقيد حرياتنا لأن الله أعدل العادلين , و كل واحد بآمن بالله أكيد مقتنع بهاد الشي و بيعرف انو الاسلام هو الدين الحق و طبعا بأمن هيك بشكل منطقي حتى لو ماكان مو مسلم لأنه أخر دين سماوي نزل فالشي المنطقي و العقلاني انو يكون جاب حل لكل مشكلة اعترضت الناس بالديانات الي قبلو ..

على هالحسبة لازم كل الدول غير العلمانية -حتى لو كانت غير مسلمة- تستمد قوانينها من الشريعة الإسلامية ...

كاتب النص الأصلي : aladdinjad

و الي استفزني أكتر انو كل مواد الدستور السوري مافيها اي شي بيقيد حرية المواطن إلا قانون الاحوال الشخصية ؟؟!!
يعني ازا قلنا :
1- قانون الطوارئ ... اتعودنا عليه و ما بيمشي حالنا من دونه
2- حزب البعث هو القائد للدولة و المجتمع ... اكيد نحنا منتنفس حزب البعث
3- تعديل عمر رئيس الدوة من 40 سنة ل 34 سنة ... عادي كيف بدنا نعيش بدون أسد ؟!! ما منقدر لأنه الاسد ملك الغابة و نحنا تحولنا لغابة و الحمدلله ..
و قانون و قانون وقانون و ما بعرف شوبدي عد لعد ,, هاد الشي الوحيد الي قامت قيامتكن عليه ؟؟!!!

شو لازم نعمل يعني ؟!!
يا أما منجمع بعضنا و مننزل نعتصم قدام القصر الجمهوري مشان نلغي هالقوانين اللي ذكرتا و نسقط الحكم ، يا أما منخرس و ما منفتح تمنا و نعترض على هالخازوق اللي عم يتنكـّل تحت تسمية "قانون أحوال شخصية جديد" !!؟

كاتب النص الأصلي : aladdinjad

و اخيرا بدي قول .. أنا لما بكون عم دافع عن ديني ما بكون عم افرض رأيي على حدا او عم حاول انو الناس كلها على اختلاف طوائفا و معتقداتا, بالعكس أنا بكون عم دافع عن قضية أنا مؤمن فيها و شايفها بنظري انو صح لحتى يثبت العكس و حدا يقنعني انو الشي الي كنت عم دافع عنو غلط .. وقتها انا بعتذر قدام الناس كلها و بسحب كل كلامي و كل شي قلتو لأني كنت غلطان .. بس لحد الآن ماني مقتنع بكلام اي حدا ..

يا عمّي مين قرّب ناح دينك ؟؟ مارس دينك متل ما بتحب و عيش أفكارو و تعاليمو على كيفك .. بس كرمال الله اتروك الناس اللي اختارت لحالا أديان تانية -أو حتى اختارت تبقى بدون دين بنوب- هي كمان تمارس دينا و تعيش أفكارو و تعاليمو على كيفا ... مو ضروري لحتى تكون عم تدافع عن دينك و قضيتك تعمم شرع دينك على كل السوريين من دون ما يكون الن الحق يعترضوا لأنو إذا اعترضوا بيطلعوا معك ببغاوات مدسوسين ..!!

كاتب النص الأصلي : aladdinjad

بتمنى انو يتاخد كلامي بصدر رحب و ما تاخدو عني فكرة سيئة انو انا متعصب و متخلف و عامل دقن 3 متر ..
انا مجرد شب عادي .. متلي متلكم تربيت بسوريا عندي اصدقاء من كل الطوائف و متربيين سوا ... يعني ما عندي شي ضد حدا أبدا حتى كلمة طائفية ما كنا نسمع فيها الا من جديد .. طبعا من بعد ما بدأت ايران تتدخل و تضم سوريا لولاية الفقيه

نحنا منعرفك شي من قبل يعني و النا عندك تار و بدنا ناخدو ؟؟
نحنا عم نعلق عالكلام و الأفكار اللي عم تطرحا .. واضح انو مخلوطة عندك الكروت كلا ببعضا ، يعني كرهك للسلطة الحاكمة و اختلاف انتمائها الطائفي عن انتمائك اللي واضح جداً شدة حماسك -إذا ما بدنا نقول تعصبك- الو ، ما بيبرر تشجيع هيك مشروع قانون إذا أقر ، ببشرك انو رح يتحقق حلمك بإعلان سوريا دولة إسلامية تنافس أفغانستان على لقب أكثر الدول الإسلامية تشدداً ...


و كل عام و انته بخير ...






عالهامش : أنا لا بعض ولا بخرمش .. فما في داعي تخاف مني ...

[Nay]

كاتب النص الأصلي : aladdinjad

،

* سوريا مابتقدر تقدم نفسها على انو دولة علمانية لأنه بالدستور بيقول انو دين رئيس الدولة هو الاسلام .
المادة 1
1ـ الجمهورية العربية السورية دولة ديمقراطية شعبية واشتراكية
المادة 3
1ـ دين رئيس الجمهورية الإسلام.
2ـ الفقه الإسلامي مصدر رئيسي للتشريع.

مصدر رئيسي وليس مصدر وحيد ولا مصدر أول كما هو في الدول الاسلامية.. يعني التشريع الاسلامي مصدر تماما كما القوانين الوضعية المستقى منها التشريع السوري وكما باقي المصادر القانونية للتشريع لسوري..


80% من سكان الدولة من المسلمين .
بالنسبة لل 80 بالمئة فرغم أن الاحصاء صحيح حسب معلوماتي الا انه تماما كما قالت ام الجود هناك ضمن هذه ال80 دروز وعلويون وشيعة ويزيديون كما ان الأكراد رغم كونهم مسلمون سنة الا ان متطلباتهم كأقلية لا تتقاطع مع متطلبات السنة في سوريا على الاطلاق..لذا يتم احتساب الاكراد خارج نطاق المسلمين السنة عادة في مثل هذه الاحصاءات في العراق وسوريا وتركيا وايران
سوريا عضو في مؤتمر العالم الاسلامي .. و غيرو وغيرو ,

سوريا عضو في المؤتمر الاسلامي انما تركيا العلمانية ايضا عضو في المؤتمر الاسلامي..
انا طبعا لا أقول أن سوريا دولة علمانية دستورياً انما هي دولة أحكامها القضائية والدستورية وشكل نظام الحكم فيها له طابع علماني..

[Nay]

كاتب النص الأصلي : aladdinjad

،

* سوريا مابتقدر تقدم نفسها على انو دولة علمانية لأنه بالدستور بيقول انو دين رئيس الدولة هو الاسلام .
المادة 1
1ـ الجمهورية العربية السورية دولة ديمقراطية شعبية واشتراكية
المادة 3
1ـ دين رئيس الجمهورية الإسلام.
2ـ الفقه الإسلامي مصدر رئيسي للتشريع.

مصدر رئيسي وليس مصدر وحيد ولا مصدر أول كما هو في الدول الاسلامية.. يعني التشريع الاسلامي مصدر تماما كما القوانين الوضعية المستقى منها التشريع السوري وكما باقي المصادر القانونية للتشريع لسوري..


80% من سكان الدولة من المسلمين .
بالنسبة لل 80 بالمئة فرغم أن الاحصاء صحيح حسب معلوماتي الا انه تماما كما قالت ام الجود هناك ضمن هذه ال80 دروز وعلويون وشيعة ويزيديون كما ان الأكراد رغم كونهم مسلمون سنة الا ان متطلباتهم كأقلية لا تتقاطع مع متطلبات السنة في سوريا على الاطلاق..لذا يتم احتساب الاكراد خارج نطاق المسلمين السنة عادة في مثل هذه الاحصاءات في العراق وسوريا وتركيا وايران
سوريا عضو في مؤتمر العالم الاسلامي .. و غيرو وغيرو ,

سوريا عضو في المؤتمر الاسلامي انما تركيا العلمانية ايضا عضو في المؤتمر الاسلامي..
انا طبعا لا أقول أن سوريا دولة علمانية دستورياً انما هي دولة أحكامها القضائية والدستورية وشكل نظام الحكم فيها له طابع علماني..

[achelious]

مافي داعي نعرف مين الي حط هالمشروع, طالما مبين من نصوصه انو المشتغلينه بيمثلو طائفة واحدة بالبلد- ما خلاف قديه بتشكل!- طالما في آخرين, القانون بيخصن وما حدا عزمن يشاركو حتى بإبداء الرأي -بتصوري- بالمواد الي بتمسن!

هاد ما إلو غير اسم واحد هو"جهل سياسي"

-المفروض اللجنة الي بدا تشغتل هيك مشروع قانون بيمس الأحوال الشخصية لبلد متنوع متل سورية,
يكون هالتنوع ممثل باللجنة, ليطلع شي بيشبهنا!

أو بيعملوا قانون أسرة عصري, ما لو علاقة بالأديان. وبوقفو بعبصة!

أما وقت العزايم انطون نايم ووقت الجلي قوم ياانطون!

تسئ
لازم حدا ينصحن هالنصيحة قبل ماتقلب جد! ترى انطون مارح يسكتلن وقتا, وأنا معو ..

[Nasserm]

كاتب النص الأصلي : aladdinjad

،قال تعالى : ((ولن يجعل الله للكافرين على المؤمنين سبيلا ))

أي نعم


والدليل.. قالولوا

.