أحـاديـثُ مُـحَمَّـد إبـراهيـم

[بنفسجة]

اوووووووووووووووووووووووو وووو
حلوة كتير هالمحادثة
بعلمي محمد بيخجل من خيالو
وانا يلي فكرت بالاول انو تأخر بسبب عجقة السير على جونيه

[ياسمين_الشآم]

احلوت القعدة ياقرصان مع أحاديثك المثمرة والغيرة المشتعلة
وماهي إلا البداية مع محمد هنيئاً علها تكمل معه

واتعلم منه
كمان متابعة جداً وهي الك

[حنين.]

مو عَ أساس تفارقنا أنا وأنتِ، وحطينا بنصرينا (الأصبع الصغير) ببعض وقلنا:
فرق فرق للتابوت، اللي يحكي مع التاني يموت! .
إي لا تتطلعي هيك، أنا شديد الزعل منّك وما رح أرضى لتنفذي وعدك.

اجيت كمل المسلسل ومانفع معي لا خصام ولا فراق ولا شيء
حتى قبل ما فوت عالتابوت رح اكتب كلمة السر تبع اخوية بوصيتي وخلي مناوبة عني تزعجكم
وعن الزعل رح طيرو باقرب فرصة معقول انسى وعدي!!

موضوع الصداقة بين الرجل والمراة هي موضوع لحالو ياريت حدى يتكرم ويفتحلنا موضوع للنقاش

مشوقة احاديثكم وثرية

[قرصان الأدرياتيك]

كاتب النص الأصلي : بنفسجة

اوووووووووووووووووووووووو وووو
حلوة كتير هالمحادثة
بعلمي محمد بيخجل من خيالو
وانا يلي فكرت بالاول انو تأخر بسبب عجقة السير على جونيه

تسلمي يا بنفسج... أنت الحلوة.
إي بيخجل مزبوط، بس هالتفاح الوقعان عالأرض خلاه يتذكر ستنا حوّا وجدنا آدم الله يرحم ترابن، وتذكر حالة الإنسان الأوّل (بلا خجل) فدبّ النشاط بأوصالو... بعدين شهامتو أقوى من الخجل.
.

كاتب النص الأصلي : ياسمين_الشآم

احلوت القعدة ياقرصان مع أحاديثك المثمرة والغيرة المشتعلة
وماهي إلا البداية مع محمد هنيئاً علها تكمل معه
واتعلم منه
كمان متابعة جداً وهي الك

شفتي عَ هالغيرة شو بتعمل... بتبهدل الواحد الله وكيلك!
هل ينجح محمّد في اكتسابِ قلب الفتاة البيضاء الفاتنة؟ هل يتمكّن من كسرِ الخجل وإحراقه على جمرات الحبّ؟!
هذا ما سنشاهده قريباً في "أحاديث محمّد إبراهيم" التي يُخرجها لنا قرصان البحار الطائرة بغير أجنحة .
ميت هلا فيكِ .

كاتب النص الأصلي : حنين.

اجيت كمل المسلسل ومانفع معي لا خصام ولا فراق ولا شيء
حتى قبل ما فوت عالتابوت رح اكتب كلمة السر تبع اخوية بوصيتي وخلي مناوبة عني تزعجكم
وعن الزعل رح طيرو باقرب فرصة معقول انسى وعدي!!
موضوع الصداقة بين الرجل والمراة هي موضوع لحالو ياريت حدى يتكرم ويفتحلنا موضوع للنقاش
مشوقة احاديثكم وثرية

... قصدي ... و.
الله يبعد الزعل... بس لازم تنفذي الوعد!
على سيرة الأحاديث تذكرت قول شغلة...
الأحاديث فيها أفكار وهي عنصر مهم، ولذلك بتمنى عالأصدقاء المتابعين معنا أنو يشاركونا آراءن بخصوص الأفكار... يعني حلوة المتابعة ومشجعة، بس إذا في فكرة عجبتك أو عندك شي تقول عنها فيا ريت تصرفلك شوي حبر وتكتب والأقلام على حساب محمّد ما دخلني أنا . وإذا ما عندك... بسيطة هات اللي ما عندك.
بلكي نحوّل الموضوع لأكشن فكري .

[حنين.]

كاتب النص الأصلي : قرصان الأدرياتيك

الأحاديث فيها أفكار وهي عنصر مهم، ولذلك بتمنى عالأصدقاء المتابعين معنا أنو يشاركونا آراءن بخصوص الأفكار... يعني حلوة المتابعة ومشجعة، بس إذا في فكرة عجبتك أو عندك شي تقول عنها فيا ريت تصرفلك شوي حبر وتكتب والأقلام على حساب محمّد ما دخلني أنا . وإذا ما عندك... بسيطة هات اللي ما عندك.
بلكي نحوّل الموضوع لأكشن فكري .

انا بحب الاكشن
في اكتر من فكرة بس رح بابدا من اخر فكرة
الصداقة بين الجنسين
ما بوافق الراي القائل انها مستحيلة ابدا
وحجة محمد انو ما بيقدر يحكي بصراحة عن كل شيء حجة واهية ليش؟
فرضا عندك صديق بعيد الشر عنو مريض والكلام بالموضوع يتعبو نفسيا على راي مولانا عندي حل من اتنين
يا بحكي وبقهرو وما دخلني بشعورو يا ببطل اعتبرو صديق

[Parker Linkin]

رائعة

[mhsen77]

ليش صاير مولانا حكيو قليل؟

[قرصان الأدرياتيك]

كاتب النص الأصلي : حنين.

انا بحب الاكشن
في اكتر من فكرة بس رح بابدا من اخر فكرة
الصداقة بين الجنسين
ما بوافق الراي القائل انها مستحيلة ابدا
وحجة محمد انو ما بيقدر يحكي بصراحة عن كل شيء حجة واهية ليش؟
فرضا عندك صديق بعيد الشر عنو مريض والكلام بالموضوع يتعبو نفسيا على راي مولانا عندي حل من اتنين
يا بحكي وبقهرو وما دخلني بشعورو يا ببطل اعتبرو صديق

وبطبيعة الحال أنا بتّفق معك... الصّداقة ممكنة بين جميع الأجناس والأعراق والأديان... إلخ! وجود الحبّ وما يتفرّع عنّو من اهتمام وبذل وصفح وعون ونصح بيبني صداقة عميقة راسخة.
ميت هلا هدهود .

كاتب النص الأصلي : Parker Linkin

رائعة

شكراً للطفك .

كاتب النص الأصلي : mhsen77

ليش صاير مولانا حكيو قليل؟

ليش ما بتعرف أنّو مولاكم أبخل خلق الله؟! . يا حرام مولاهم أكلتا افتراء عند هالضهريّة !
هو إي بخيل بس القصّة مو ببخلو، المشكلة فيّي آني مو عرفان عَ شو بدّي لحّق، فبدّك تعذرني شوي، مؤقّتاً يعني.
ووعد منّي أنّو أكتبلك أحلى حديث ثالث، بس إنشالله مولاكم ما يقطعنا.
هلا محسن .