المساكنة.....

[whiterose]

كاتب النص الأصلي : rama1985

مرحبا

موضوع حلو وعم تابعو من البدايه

هلأ انا مالي مع بالمطلق يعني برأيي ضروري يكون فيه ضوابط للمساكنه وانو تكون بعد سن معين يكون فيه الشخص ناضج سواء البنت او الشب بس لفتت انتباهي شغله يلي عم يصوتو ضد بحجة انو الاسلام والدين وحرام هلأ يلي عايشين بالسعوديه او بالخليج اكيد سمعو عن ( زواج المسيار ) وهاد الزواج حللوه اكبر علماء السعوديه وعم يعملوه ناس كتيييير هون هلأ بربكون زواج المسيار يلي مافي ايا نوع من انواع المشاعر وحللوه للمتعه فقط فقط ها او المساكنه بين تنين اقل شي في بيناتهن مشاعر وحب وارتباط روحي

يعني بلا مايكون عندنا ازدواجيه بالاحكام

وميرسي للكل

شوخص المسيار بالمساكنة

مابدي غير مسيار الموضوع واحكي عن ماهية زواج المسيار

ولعلمك زواج المسيار مو زواج متعة حابة تعرفي اكتر بحبشي او افتحيلنا موضوع عنو

[rama1985]

ياستي ماغيرت الموضوع بالعكس انا بستغرب كيف هاد حلال وهاد حرام ؟؟؟؟؟!!!!!!

وبدون ما افتح موضوع عن زواج المسيار باختصار زواج المسيار بيكون بين تنين مو ضروري يكون في بيناتهن ايا تكافؤ حتى بالسن ولا ايا مشاعر نهائيا بس انو بتفقو التنين على وقت معين للزيارة وبمجرد مابطلع من بيتها بينتهي كل شي بيناتهن ومو هيك بس بشترطو من البدايه مافي ولاد يعني هاد حلال ؟؟؟

شو الفرق بينو وبين المساكنه الفرق ورقه بتنكتب مو اكتر

[whiterose]

كاتب النص الأصلي : rama1985

ياستي ماغيرت الموضوع بالعكس انا بستغرب كيف هاد حلال وهاد حرام ؟؟؟؟؟!!!!!!

وبدون ما افتح موضوع عن زواج المسيار باختصار زواج المسيار بيكون بين تنين مو ضروري يكون في بيناتهن ايا تكافؤ حتى بالسن ولا ايا مشاعر نهائيا بس انو بتفقو التنين على وقت معين للزيارة وبمجرد مابطلع من بيتها بينتهي كل شي بيناتهن ومو هيك بس بشترطو من البدايه مافي ولاد يعني هاد حلال ؟؟؟

شو الفرق بينو وبين المساكنه الفرق ورقه بتنكتب مو اكتر

برضو ما استوعبت

بدك تاخديني بحلمك شنّو متقلة اليوم على الفطور

المساكنة هية تعايش شاب وصبية تحت سقف واحد تعايش اخوي مو تعايش جنسي

وزواج المسيار هو تعايش جنسي

نحنا عم نحكي عن التفاهم والتأخي بين شب وصبية مو هيكة

[rama1985]

ياستي صحتين ع الفطور اول شي

تاني شي المساكنة هي أن يعيش الشاب والفتاة سويا

ويتعامل معهم المجتمع على أنهما ثنائي مثل أي زوجين

هاد تعريف المساكنة

ومية وردة

[MadMax]

كاتب النص الأصلي : whiterose

المساكنة هية تعايش شاب وصبية تحت سقف واحد تعايش اخوي مو تعايش جنسي

مين قلك ..؟؟

[توم و جيري]

انا مو معها ابدا ليش لانها غلط وحرام هيدا رايي انا ..

[LiOnHeArT.3LA2]

المساكنة هية تعايش شاب وصبية تحت سقف واحد تعايش اخوي مو تعايش جنسي

صح .. بس نسيتي قبل كلمة تعايش جنسي .. كلمة " مو بالضرورة"

[أإأبو العبد]

كاتب النص الأصلي : Nasserm

تمّت

ياراجل ليش هيك والله كنا مبسوطين

[marochka]

كاتب النص الأصلي : Nasserm

أظن.. وبعض الظن منيح
بالعصر الحجري ما كانت المرا تلبس ورق عريش..
كانت تستخدم "ورق ملفوف".. خوش هيك بيجي أكبر وأستر يعني
هلق مشان ما تقولوا هالمداخلة برات الموضوع.. رح قول شي (بركي هيك منرقّعها ت تصير جوات الموضوع)
أنا برأيي.. إنو.. كيف بدي قلكن ياها يعني:
في سياق مناقشتنا لموضوع المساكنة، وتأسيساً على نظرة حداثوية لمحدودية الأنماط البدئية في المجتمعات البشرية، إن كانت الغربية منها أو الشرقية، القديمة أو الحديثة، لا بد لنا إذ ذاك من استبصار مفاعيل مبداً اللاحتمية المطابقة في علاقة الرجل بالمرأة خصوصاً وأن النمط السائد "أي الشعبوي" في هذه العلاقة أثبت -بما لا يدعو للشك- عجزه عن الوصول إلى الصيغة المنشودة تلك التي تفتح أمام الإنسان أبواب المعرفة اللامؤطرة الحقيقية خارج مصادرات الوعي الإنساني المـُقولـَب بقالب المصادرات الناجزة، الشيء الذي يحد من تحليقه في فضاءتٍ أرحب بعيداً عن نير اتباعية المفهوم ومحدودية الأغراض الجنسية..
لذا فإن التجربة الما بعد حداثوية -إن استطعنا قول ذلك- بمجملها، إن كانت تلك التي تنحو منحى الذاتية أو التعددية العشوائية أو تلك التي تسلك درب التفكيكية الما بعد حداثوية، تبدو من حيث الشكل، وإن بشكل غائم أو عائم أو ضبابي -Fuzzy يعني- لأكثر وضوحاً ومثابرة وتحديداً في طرق أبواب عوالم جديدة لم تكن قبل وجودية هيغل وسارتر وإن تلمّسنا بداياتها الأولية -بتواضع- في "نقد العقل الصرف" لـ كانط
وحين نتفحّص جدلية التقطع والاستمرارية من وجهة نظر إنتاجية أو ريعية -في ميادين الإنتاجية الوراثية أقصد- هذه التي لها صلتها الفكرية المتشابكة بأنماط بدئية مجاورة للقدسية الموصوفة في النمطية الشخصانية أو الجسدية
على سبيل المثال.. نلاحظ أن ثمة نظرية إبداعية للعلاقة بين الرجل والمرأة تتخطى التعبير عن الحقيقة الواقعية عبر أداة تسهم في تفسير تباينات جماليات ظواهر غير مفسرة بحدسية النفسانية التوافقية المعهودة..
والشيء المثير في النشاط العقلي الكلي المترافق مع تقلبات علاقة الرجل والمرأة ضمن ما أسميتموه هنا "مساكنة" والذي تبديه لنا أوجه وطرق الوصول إلى "الأورغازم" المادي البحت، إن كان بتركيبته الموضوعية المتخيلة أو بصيغته الذاتية الحاصلة غالباً، الشيء المثير هو أن النمط الأكثر شيوعاً في طرائق المخيلة أو -لنقل الرؤية- الكوانتية- تغيب في المتفرّدات الصِغَرية مواجهة الحراك الترموديناميكي المتمثل في الموت الحراري للجوهر المادي للجسد البشري الميت والمتحوّل عبر تزامن ارتباط الحالات المتعددة بين الرجل والمرأة.
تمّت

كاتب النص الأصلي : DARKNESS

هلق من بعد أذن ناصر رح أشرح شوي
ناصر مانو يساري و بالعكس حسب نقاشاتي معو اتفقنا انا و ياه بجانب انو ما منتفق مع اليساريين بأي شكل كان بسبب نظرية الأرهاصات الأشكالية تبعتن
من جهة الكلام بشكل مبسط اللا حتمية هي عكس الحتمية و الحتمية هي امر مفروع منو سوف يحدث
و نحن كمجتمع شرقي أفكارنا كلها مبنية عا مبدأ الحتمية يعني مثلا عنا ( ما أختلى أثنان (ذكر و أنثى يعني) إلا و كان الشيطان ثالثهما) طيب
هون منشوف صورة حتمية مزروعة بمخنا
من مبدأ اللا حتمية مو بالضرورة يجتمع تنين لمجرد الجماع في شغلات أسمى
بالنسبة للمعرفة اللا مؤطرة يقصد بها الإلمام بمتطلبات العصر الحالي و تطور العلوم الكثيف الذي جرى في العقود الأخيرة
و عدم تبني أفكار جاهزة و التعصب لها متل اليساريين أو اليمينيين أو المتعصبين لمبدأ أو مذهب ما فهذه أفكار تأطر الأنسان و تقتل حالة أستنتاجه الداخلي المنبثق عن أمامه بما يفعل و عدم تصرفه بما توارثه
يعني شي بيقولو عنو مو تصرف غريزي تصرف بيعتمد على التحليل الشخصي اللا منتمي للمبادئ الجاهزة
يعني بالنسبة للمصادرات الناجزة هي ما أخدناه من غيرنا و لقينا أنو هوي شي ناجح من دون ما نكون متطلعين عن الظروف المرحلية لحدثو و الظروف المرحلية لحدثنا و الخروج عن الفضاء المحصور لهالفكر الجاهز المتبنيه الفرد بخليه يحلق بفضاء اللا محدود من الأفكار التي تستند لمبدأ أنساني لا حيواني شهواني.....


راجع..

كاتب النص الأصلي : DARKNESS

كمثال مبسط للتجارب الما بعد حداثوية يعني
ظهرت الماركسية الماركسيين اتفقو على انو المادة سبقت الوعي و بعدين صارو يتطورو و حركتن انبسقت عنها حركات و أفكار تتفق بالمضمون و تختلف بالشكل منها ما احتفظ بذاتها و جوهرها أو تقلبت بسبب أنو الأفكار واحدة و لكن هناك أختلاف بشكل التنفيذ
و الطريق التاني هو التفكك اللي بيصير من بعد تجربة الأفكار و التوصل لأنها غير مناسبة بسبب ظروف مرحلية و لكن جوهرها مناسب بس تنفيذها غير واقعي بالمرحلة و هالشي بيأدي لظهور أفكار جديدة تستند إلى الفكر الرئيسي و ترتكز عليه و أضيف عليها أفكار تتفق بالجوهر
و الهدف و تختلف بالمضمون بشكل أو بي أخر مثال ذلك هلئ عندك الشيوعية دعمتنا كدول عربية بس في ناس شافت بالشيوعية
عدو للدين و الله و هالناس ملتزمة بس أفكارها فظهرت أحزاب بتستند للأفكار الشيوعية مع تحريف بعض بنودها لتبدو ما يمكن ان نقول عنو مناسبة لألن متل ما صار بدولنا و حزب البعث و الإشتراكيين العرب و متلن متايل فهني ما بيقولو عن حالن انن شيوعينن بس فينا نقول عنن متأثرين بالأفكار الأشتراكية و بي أعتقادي متل ما بيقولو نفس الشي بس غير طعمة

انو عم يسو نوع من العملية التجميلية لا أكتر و لا أقل و معظم الحركات الأشتراكية أنصبت بمصالح فئات و طنشت باقي الفئات بعكس أفكارها مية بالمية لا و غلبو الرأسماليين بالإحتكار من جهة تانية.

منرجع لموضوعنا

بالنسبة للأفكار الرئيسية منلاقي أيضا الفكر الوجودي اللي بيعتبر الإدراك أو الوعي سبق المادة و بيختلف من ناحية أنو المدة سبقت الوعي متل الفكر الماركسي ، من أبرز أصحاب هالأفكار الفيلسوف جورج فيلهلم فريدريش هيجل اللي كانت أفكاره تتصف بالتناقض والتعقيد و هيجل
بالفعل ثورة بعالم الفلسفة فهو مرجع ماركسي و الو بصمة بالإجتهاد البروتستانتي و هو وجودي كمان و هوي بيعتبر فلسفتو أمتداد لكل ما يبقه من أفكار الفلاسفة .يقول ولاس في ذلك " إن مايريد هيجل أن يقوله ليس جديدا ولا هو مذهب خاص, إنما هو فلسفة كلية عامة تتداولها الأجيال من عصر إلى عصر, تارة بشكل واسع, وتارة بشكل ضيق, ولكن جوهرها ظل هو هو لم يتغير, وقد ظلت على وعي بدوام بقائها وفخورة بإتحادها مع فلسفة أفلاطون وأرسطو ".
أما بول سارتر فبيشوف بي فلسفتو أنو الحرية و وعيها أول خطوة في الأخلاق و إستخدام الحرية و الإلتزام بها هو الخطوة التانية
يعني الزلمة اذا ما بيعرف يمارس حريتو فهو كأنو بدونها يعني عدم بس وقت بيعرف معنى حريتو بيصير وقتها مشروع أو قيمة مميزة
أما بالنسبة ل إيمانويل كانت و كتابو نقد العقل المحض ففكرتو البارزة فيه هي التنوير اللي هو بحسب تعريفوإنه خروج الإنسان عن مرحلة القصور العقلي وبلوغه سن النضج أو سن الرشد."
يعني يبطل حركات الولدنة اللي بتقودو الغريزة أها و يستمع للعقل و عرف قصور العقل بقولو "التبعية للآخرين وعدم القدرة على التفكير الشخصي أو السلوك في الحياة أو اتخاذ أي قرار بدون استشارة الشخص الوصي علينا." و هون بتكمن الفكرة النهائية للأفكار اللي بأمن فيها
و اللي سبق و ناقشتها مع الأخ شام و لقيتها بحديثو أربيط الأفكار السابقة بيطلع معك عالم جميل من الرقي الفكري


.راجع

أنت وياه طنجرة ولقت غطاها، ودمتم ذخراً لأخوية وللمعترين اللي متلنا اللي بالزور ليعرفو يعبرو عن أفكارون بكم سطر...
صرلي من مبارح عم جرب أفهم اللي كاتبو ناصر، قام كملها أبو عتمة

بس أنو اللي فهمتو لهلأ من المحاضرة المابعد حاادثوية تبعكون، أنو ما لازم نبقى مسجونين بموروثات قديمة ونقتنع أنو عقلنا مانو أقل من عقول هالعالم اللي حاطة هالقوانين اللي عم نلحقا عالعمياني، ونقدر نحط قواعد وقوانين لحياتنا بالعصر الحالي وفق مفاهيم جديدة بتحددا تجربتنا نحنا مو تجربة ناس ناس عاشو قبل ميات السنين.

[أإأبو العبد]

كاتب النص الأصلي : marochka

بس أنو اللي فهمتو لهلأ من المحاضرة المابعد حاادثوية تبعكون، أنو ما لازم نبقى مسجونين بموروثات قديمة ونقتنع أنو عقلنا مانو أقل من عقول هالعالم اللي حاطة هالقوانين اللي عم نلحقا عالعمياني، ونقدر نحط قواعد وقوانين لحياتنا بالعصر الحالي وفق مفاهيم جديدة بتحددا تجربتنا نحنا مو تجربة ناس ناس عاشو قبل ميات السنين.

هلا اذا هو هيك قصدو فهاد حكي مدوزن وهالحكي كمان بيتطبق على الناس الي عمتقلد الغرب عالعمياني ياجماعة نحنا غيرن نحنا مامنقدر نصير هنه والتطور بعمرو مارح يكون بالتقليد هي الصين واليابان دول متطورة ومع هيك لهالا محافظين على عاداتن وتقاليدن فليش هالاصرار على التقليد الاعمى ماكنت افهم

طبعا انا رديت هالرد بناءا على زمة marochka ها انامابحط شي على زمتي لانو زمتي حاليا full

[Nasserm]

كاتب النص الأصلي : DARKNESS

ناصر مانو يساري و بالعكس حسب نقاشاتي معو اتفقنا انا و ياه بجانب انو ما منتفق مع اليساريين بأي شكل كان بسبب نظرية الأرهاصات الأشكالية تبعتن

بأي شكل؟

مممممممممممممم

مش فايق!!


بس ت نكفّي نقاش.. بوشّك.. روح وإقرا "أسعد أبو خليل"

[Nasserm]

كاتب النص الأصلي : محمد ابراهيم

سؤال اذا تكرمت
هو انت يساري ؟

وشو الفرق إذا إي.. أو لأ؟


يعني إذا قلتلك إي.. بيصير الحكي أوضح؟

كاتب النص الأصلي : محمد ابراهيم

بس حتى يكون عندي امانه ، مافهمت شيئ ، ممكن تعمل ترجمة ؟

ممممممممممم بجرّب

خصوصاً إنو "الترجمة الحرفية" لبعض المصطلحات (اللي عملها أبو العتم العزيز) ما عجبتني!!


صوري دارك.. بس يعني.. صراحة؟




الله لا يوفّق حريم ربّك على هالشرح!!

[مملكة الورود]

كاتب النص الأصلي : أإأبو العبد

هلا اذا هو هيك قصدو فهاد حكي مدوزن وهالحكي كمان بيتطبق على الناس الي عمتقلد الغرب عالعمياني ياجماعة نحنا غيرن نحنا مامنقدر نصير هنه والتطور بعمرو مارح يكون بالتقليد هي الصين واليابان دول متطورة ومع هيك لهالا محافظين على عاداتن وتقاليدن فليش هالاصرار على التقليد الاعمى ماكنت افهم

طبعا انا رديت هالرد بناءا على زمة marochka ها انامابحط شي على زمتي لانو زمتي حاليا full

يا عيني عليك والله
انت الفهمان
بصراحة ما لقيت شخص متزن بآراءو وأفكارو
دائما آراءك بتعجبني
وروح مرحة بالمنتدى أدك أبو العبد
مع اني لسا جديدة
يسلمو
انا معك

[مملكة الورود]

كاتب النص الأصلي : عطر المغرب

ضد 100/100
اول شي انا ستغربت للعديد من الشباب والصبايا انه هنن مع المساكنة
حبيباتي ادا انتم مع هالشي واليوم منلاقي بفرنسا او بغيرها من الدول الغربية بدهم يحدو من المساكنة
نلاقي انه العرب والمسلمين بيقولو انه مجتمعهم معقد وما الى دالك
جد عم بستغرب انه الناس صارت ضايعة وومريضة جد هدا مرض نفسي
معقول حدا براسو عقل يرضا انه يساوي هيك

جد انا بسأل الكل

هدا هو الاسلام هدي هي الرسالة الي الرسول صلى الله عليه وسلم بدو يانا نكملها ونوصلها

انه نقلد الغرب ونقلد الافعال السيئة الي هنن بيعملوها
جد نحن العرب صرنا ولا شي
مع انه لازم نكووووون كل اشي
جد حرااااااااااااااااااااااا ااااااااااااااااااااااااا ااااااام انه نحن نكون موافقين على هالشي
قولو عني معقدة قولو اني من العصر الحجري كل من بدو يقول شي يقولو
بس انا ما برضا لإسلام والمسلمين والعرب هالشي

هلاء انتم الي بتأيدو المساكنة
حدا فيكم يقلي شو اجابياتها ......... خاصة الي بقولو انهم مع الايجابيات والسلبيات بها العلاقة

جد نحن وين رايحين
وشو دور الدعات والشيوخ الي بدهم اصلاح الشباب لما منلاقي هالكم من الناس موافقة على هالعلاقة السيئة
وخاصة بدول مسلم عربية
انتم خبروووووووووووووني



بتمنى ما حدا يزعل بس هدا رأيي
تقبل مروري فااااااااااااااااااتي

يا سلام عليكي حبيبتي
على هدا الطرح المميز
انا معك مية المية
بس حابة ضيف شغلة للشباب
هلأ هالفكرة من وين وصلتنا
مو من الغرب
وقال شو
هنن ما عمبقلدو الغرب

[Nasserm]

كاتب النص الأصلي : عطر المغرب

وشو دور الدعات والشيوخ الي بدهم اصلاح الشباب

دورهن يقولولنا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

:

"الاحتياط في الفروج لا يلزم منه المنع، لكنه يلزم اتخاذ إجراءات تضمن سلامة إجراء العقود"

[marochka]

كاتب النص الأصلي : مملكة الورود

يا سلام عليكي حبيبتي
على هدا الطرح المميز
انا معك مية المية
بس حابة ضيف شغلة للشباب
هلأ هالفكرة من وين وصلتنا
مو من الغرب
وقال شو
هنن ما عمبقلدو الغرب

طيب وحتى إذا عم يقلدو الغرب، أنو مو أحرار مثلاً يقلدو اللي بدّون ياه، في ناس بتقلد بدون تفكير وفي ناس بتقلد عن قناعة، المهم يقدرو ياخدو قرارون بنفسون.

[حنين.]

مرحبا صوتت الخيار الرابع
بس هاد بالنسبة الي وللي بيطلب رايي ومشورتي هيك حيكون جوابي
بس اللي مقتنع فيها هو حر
بس سؤال لانو شوي دوختوني
شو الهدف من هالمساكنة ازمة سكن يعني او ازمة زواج
او بس تجربة؟

[Ichigo]

لم تعطينا خيارات كاملة فانا ضد المساكنة ولكن لا يعني ان لا نتحدث في الموضوع.