أنا لا أعبد الله...

[يمان Rooooonaldo]

فكرت كتير باسباب وجود الكون... بس أبداً ما اقتنعت بانو الخالق يلي اقتنعت فيه أنا خلق هالكون ليرضي غروره ونرجيسته وتقعد البشر تركع ليل نهار... ما اقتنعت ابداً انو هاد هدفو من وجود هالكون اما اذا انت مقتنع انو هاد الهدف فانت حر خليك ماشي على طريق ارضاء خالق الكون بعبادته

هون فيني قلّك كمان انت تسطفل .. هي هية النقطة اللي حكيت عليها كل واحد بيفهم ليش انخلق وليش انوجد .. عطريقتوا للي بيلاقيها مناسبة ولقاها الاصح . !

عندكون قدرة غريبة للصق يلي بيرضيكون بالله وتبرأته من يلي مابيعجبكون... كيف بقا اذا واحد خلق مشلول واعمى وفقير بيكون هرمونات واذا واحد خلق بكامل صحته لازم يشكر الله على هالصحة؟؟ يعني يا هو بيعطي وبياخد يا أما هو مادخلو والقصة منهجية منطقية
كيف اذا واحد قبض راتبو ها لازم يشكر الله ويروح يطج كم ركعة واذا واحد مات من الجوع بيكون الله مادخلو وهاد بسبب الانسان؟؟ يا الانسان مسؤول عن كل شي يا الله مسؤول عن كل شي.. لازم تعتمدوا

رجاع اقرا الرد .. منيح .. وركّز هون منشان يبين معك الحكي يعني .

يعني ازا بدك تشكرو .. عم تقلي لازم تحملو مسؤولية الشغلات التانية .. فـ شي طبيعي واكيد انو هوة بيعرف انو خلق هاد .. مثلا .. معو نقص بهرمون معين .. ومالو علاقة الشخص المخلوق .. بهي الشغلة .. لذلك شي طبيعغي واكيد يعني انو يكون هوة المتحمل .. هاد الشي .. بس النقطة بقا .. انو انت لح تشوف الشي المنيح اللي عملو معك او لا .. ولا بس بدك تشوف الشي المانو منيح وتبلش .. ما يعجبك وتحكي وتسب عليه ..

اي وبطريقك .. جاوبني .. عباقي الجملة يعني ..

يا الانسان مسؤول عن كل شي يا الله مسؤول عن كل شي.. لازم تعتمدوا

حبيب .. الله مسؤول عن عملية خلقك وتكوينك ..اكيد بركا الله ما لح يقلك ليش ما قمت .. وصليت عالواقف وقت بيعرف انك انخلقت معك شعف برجليك وما بتقدر توقف علين كتير .. اكيد وقت الله خلقك وبيعرف انو .. مثلا قدراتك العقلية .. تحت المستوى الطبيعي .. وما عندك قدرة التمييز بين الصح والغلط .. ما لح يجي ويحاسبك يقلي ليش عملت هيك وليش ما عملت هيك ..

اما .. مسؤوليتك كانسان .. هية عملك .. بالشي الموجود عندك والموجود داخلك .. وقت انت بتكون حللت الامور حواليك .. وقدرت تستنج انو طريقك الماِشي عليه هوة الصح .. بيكون هاد قرارك ومسؤوليتك هون .. والله مانو مسؤول عنو بشكل مباشر لانو عطاك الخيار .. وانت اللي اخترت .. لذلك .. لح يحاسبك حسب ما انت عملت وشفت وحللت واخترت .

ايوا ايوا... يعني الله مابيتدخل بالبشر وبأرزاقهن وبشخصيتهن؟؟ في تناقض بالحكي شوي بيكون الله خلق البشر ليعبدوه وبعدين يحاسبون ويكافئون.. شوي بيصير مادخلو بطريقة حياتون... شوي بيكون بيعرف كل شي وبيعرف مين عالجنة ومين عالنار وهالحياة كلها بلاطعمة.. شوي بيطلع تارك حرية القرار للبشر..

عيني بكل الاحوال اذا الهدف هو الثواب والعقاب بعد مسلسل العبادات كان الافضل توفير وقت هالمسرحية وياخدها من الآخر بناءً على النتائج يلي هو بيعرفها ويحاسب فوراً... او الاجدى بلا كل هالقصة وبلا خلقة هالبشرية اذا هاد الهدف من الوجود بوجهة نظرك..

منجي لهي القصة بالذات .. انت عم تطالب بما انو الله بيعرف عندو كلشي .. وانا عم قول انو هوة عاطيك الخيار لتختار وتعمل .. شخصيتك وتقرر انو كيف زبطت معي في تناقش لا حبيب ما في تناقض ..

الله بيعلم بالغيب .. وبيعرف كل واحد فينا شو لح يعمل وشو لح يصير معو .. بس ما هوة اللي اتخد هاد القرار انو يخليك انت تعمل وتروح وتجي وتسلك هالطريق او هداك الطريق ..

الله بيعرف من قبل ما يخلقك انت شو لح يكون مصيرك وكيف لح تتحاسب .. بس ما هوة اللي جبرك .. انو تمشي عهيك طريق .. هاد اختيارك .. وهاد قرارك ..

لو كان الانسان مسير مانو مخير .. لما كان في داعي لكل هالعيشة لانو .. ما لح يقدر يتحول هالانسان من وضع لتاني .. وكانت الدنيا كلها مالها داعي .

انت حاول تحرك مخك وتطلع شوي برات هالقوقعة يلي وصلت لمرحلة انك تبررها بمفاهيم متناقضة وغير مقنعة لخوفك من انكارها استناداً للعقل والفكر..
انا مخي مابحاول حركو وانما بحركو دايماً ومو ناطر حدا يشجعني على محاولة تحريكو..

انو .. كان من الاحلى انك تقتبس كامل الجملة سوا بدون ما تقطش .. جزء منها لتفهم .. انو هي الجملة مرتبطة باللي قبلها تماما .. ومكمة بالمعنى لالها .. لاني مالي علاقة لا فيك ولا بافكارك .. شو ما كانت ..

هلا من ناحية اني عايش بقوقعة كما انت شايفني .. فهي حريتك ورايك انت حر فيها .. انو عـ راسي ..

لاء لاء.. انا عم قول بناءً على مفهومك صار لازم اشكرو وقت بيكون الوضع منيح والعنو وقت الوضع مو منيح.. مو على صعيد شخصي عم احكي وانما بالشكل العام للحياة... او الحل التاني انو لا اشكرو ولا ذمو ولا حملو اي مسؤولية بثناء او هجاء... بقا انت اختار

يبدو انك .. مضغوط زيادة هيك وما عم تقرا الردود كاملة .. فـ .. حالحشلك هالاقتباس من الردود اعلاه .

هالاله اللي خلق وعمل .. ما من حقو انك تشكرو .. يعني خلينا بمثال صغير .. " مع عدم المقارنة ابدا لا سمح الله " .. وقت بيكون حدا هوة اللي ساواك وعملك .. وكمشك من انت وصغير .. وعملك وكبرك ورباك وساواك ودعمك .. بيستاهل منك .. شوية شكر .. ولا لا ..

وهل من المعقول .. انو عند اول شغلة ما ساعدك او .. وقف جنبك فيها .. متل حب يختبرك انو انت عنجد متربط فيه لمصلحة بس .. وانو على مبدا .. وحدة بوحدة يعني .. طول مانك جنبي وعم تشتغل معي عالمزبوط انا بضل .. محترمك وماشيين سوا .. وعند كم شغلة ما صارو .. ما بعود لا بيسال عليك .. ولا شي .. وبتصير بتسبو وبتطلع عليه بالعالي ..

ودمتم ..

[DARKNESS]

بس توضيح على هالفقرة انا ماعم هاجم الله وانما عم برأه من المفاهيم المتوارثة التي تلصق به... انا عم قول الله مادخله بالتفاصيل وطلعوه برات هالدوامة وانسو القصص والحكايا يلي لصقوها فيه..

انا ما قلت انك هاجمت الله بس انا وضحت جانب للملحدين السلبيين بس
و بعدين موضوعك واضح جدا و افكاره كتير حلوة و مدروسة
و لي رجعة..

.

[Nay]

كاتب النص الأصلي : VivaSyria

نعم أنا لاأعبد الله لكنني لا أنكر وجوده...والفرق شاسع وسأحاول أن أحدد بعض النقاط التي أعتمدها حينما أفكر بموضوع الخالق أو المؤسس لهذا الكون...

لا أفسر العلاقة بين الله والبشر على أنها علاقة عبادة... لأنني لم أستطع فهم أن كياناً مؤسساً للكون أوجد كل هذه البشرية لعبادته فمفهوم العبادة هو مفهوم مفعم بالنرجسية والغرور وجنون العظمة... وكون طرق العبادة قد حصرها بعض البشر "الرسل!!" بالأديان فلاأستطيع اليوم أن أعتمد أي دين "من الموجودين على الساحة" كطريقة للتواصل مع "الخالق"... فكل دين اختص نفسه بالصحة والوكالة الحصرية للله والجنة وماشابه...
فكل الأديان توافقت على شروط أخلاقية معينة مع العلم أن بعضها تجاوز الأخلاق وشروط تأسيس مجتمعات سليمة من خلال بعض الإمتيازات التي قضتها الطبيعة الذكورية لمؤسسين الأديان... اما الأسس التي توافقت عليها الأديان وحتى غير الأديان التي تدعى "بالسماوية" منها كالبوذية والهندوسية فهي الفطرة البشرية التي يجب أن تكون الأساس الوحيد لحياة البشر...

فلا أستطيع مثلاً أن أفسر وجود البشرية منذ ملايين السنين وظهور أول دين من الأديان الذي يتخذها البعض أساساً لحياتهم منذ ثلاثة آلاف عام فقط... لا أستطيع أن أفهم أصحاب اللحى الذين اختصهم الخالق بقدرات خارقة على شرح طلباته للبشر..
ولا أستطيع أن أفهم بالأساس وجود هؤلاء الرسل والأنبياء الذين نقلوا رسالة من الله للبشرية... فعلاقتي بالله "كما أراها" لاتحتاج لسعاة بريد وعلاقته بي لاتحتاج لكتب ونصوص وتهديد ووعيد... علاقتي به تعتمد على مقياس وحيد هو الأخلاق الإنسانية...

الله كما أعرفه لايعلم كل شيئ.. نعم فهو لايعلم من سيتخذ منهجاً جيداً لحياته ومن سيخطأ ولو كان يعلم لما كان خلق السيئ من الأساس لأنه لايهتم بحضور مباراة بين البشر... وهو لايخفي نفسه عمداً عن البشر حتى يكفر البعض به فيتسلى بشويهم "يوم القيامة"

الله كما أعرفه ليس معقداً ولامجنوناً بجنون العظمة... لايريد للمخظئ أن يخطأ ليتلذذ بحرقه في نار أو تجميده في ثلاجة... هو بنظري أكبر من هذه الترهات فهو لايحتاج لعبادة أحد ولن تزيده أو تضره بشيئ هذه العبادة...

الله كما أعرفه أسس هذا الكون بطريقة ما وترك هذه الحياة لتأخذ مجراها دون تدخل منه.. لأنه لو تدخل مرة لوجب عليه التدخل كل مرة أو على الأقل أن يتدخل بكل حدث على تفس الشكل...

الله كما أعرفه لايحب محمداً أو عيسى أو موسى أكثر مني... فهو كما أفهمه لايمكن أن يركز تفكيره مع موسى وفرعون وكيف سيقتل فرعون موسى وكيف سينقذ موسى ويوحي لأمه بطريقة إنقاذه وينسى اليوم ملايين الأطفال الأفارقة تنهش الجوارح لحمهم وهم يأنون تحت الجوع والمرض..

والله كما أعرفه لم يرسل ملائكته ليدافعوا عن محمد وجيشه وينسى اليوم أطفال فلسطين والعراق دون ملائكة تحميهم من المجرمين... فإذا كانت المسألة مسألة النية ولإعداد فسيجد هذا "الإله" عشرين مناضلاً صادقاً في فلسطين يحتاجون فقط إلى بعض الملائكة ليدعموهم..

والله كما أعرفه لم يحد تفكيره وتفكيرنا بلباس المرأة أو طريقة عبادته أو الأكل الحلال والحرام...

الله كما أعرفه لايتدخل بسير الطبيعة والأمطار والرياح ولايتحمل مسؤولية المصائب التي تحذثها بحجة واهية مقيتة
أنه يعلم ما لانعلم... الله كما أعرفه لم يعتمد لغة ولادين بل اعتمد الأخلاق الإنسانية للتعامل مع البشر...

الله كما أعرفه لايحتاج لدور عبادة يرسم عليها هلال أو صليب أو نجمة ويصدح بداخلها أصوات وكلاء له يصرخون بنا ليعلموننا مايريد الله من خلال تكليفه الحصري لهم...لينتشر بعدهم مكلفون أًصغر يحملون سيف الجهاد ضد كل من لم يعجبهم تفكيره..

الله كما أعرفه مقياسه الوحيد هو الفطرة الانسانية التي خلق الانسان بها ولو صدقت الديانات لكان الله خلق ضمن الذاكرة الأساسية للإنسان بعضاً منها... كما تجهز الحاسبات بنظام "BIOS"...

الله كما أعرفه لم يقل يوماً لأحد لهم الدنيا ولكم الآخرة.. ولم يترك شعوباً كسولة كالشعوب العربية فرحت بالأديان لإتكاليتها وتخلفها... فتركت الأخرين "الغرب الكافر" يعملون ويطورون ويحسنون ويبتكرون ويخترعون وجلست هي متأكةً تفكر بأي قدم تدخل الحمام "بحسب الدين" هل اليمنى أفضل أم اليسرى...

الله برأيي لم يخلق الكون ليأتي يوم يكون له ملايين العباد ولايريد لأحد أن يعبده ولم يحدد طرقاً وأساليب للعبادة بل أوجدها بعض البشر ويكمل بها بعضهم الآخر في يومنا هذا.

لما كنت بصف العاشر بذكر.. قررت حدد موقفي من الله ومن الدين.. وانو لازم فكر بالموضوع منيح..
وبذكر لما اخذت قراري وحددت مكاني مزبوط كتبت شي بيشبه كتير اللي كتبتو انت..
ووقتها سميت الخاطرة " اتفاقي مع الله" ..

[khalkhool]

كاتب النص الأصلي : VivaSyria

لا أفسر العلاقة بين الله والبشر على أنها علاقة عبادة... لأنني لم أستطع فهم أن كياناً مؤسساً للكون أوجد كل هذه البشرية لعبادته فمفهوم العبادة هو مفهوم مفعم بالنرجسية والغرور وجنون العظمة... وكون طرق العبادة قد حصرها بعض البشر "الرسل!!" بالأديان فلاأستطيع اليوم أن أعتمد أي دين "من الموجودين على الساحة" كطريقة للتواصل مع "الخالق"... فكل دين اختص نفسه بالصحة والوكالة الحصرية للله والجنة وماشابه...

أنا بشترك معك بهي النقطة, ومابتصور أنو هوه خلقنا بس كرمال نعبدو!

ولا أستطيع أن أفهم بالأساس وجود هؤلاء الرسل والأنبياء الذين نقلوا رسالة من الله للبشرية... فعلاقتي بالله "كما أراها" لاتحتاج لسعاة بريد وعلاقته بي لاتحتاج لكتب ونصوص وتهديد ووعيد... علاقتي به تعتمد على مقياس وحيد هو الأخلاق الإنسانية...

هون بختلف معك, الإنسان (غير عن كل المخلوقات على الأرض) يمتلك العقل والإدراك والتفكير وحرية اتخاذ القرار, هذه المميزات هي سلاح ذو حدين, إما أن تستعملها للخير, وإما أن تستعملها للشر, وتلك أكبر المصائب, لأن الإنسان هو القوة المنظمة المطلقة على الأرض!

الله كما أعرفه لايعلم كل شيئ.. نعم فهو لايعلم من سيتخذ منهجاً جيداً لحياته ومن سيخطأ ولو كان يعلم لما كان خلق السيئ من الأساس لأنه لايهتم بحضور مباراة بين البشر... وهو لايخفي نفسه عمداً عن البشر حتى يكفر البعض به فيتسلى بشويهم "يوم القيامة"

الله كما أعرفه ليس معقداً ولامجنوناً بجنون العظمة... لايريد للمخظئ أن يخطأ ليتلذذ بحرقه في نار أو تجميده في ثلاجة... هو بنظري أكبر من هذه الترهات فهو لايحتاج لعبادة أحد ولن تزيده أو تضره بشيئ هذه العبادة...

صح 100%, بس فكر معي, لو الرسل يلي علموا الناس الأديان (مهما كان الدين, سماوي أو غير سماوي) ماكانوا موجودين (بغض النظر عن مين منهم صحيح ومين منهم كذاب) كيف كان ممكن أنو ينحكم الإنسان ويتوجه للخير مو للشر؟ لاحظ معي أنو حتى بوجود الأديان على اختلافها, مازال الشر هو الصفة العامة لـ 90% من تصرفات البشر!!!
يمكن لوماكان في ناس مقتنعة بالأديان, لكان الشر صار 100%!


الله كما أعرفه أسس هذا الكون بطريقة ما وترك هذه الحياة لتأخذ مجراها دون تدخل منه.. لأنه لو تدخل مرة لوجب عليه التدخل كل مرة أو على الأقل أن يتدخل بكل حدث على تفس الشكل...

كمان مرة, أنا معك 100%

الله كما أعرفه لايحب محمداً أو عيسى أو موسى أكثر مني... فهو كما أفهمه لايمكن أن يركز تفكيره مع موسى وفرعون وكيف سيقتل فرعون موسى وكيف سينقذ موسى ويوحي لأمه بطريقة إنقاذه وينسى اليوم ملايين الأطفال الأفارقة تنهش الجوارح لحمهم وهم يأنون تحت الجوع والمرض..

لا تعليق

والله كما أعرفه لم يرسل ملائكته ليدافعوا عن محمد وجيشه وينسى اليوم أطفال فلسطين والعراق دون ملائكة تحميهم من المجرمين... فإذا كانت المسألة مسألة النية ولإعداد فسيجد هذا "الإله" عشرين مناضلاً صادقاً في فلسطين يحتاجون فقط إلى بعض الملائكة ليدعموهم..

والله كما أعرفه لم يحد تفكيره وتفكيرنا بلباس المرأة أو طريقة عبادته أو الأكل الحلال والحرام...

طبعا أكيد, الله, ومن ثم نحن أبناؤه أسمى من التفكير بهذه الطريقة! بس هي الشغلات فيك تعتبرها اكسسوار ضروري لكل دين, لأنو الدين إذا كان كتير بعيد عن الحياة اليومية بينتسى!

الله كما أعرفه لايتدخل بسير الطبيعة والأمطار والرياح ولايتحمل مسؤولية المصائب التي تحذثها بحجة واهية مقيتة
أنه يعلم ما لانعلم... الله كما أعرفه لم يعتمد لغة ولادين بل اعتمد الأخلاق الإنسانية للتعامل مع البشر...

الله كما أعرفه لايحتاج لدور عبادة يرسم عليها هلال أو صليب أو نجمة ويصدح بداخلها أصوات وكلاء له يصرخون بنا ليعلموننا مايريد الله من خلال تكليفه الحصري لهم...لينتشر بعدهم مكلفون أًصغر يحملون سيف الجهاد ضد كل من لم يعجبهم تفكيره..

لكل معتقد, مهما كان نوعه, أدوات للسيطرة والانتشار, تخيل حزب بدون مقر, وأعضاء, ومؤسسين ووو! مابيكون حزب, صح؟ فهي كمان من اكسسوارات المحافظة على الدين, أو العقيدة مهما كان نوعها.

الله كما أعرفه مقياسه الوحيد هو الفطرة الانسانية التي خلق الانسان بها ولو صدقت الديانات لكان الله خلق ضمن الذاكرة الأساسية للإنسان بعضاً منها... كما تجهز الحاسبات بنظام "BIOS"...

هي الفطرة يا عزيزي هي ذات تأثير ضعيف جدا, يتلاشي مع تقدم الإنسان في العمر, لأن الـ BIOS هو مجرد أوامر بسيييطة جدا تبقي الإنسان على قيد الحياة, أما الخير والشر والتمييز بينهما فهي أمور مختلفة تماما يكتسبها الإنسان بالتربية و الاختلاط بالآخرين في المدرسة والجامعة والعمل وووو...

وكدليل على صحة كلامي, لاحظ الاختلاف الكبير بين الشعوب بالنظر للخير والشر, لأنو الموضوع بالنهاية نسبي وبيرجع للتربية والعادات والتقاليد بتجي فوق الـ BIOS وبتشكل الـ Operating System نظام التشغيل (عفكرة, تشبيهك تبع الـ BIOS كتير عجبني"


الله كما أعرفه لم يقل يوماً لأحد لهم الدنيا ولكم الآخرة.. ولم يترك شعوباً كسولة كالشعوب العربية فرحت بالأديان لإتكاليتها وتخلفها... فتركت الأخرين "الغرب الكافر" يعملون ويطورون ويحسنون ويبتكرون ويخترعون وجلست هي متأكةً تفكر بأي قدم تدخل الحمام "بحسب الدين" هل اليمنى أفضل أم اليسرى...

صح, معك 100%

الله برأيي لم يخلق الكون ليأتي يوم يكون له ملايين العباد ولايريد لأحد أن يعبده ولم يحدد طرقاً وأساليب للعبادة بل أوجدها بعض البشر ويكمل بها بعضهم الآخر في يومنا هذا

هلأ بالأصل مين أوجدها, الله ولا البشر, مافيك تشمل كل الأديان, لأنو مو كلها متل بعضها, بس, موضوع أنو البشر كملوها وكبروها وعقدوها, فأنا معك تماما لأنو برجع بقلك, الدين بالنهاية هو عقيدة, وكل عقيدة تسعى للوصول إلى السلطة, والسلطة هي قمة طموح الإنسان, فطبيعي كل رجل دين ييتحول لديكتاتور, بعمرك سمعت عن رجل دين ذو رتبة عالية جدا تمت إزاحته عن منصبه؟ كلهون بيضلوا على رأس منصبهون لحتى يموتوا! هي مو اسمها ديكتاتورية؟

بالنهاية, بدي أكد على موضوع أنو الدين هو واحدة من أدوات السيطرة على وحشية الإنسان, يمكن القانون الوضعي (المدني) هو كمان أداة, وبيعامل الناس على مبدأ العقاب, يعني إذا غلطت بتنحبس, بس نحنا ببلادنا, وبالشرق كلو عموما, بتلاحظ أنو الدين إلو تأثير أكبر بكتير من القانون, لأنو الدين بيعامل بمدأ الثواب والعقاب, مو بس العقاب, وبما أنو الدين هو مجرد فرضية لا دليل ملموس على صحتها, فمن الطبيعي أن يكون الثواب والعقاب فيه فرضية أيضا, لأنو لهلأ, ماحاد مات, ورجع خبرنا إذا في جنة ونار ولا لأ!

[Syrian_love]

أنا ما رح رد عليك لأنو بالآخر هي حريه شخصيه و أنا بالآخر بحترم رأيك
و بتمنى إنو انت كمان تحترم رأيي

موضوعك بالمره مو حلو لأنو لو فكرت بالقدرات الموجوده بهاد الكون اللي مو عاجبك
و فكرت أكتر قبل ما تطرح هيك موضوع كنت لقيت الجواب لوحدك

و نحنا بالصلاة و العباده اللي ملزمين فيها مرتاحين نفسيا و جسديا و روحيا

ما بدي كتر بالحكي بس بالآخر ان شاء الله تعالى تلاقي الجواب بالروابط اللي فوق

[جلنارالغالية]

انت فتت على موضوع فلسفي شائك لا يمكنك حله لان افضل الفلاسفة واقواهم على البرهنة والاستدلال لم يتمكنوا قطعا من حله وهذا بشهادتهم انفسهم بمعنى ان الجدل مازال ولايزال مستمرا هذه القضيةاي السؤال الشهير الذي مفاده هل الانسان يقوم باالفعال عن ارادة منه او عن ارادة من الله و تدعى التخيير والتقرير ويمكنك عمل بحث عن الموضوع لتتاكد من ان لا جواب شافي

ومرد عدم وجود حل للموضوع هو قصور ذهن الانسان بطبيعته عن التفكير في هاته المواضيع واستنتاج حلول لها
فالمطلوب من الانسان هو عبادة الله مثلما يريد الله الصلاة الصيام الزكاة وغيرها
شيئ تاني الا تعتقد معي ان الذي خلق الكون بمجراته والاعجاز الذي يتضمنه كل ذلك الا تعتقد انه يستحق منا كل التبجيل والتقدير والاحترام انت اذا احترمت وبجلت شخصا الا تحب ان تقوم بما يحب كطريقة لرد الجميلالا تعتقد ان عبادة الله واجبة واعلم انك لست رسولا ولا اعتقد انك فيلسوف لتتعمق في مجالات وتطرح اسئلة لا يمكنك الاجابة عليها ولا يمكن لغيرك اشفاء غليلك بالبرهان والحجة
لا تعتقد نفسك مخيرا او مختارا لتضن نفسك افضل من مليار مسلم حتى تطرح هذه الاسئلة وتفتخر بكونك لا تعبد الاله على طريقة المليار مسلم وتريد عبادته على طريقتك اتنت فذلك غير منطقي ان كنت تؤمن على الاقل بالمنطق
تحياتي

[HashtNasht]

كاتب النص الأصلي : جلنارالغالية

انت فتت على موضوع فلسفي شائك لا يمكنك حله لان افضل الفلاسفة واقواهم على البرهنة والاستدلال لم يتمكنوا قطعا من حله وهذا بشهادتهم انفسهم بمعنى ان الجدل مازال ولايزال مستمرا هذه القضيةاي السؤال الشهير الذي مفاده هل الانسان يقوم باالفعال عن ارادة منه او عن ارادة من الله و تدعى التخيير والتقرير ويمكنك عمل بحث عن الموضوع لتتاكد من ان لا جواب شافي

لاء لاء...هاي القضية محلولة و خالصة و من زماااااااااااااااااااان كتير اذا بدك , بس الغالبية ما بدهن يسمعوا , و بصراحة ما عليهن لوم .
ع سيرة الفلسفة رح اعطيكي سطر صغير للشيخ عبد الله القصيمي , بحللك القصة كلها :
((إن الإله، في كلِّ افتراضاته، هو سلوك، لا ذات فقط. فإذا لم يوجد سلوكُ إله فلن توجد ذات إله.))

خالص ...نقطة انتهى يعني

[يمان Rooooonaldo]

ابو نهلة .. الورد .. حبيب الملايين ..

عندي استفسار .. انو ..

لاء لاء...هاي القضية محلولة و خالصة و من زماااااااااااااااااااان كتير اذا بدك , بس الغالبية ما بدهن يسمعوا , و بصراحة ما عليهن لوم .

فيني كون ما من الاغلبية وتشرحلي شوي ؟

[memo dark death]

هلا بدي اسالك انت اي واحد يقدم الك خدمة بتشكرو كتيررر حتى لو كانت بسيطة الخدمة بتشكرو وبتحكيلو ايش ما بدك انا جاهز هذا الحكي من الواقغ انا وانت واي شخص بعمل هيك طب ممكن اسالك اذا واحد اعطاك كل اشي الروح العيون الحواس الخمسة بشكل عام سخر لك الحياة على الارض وطلب منك طلب انك تقوم بالصلاة والعبادة هذا شي كتيررر ما عتقد ان هذا شي كتيرر وفي اشياء كتيررر في حكمه من الله لم يتم اضهرها

انت فكر تفكير عقلاني وانشاء الله بتعرف الله وحقيقة العبادة وتفكر في الكون والحياة بشكل عام ممكن شخص عادي يعمل هذا شي فاحنا لازم نشكر الله الي سخر لانا جميع الامور الا يستحق الشكر من خلال العبادة

وشكرررررررررر

[HashtNasht]

كاتب النص الأصلي : يمان Rooooonaldo

ابو نهلة .. الورد .. حبيب الملايين ..

عندي استفسار .. انو ..



فيني كون ما من الاغلبية وتشرحلي شوي ؟

مافي شي بدو شرح ...القصة هي أنو في كتير عالم ...كتير كتير يعني .. بيتدعوا بوجود إله أو خالق ..أو الل هو يعني , بس ولا واحد من اللي اتدعوا هالشي قدر يثبت وجود إله أو خالق .
و بتمنى منك أنو ما تناقشني بهالموضوع , اذا فعلا عندك دليل على وجود إله , اي نوع إله يعني , قدمو للبشرية ,عرضو ع ال cnn يا أخي , صدقني بينذكر اسمك بالتاريخ .

[يمان Rooooonaldo]

منشان ما .. نخلي الموضوع يتشعب ويطلع عن مسارو ما لح رد هون ..

بس عندي استعداد اني ناقش بالموضوع .. مناقشة ازا حابب .. برانيةني .. اما ازا بدا تكون بدايتها .. بنوع من انواع المسخرة او السخرية هيك يعني انو cnn وسبيس تون .. فـ مااللي مصلحة بنوب ..

[حنين.]

رح حاول بقدراتي التعبيرية المحدودة اشرح وجهة نظري وتفسيري لامور اللي حكيت عنها

كاتب النص الأصلي : VivaSyria

نعم أنا لاأعبد الله لكنني لا أنكر وجوده...والفرق شاسع وسأحاول أن أحدد بعض النقاط التي أعتمدها حينما أفكر بموضوع الخالق أو المؤسس لهذا الكون...

لا أفسر العلاقة بين الله والبشر على أنها علاقة عبادة... لأنني لم أستطع فهم أن كياناً مؤسساً للكون أوجد كل هذه البشرية لعبادته فمفهوم العبادة هو مفهوم مفعم بالنرجسية والغرور وجنون العظمة... وكون طرق العبادة قد حصرها بعض البشر "الرسل!!" بالأديان فلاأستطيع اليوم أن أعتمد أي دين "من الموجودين على الساحة" كطريقة للتواصل مع "الخالق"... فكل دين اختص نفسه بالصحة والوكالة الحصرية للله والجنة وماشابه...
العبادة مو بس الحركات اللي نعملها وقت الصلاة والاموال اللي بندفعها بالزكاة ومسافة الطريق للحج ودوران حول الكعبة هدول برايي المفروض المؤمن بيعملهم لما هو بيكون محتاج فعلا ان يخلي صلة روحية بينو وبين الله وكبرهان اضافي على طاعته وشكرو
اللي علومني ياه ان الدعاء مخ العبادة وبعرف ان التفكر في خلق الله عبادة من اعظم العبادات وان العمل عبادة والصدقة بالسر عبادة والعمل فرض اوجب من عدة فروض اخرى فهو عبادة واتقانه ايضا عبادة والاصلاح في الارض عبادة
يعني لما اسمع انو الله خلق الجن والانس ليعبدوه مو يعني يصلو ويصومو وكتر خيرهم في الف شغلة وشغلة
يعني ان عبدنا الله كما يجب رح نقرا ونتعلم ونفكر ونجتهد حتى في احكام الدين اللي لازمها تجديد كل فترة حتى تناسب العصر و نعمل خير ونساعد غيرنا ونبني اوطاننا بالمختصر المفيد عبادتنا نعمر بيها الارض نساعد انفسنا وغيرنا من بني البشر وحتى الحيوان والنبات
فكل الأديان توافقت على شروط أخلاقية معينة مع العلم أن بعضها تجاوز الأخلاق وشروط تأسيس مجتمعات سليمة من خلال بعض الإمتيازات التي قضتها الطبيعة الذكورية لمؤسسين الأديان... اما الأسس التي توافقت عليها الأديان وحتى غير الأديان التي تدعى "بالسماوية" منها كالبوذية والهندوسية فهي الفطرة البشرية التي يجب أن تكون الأساس الوحيد لحياة البشر...

فلا أستطيع مثلاً أن أفسر وجود البشرية منذ ملايين السنين وظهور أول دين من الأديان الذي يتخذها البعض أساساً لحياتهم منذ ثلاثة آلاف عام فقط... ليش ما يكون اول دين اكتشفنا وجودو يعود لهدا التاريخ ليش ما تتوقع وجود اديان قبلو ما وصلنا لنعرفها لا أستطيع أن أفهم أصحاب اللحى الذين اختصهم الخالق بقدرات خارقة على شرح طلباته للبشر..
ولا أستطيع أن أفهم بالأساس وجود هؤلاء الرسل والأنبياء الذين نقلوا رسالة من الله للبشرية... فعلاقتي بالله "كما أراها" لاتحتاج لسعاة بريد هي فعلا لا تحتاج لوسطاء ولا لسعاة بريد بس انت وانا قدراتنا الدهنية وادراكنا للامور مختلف وفي اللي فهم على قدو والغبي والله ان ما وضح لهالفئة الطريق الصحيح بيكون ظالمهم وعلاقته بي لاتحتاج لكتب ونصوص وتهديد ووعيد...كمان التهديد والوعيد مو موجه الك خصوصا موجه لفئة من الناس ما تفهم غير بالخوف وما تعرف قيمة الحب علاقتي به تعتمد على مقياس وحيد هو الأخلاق الإنسانية...والدين جاء ليتمم مكارم الاخلاق وما نفى حسن الخلق عن غير المؤمين
.

لسا ما كملت والي رجعة اكيد
احترامي

[HashtNasht]

كاتب النص الأصلي : يمان Rooooonaldo

منشان ما .. نخلي الموضوع يتشعب ويطلع عن مسارو ما لح رد هون ..

بس عندي استعداد اني ناقش بالموضوع .. مناقشة ازا حابب .. برانيةني .. اما ازا بدا تكون بدايتها .. بنوع من انواع المسخرة او السخرية هيك يعني انو cnn وسبيس تون .. فـ مااللي مصلحة بنوب ..

عزيزي مافي شي للنقاش , و ماكان في اي سخرية بكلامي .
عندك دليل حطو ع الطاولة , قلعلي عيني فيه ...ما عندك ماني مجبور صدق ادعاءاتك , لا انا و لا غير يعني .

و السلام عليكم

[osian]

كاتب النص الأصلي : HashtNasht

عزيزي مافي شي للنقاش , و ماكان في اي سخرية بكلامي .
عندك دليل حطو ع الطاولة , قلعلي عيني فيه ...ما عندك ماني مجبور صدق ادعاءاتك , لا انا و لا غير يعني .

و السلام عليكم

نظرا للأدلة القاطعة يلي قلعت عيوني فيها قلع _خزيت العين_ أنا من جهتي أعلن من مكاني هادا أني تركت ديني وما بقى أعبد الله أبدا أبدا


ولصاحب الموضوع أنو عفوا ..
بس ممكن تشرحلي شو فكرة هالموضوع أكتر
أنو بس عم تقلنا خلص يا جماعة ما بقى في داعي للأديان وتشرحلنا شو هو الله يلي أنت بتعرفه و بدون أي أدلة مثبتة أو متفق عليها علميا..يعني تعارف ما أكتر ولا شو ؟
لأن كلامك هو اجتهادك الشخصي.. وممكن أعتبره نظرية بس أنو ما أقنعتني بالمنطق أنو ما في داعي للأديان أو للعبادة
يا يت توضحلي ...إزا ممكن شو الهدف من الموضوع

[Reemi]

كاتب النص الأصلي : HashtNasht

عندك دليل حطو ع الطاولة , قلعلي عيني فيه ...ما عندك ماني مجبور صدق ادعاءاتك , لا انا و لا غير يعني .

انا اكتر اثبات على وجود الله بسمعون بيستعملوه هو البعوضة او الناموسة او السما يلي بلا عواميد (تحديداً هي كتير بتستفزني) او بيجيبولك شي اثبات من اكتر من الف سنة مابعرف مين فيون كان وقت صارت هالحكايات..

المهم بناءً على هالاثباتات الخطيرة بحب بشرك انو في الله وانت مافي فوتة عالجنة لانك مابتعبدو ليل نهار فبدك تصير بيوم القيامة ابو نهلة فرايد تشكن

[Reemi]

مشاركة مقتبسة عن I_LOVE_SYRIA نشرت اليوم بقسم العلوم يمكن تكون مفيدة للحوار:

كاتب النص الأصلي : I_Love_Syria

تمكن علماء أميركيون من اكتشاف آثار تدل على أن الحياة على كوكب الأرض نشأت من مادة سقطت من الفضاء الكوني.

فقد أظهرت تحاليل جديدة أجريت على ذرات غبار التقطها المسبار "ستاردست" للمرة الأولى وجود آثار لحمض أميني يطلق عليه اسم "غلايسين", وهو أحد المكونات الأساسية للبروتينات التي بدونها لم يكن للحياة التي نعرفها وجود.

وقد اكتشف علماء بمركز غودارد لرحلات الفضاء بولاية ميريلاند القريبة من واشنطن دي سي –وهو أحد المراكز التابعة لوكالة أبحاث الفضاء والطيران الأميركية (ناسا)- آثارا لحمض غلايسين في عينة لذرات غبار من المذنب "وايلد2" التقطها المسبار ستاردست وأسقطها في صحراء يوتاه الأميركية عام 2006.

وقال جيمي إلسيلا -الباحث في مركز غودارد وأحد الذين أعدوا التقرير بشأن هذا الكشف لدورية "علوم النيازك والكواكب"- إنهم تمكنوا بعد التحقق من وجود الغلايسين من معرفة أن المذنبات ربما تكون أطلقت منذ القدم أحماضا أمينية إلى الأرض, ما أسهم في إيجاد العناصر الأساسية التي انبثقت منها الحياة.

وقد ظلت الفكرة القائلة بأن مكونات الحياة الرئيسة انتقلت إلى الأرض من الفضاء ولم تنبجس من مواد الأرض الكيماوية الأصلية قائمة لسنوات.

وسبق أن اكتشفت أحماض أمينية في الشهب, لكنها المرة الأولى التي يقف فيها العلماء على حمض أميني في مادة لأحد المذنبات.

وأشار كارل بيلشر -مدير معهد بيولوجيا الفضاء التابع لناسا الذي أسهم في تمويل البحث- في هذا الصدد إلى أن الاكتشاف يمثل دليلا آخر على أن عناصر الحياة الأساسية موجودة في كل مكان.

ويعد هذا الاكتشاف الأحدث من نوعه في إنجازات المسبار ستاردست غير المأهول الذي أطلق في 2 يناير/كانون الثاني 2004 ليتعقب غلالة الغبار والركام الصخري الذي ينفثه المذنب وايلد 2 وراءه.


الجزيرة

[jovia]

بصراحة ما بعرف شو بدي قول بس خليني كون حيادية لانو ما اتعمقت بالديانات الاخرى لحتى اظلمها واخد عنها فكرة بهالطريقة وغلط الاديان ولا بدي قول اني كافرة وماني مسلمة ولا بدي قول اني مؤمنة انا بيكفيني انو في عندي قناعة بذاتي وبوجود هالكون فما بدي اقنع حدا ولا حدا يقنعني لانو بالنهاية كل انسان متشبث برايو وما مستعد ليفعل شي غير انو يثبت كلامو بالادلة والببراهين يلي بيعتقد ومتيقن بصحتها

[محمد ابراهيم]

كاتب النص الأصلي : VivaSyria

الله كما أعرفه

الله كما أريده