هل يكره الرجل المرأة التي تتفوق عليه ؟

[Nay]

انا رأيي انو موبس الرجل بيغار وبتتوهج عندو كل عقد النقص لما بيشوف مرتو ناجحة.. لأ مو بس هيك كمان المرأة اللي هيي انتاج مجتمعها كمان متل الرجل تماما.. كمان وقت اللي بتنجح كل عقد نقصها بتطلع وبتعتبر تفوقها على الرجل بمجال معين بيسمحلها تسيطر عليه ..
يعني طالما الطرفين نتاج مجتمع واحد معناتا العقد وحدة وما حدا أحسن من حدا..

[قرصان الأدرياتيك]

سلام...

بظن أنّو في خلل بعنوان الموضوع. يعني من الخطأ نحط الكره عنوان ونبني عَ هالأساس...

الغيرة من المتفوّق والناجح هي أمر طبيعي ومتبادل بين الجنسين، يعني ممكن غار من صديقي وممكن غار من أختي وممكن غار من مرتي... إلخ! وبنفس الوقت ممكن الأنثى تغار من الرجل. هاد ناتج عن مشاعر المرء يللي بتدفع فيه كل رغبة نحو النجاح والتفوّق!

هلا الغيرة بحد ذاتها مانها شعور سلبي... بس إذا تطورت لحسد ونوع من البغض ونتج عنها أفعال خاطئة هون بتصفي سلبيّة تماماً... أمر طبيعي أنّو غار من شخص متفوّق، وهالشي بيدفعني شخصيّاً لأتعلّم منّو وأستفيد على قدر إمكاناتي، لأن الإمكانيّات البشريّة متفاوتة، وهالشي بيعلّمني أنّو ممكن ما أوصل لمرحلة فلان أو لدرجة علتان.

هلا إذا مرتي كانت تتفوّق عليّ أكيد رح غار، وبنفس الوقت رح كون المساعد الأوّل لتنجح وتتفوق أكتر وأكتر، ما هي بالنهاية مرتي ونحن سوا طول العمر... وبالوقت نفسه رح أتألم كتير إذا شعرت أنها تستعمل "التفوق" بأي حوار بيناتنا، أو حتى لتعتبرني أنقص... إلخ من نتائج التفوق السلبيّة... بس أكيد ما رح تصل ردة فعلي لدرجة الكره!

.

[inodessa]

انا اعزب
بس اذا بالايام صارت مرتي ناجحة والله بنبسط و بشوف حالي فيها... يعني بتكون مصدر فخر الي... و ما بعتقد رح تشوف حالها عليي.. لانو انا ما حدا بشوف حالو عليي..

[أإأبو العبد]

كاتب النص الأصلي : bacteria

الرجل بالفطرة مكيود وبغار

والمراة بالفطرة هبلة وبينضحك عليها

[bacteria]

كاتب النص الأصلي : أإأبو العبد

والمراة بالفطرة هبلة وبينضحك عليها

[أإأبو العبد]

كاتب النص الأصلي : bacteria

الحقيقة مرة بعرف

[الأندلسية]

كاتب النص الأصلي : أإأبو العبد

والمراة بالفطرة هبلة وبينضحك عليها

مين يلى أنجبك ؟ مو أمك العظيمة ؟

[mhsen77]

المصيبة اذا كانت وحدة او حتى واحد فاشل و مصدق حالو انو شغلة كبيرة

[alaa melhim]

كما يقول فرويد يوجد في كل رجل امراة وفي كل امراة رجل لذلك فعندما ينزعج الرجل من تفوق المراة فهذا دليل على ان المراة داخله هي المنزعجة اما عندما تنزعج المراة من تفوق الرجل فهذا دليل على ان الرجل داخلها هو المنزعج ,,,,,,,,,,,,, يااخي هاد الغيرة بزاتا

[lolo510]

كاتب النص الأصلي : قرصان الأدرياتيك

هلا إذا مرتي كانت تتفوّق عليّ أكيد رح غار، وبنفس الوقت رح كون المساعد الأوّل لتنجح وتتفوق أكتر وأكتر، ما هي بالنهاية مرتي ونحن سوا طول العمر... وبالوقت نفسه رح أتألم كتير إذا شعرت أنها تستعمل "التفوق" بأي حوار بيناتنا، أو حتى لتعتبرني أنقص... إلخ من نتائج التفوق السلبيّة... بس أكيد ما رح تصل ردة فعلي لدرجة الكره!

.

كلامك في شي من التناقض يعني شلون بدك تغار منا وبنفس الوئتتكون ساعدها الاول ؟؟؟ مانا راكبة يعني

[DARKNESS]

كاتب النص الأصلي : alaa melhim

كما يقول فرويد يوجد في كل رجل امراة وفي كل امراة رجل لذلك فعندما ينزعج الرجل من تفوق المراة فهذا دليل على ان المراة داخله هي المنزعجة اما عندما تنزعج المراة من تفوق الرجل فهذا دليل على ان الرجل داخلها هو المنزعج ,,,,,,,,,,,,, يااخي هاد الغيرة بزاتا

يا سلام عليك

[هبه الاردن]

الرجل ما بيكره انها تكون المرأه متفوقه عليه الا بعض الشاذين عن القاعدة


فالرجل عادة يتفاخر بذكاء مرأته امام الغير

وبالتاكيد المرأه الغبيه بتخرب على زوجها ومن حواليها

[lolo510]

ما بتأدري تحكمي ع شي انت ما جربتيه كونك صبية مو رجال وحوا بطبيعتها بتحب الرجل الناجح وما بتغار منه

[أإأبو العبد]

كاتب النص الأصلي : الأندلسية

مين يلى أنجبك ؟ مو أمك العظيمة ؟

اه امي العظيمة
وانتو على اساس اجيتو من ام بس الاب ماخصو

[DARKNESS]

و الله يا ابو العبد من شي يومين قريت خبر انو يمكن توصلوا لطريقة تخلي التوالد البكري ممكن عند البشر يعني البيضة بتلقح حالها بحالها و ما ضللنا قيمة بهالحياة والله و راحت على الرجال

[قرصان الأدرياتيك]

كاتب النص الأصلي : lolo510

كلامك في شي من التناقض يعني شلون بدك تغار منا وبنفس الوئتتكون ساعدها الاول ؟؟؟ مانا راكبة يعني

يا روحي الغيرة هيّ شعور والمساعدة فعل!
الغيرة هيّ دليل على طموح ونموّ وما بالضّرورة تنتج عنها ثمار سلبيّة وخاصّة أنّو في شي عقل براس الإنسان!
الموضوع يتعلّق بعمليّة توجيه الغيرة...
.

[بنفسجة]

حسب عن اي رجل عم تحكي
انا برايي الرجل غير الواثق من نفسو هو فقط من يكره المراة التي تتفوق عليه
بلاحظ هالشغلة كتير بالمجتمع يلي بتغلب عليه الصفة الذكورية المتشبعة بافكار متل الرجل قوام على المراة
والمراة بنص عقل
والرجل متفوق ومن هالحكي يلي صار حكي لمجرد الحكي
يعني الرجل يلي ربيان بهيك جو ومتشبع بشعور العظمة يلي غالبها بتكون وهمية
بنلاقية فزع وارتد لنجاح اي امراة على اعتبار انو هالنجاح رح ياثر عليه ومتناسي انو الحق عليه وليش ما يشتغل ليقدر يتفوق كمان هو التاني
باحد المحاضرات كنت بالسنة الاولى كلية طب الاسنان بتفاجا باحد الطلاب بيوقف وبيقول لدكتور علم النفس انا ضد دراسة المراة
ولما سالو الدكتور ليش
بيجاوب الطالب انو المراة صارت عم تفوت عالجامعة وبالتالي عم تاخد مقعد جامعي من حق الرجل كونو هو المسؤل عن تشكيل اسرة مستقبلا
وبعدين عم تتخرج وتلاقي فرص العمل بشكل اسهل من الرجل
هاد اذا ما فكرت وعملت دراسات ودكتوراة والرجل بيقعد بالبيت بهي الحالة
فبالله شوفولي ملا رجل هالرجل

[كل مره بزعل وبفل]

اقسمي الرجال نصفين متعلم وغير متعلم وبعدين اطرحي الموضوع
انا بالنسبه اللي اغار من نجاح المرأه ولا اكرهه لانو اكيد نجاحها من ايدها وبعقلها
لكن سؤالي هل المرأه تسعى الا بنجح الرجال ؟؟؟؟؟

تعالي يا انسه واسالي حالك هالسؤال لو تنين رجل وامره بشتغلو بمكان واحد وكانت كل الفرص متساويه بينهم في مجال معين ولكن طب ولا هيا صارت مسؤوله عنه لانو رئيسهم بالشغل بدو ياها هيا او لانها معها واسطه والخ الخ الخ ....

عفكرة راح زمن هدا بغار من هاي وهديك بتغار من هي صرنا بزمن كلو واسطات (( درهم واسطه خير من قنطار معرفه )) والنجاح صار ينحط عالرف وصاحبه بغير شغله عم يشتغل...



تحياتي