المشرف الغير مثالي لعام 2009 ! !

[شوط ياقمر]

كاتب النص الأصلي : JIJILAMARA

أنا صوتت ضد Government


لأنو بشجع الاتحاد
و الاتحاد افكح ما بيعرف يلعب

وأنا كمان صوتت ضد كوفرمينت .. لنفس الأسباب ..

آل إتحاد آل

[mhsen77]

كاتب النص الأصلي : JIJILAMARA

أنا صوتت ضد Government


لأنو بشجع الاتحاد
و الاتحاد افكح ما بيعرف يلعب

انا رح صوت لحسون لانو اسمو بيذكرني بالعطري

[sona78]

كان بدي صوت لياس
لانو اول ما اجيت عالمنتدى كنت نزل بعناوين الاخبار بلا ضابط
لاني للصراحة ما قريت كيف لازم نسق التنزيل
فالزلمة ما بعتلي لا مخالفة ولا تنبيه
وانما كتب تعليق انو كيف بيتم توزيع الاخبار بين محلي وشرق اوسط وعالم
هيدا معناه انو هوي ما عم يشرف مزبوط كونو مرق مخالفة

بس لصراحة صوتت لبلاك .. لانو اسلوبو بالانتقاد اقل ما يوصف انو فيو قلة احترام كبيرة للطرف التاني
واحيانا بيكون تعليقو عشوائي ....
اضافة الى تعابير من شكل (ايدي بزنارك اعطيني وقت )ما بعرف كيف ممكن تنكتب كرد
لما منحكي راي عن حذف موضوع
وهيدي برايي اسوا من النكتب تاعيت فوق 18 يلي شاغلة المنتدى

[mhsen77]

يا ريت لو ممكن المشرفين يردو على أرائنا فيهن و يبنو وجهة نظرون بهالاراء



اذا هلأ ممكن تسبب شي فوضى بالموضوع ياريت يردو بعد انتهاء الاستفتاء

[boy freind]

هلأ انا انصعقت بالنتيجة انو اكتر شي مو مثالي هو عابد و ريم ؟؟؟

اي اذا في حدا مثالي بهالعالم هو بلاك

دخيل ربو انا اديش ساعدني بموضوع الصحف

صرعتو للزلمة و هو من تم ساكت ما اتأفف ولا مرة

و ريم كمان ساعدتني كتير بموضوع مجلة البرامج

غريب

[قرصان الأدرياتيك]

أدامَ اللهُ مساءَكم سعيداً عامراً بالسّلام... وبعد

قررت ما كفي فصحى لأن أول ما كتبت حسيتني عم غص! فبلاها اليوم دخيل ربا أنا...

ثمّ أنّو ما كنت رح سجّل دخول لا اليوم ولا بوقت قريب، بس قلت يا ولد شوف الشباب شو أخبارن وأحوالن، بركي شي حدن عطاك عمرو تكسبلك هالسنين يللي تركها .

بس هالموضوع لفت نظري كونو تقييم خاص للإدارة (الفاعلة) حسب ما فهمت، ولهذا السبب بالذات أعلنت الدخول...

قبل كل شي حابب عبر عن رأيي بشكل خاص ويللي هوّ أنّو من المستحيل يكون في شخص مثالي بعملو مهما كان هالعمل، وهالشي أنا بقدرو وخاصّة مع كترة المشاغل والدروس... وإلخ. ولهالسبب بالذات ما رح صوت لشخص معين، بس رح رتب الأسماء يللي وردت بحسب المثالية يللي بشوفها أنا... يعني بشكل تدريجي من الأول للأخير وبظن هيك يكون أوضح بكتير من التصويت لشخص معين...

للأسف أنا ما احتكيت بالإدارة مع جميع الأسماء الواردة، بس تصويتي رح يكون من خلال هالاحتكاك، وبتمنى يعذرني أي واحد منن إذا شعر أنو انغبن أو تعرض لعنت... بالنهاية نحن بشر وهو رأيي الخاص وبحسب مقاييسي ومعاييري يللي بوزن فيها فلان أو علتان من البشر... وخاصة أنو المعايير هي العمل الإداري في الأخوية والمثالية في هالعمل!

الترتيب: (السطر يعبر عن المنزلة، ولهيك في أسماء تتساوى بالترتيب).

black_iris, Reemi
sandra
شوط ياقمرachelious,
The morning, marioma alghzayala
Government
yass
abosleman
BL@CK, AHMAD
suryoyo
yamen_h
MadMax, butterfly

رح أذكر سبب وضع الأسماء الأخيرة: بترفلاي لأنها وجهتلي مخالفة بدون سبب مثبت، ولأنها خالفت بشكل بشع أهم أسس الخصوصية ويللي هو المحادثة الخاصة (فيما يتعلق بالإشراف)، ولأنها إنسانة متعجرفة لدرجة أنو ما عاد تشوف حقيقتها كمشرفة في موقع الأخوية.
أما مادماكس فلأنو أسلوب ردودو بالبريد متهكمة ساخرة تضرب عرق النسا عند يللي ما عندو عروق! ولأنو بيطبق المشاعر الشخصية على عملو الإداري.

[Maher 4x4]

رح ابدي رأيي بوضوح

حبّيت علّق تعليقي الوحيد أو اللي صفيان وحيد واللي عجبو يخليه واللي ما عجبو يحزفو مو مشكلة

هالموضوع خياراتو غير مناسبة أبداً ... " رح تسألو حالكون ليش هيك عم بحكي "

من الخطأ وضع شخصيات إشرافية ذات مهام متعددّة و مسؤوليات متشعّبة و كثيرة على "قائمة التقييم " و إلى جانب

شخصيّات قليلة الأداء بل وأحياناً تكون معدومة و ذات مسؤوليات محدودة ...

بعض الشخصيّات الإشرافيّة ك REEMI مثلا هي ذات مسؤوليات كثيرة و معقّدة الجوانب ، بدل ما نشكرها و بدل ما نخفف عنها ونوزع المسؤوليات بشكل أنسب و أشمل منقوم منحطها على قائمة تقييم وشو " الأعضاء فقط " يعني كل من هب ودب ( عدم المؤاخذة يعني مع الإحترام ) ..

شي أكيد القول " من لا يعمل لا يخطئ" أنا لا أقصد انه من يعمل يجب أن يخطئ ، ولا أقصد أنّه من لم يصوت ضده هو لا يعمل ... بل أنّه كثرة المهام قد تؤدي لأخطاء كثيرة ... هذا أيضا لا يعني أنني أقول Reemi قد ارتكبت أخطاء كثيرة ولكن المقصود هنا أنه من غير العدل وضع شخص كثير المسؤوليات في هذا الاستفتاء ، وعلى هذا أنا أعتبر أن هذا الاستفتاء باطل و الموضوع فاشل في التطبيق ، وأحمّل مسؤوليّة ذلك على الإدارة العليا التي وضعت حدودا للشكل ولم تظهر شيئاً من الإهتمام للمضمون و الفائدة ...


بالمناسبة أنا صوتت ل ساندرا لأنها هي من المشرفات المتميزات مو العكس

[leonardo_dicabreo]

صوّتت لبترفلاي (Butterfly) لأنها مثل ما ذكروا الشّباب , وبحب أضيف أنّه اذا أي واحد حط مشاركه بقسمها , بتنكوشه تنكوش لما اطلّع فيو خطأ , شو ما كان , ويا ويلك اذا قرّبت عالمكتبه بتكون امك داعيه عليك.

[MadMax]

كاتب النص الأصلي : mhsen77

يا ريت لو ممكن المشرفين يردو على أرائنا فيهن و يبنو وجهة نظرون بهالاراء



اذا هلأ ممكن تسبب شي فوضى بالموضوع ياريت يردو بعد انتهاء الاستفتاء

رح يردوا ... لما بتخلص مدة التصويت

[Sarita]

ما بدي صوت لحدا
لانو لو واحد فينا كان محل المشرفين رح نقدر الوضع

[حلبي]

أنا صوتت ضد مادماكس لأنو بشعر من خلال تنسيقو أنو أنسان منحاز الى شلتو و من زمان سكرلي موضوع من أكثر الموضيع تصفح تحت أسم أني يوجد موضوع مماثل و اليوم و بعد سنة بشوف الشلة تبعيتو فاتحين موضوع مماثل و هو يا غافل إلك الله مفكر أنو نحن ولاد و حضرتو الكل بالكل

على كل حال الله يسامحو

وهذا التعليق من باب النصيحة هيك ولو كانت علنا

[leonardo_dicabreo]

بلكي يا سامر , بتعملنّا هالتصويت سرّي , لأنه في 4000 شخص داخل عالموضوع وما في غير كم

صوت , فــ الكل خايف يصوّت . . ! !

يعني ما رح نحصل على نتائج منيحه اذا ضل هالاستفتاء مفتوح ! !

أيش رأيك ؟ ؟ ! !

[MadMax]

كاتب النص الأصلي : leonardo_dicabreo

بلكي يا سامر , بتعملنّا هالتصويت سرّي , لأنه في 4000 شخص داخل عالموضوع وما في غير كم

صوت , فــ الكل خايف يصوّت . . ! !

يعني ما رح نحصل على نتائج منيحه اذا ضل هالاستفتاء مفتوح ! !

أيش رأيك ؟ ؟ ! !

لا هيك عم تظلم الأعضاء كتير
مو معقول يخافو من تصويت لمشرف بمنتدى عالنت




يا زلمي على مجلس الشعب صارت العالم تصوت و تحكي براحتها

[leonardo_dicabreo]

كاتب النص الأصلي : MadMax

لا هيك عم تظلم الأعضاء كتير
مو معقول يخافو من تصويت لمشرف بمنتدى عالنت




يا زلمي على مجلس الشعب صارت العالم تصوت و تحكي براحتها

قولتك . . ! !

[رجل من ورق]

ليحكي الواحد رايه بصراحة
الي بالاخوية 3 سنين وتقريبا معظم الاداريين حاكي معون وجايب قسم منون بحوارات معي
صار بينا اشيا بسيطة بتصير مع الكل ومرقت بس تعوا لقلكون كلمة
نزلتوا رشا ودراكا بالمشرفين بدون ما تلوموا حالكون ولا شي
حدا منكون قرا ميثاق اخوية للجودة؟
او الاحكام والاعراف العامة
وبعدين بتتخالفوا ؟ وبتعملوا عراضات ومدري شو
طيب يابا يعني انا لاني مشرف ولا منسق بس بقددر قول انو ولا منون واحد متحطط على هالعضو هيك تبلي
يعني اللي بيحط موضوع مكرر طبيعي يتسكر واللي يحط موضوع ويصرع رب الناس انو وينكون وتعوا علقوا ولما بيجي حدا بيعطي رد مو عاجبه لصاحب الموضوع بيقولوه انو بلا فلسفة
اي شو هاد يابي؟.
بنجي لسيرة تانية انو احيانا عم تنزل مواضيع بغير محلا او مثلا ما فيها شي منطقي او جديد يستاهل المناقشة وبتتسكر او تتخالف انو يا حباب مو كل شي بتشوفه انت ظابط غيرك بيشوفه هيك
بجي لقسمين مهمين كتير وهني المنبر والمكتبة عموما
يعني مو دفاعا عن ياس او ميمو بس اللي بيشوف المكتبة وقسم الادب بيحس بالجهد اللي باذلته مرسيل بالواقع والردود اللي عم تتحذف بجزم انو غالبا سبام وحكي مو معروف دين ابوه زائد خروج عن الموضوع
نفس الشي بالمنبر لو تعذبوا حالكون وتشوفوا اقسام المجتمع وتوصيف كل منها بيوضح سبب حذف او تسكير اي موضوع مخالف
ما عم قول انون انبياء وطبيعي تمرق منون هفوات بس يعني شوفوا حالكون بالمقابل

[leonardo_dicabreo]

كاتب النص الأصلي : رجل من ورق

واللي يحط موضوع ويصرع رب الناس انو وينكون وتعوا علقوا ولما بيجي حدا

بالضبط , أنا معك بالنقطه هاي خاصه ! !

[saman]

ما عم قول انون انبياء وطبيعي تمرق منون هفوات بس يعني شوفوا حالكون بالمقابل

وهاد الوضع الطبيعي انو ما يكونوا انبياء .. ولا يعملوا حالهن الله !
مشرف القسم .. مو معناتو المشاركات يلي بهالقسم الو ...وهوي على كيفها بيخلي شي وبيحزف شي !
مشرف القسم لازم يتحمل مسؤولية .. ومسؤولية الشي يلي عم يعملو .. وما يجي يتفزلك ع سمانا ... ويعتبر انو يلي بيقرروا كلام مُنزل !

[MadMax]

إذا حدا حابب يلحق حالو و يصوت ...لأنو باقي يومين ليتسكر التصويت