تدخين الاناث ... مع ولا ضد ؟

[butterfly]

هلق طنشت الموضوع أول شي لأنو من التناقضات اللي جدا ً واعية ألها في حالي
تاني شي جيت بدي حط يصطفلن ، لأنو يعني حرية شخصية .. بس حسيت أني وقتا بكون عم اخرط عليكن شغلات ما حقيقية
انا أعاني يا جماعة من تناقض خطير تجاه التدخين ،
أعشق السيجارة بيد الرجل وأكرهها جدا ً بإيد المرأة ..

هلق ليش ؟
أول شي تناقض .. يعني ما منطقي فما بعرف ليش
تاني شي .. الإعلام بعقلي راسم البنت اللي ما منيحة بإيدا سيجارة وعم تنفخها هيك .. وعلقت هالصورة براسي فما بحبا أبدا ً تدخن وعادة اختي قدامي ما بتأركل لأني ما بحب يعني عقلية غبية بس ما عم اعرف اتخلص منها
تالت شي .. بيزعجني التدخين تبع المرأة لسبيين
وقت بيكون تقليد للرجل ولمجرد التقليد : هو بيدخن وأنا بدي دخن ، بشو هو أحسن ؟
ووقت بيكون تصريح عن تحرر " سلوك كردة فعل "
انا متحررة ، أنا بدخن وبشرب و .. بكفر و.. بس لأثبت للناس أني متحررة ، لك عمي التحرر مانك بحاجة تضلي تصرحي فيه إذا عم تعيشيه حقيقة

شو بيعرفني افكار فايتة بالحيط

[توم و جيري]

يصطفلو الشغلة حرية شخصية ..

[BL@CK]

كاتب النص الأصلي : boozy

الدخين كله على بعضه كريه سواء للمرأة او الرجل ناهيك عن مخاطرة الصحية و المادية والمظهر وووووو
" اعجب للاحمق الذي يدفع مالا ليحرق صدره"
بيليه- الجوهرة السوداء

أنا كنت أكره البرازيل جدا ً جزيلا ً .. بس أقول بيليه يعني لاعب عظيم يعني لازم الواحد يحترمو ..

هلأ بعد ما قريت ..

فا أنا أمقت هالزلمي .. و ألله يلعنو و يلعن البرازيل تلاتمية مرة ..

خليه بالطابة و خليه متخوزق من مارادونا و يسبو بعض ليشبعو .. بس شو إلو عند رب المدخنيّن ..

بخصوص التصويت ما قريت الخيارات .. بس السيكارة بإيد الأنثى شو بدكون بالحكي sexy عالآخر ..

[أبو نحله]

مو فارقة .... يصطفلنّ
هذا خياري
كل واحد أو وحة له حريته

[Ichigo]

اعتقد ان سؤالك غير منطقي فالتدخين فعل غبي وخطير ولا علاقة له بجنس المدخن شاب ولا بنت لايجب على الشخص ان يدخن وكفى حتى ولو كان في بيته يكفي ان ينتمي الشخص لمجتمعنا حتى يكون كل مايؤثر فيه يؤثر فينا

[boozy]

كاتب النص الأصلي : BL@CK

أنا كنت أكره البرازيل جدا ً جزيلا ً .. بس أقول بيليه يعني لاعب عظيم يعني لازم الواحد يحترمو ..

هلأ بعد ما قريت ..

فا أنا أمقت هالزلمي .. و ألله يلعنو و يلعن البرازيل تلاتمية مرة ..

خليه بالطابة و خليه متخوزق من مارادونا و يسبو بعض ليشبعو .. بس شو إلو عند رب المدخنيّن ..

بخصوص التصويت ما قريت الخيارات .. بس السيكارة بإيد الأنثى شو بدكون بالحكي sexy عالآخر ..

غرييييييييييييب
يعني تحرق صدرها
وتدمر صحتها مشان بس تبان سيكسي
طيب خايها تلبس او تعمل اي شي
بس ما ياثر لا عليها ولا على المجتمع
يعني تعجبك وحده تحكي معك وصوتها اخشن من صوتك!!!!!!!

[boozy]

كاتب النص الأصلي : butterfly

هلق طنشت الموضوع أول شي لأنو من التناقضات اللي جدا ً واعية ألها في حالي
تاني شي جيت بدي حط يصطفلن ، لأنو يعني حرية شخصية .. بس حسيت أني وقتا بكون عم اخرط عليكن شغلات ما حقيقية
انا أعاني يا جماعة من تناقض خطير تجاه التدخين ،
أعشق السيجارة بيد الرجل وأكرهها جدا ً بإيد المرأة ..

هلق ليش ؟
أول شي تناقض .. يعني ما منطقي فما بعرف ليش
تاني شي .. الإعلام بعقلي راسم البنت اللي ما منيحة بإيدا سيجارة وعم تنفخها هيك .. وعلقت هالصورة براسي فما بحبا أبدا ً تدخن وعادة اختي قدامي ما بتأركل لأني ما بحب يعني عقلية غبية بس ما عم اعرف اتخلص منها
تالت شي .. بيزعجني التدخين تبع المرأة لسبيين
وقت بيكون تقليد للرجل ولمجرد التقليد : هو بيدخن وأنا بدي دخن ، بشو هو أحسن ؟
ووقت بيكون تصريح عن تحرر " سلوك كردة فعل "
انا متحررة ، أنا بدخن وبشرب و .. بكفر و.. بس لأثبت للناس أني متحررة ، لك عمي التحرر مانك بحاجة تضلي تصرحي فيه إذا عم تعيشيه حقيقة

شو بيعرفني افكار فايتة بالحيط

صح الصح

[sandra]

كاتب النص الأصلي : boozy

غرييييييييييييب
يعني تحرق صدرها
وتدمر صحتها مشان بس تبان سيكسي
طيب خايها تلبس او تعمل اي شي
بس ما ياثر لا عليها ولا على المجتمع

يعني تعجبك وحده تحكي معك وصوتها اخشن من صوتك!!!!!!!

غريب
يعني صحة البنت أثمن من صحة الشب مثلا لحتى منخاف عليها من التدخين وعليه لا
ولا هو هيرو وجبار وما بيتأثر وهي يا حرام ضعيفة ومن نفخة سيجارة بتروح فيها
والبنت يعني عم تدخن مشان الاغراء والاثارة ...طيب الشب ليش عم يدخن ؟؟ كمان مشان اغراء البنات بما أنو في بنات بتحب الشب يلي بيدخن
يعني البنت صوتها بيتأثر بالتدخين والشب ما بيتأثر
يعني تدخين الإناث بالمجمل خطيئة وسبب خراب العالم وله انعكاس سلبي على المجتمع أما الرجل فيبني المجتمع


تساؤلات أنا بشوفها منطقية جداً ... من خلال ما قرأت من ردود



شو رأيكم كمان نناقش طريقة تنفس المرأة إذا صح ولا غلط
شو رأيكم نناقش موضوع قص المرأة لشعرها وموضة الشعر القصير
شو رأيكم نناقش كمان لبس المرأة للبنطلون وتشبهها بالرجل

[..AHMAD]

غرييييييييييييب
يعني تحرق صدرها

يعني الشب ازا حرق صدرو معلش.. اما البنت لاء

وتدمر صحتها مشان بس تبان سيكسي

لا برأيي انا تروح تنفخ سيليكون... أسلملها ... واسكسس

طيب خايها تلبس او تعمل اي شي

انتي شايفة انو ممكن البنت تبين سيكسي ازا زبطت لبسها او عملت هالاي شي ...
وبنت غيرها شايفة انها سيكسي بهالسيجارة
يعني مفهوم الجمال مطاط جداً ، ولا يمكن إيجادو متطابق لدى أي شخصين قد ما تشابه

بس ما ياثر لا عليها ولا على المجتمع

لك شو بدو يأثر بالمجتمع الدخان ؟
عمتساوي انحلال خلقي مثلاً ؟ الناقل الأساسي للإيدز ؟ رفعت معدل الجرائم ؟ ضرت اقتصاد البلد ؟
ازا بدك تقصديها صحيّاً، في ألف شغلة بفتحلك موضوع بثبتلك فيه انو الدخان صحي أكتر ( بهالأيام ) من فحل البصل اللي ممكن تاكليه يوم الجمعة مع زبدية فول أو فتة وصحن مسبحة بطحينة

يعني تعجبك وحده تحكي معك وصوتها اخشن من صوتك!!!!!!!

نجاح العطار بعمرها ما دخنت ولا شمت ريحة الدخان وصوتها بيهز الجبل

نهايةً ، كل شي قلتو وبقولو .. لا تاخدوه عليي
المنطق يقول ، نطالب بالحرية للمرأة ، نطالب بالمساواة للمرأة، نطالب بالعدل للمرأة ، نطالب بنزع هالسيجارة من إيد المرأة، وطز بباقي القيم

[zen]

خدو مثال
مونيكا بيلوتشي
ما بتنشاف بلا سيكارة
(بعرف انو فيها مبالغة بس)لانو مونيك حلو كيف ما كان

[بنفسجة]

انو على شو عم تتخانقو
ما القصة انو يسطفلو
طيب نزلو استفتاء لتدخين الرجل
وشوفو التصويت
بربي انو هالمراة عم تحطو على راسا كتير اشيا
ولاحقينا عالدعسة شو ماعملت وشو ماحكت وشو ما تصرفت
خانقينا خنق على مبدا
تحرير المراة ومن ثم القضاء على المراة
وتدخن وشو يعني
وماتدخن شو يعني
ويدخن اي وشو يعني
ومايدخن كمان شويعني
الحرية للطريقة التفكير وكف البلا

[W.E.G.A]

اخي شو ما بدكن قولو

انا ضد وبشدة

يا اخي مدري ليش البنت لما بتدخن

بتحس ما عاد ضل فيها جنس الانوثة

الا اذا كانت عم بتدخن متل القطة الضرب بتوم وجيري

بس وقتها بصير موضوعنا عن غير شي

[Maher 4x4]

لك دخيل الله انا ولك يا عمي هلآ ازا بتندلق عليكون الاراكيل السجاير رح تشفطوها كلكون كلكون بئا سكتو يا عمي وخلصونا وطلعون من هالبواب بئا

[عياش]

يعني بصطفلن عقلهن براسهن بيعرفن خلاصهن.
بس شو بدكن بالحكي كل السيكارات البضيفون كوم وأتضيف سيكارة من بنت لحالا بحث مستقل بيكنلها غير طعمة إيه بحضي غير طعمة.
بس كتير بنزعج لما بشوف مرة حامل وعم تدخن سواء سيكارة أو أركيلة بحسها أنانية وما بتستاهل تكون ام وإني مشتهي قوم بهدلا وأمسح فيها الأرض.

[Marooshe]

وهي طفينا السيجارة وجينا نشوف شو السيرة
خير ؟؟

ع راسي هالآراء وصحابها
بس انو
السيجارة بتفقد المرأة انوثتها!

سوري يعني
شغلة بتمزع ضحك

[zen]

وانا بقول متل مروش
انو ما دخل
منرجع منقلكون خدو الست مونيا بيلوتشي
وشوفولي هالسيكارة بإيدها

[المحارب العتيق]

كاتب النص الأصلي : zen

وانا بقول متل مروش
انو ما دخل
منرجع منقلكون خدو الست مونيا بيلوتشي
وشوفولي هالسيكارة بإيدها

بالشكل أي . بس بالطعمة لأ

[محمد ابراهيم]

كاتب النص الأصلي : zen

أعلن اما العامة والشعب العربي الاشتراكي ، اني قد تركت جمعية معا ضد تدخين انثى الزرافة بصورة نهائية وتامة
واعلن تأييدي التام لتدخين انثى الزرافة ودعمي الكامل لها .

هاموش1 : كان ال .... بدون يطلعو لبرا ويتحررو من ضغوط الحياة
هاموش2: وينو عصام شعبان عبد الرحيم ليغني الها "تلبس هتخش الجنه ..تقلع هتخش الاخوية "