مشاعر المسيحيين في رمضان

[احمد الرائع]

اخواني بمناسبة حلول شهر رمضان احببت ان اكتب هذا الموضوع وهو كيف يشعر المسيحيين العرب في رمضان هل تكون لديهم مشاعر خاصة وكيف يرون هذه الوحدة بين جميع القنوات التلفزيونية العربية في الاحتفاء برمضان حتى من قبل قنوات مسيحية ك l b c اتمنى من الجميع المشاركة وشكرا.

[شكو زولو]

أولا ً كل عام و انتم بألف خير
لكن أريد أن أستفسر ما المقصود بالمشاعرهنا
حتى نعرف كيف نرد بالصيغة الصحيحة

و كل عام و أنتم بألف خير مجددا ً

[yass]

كاتب النص الأصلي : شكو زولو

أولا ً كل عام و انتم بألف خير
لكن أريد أن أستفسر ما المقصود بالمشاعرهنا
حتى نعرف كيف نرد بالصيغة الصحيحة

و كل عام و أنتم بألف خير مجددا ً

و الله و أنا كمان ما فهمت السؤال منيح...كل عام أنتو بخير

[احمد الرائع]

في البداية اشكر كل من رد على هذا الموضوع

واحب ان اعلق على التساؤل عن المقصود بالمشاعر
وانا احببت ان اعرف فقط هل هناك عادات او اعمال معينة يقوم فيهاالمسيحيين في رمضان يعني هل تتغير حياتهم باي شكل من الاشكال خلال هذا الشهر او هل يشعرون بالضيق من هذا الشهر او بالسعادة او عادي مايتاثروا اطلاقا
يمكن هذا السؤال سببه الوحيد هو الفضول واحب اني اشكر الجميع الي رد والي لا واتمنى من الجميع المشاركة وشكرا

[HashtNasht]

الأخ أحمد الرائع

يعني بتقدر تقول أنو مشاعر المسيحين في رمضان هيي نفس مشاعر المسلمين بالشهر المريمي...هيك باختصار يعني

[aboziad]

يعني بتقدر تقول أنو مشاعر المسيحين في رمضان هيي نفس مشاعر المسلمين بالشهر المريمي...هيك باختصار يعني

صبت الهدف يا معلم

[Joe]

و الله انا شخصيا عادي ما بتفرق كتير

هون بكندا بنبسط نسبيا لما يجي رمضان لأني بعتبره فرصة لحتى بين إني مسيحي بما اني ما برتدي اي علامات بتظهر إني مسيحي لأني ما بحب ... يعني بالاذن منك و ما تفهمني غلط... بس صاير في مشكلة كبيرة متل ما بتعرف بسبب بعض الجماعات الاسلامية و صاير عم يرتبط مظهر العربي او السوري بكونه مسلم او ارهابي... بقى بما انه هون بكندا العالم مزوقة و ما حدى رح يجي يسالك انت مسلم لما مسيحي يعني رح يضلوا مفكرينك مسلم و هادا شي ما كتير بيناسبني لأسباب معروفة... (إلا المسلمين يلي بيفكروني مسلم مثلا و بيجي بيسألك قبل ما يقلك مرحبا اذا انت مسلم).. وقتها بيكون رمضان فرصة لحتى الواحد يعرف عن نفسه.. و بعتبر هادا حقى و ما في داعي حدى يزعل

بقى صاير هاي الناحية الايجابية الوحيدة حاليا بما انو تصرفات "المقاومة" بالعراق ما فرقت كتير مع حلول الشهر الكريم... لسا ما قلنا رمضان كريم حتى فجروا عبوات عند خمس كنائس بالعراق.... بقى رمضان كريم يا حبايب

[Espaniol]

كاتب النص الأصلي : hashtnasht

الأخ أحمد الرائع

يعني بتقدر تقول أنو مشاعر المسيحين في رمضان هيي نفس مشاعر المسلمين بالشهر المريمي...هيك باختصار يعني

انا مع الاخhashtnasht بلي قالو وبضيف انو كمان مو بس متل شعور المسلمين بالشهر
المريمي وكمان بصيام الخمسين قبل عيد الفصح وبعيد الفصح وبالصيام المريمي وبصيام
قبل الميلاد وشعور المسلمين بعيد الميلاد
وباحتفالات العالم كله بعيد الميلاد وراس السنة

[yass]

كاتب النص الأصلي : joe

و الله انا شخصيا عادي ما بتفرق كتير

هون بكندا بنبسط نسبيا لما يجي رمضان لأني بعتبره فرصة لحتى بين إني مسيحي بما اني ما برتدي اي علامات بتظهر إني مسيحي لأني ما بحب ... يعني بالاذن منك و ما تفهمني غلط... بس صاير في مشكلة كبيرة متل ما بتعرف بسبب بعض الجماعات الاسلامية و صاير عم يرتبط مظهر العربي او السوري بكونه مسلم او ارهابي... بقى بما انه هون بكندا العالم مزوقة و ما حدى رح يجي يسالك انت مسلم لما مسيحي يعني رح يضلوا مفكرينك مسلم و هادا شي ما كتير بيناسبني لأسباب معروفة... (إلا المسلمين يلي بيفكروني مسلم مثلا و بيجي بيسألك قبل ما يقلك مرحبا اذا انت مسلم).. وقتها بيكون رمضان فرصة لحتى الواحد يعرف عن نفسه.. و بعتبر هادا حقى و ما في داعي حدى يزعل

بقى صاير هاي الناحية الايجابية الوحيدة حاليا بما انو تصرفات "المقاومة" بالعراق ما فرقت كتير مع حلول الشهر الكريم... لسا ما قلنا رمضان كريم حتى فجروا عبوات عند خمس كنائس بالعراق.... بقى رمضان كريم يا حبايب

و الله مزبوط هالحكي ...من بعد ما صار , اذا ما بتشبه بن لادن وما بتلبس كلابية ما بيصدقو العالم برا انك عربي!!!

[شكو زولو]

بالحقيقة الشعور عادي جدا و أكيد ما منتضايق منو
بالعكس العالم بتتسلى أكتر على التلفزيون
و أنا مني قاصد أي شي بحكي بس الحقيقة
قالوها زملائي أنو شعورنا هوي متل شعوركم بالنسبة للصيام عنا
و كل عام و أنتم بخير مرة تالتة

[majd88]

يعني كلام متل: مشاعر المسيحيين في رمضان مثل مشاعر المسلمين في الشهر المريمي حكي نظري جداً وغير قابل للنقاش أو التساؤل.
يعني نحن كمسيحية أقلية (غير مضدطهدة اكيد) بس نحنا نظام حياتنا بيتأثر برمضان بشكل كبير يعني بتنعدم وسائل الحياة في الشوارع والاسواق وقت دق المدفع وبعدو بشي ساعتين.
وهيك الواحد بتتعطل مشاريعه اللي مخطط لها من قبل.
بعدين شو مشاعر المسلمين للشهر المريمي إذا الغالبية -العظمى- من المسيحية في سوريا وخصوصاً الشباب ما بيصوموا بهالشهر؟؟؟؟؟

[Espaniol]

كاتب النص الأصلي : [quote]majd88

يعني كلام متل: مشاعر المسيحيين في رمضان مثل مشاعر المسلمين في الشهر المريمي حكي نظري جداً وغير قابل للنقاش أو التساؤل.
يعني نحن كمسيحية أقلية (غير مضدطهدة اكيد) بس نحنا نظام حياتنا بيتأثر برمضان بشكل كبير يعني بتنعدم وسائل الحياة في الشوارع والاسواق وقت دق المدفع وبعدو بشي ساعتين.
وهيك الواحد بتتعطل مشاريعه اللي مخطط لها من قبل.
بعدين شو مشاعر المسلمين للشهر المريمي إذا الغالبية -العظمى- من المسيحية في سوريا وخصوصاً الشباب ما بيصوموا بهالشهر؟؟؟؟؟

أول شي بالشهر المريمي ما في صيام هو عبارة عن شهر خاص بمريم العذراء
تاني شغلة الصيام المريمي هو قبل عيد الانتقال ب15 يوم ,وبعدين ازا الشباب بتصوم
ولا لأ مومهم , المهم هو شعور المسلمين بكل مناسباتنا هو نفسه شعورنا بكل مناسباتهم
هيك طلب الاخ ليعرف شعورنا wink: [/quote]

[majd88]

كاتب النص الأصلي : hanan

أول شي بالشهر المريمي ما في صيام هو عبارة عن شهر خاص بمريم العذراء
تاني شغلة الصيام المريمي هو قبل عيد الانتقال ب15 يوم ,وبعدين ازا الشباب بتصوم
ولا لأ مومهم , المهم هو شعور المسلمين بكل مناسباتنا هو نفسه شعورنا بكل مناسباتهم
هيك طلب الاخ ليعرف شعورنا wink:

[/quote]

مشان الشهر المريمي وهيك قصص فأنا ما بعرف بهالمواضيع أبداً
سؤال: إذا شعورهم متل شعورنا فما هو شعورنا بهالمناسبات؟ مجرد استفسار

[keko]

وكيف يرون هذه الوحدة بين جميع القنوات التلفزيونية العربية في الاحتفاء برمضان حتى من قبل قنوات مسيحية ك l b c اتمنى من الجميع المشاركة وشكرا.

والله أنا بشوفها أنو هاي تسامح من قبل المسيحيين تجاه المسلمين
وبتعبر عن الوحدة بمجتمعنا العربي

[Joe]

كاتب النص الأصلي : keko

والله أنا بشوفها أنو هاي تسامح من قبل المسيحيين تجاه المسلمين
وبتعبر عن الوحدة بمجتمعنا العربي

it's PURE BUSINESS. period

:)

مصالح تجارية فقط لا غير ...

[شكو زولو]

كاتب النص الأصلي : majd88

مشان الشهر المريمي وهيك قصص فأنا ما بعرف بهالمواضيع أبداً
سؤال: إذا شعورهم متل شعورنا فما هو شعورنا بهالمناسبات؟ مجرد استفسار[/quote]

أنا مع الأخت حنان الصيام هوي من 1الى15 آب اي قبل عيد رقاد السيدة العذراء
و حابب قلك يا أخ ماجداذا ما بتعرف بهل الموضوع على اي اساس عم تحكي فيه و شو جاب الصيام على بالك و شو دخل السؤال بالأصل بجوابك و حابب خبرك مع أنو ما في داعي لهل الحكي بهل القسم أنو نسبة العالم يلي بتصوم قبل عيد رقاد السيدة كتير كتير كبيرة
و بترجى من كل الأخوة يلي ما عندن ألمام بالموضوع يلي عم يحكو فيه ما يحكو بيكون أحسن لأنن بيشوهو الموضوع يلي عم يحكوفيه
و يلي عندو وجهة نظر خاصة بهل المواضيع يعني يفكر بالكلمة يلي عم يحكيها قبل ما يحكيها
و محبتي الفائقة للجميع

[King RORO]

بترجى من كل الأخوة يلي ما عندن ألمام بالموضوع يلي عم يحكو فيه ما يحكو بيكون أحسن لأنن بيشوهو الموضوع يلي عم يحكوفيه
و يلي عندو وجهة نظر خاصة بهل المواضيع يعني يفكر بالكلمة يلي عم يحكيها قبل ما يحكيها

حكيك صح 100 % ابو بسيم

وانا بعتقد باختصار انو اكثر تاثر المسيحين بكون بمظاهر شهر رمضان التجارية اكثر من الدينية يعني متل
(الباعة المتجولين-البرامج التلفزيوني والفوازير - تغيير مواعيد اغلاق وافتتاح المحال التجارية تبعا لوقت الافطار....الخ)
واكيد المسيحي رح يعيش حياتو الدينية متل قبل ومتل ما قلت رح تتاثر بقية النواحي
يعني متل ما ان المسلمين لا يتاثرون بعيد الفصح او بقية الاعياد الدينية الاخرى.
وهون ما بنسى مراعاة المسيحيين لحياة الصائمين وقت الافطار (متل الامتناع عن الاكل والشراب امام الانسان الصائم-
وقف تبادل الشتائم ولو ع سبيل الزاح مع الصائمين....)
واخيرا بحب اذكر انو هاد راي شخصي بحت وليس راي الاغلبية
وانو هو جزء صغير من بحر مناقشة كبير في خضم هذا الموضوع

[XT2k]

نكوشة