معادلات " فوت وورجينا عرض زلاعيمك "

[bacteria]

كاتب النص الأصلي : inodessa

أب سيئ + أم سيئة = طفل سيء

منطلّع سيئ عامل مشترك..

سيئ (أب+أم)= طفل سيئ ..................... (1)

بما أن (أب+أم)= طفل

فبالتعويض في (1)

سيئ (طفل) = طفل سيئ

و بما أن الضرب تبديلي

طفل سيئ = طفل سيئ

وهو المطلوب.

أحسنت بوركت

[Abu ToNi]

طالما في حماس بالموضوع خلونا نطلع من دائرة ( سيء ) لأن الكلمة بحد ذاتها بدا تفسير

خلونا نحكي بامكانية صحة هلحكي :


انسان يحمل شهادة ( مؤهل أكاديمياً ) = انسان راقي فكريا

[ritka]

انسان يحمل شهادة ( مؤهل أكاديمياً ) = انسان راقي فكريا

لا مش بالضرورة يكون هالحكي صحيح ...
في كتير عوامل بتاثر بتكوين الشخص الراقي (كـ رقي فكري طبعا)
ما بعرف ازا في مجال نخوض فيها هون بس انو يعني باختصار
المجتمع.. الوسط اللي ربيان فيه.. و في كتير عوامل تانية بتكون شخصية كل واحد فينا و بتعملنا مختلفين عن بعض


من جهة اخرى..(حاسة حالي بنشرة اخبار ) ممكن تكون هالمعادلة صح..بمعنى انو لما حدى يدرس و يقرا كتب علمية او سياسة يعني ع حسب تخصصو هالشي بياثر فيه كمنطق بالتفكير و هيك يعني
مع اني مش كتير مقتنعة بالجهة الاخرى بس انو وجب التنويه

[shareef98]

كاتب النص الأصلي : Abu ToNi

انسان يحمل شهادة ( مؤهل أكاديمياً ) = انسان راقي فكريا

مرحبا يا قلب

هاي مارح يختلفو اتنين على عدم صحتها..شتّان بين الثقافه وبين المؤهل الأكاديمي
الأولى هي التي تبني فكر...اما الثانيه فهي و(بامتياز) مجرد جواز مرور نحو وظيفه (راقيه)
ومن نافل القول أن التعميم خطأ
وبالنسبه للمعادله الأولى(بما إني كنت غايب)...في شاعر من تراثنا قال:

إذا كان رب البيت بالطبل ضارباً........فشيمة أهل البيت كلهم الرقص.........

[باشق مجروح]

انسان يحمل شهادة ( مؤهل أكاديمياً ) = انسان راقي فكريا

على الاطلاق .
التعلم و الثقافة أمرين مختلفين و خصوصاً في بلادنا حيث التعليم فقط للحصول ع شهادة .
و الرقي الفكري ممكن يكون عند غير المتعلم .
العلم يجب ان يفيد في اعطاء نظرة جديدة للأشياء و توسيع المدارك و القدرة على تحليل الأمور و فهمها و لأنني مقتنع بهالضرورة بقول انو نظريتك خاطئة لكن مو بنسبة 100 %
يعني التعليم يعطي فرصة أكبر للتثقف و بالتالي الرقي الفكري .
وهاي هي الوظيفة الحقيقية للتعلم

[bacteria]

من وجهة نظري هناك ترابط جدلي وتكاملي بين التعلم والثقافة فالتعلم مفتاح للدخول الى الفضاء الثقافي الواسع وهو وسيلة لا بدمنها والشهادة العليا تعزز من دور المثقف وتعطيه قوة
والترابط يزداد اذا ما تم الاهتمام بالجانب الاجتماعي من قبل المتعلم اما اذا تم الاكتفاء بالجانب الاكاديمي فقط ففي هذه الحالة لا يكون بينهما ادنى رباط

[i m sam]

كاتب النص الأصلي : Abu ToNi

خلونا نحكي بامكانية صحة هلحكي :


انسان يحمل شهادة ( مؤهل أكاديمياً ) = انسان راقي فكريا

المعادلة صحيحة لحد ما لكن الشذوذ فيها صاير كبير كتير لدرجة رح يحولها لمعادلة خاطئة تقريبا.
فالرقي الفكري ليس بحاجة لشهادة أو مؤهل أكاديمي , بحاجة لعقل متفتح واطلاع على أمور اجتماعية وثقافية .
اذا بتسمحلي عدّل على المعادلة :
انسان يحمل شهادة يجب أن يؤدي الى انسان راقي فكريا... إنما
الانسان الراقي فكريا لا يشترط به حمل شهادة

عالهامش: أبو طوني حط مدة محددة لكل معادلة" تلاتة او اربع أيام مثلا " يعني مشان تاخد حقها بالنقاش
وهي لعيونك

[Abu ToNi]

انسان يحمل شهادة ( مؤهل أكاديمياً ) = انسان راقي فكريا

بصراحة انا بشوف صحة بهلحكي
وإلا فليش يعتبر المثقفين "نخبة" للمجتمع ؟

عالهامش: أبو طوني حط مدة محددة لكل معادلة" تلاتة او اربع أيام مثلا " يعني مشان تاخد حقها بالنقاش
وهي لعيونك

صار

[i m sam]

كاتب النص الأصلي : Abu ToNi

انسان يحمل شهادة ( مؤهل أكاديمياً ) = انسان راقي فكريا

بصراحة انا بشوف صحة بهلحكي
وإلا فليش يعتبر المثقفين "نخبة" للمجتمع ؟

انت عم تقول مثقفين يا أبو طوني مو أصحاب شهادات الثقافة الها اليد الطولى في صناعة فكر راقي وليس الشهادة.

[Abu ToNi]

كاتب النص الأصلي : i m sam

انت عم تقول مثقفين يا أبو طوني مو أصحاب شهادات الثقافة الها اليد الطولى في صناعة فكر راقي وليس الشهادة.

معناها ليش منعول على حملة الشهادات وليش منعتب علين وقت بيغلطوا ؟
كام مرة سمعنا جملة ( عيب ترمي اوساخك بالطريق .. عيب علشهادة اللي حاملها )

[i m sam]

كاتب النص الأصلي : Abu ToNi

معناها ليش منعول على حملة الشهادات وليش منعتب علين وقت بيغلطوا ؟
كام مرة سمعنا جملة ( عيب ترمي اوساخك بالطريق .. عيب علشهادة اللي حاملها )

تماما لأنو متل ما قلتلك

انسان يحمل شهادة يجب أن يؤدي الى انسان راقي فكريا... إنما
الانسان الراقي فكريا لا يشترط به حمل شهادة

أنا أول الناس بدي من حامل الشهادة انو يكون مثقف ومتنور وراقي
بس للأسف بجوز مناهجنا هي السبب أو يمكن نحنا الخطأ فينا انو ما عم نقرأ برا المناهج..

[أإأبو العبد]

كاتب النص الأصلي : i m sam

بس للأسف بجوز مناهجنا هي السبب

حطيت ايدك عالوجع
والشرح بيطول

[Sun Shine Art]

كاتب النص الأصلي : أإأبو العبد

فوتكا + مكسرا = سهرة تركس

معك انا ...

[a7la lolo]

واحد معو واسطة - علامات عالية +بدو يفوت عالجامعة > واحد معو علامات عالية - واسطة + بدو يفوت عالجامعة = واقعنا ..
...هي معادلة حل المتباينة من الدرجة الأولى...

[Huzun]

انسان يحمل شهادة ( مؤهل أكاديمياً ) = انسان راقي فكريا

هالمعادلة خاطئة
اتطلع باللي حواليك .. هاللي تخرجو من جديد مثلا .. فيك تقول عن كل واحد فيهم والله هاد
انسان راقي فكريا؟؟ لو عن جد صحيحة هالمعادلة كنت لقيت كل حاملي الشهادة (يعني أغلبية شباب الوطن العربي) راقيين فكريا.

هلق بربك .. شباب الوطن العربي كلو حالياً راقي فكريا؟؟؟؟؟
وحتى ولو إلهم زمان آخدين الشهادة .. مابتقدر تقول عنهم هالشي أبدا ..
حالنا حاليا محلحل حالو كبار وزغار.

بالنسبة إلي الراقي فكريا هو الملم بجميع أنواع المعرفة من طب وعلوم طبيعية وإجتماعية موسيقية شعرية هندسية صحية دينية لغوية .. كل شي ,, وفي ناس وصلو لهالمستوى الراقي لأن العقل البشري معجزة بحد ذاتها

أما المؤهلين أكاديميا بعتبرهم متعلمين .. مو مثقفين (بسبب نظام التعليم الفايت بالحيط) للأسف

لذلك نستنتج إنو انسان يحمل شهادة ( مؤهل أكاديمياً ) = متعلم
انسان ملم بجميع أنواع المعرفة = انسان راقي فكريا


كتير حلو هالبوست

[Syrian_love]

ولاد free + بنات free = خربان بيت