أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر > الفســـــــــــــــاد

إضافة موضوع جديد  إضافة رد
 
أدوات الموضوع
قديم 16/04/2008   #19
شب و شيخ الشباب المحارب العتيق
عضو
-- مستشــــــــــار --
 
الصورة الرمزية لـ المحارب العتيق
المحارب العتيق is offline
 
نورنا ب:
Nov 2007
المطرح:
جرح الياسمين
مشاركات:
3,677

افتراضي


وهي معانة جديدة منشورة على السيريانيوز


الرقم : 12861الموضوع : توفي طفلي بسبب الإهمال في درعانص الشكوى : جائني مولود ونتيجة سوء التشخيص تدهورت حاله على مدى 4 أيام بالحاضنة والعناية المشددة في مشفى الشفاء بدرعا وقرروا نقله للمشفى الوطني نتيجة توقف القلب والتنفس وتم إنعاشه بالمشفى الوطني وبعد يومين قال الأطباء يجب نقله لمشفى الأطفال بدمشق وبأقصى سرعة
المهم:فضيت إسطوانة الأكسجين بعد20كم وتوقفنا على الأستراد وأنزلنا الطفل لكي يتمكن المسعف من تبديل الأسطوانة وبعد10كم فضيت الأسطوانة الثانية
فقال المسعف مقولة الإسعاف السوري المشهورة(إلي إلو عمر مابتقتلو شدة)
وبعد ساعات توفي الطفل
ضع نفسك مكاني ياوزير
التاريخ : 2008-04-15الجهة : وزارة الصحةالمحافظة : درعاالعنوان : درعا - المطار - بجانب الأمن العسكريالمنطقة :ميسلونالردود :

الفهيم بيريح

لك تاري الحمار لو شو ماسلموه بيصدق حالو وبدك تناديلو سيد حمار
  رد مع اقتباس
قديم 16/04/2008   #20
صبيّة و ست الصبايا shymaa
عضو
-- زعيـــــــم --
 
الصورة الرمزية لـ shymaa
shymaa is offline
 
نورنا ب:
Feb 2008
المطرح:
انى راحله
مشاركات:
1,061

افتراضي


اول شى الله يرحمو ويصبر اهلو ان شالله وبجد بحيي ابوه اللى ماسكت

اقتباس:
كاتب النص الأصلي : BL@CK عرض المشاركة
هاي الحادثة صارت و أنا شاهد عيان عليـّـا .. بحكم أخو المتوفى صديقي

و حضرت قعدة الدكاترة مع أهل المتوفى , برجع بكرا لأحكي بالتفصيل شو صار ..
ليش ماكملت الحكايه بالتفصيل لهلق منتظرينك

اقتباس:
كاتب النص الأصلي : المحارب العتيق عرض المشاركة
وهي معانة جديدة منشورة على السيريانيوز


الرقم : 12861الموضوع : توفي طفلي بسبب الإهمال في درعانص الشكوى : جائني مولود ونتيجة سوء التشخيص تدهورت حاله على مدى 4 أيام بالحاضنة والعناية المشددة في مشفى الشفاء بدرعا وقرروا نقله للمشفى الوطني نتيجة توقف القلب والتنفس وتم إنعاشه بالمشفى الوطني وبعد يومين قال الأطباء يجب نقله لمشفى الأطفال بدمشق وبأقصى سرعة
المهم:فضيت إسطوانة الأكسجين بعد20كم وتوقفنا على الأستراد وأنزلنا الطفل لكي يتمكن المسعف من تبديل الأسطوانة وبعد10كم فضيت الأسطوانة الثانية
فقال المسعف مقولة الإسعاف السوري المشهورة(إلي إلو عمر مابتقتلو شدة)
وبعد ساعات توفي الطفل
ضع نفسك مكاني ياوزيرالتاريخ : 2008-04-15الجهة : وزارة الصحةالمحافظة : درعاالعنوان : درعا - المطار - بجانب الأمن العسكريالمنطقة :ميسلونالردود :

الله يرحمو هو كمان
والله احنا كمان بيصير عنا كده بمصر الاهمال الطبى ده بقى ظاهره كتير مرعبه
لاننا مين راح نستامن اذا ما استئمنا الاطباء على ارواحنا

والمسعف مع التحفظ على كلمة ( مسعف) المفروض يسموه ( المهمل ) ( القاتل)

حسبنا الله ونعم الوكيل فى كل اللى ماعندهمش ضمير

ماتقولش يارب انا عندى هم كبير
قل يا هم انا عندى رب كبير


الحياه رحله مهما طالت قصيره فلاتغرنك ببهرجها الزائف الزائل

لا سياده لانسان على انسان السياده لله وحده

الحب سلاح ذو حدين
  رد مع اقتباس
قديم 16/04/2008   #21
شب و شيخ الشباب leoprad
عضو
-- مستشــــــــــار --
 
الصورة الرمزية لـ leoprad
leoprad is offline
 
نورنا ب:
Jul 2006
المطرح:
حمص
مشاركات:
2,306

إرسال خطاب MSN إلى leoprad
افتراضي


الله يرحمو
صايرة القصة انت و حظك
او اللي الو عمر ما بتاخدو شدة

ما لقيت و لا وحدة بتستاهلني

Only the Almighty God can judge me
  رد مع اقتباس
قديم 30/04/2008   #22
شب و شيخ الشباب أبو الوليد
شبه عضو
-- اخ حرٍك --
 
الصورة الرمزية لـ أبو الوليد
أبو الوليد is offline
 
نورنا ب:
Jun 2006
مشاركات:
69

افتراضي


الله يرحمو
كل شي بيحصل في سورية
  رد مع اقتباس
قديم 01/05/2008   #23
شب و شيخ الشباب مالك الحلبي
عضو
-- قبضاي --
 
الصورة الرمزية لـ مالك الحلبي
مالك الحلبي is offline
 
نورنا ب:
Jan 2008
المطرح:
حلب
مشاركات:
990

افتراضي


حسبى الله ونعم الوكيل
وإنا لله وإنا أليه راجعون

ما بعرف شو أحكي
أحكي على المستشفيات والا الأطباء وألا أحكي قصة

بجد شي بيوجع القلب وبيبكي وبيضحك

يا سيدي بدي أحكيلكم قصة صارت مع شخص بعرفه
أخد أمه وراح على المستشفى
وكان بدهم يعاملولا عملية القلب
وعملية القلب بتطول متل ما بتعرفه تقريبا 6 ساعات وأكثر
وقالهم الدكتور نسبة نجاحها 60% وبالرغم من تحزير الممرضة لهالدكتور
وألي قالته يا دكتور تقرير دكتور التخدير بيجزم أنه هالمخلوقة مو ممكن تتخدر
وبيقلا الدكتور أنتي شو شغلتك بدك تعلميني شغلي
وعمل العملية ولدع من أهل المريضة اربعمئة ألف ليرة سورية 400000
وهو كله واثق كل الثقة أني المريضة ما راح تطلع من غرفة العمليات عايشة
أقدم على العملية بس منشان المبلغ المذكور
وطبعا بعد ما طلعت المخلوقة من غرفة العمليات وهي ميت وخالصة
وضعوها بغرفة الأنعاش وعملولا تنفس أصطناعي
منشان يوهم أهل المريضة أني عايشة بس من خلف الزجاج
وبعد يومين قالهم بكل بساطة
المريضة عطتكم عمرها
ونجح بتمثيل دوره بهالتمثيلية الأجرامية




وأنا بالنسبة لي بعرف أني الأنسان بيأخطئ وما في أي واحد معصوم عن الغلط
بس الأخطاء لازم تكون بنسبة معينة ولازم يكون في قضاء ولازم تنسحب شهادات
يعني في ناس راحوا على الدول الشرقية وأشتروا شهادات
لك حتى في ناس قرايبينن لهم نفوذ بالدولة



يعني بعرف واحد بزمناتو أبن حماه اله مركز مرموق بغرفة الصناعة
تصوروا هالشخص دكتور قلب لا تقرفوا مختص بالقلب
وبيدخل عنده المريض وبيعطيه موعد منشان عملية شرايين أو راصور
وبيدخله للمريض على العملية وبيخدره وما بيعمله راصورو ولا هم يحزنون
وبيعقد الدكتور ساعتين وبشقلو بطنه وبعدين بيقطبله ياها
وبعد ما يطلع من التخدير بيقله نجحت
وبينبسط المريض
وعملها مع اكتر من 5 اشخاص
ومرة شخص من الأشخاص راح على غير دكتور وشرحله وقاله عملت عملية كيت وكيت
قاله قوم اصورك
وعلى التصوير طلع لا في راصور ولا شمبرير
قام تحركت القصة على صعيد نقابة الأطباء
وبقدرة أبن حماه
قدر يلفلف القصة ونامت القصة بين الأدراج
واحترقت الأدراج
ورجع طلع الدكتور على الساحة وهو البرئ من كل تهمة له
وأستمر بشغله على أنغام أفتكرني لحظة حلوة

حسبى الله ونعم الوكيل
الله وكيلكم إذا بدي أحكيلكم من هون لبكرا ما بخلص
هلق في ناس بتقول مالك الحلبي عبيألف من عقله
لكن صدقا عبحكي الحق
حتى الدكتور عيادته بشارع الفرانسيسكان

تقبلو تحياتي

(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
  رد مع اقتباس
قديم 18/08/2008   #24
شب و شيخ الشباب أبو الوليد
شبه عضو
-- اخ حرٍك --
 
الصورة الرمزية لـ أبو الوليد
أبو الوليد is offline
 
نورنا ب:
Jun 2006
مشاركات:
69

افتراضي


لك شو اللي عم يصير في بلادنا؟؟
يا جماعة والله العظيم شي بيبكي... شو لازم نعمل حتى نغير وضعنا؟؟
لك نترك بلادنا ونرتاح ولا نبقى فيها ونحاول نغيرها الى الأحسن؟
شو اللي عملناه حتى وصلنا للوضع المأساوي هاد؟
  رد مع اقتباس
قديم 11/12/2008   #25
شب و شيخ الشباب جاد81
عضو
-- قبضاي --
 
الصورة الرمزية لـ جاد81
جاد81 is offline
 
نورنا ب:
Dec 2008
المطرح:
lebanon
مشاركات:
706

افتراضي


يااا جماعة المقصلة هي الدوى


  رد مع اقتباس
قديم 11/12/2008   #26
صبيّة و ست الصبايا habiba2008
عضو
-- قبضاي --
 
الصورة الرمزية لـ habiba2008
habiba2008 is offline
 
نورنا ب:
Dec 2007
مشاركات:
447

افتراضي


ma fi chi esmou houboub mouhadea abel houknat elmoukhader 3andhoun halwalad bikoun mat mnera3ba abel el3amalya
emta bdhoun yelebsou toub erahma wel insanya ah

« celui qui ne peut vivre dans l’honneur meurt avec honneur »
l'amour des humain est multiple,souvent comme l'herbe des champs, sans fleurs ni <fruits.
  رد مع اقتباس
قديم 09/05/2009   #27
صبيّة و ست الصبايا نور سلام
عضو
-- أخ لهلوب --
 
الصورة الرمزية لـ نور سلام
نور سلام is offline
 
نورنا ب:
Oct 2008
المطرح:
على الارض احيانا
مشاركات:
233

افتراضي


يا جماعة الخير الله وكيلكم هاللي صار عم بيصير كل يوم في مستشقيات الدول العربية كلها.......صحيح انو كمان في الدول الغربية بتحصل اخطاء طبية وبيموت فيها المريض بس الفرق بين هون وهنيك انن هنيك بيحاسبو الغلطان وبيقدمو لمحكمة بس بالدول العربية بيندعس الميت واهل الميت ولا حياة لمن تنادي...........حسبي الله ونعم الوكيل يا رب ايمتى نخلص من نظام المحسوبيات ؟؟؟؟؟؟؟؟؟؟؟؟؟؟؟

اللهم لا تكلني الى نفسي طرفة عين
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 01:36 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.08457 seconds with 13 queries