ثقافة المرأة: نعمة أم نقمة؟

[سوا ربينا]

هلأ انا برأيي انو ثقافة المرأة نعمة مش نقمة ... لانو ع الاقل ازا كانت مثقفة منيح بيقدر الواحد يتفاهم معها وبتفكر بكل شي قبل ما تعملو وما بتحكي او بتتعامل مع الشخص بسذاجة او بعدم مفهومية يعني متل ما بيقولو بتدوزن الكلام قبل ما تحكيه والتصرف قبل ما تعملو ....
وحتى لو كانت اعلى مني بالتعليم .. هالشي مش سيء لانو مش شرط انا صير المعلم الاول متل ما انذكر فوق الها.. . بل ممكن هي تتعلم من تجاربي النظرية والعملية وانا اتعلم منها .. يعني تنين بنكمل بعض ....

ومن الصعب انو فكر بأني ارتبط بوحدة مش متعلمة وتعليم عالي ..سواءا متلي او اعلى ...

[personita]

كاتب النص الأصلي : سوا ربينا

هلأ انا برأيي انو ثقافة المرأة نعمة مش نقمة ... لانو ع الاقل ازا كانت مثقفة منيح بيقدر الواحد يتفاهم معها وبتفكر بكل شي قبل ما تعملو وما بتحكي او بتتعامل مع الشخص بسذاجة او بعدم مفهومية يعني متل ما بيقولو بتدوزن الكلام قبل ما تحكيه والتصرف قبل ما تعملو ....
وحتى لو كانت اعلى مني بالتعليم .. هالشي مش سيء لانو مش شرط انا صير المعلم الاول متل ما انذكر فوق الها.. . بل ممكن هي تتعلم من تجاربي النظرية والعملية وانا اتعلم منها .. يعني تنين بنكمل بعض ....

ومن الصعب انو فكر بأني ارتبط بوحدة مش متعلمة وتعليم عالي ..سواءا متلي او اعلى ...

يعني و الله الواحد بيفرح لما بيشوف أنو في ناس هيك بتفكر، بس وينكم ما عم لاقي مثلكم في الشارع؟؟!!!
مرسي سوا ربينا

[سوا ربينا]

كاتب النص الأصلي : personita

يعني و الله الواحد بيفرح لما بيشوف أنو في ناس هيك بتفكر، بس وينكم ما عم لاقي مثلكم في الشارع؟؟!!!
مرسي سوا ربينا

اي نحنا عملة نادرة ما في منا ...
وبعدين شو بالنسبة للشوارع؟ ...قفشتك انتي بتقضيها بالشارع ...

[mary_55]

برأي
أن كلام الكاتبة صحيح 100%
ولكن ..كما قلت وسأقول دائماً
المرأة الجميلة سيبقا جمالها معها 30 ..او 40 ..او حتى 50 سنة
ولكن
هل يبقا بعدها؟؟؟...
لهذا أفضل أن تكون المرأة جميلة وذكية
ومستقلة
اولاً هذا يريح البال من كلام الناس
ثانيا عندما تشيخ هذه المرأة فلن يملها زوجها لما لديها من ذكاء
فكمان نرى في أيامنا أن الفتات عيارها 20 سنة وبيمل منها زوجها
وبيتزوج عليها وحدة أد ولادو..وبأقل الأحوال بيخونها..
لأنو مل منها ..ماعندها ثقافة مشان يتناقشو بين بعض
وجمالها راح..شو يلي بدو يشد الرجل للمرأة بعد هل سنين غير
علمها وذكائها؟؟.
ومن هاد الباب بنصح كل صبية تدرس وتكمل الجامعة
لأنو مافي شي ممكن يفيد الوحدة أد دراستها..
و بالتعليق عهل شي..
لأنو إذا الوحدة تزوجت وصار شي لزوجها لاسمح الله
بدها ترجع عانس عبيت أهلها وتصير متلها متل هل كرسي
وإذا طلقها
هون المصيبة مصيبتين
بيبلش كلام الناس و أعدتها إلي مالها فايدة ببيت أهلها
أنا ماعم قول أنو الأهل ممكن يملو أو مابدهم يخلو ولادهم عندهم
لا أنا عم قول أنو المرأة متل ما الكل بيقول أحسن شي ألها بيت زوجها
بس لما بينهدم هل بيت
مابيضللها غير دراستها


بحب أسمع أرائكم بكلامي..

[personita]

كاتب النص الأصلي : سوا ربينا

اي نحنا عملة نادرة ما في منا ...
وبعدين شو بالنسبة للشوارع؟ ...قفشتك انتي بتقضيها بالشارع ...

بقصد الشارع العربي أي المجتمع عموما
أنت أكيد أكيد مش "مسقف"

[..Jimy]

هالمشكلي هاي ..انا ماني مع تماس معها..كون انو ببيئتي ..اسطل بنت اسطل بنت معها معهد ..
وعدرجي لا بأس بها من الثقافي..

شخصيا..
ما بكفي انها تكون متعلمي..
ومابكفي انها تكون مثقفي..
ومابكفي انها تكون متشتغل..

لازم اضافة لكل هيدول تكون مستقلي ماديا بشكل فعلي..
مستقلي وعندها دخل..وعندها بيتها الخاص فيها.. وعندها سيارتها الخاصة فيها..وحياتها الاجتماعيي الخاصة فيها..

ومانها بحاجتي ابدا لأي من أساسيات الحياة.. أو رفاهياتها..
ولازم يكون عندها طموح مهني متمسكي فيه..وما بترضى تتخلى عنو ابدا..


هيك مبدئيا يعني ..

[personita]

كاتب النص الأصلي : mary_55

برأي
أن كلام الكاتبة صحيح 100%
ولكن ..كما قلت وسأقول دائماً
المرأة الجميلة سيبقا جمالها معها 30 ..او 40 ..او حتى 50 سنة
ولكن
هل يبقا بعدها؟؟؟...
لهذا أفضل أن تكون المرأة جميلة وذكية
ومستقلة
اولاً هذا يريح البال من كلام الناس
ثانيا عندما تشيخ هذه المرأة فلن يملها زوجها لما لديها من ذكاء
فكمان نرى في أيامنا أن الفتات عيارها 20 سنة وبيمل منها زوجها
وبيتزوج عليها وحدة أد ولادو..وبأقل الأحوال بيخونها..
لأنو مل منها ..ماعندها ثقافة مشان يتناقشو بين بعض
وجمالها راح..شو يلي بدو يشد الرجل للمرأة بعد هل سنين غير
علمها وذكائها؟؟.
ومن هاد الباب بنصح كل صبية تدرس وتكمل الجامعة
لأنو مافي شي ممكن يفيد الوحدة أد دراستها..
و بالتعليق عهل شي..
لأنو إذا الوحدة تزوجت وصار شي لزوجها لاسمح الله
بدها ترجع عانس عبيت أهلها وتصير متلها متل هل كرسي
وإذا طلقها
هون المصيبة مصيبتين
بيبلش كلام الناس و أعدتها إلي مالها فايدة ببيت أهلها
أنا ماعم قول أنو الأهل ممكن يملو أو مابدهم يخلو ولادهم عندهم
لا أنا عم قول أنو المرأة متل ما الكل بيقول أحسن شي ألها بيت زوجها
بس لما بينهدم هل بيت
مابيضللها غير دراستها

بحب أسمع أرائكم بكلامي..

هو أكيد البنت الحلوة و اللي ما عندا شي تعتمد عليه في الحياة غير جمالها، ما فينا نلومها لأنو السلاح الوحيد اللي عندا، بشوف انو شي مؤسف انو ما يكون عندها غير هيك، بس هل هي مسؤولة مثلا انو ما في عندا مقومات أخرى غير جمالها لأنو ما تاحت الها فرصة انو تتعلم؟ أكيد أنا ما بعتبرها المسؤولة، و إنما ضحية لمجتمع خلى مهمتها الوحيدة في الحياة انو تكون حلوة و تستنى يجيها "العدل"، هل هي المسؤولة عن زوج ممكن يملها لأنو بالنسبة الو "النساء متاع" و ممكن يغيرها بأول واحدة يعتبر انها أحلى؟
أما في حالة الطلاق، نظرة المجتمع في جميع الأحوال جد مجحفة و قاسية على المرأة (كيف ما كانت درجتها العلمية)، بس ممكن بتفق معاك أنو المثقفة ممكن تشق طريقها بثبات و بقوة أكبر لأنو في قاعدة صلبة تنطلق منها.
مرسي لمشاركتكك

[boozy]

ايييييييييي
كلهم حبيبتي بالبداية بيعملوا حالهم مشجعين وساندين للمرأة
يتمسكن لحتى يتمكن
ويا ويلي لما يتمكن
اسأليني الي عن تجربة والله
المراة بالنسبة الهم حسب المثل القائل
بالنهار تحت عصاتي وبالليل تحت عباتي
لحد هلأ ما قدروا ينفضوا رمل الصحراء من قلوبهم وعقولهم.

[أإأبو العبد]

كاتب النص الأصلي : personita

صراحة فاجأتني، أبو العبد ! يعني من خلال بعض ردودك كنت بتخيل أنك أكثر "شرقية" (مشان ما أحكي كلمة تانية )، يا عمي، نيالا مراتك! و لو أنك حكيت أنك ما بدك زواز
طب ما بينفع تاخذا معاك و أنت بتعمل البرمة؟!

مابيمشي الحال لانو البرمة مارح تكون سياحة وسفر رح تكون صياعة وسهر مشان اخد راحتي يعني

[personita]

كاتب النص الأصلي : ..Jimy

هالمشكلي هاي ..انا ماني مع تماس معها..كون انو ببيئتي ..اسطل بنت اسطل بنت معها معهد ..
وعدرجي لا بأس بها من الثقافي..

شخصيا..
ما بكفي انها تكون متعلمي..
ومابكفي انها تكون مثقفي..
ومابكفي انها تكون متشتغل..

لازم اضافة لكل هيدول تكون مستقلي ماديا بشكل فعلي..
مستقلي وعندها دخل..وعندها بيتها الخاص فيها.. وعندها سيارتها الخاصة فيها..وحياتها الاجتماعيي الخاصة فيها..

ومانها بحاجتي ابدا لأي من أساسيات الحياة.. أو رفاهياتها..
ولازم يكون عندها طموح مهني متمسكي فيه..وما بترضى تتخلى عنو ابدا..
هيك مبدئيا يعني ..

يعني من خلال الردود بستنتج واحدة من الشغلتين: يا إما مجتمعنا جد متطور و متفتح، يا أخوية ما بتمثل المجتمع اللي عايشين فيه
تحياتي جيمي
و ميت وردة

[أإأبو العبد]

كاتب النص الأصلي : personita

يعني من خلال الردود بستنتج واحدة من الشغلتين: يا إما مجتمعنا جد متطور و متفتح، يا أخوية ما بتمثل المجتمع اللي عايشين فيه
تحياتي جيمي
و ميت وردة

ليش مامنقول انو نحنا الي عمنعيش حالنا بهالوهم لانو كتير بسمع عن شباب مابيرضو يرطبتو الا بجامعية بحكم انهن هن جامعيين وعمبحكي على نسبة كبيرة من الشباب

[Marooshe]

المرأة المثقفة ما بتشكل تهديد الا ع يلي عندو شك بذكوريتو وبيفتقد للثقة بنفسو .. وما أكثر أشباه الرجال وما أكثر الذكورة والرجولة المزيفات !




المرأة المثقفة ، القوية نعمة لنفسها ونقمة للضعفاء !

[personita]

كاتب النص الأصلي : boozy

ايييييييييي
كلهم حبيبتي بالبداية بيعملوا حالهم مشجعين وساندين للمرأة
يتمسكن لحتى يتمكن
ويا ويلي لما يتمكن
اسأليني الي عن تجربة والله
المراة بالنسبة الهم حسب المثل القائل
بالنهار تحت عصاتي وبالليل تحت عباتي
لحد هلأ ما قدروا ينفضوا رمل الصحراء من قلوبهم وعقولهم.

فعلا عزيزتي، أنا كمان صادفني هذا النوع من الرجل "الشيزوفريني"، اللي بيتشدق بالفكر الحرّ و بيدَّعي التحضر، بس بالنهاية هو مش قادر يتخلص من "القبيلة" اللي جواه.
بس بعتقد (و هذا انطباع شخصي) هون في أخوية الشباب، بصفة عامة عندهم نسبة وعي و تفتح صعب توفرها (بها الحجم و ها الكثافة على الأقل) في المجتمع العربي، و كفاية انو لغاية هلا ما دخل حدا و حكالنا روحو عالمطبخ، ال ثقافة أل!!

[personita]

كاتب النص الأصلي : أإأبو العبد

مابيمشي الحال لانو البرمة مارح تكون سياحة وسفر رح تكون صياعة وسهر مشان اخد راحتي يعني

ايون! اظهر و بان!!

كاتب النص الأصلي : أإأبو العبد

ليش مامنقول انو نحنا الي عمنعيش حالنا بهالوهم لانو كتير بسمع عن شباب مابيرضو يرطبتو الا بجامعية بحكم انهن هن جامعيين وعمبحكي على نسبة كبيرة من الشباب

يا ريت كان فعلا وهم، بس الواقع بيحكي شي تاني: أنا شخصيا عرفت كتير ناس عندهم مستوى تعليمي عالي، صرحولي انهم ما بتهمهم تكون البنت مثقفة، و انو أهم شي بالنسبة الهن تكون حلوة و "بتسمع الكلام" (العبارة حرفية)، و انو عمل المرأة هو مكمِّل أو "اكسيسوار" و قارنولي المرأة بالسيارة
كان في الي زميل كمان جامعي و متفوق بيعمل سلك ثالث على أساس حكالي مرة أنو البنت قد ما كانت هبلة أحسن، هيك ما بتغلب..
هدولا ناس عرفتهم شخصيا و احتكيت فيهم، فلا تحكي لي وهم!

[boozy]

صح البارحة كانت عدنا جارتنا مثلا
هي موظفة وزوجة وام لثلاثة اولاد
المشكلة انو هي هلأ صارت مريضة وكبيرة بالعمر
ما فيها تعيش حياة الركض بركض هاي
واولادها وزوجها ما يساعدوها ابدا
يعني البارحة تخانيء زوجها معها وكان عدها عطله لانها تأخرت علي بالدولمه( ورق العنب) وهاي اكلة متعبة ومطولة
يعني يوم عطلتها .. طبخ, تنظيف, غسل ملابس, تدريس الاودلاد...زيارت اجتماعية,, غيرها
مشكلة والله شو بيصير في لو غسل صحون مثلا ..
يموووووووووووت يعني يمووووووووووت
وفوق الهم يتشرط وينفخ ويأمر.
والمشكلة ما بدوا تستقيل او تطلع تقاعد لان حضرته مستفاد من الراتب.
هاي شلون؟

[personita]

كاتب النص الأصلي : Marooshe

المرأة المثقفة ما بتشكل تهديد الا ع يلي عندو شك بذكوريتو وبيفتقد للثقة بنفسو .. وما أكثر أشباه الرجال وما أكثر الذكورة والرجولة المزيفات !
المرأة المثقفة ، القوية نعمة لنفسها ونقمة للضعفاء !

أعتقد هو هيك، الخوف من المرأة المثقفة بينبع من عدم الثقة بالنفس أولا، و ربما من الكم الهائل من التناقضات
و ازدواجية المعايير اللي بنتربى عليها في مجتمعنا و اللي بالنهاية بينتج عنا شخص مزدوج،ما بيقدر ما ينبهر أمام شخصية قوية، لكن بتضال العادات و التقاليد متجذرة جواه و بينصاع الها بالأخير.
نورت مروش

[Marooshe]

كاتب النص الأصلي : boozy

صح البارحة كانت عدنا جارتنا مثلا
هي موظفة وزوجة وام لثلاثة اولاد
المشكلة انو هي هلأ صارت مريضة وكبيرة بالعمر
ما فيها تعيش حياة الركض بركض هاي
واولادها وزوجها ما يساعدوها ابدا
يعني البارحة تخانيء زوجها معها وكان عدها عطله لانها تأخرت علي بالدولمه( ورق العنب) وهاي اكلة متعبة ومطولة
يعني يوم عطلتها .. طبخ, تنظيف, غسل ملابس, تدريس الاودلاد...زيارت اجتماعية,, غيرها
مشكلة والله شو بيصير في لو غسل صحون مثلا ..
يموووووووووووت يعني يمووووووووووت
وفوق الهم يتشرط وينفخ ويأمر.
والمشكلة ما بدوا تستقيل او تطلع تقاعد لان حضرته مستفاد من الراتب.
هاي شلون؟

هاد واحد نفسو دنيئة ، وقذرة جداً ،
مرتو بتشتغل لحتى ياكل ويعيش وهوي بيعيش لحتى ياكل ومرتو تشتغل !

[جاد81]

كاتب النص الأصلي : بنفسجة

للاسف مجتمعنا الشرقي يخاف من المراة المتعلمة وبيعتبرها عنصر قوي ممكن تطغى بقوتها على الرجل القوام
وحتى بالوسط النسائي غير المتعلم بتلاقو هالفكرة انو البنت المتعلمة قوية ومتفتحة وشايفة ولهيك بتخوف وطلباتها بتكتر وبتصير تطالب بحقوقها وحسب ما بتعرفو البنت بالمجتمع الشرقي حقوقها عند الزوج لازم تكون بالحد الادنى للحياة
ولهيك المجتمع غير المتعلم بيبعد عنها والحق هون مش على العلم او التعلم انما الحق على المجتمع الذكوري
وبالنهاية عم شوف انو نسبة العنوسة بين المتعلمات كبيرة فعلا

شوفي يا صديقة رأيك لا يعمم على جميع الرجال في الوطن ...بس في شريحة واسعة ...يعني بسوريا مثلا الشريحة كبيرة ضد تعلم المرأة و عملها ...بس بتوقع مش أجيالنا ( التمانينات و التسعينات و لا حتى السبعينات ) يعني يلي هلئ عما يتزوجوا ....و كمينا في مشكل صغير بثقافة المرأة العاملة ...يعني عند المرأة بالخصوص بتعتبر حالها بس تعلمت و اشتغلت و صار بجيبها مصاري انو خلص ...انو فيها تغرد خارج السرب و ما بقى هيي بحاجة لحدن ...و هيدا برأيي شي في من الخطأ الكثير ...عمل المرأة في أيامنا هو مكمل لعمل الرجل ...و ليس استقلال عنه ...يا ريت تتاخد هل الفكرة بعين الاعتبار....

و منشان عبارة المجتمع الذكوري يعني يكثر استخدامها على لسان الفتيات و كأنها أصبحت شي معيب للرجل

يعني شو يعني مجتمع ذكوري و مجتمع انثوي ...متل ادي رجولي و أدب نسائي ...الحياة لا تحتمل التقسيمات حسب الجنس ...لانو بيكفي التقسيمات القومية و الدينية و .....الخ....

أنا كرجل في عمري هذا أطالب بتعلم الفتاة و بعملها و بوصولها الى اعلى المراتب حسب قدراتها و مؤهلاتها ...يعني مساواتها بالرجل ....هذا ما يجب ان نتفق عليها و يجب ان نبتعد عن سياسة الكر و الفر و الدفاع عن النفس ...و كأنو الرجل صياد و المرأة طريدة ...او الوصول الى الحالة العكسية ..