اللهجة الجزائرية لهجة هجينة يصعب فك شيفرتها

[stygnuut]

سارة ريم
واش واشنو اشنهو آشهو شتاهو آشو ديشو ؟؟؟ <<< كلها تعني ماذا ؟

بطاقة صفرا مصفارة ما تقوليش ألجيرياني قولي دزيري

و هاديك الكتيبة جبتيها da qualche parte
لكن ماشي من عندنا حاولي مرة أخرى

h13free
ما شكيش يجي نهار نصيبها تقاشر و فرات علاش نحوسو نفهمو ؟

تحبي ديري ليستا معليش بصح نخاف يجو يقولولنا ممنوع و ما نفهموش حنا الخوروطو ديالكم و كاعيتيك

انتي بداي

[حنين.]

كاتب النص الأصلي : pjd

سارة ريم
واش واشنو اشنهو آشهو شتاهو آشو ديشو ؟؟؟ <<< كلها تعني ماذا ؟

بطاقة صفرا مصفارة ما تقوليش ألجيرياني قولي دزيري

و هاديك الكتيبة جبتيها da qualche parte
لكن ماشي من عندنا حاولي مرة أخرى

h13free
ما شكيش يجي نهار نصيبها تقاشر و فرات علاش نحوسو نفهمو ؟

تحبي ديري ليستا معليش بصح نخاف يجو يقولولنا ممنوع و ما نفهموش حنا الخوروطو ديالكم و كاعيتيك

انتي بداي

خلاص لمن نعمل ليستة ليك انتي؟ على بالي تفهميها خير مني
واحد ما حب يتعلم

[Sarita]

"محمد درباتو طوموبيل، داتو ديريكت لسبيطار".

نو نو نو
راكي غالطة عينيا
حنا ما نـGـولوش طوموبيل نـGـولو :
محمد درباته لوطو وداوه لHopital
هادي هيا ال Version تاعنا
وديجا مشي العرب اللي ما يفهموناش meme الشرق ما يفهموش على الغرب
en plus de ça كاين العرب ما يفهموش على المازيغ
والزواوة ما يفهموش على الشاوية
والمزاب ما يفهموش على الطوارق الخ...........
---------------------------------
هلأ لا تتفاجئو بالشي اللي قلتو فوء انو بس حبيت وح الالتباس بعدين قلت انو
اختلاف اللهجات وعدم الفهم ما بيقتصر ع العرب واهل المرق العربي في كمان بزات البلد يعني الجزائر في ناس الشرق ما بيفهمو ع الغرب وبمنطقة القبائل في قبائل ما بتفهم ع بعض
يعني الجزائر ما الها لغة خاصة فما بعرف ليه صارت عربية الله اعلم

[stygnuut]

علاش راهي غالطة ؟
انتي جبتيها بالوهرانية و رانا فهمنا نورمال
ياك اللوطو l'auto هي اختصار لأوطوموبيل automobile؟ و لوببتال hopital كاع نقولوها ياك بالفرونسي
و ما كاش منها هادي الشرق ما يفهموش على الغرب و العكس شي كلايم برك و الباقي مفهوم ادا التوانسة و المغاربة نفهموهم كيفاش ما نفهموش لوهارنة و لعنانبة
و فكل بلاد فيها لهجات متباينة ماشي غير حنا بالاك حنا شوية زيادة
بصح الأمازيغ يفهمو بعضاهم شوفي برك القناة الرابعة الصحفية تهدر بالقبايلية و الضيف يجاوب بالشاوية نورمال عندك الترقية شوية بعيدة عليهم sinon
ماكاش فرق كبير
و عودة للهجات حنا عندنا لهجات يفهموها فالمشرق خير منا شوفي ناس الصحرا العربية تاعهم كيفاش مخدومة سورتو تاع الواحات و الواد ولا القصايد تاع الشعبي تاني قريبة بزاف من الفصحى

[Sarita]

كيفاش هادي القبايل يفهمو
انا صحبتي قبايلية ما تفهمش عليا مالكي؟
ومن بعد عنابة يقولو خبّاها حنا هنا نقولو دسيها
وديجا الشرق ما يفهموش كلمنة شتاوالا
دودري bien في البلاد وشوفي

[stygnuut]

وكاين ناس ما يفهموا والو غير الهدرة تاع يماهم لافوط ديالهم
بصح الأغلبية تفهم قريب كلش كيما قلتك كاين بزاف كلمات يتبدلو بصح نورمال نتفاهمو خباها و لا دسها و لا درقها نورمال c'est pas grave مفهومة واحد يخمم شوية برك
اللهجة هي هي غير شوية كلمات يتبدلو يعني شوية vocabulaire برك بصح la grammaire ما تتبدلش . اللي ما يعرفش شتاوالا عمرو ما شاف التيليفيزيون و كيما قلتلك الحاجة هادي ماشي غير عندنا في كل بلاد عندهم واحد اللهجات دايرين كي لعجب حتى هوما ما يفهموش مليح على بعضاهم و كتر منا يعني ما كاش بلاد عندها لغة او لهجة وحدة شوفي مصر عمبالك كاع يهدرو كيما فالمسلسلات ؟ عندهم شي لهجات تقول من المريخ جاو . و لوكان تشوفي فرنسا عندهم واحد اللهجات يخلعو الكلمات يتبدلو و les expressions يتبدلو و خلي l'accent يقدر واحد من تولوز يهدر ساعة مع باريزيان بلا ما يفهملو بصح غير ايلا دارها بلعاني زكارة فيه
و في فرنسا تاني اللي زعما عندهم وحدة لغوية و لغتهم حية عندهم لغات ماشي غير لهجات كيما breton, basque , alsacien يهدرو بيهم الملاين بصح ما يوروهمش فla tele برك
و كي هدرت على القبايل قلت لقبايل يفهمو على الشاوية تسما الأمازيغية ماشي العربية
الامازيغية راهي لغة منفصلة ما ندخلوهاش مع اللهجات
حبيت نقولك زوج دزيريين كي يتلاقوا و يهدرو بالعربية الدارجة يتفاهمو en general ايلا فالشرق يقولو ياسر محسوب ما يفهموش واش معنتها بزاف؟ بلا ما ندور فالبلاد هدرت مع لعنانبة و الوهارنة و السطايفية و الشاوية و الصحراويين و المزابيين و الجواجلة حتى التوارق تاع تمنراست جامي حوست على واحد يترجملي و هوما تانيك

بصح واشنو صح كاين بزااف بزاف لهجات عندنا و les accents يتبدلو كل ما تمشي 1 كم

[stygnuut]

تفكرت حاجة
غير كيما لعب مسلسل سوري هوما يهدرو بالسورية و مالتحت يترجموا بالفصحى tellement اللهجة هاديك صعيبة على الباقي

[أإأبو العبد]

والله حكياتكون بيجننو
رح راجع هالموضوع مشان اتعلم هاللهجة الرهيبة

بس عنجد حكيكون حلو

[أإأبو العبد]

برشة برشة بالزاف يهبل هالموضوع شكون نموت علية
كيفني معكون بلقطا عالطاير

[Gazita]

ميغسي بزاااااف الاندلسية على الموضوع.بالصح ماكاينش اختلاف كبير بين لهجات المغرب العربي..ونفهمو هدرة بعضنا ...وكيما قلتي كاين ديفيغونص داللهجة من منطقة لاخرى..بحالنا تلقاي هدرة شمال المغرب خليط فيه اللغة الاسبانية واللهجة الشمالية.... والشرق لهجتهم قريبة بزاف للهجة الجزايرية..اضافة الى الامازيغية اللي مانفهم فيها والو... مي heureusement صارت مادة من مواد التعليم الابتدائي.
بالصح نتوما تقولو لوطو في بلاصة طوموبيلحنا نقولو ليها طوموبيل ..ونقولو لوبيطال او سبيطار

[stygnuut]

gazita
الأغلبية تقول طوموبيل و فالغرب يقولو لوطو و كاين تاني لي يقولو كروسة
و الأغلبية تقول سبيطار و هي كلمة تركية

[حنين.]

وفي تونس يقولو
كرهبة
يرحم باباك قليلي من وين جابوها

[حنين.]

كاتب النص الأصلي : أإأبو العبد

برشة برشة بالزاف يهبل هالموضوع شكون نموت علية
كيفني معكون بلقطا عالطاير

تموت على روحك؟؟؟؟
ولا شكون يموت عليا؟
اذا الذوزيام انت تعرف شكون للي تموت عليك حنا خاطينا
globalment ça vas تسلكها شوي

[أإأبو العبد]

كاتب النص الأصلي : حنين.

تموت على روحك؟؟؟؟
ولا شكون يموت عليا؟
اذا الذوزيام انت تعرف شكون للي تموت عليك حنا خاطينا
globalment ça vas تسلكها شوي

بيظهر بدي شوية تقوية باللغة الفرنسية والجزائرية والامازيغية والمابعرف شو

حنين مافهمت منك ولا كلمة

[stygnuut]

كرهبة واقيل حبو يقولو كهربة تريسيتي

أبو العيد أواه ما جبتهاش كاعيتيك برشة كاينة غير في تونس ما كاش فالدزاير
و بيناتنا زعما تعرف واش معناها (شكون) ؟ ما شكيتش
نترجملك واش قالت حنين
تحب نفسك ؟؟
أم من يحبني؟ (هذا ما فهمناه من نموت علية )
إذا الثانية فأنت من يعرف من يحبك نحن لا دخل لنا
عموما لا بأس تجيدها قليلا ( تخرط بيك )

لازملك تقوية كما قلت لكن هي لم تستعمل الأمازيغية بتاتا تكلمت دارجة جزائرية
الأمازيغية لغة منفصلة لا تخلط مع العربية عندنا إنما يتكلمها الناس في عدة مناطق
فعندما تسمع كلام جزائري بالدارجة و لا تفهم فهذا لا يعني أن الكلمات التي لم تفهمها أمازيغية بل عربية جزائرية أو فرنسية معربة و بدرجة أقل تركية و إسبانية مع وجود كلمات أمازيغية قليلة تستعمل في الدارجة
هذا لأني لاحظت الكثير من المشارقة يزورون الجزائر العاصمة أو وهران مثلا و يقولون أنهم لا يفهمون لهجتنا لأنها مزيج من العربية و القبائلية ( قرع من الأمازيغية) و هذا غير صحيح فلما تسمع كلام مثل هذا :

' واحد الخطرة واحد تكريفاتلو الرودا و مافاقلهاش ألور دار أكسيدون فلوطوروت داوه للسبيطار مسكين عشى بالبلاطر و دا كونجي زوج سمانات و كي ولى للخدمة بالبيكيات و حالتو حالة صابهم دارولو واحد الكو و طبقوه و جابو واحد المبيسطوني فبلاصتو مسكين ديبريما شحال و قال بلا حناهم غير يخلصوها شعل قارو و قعد يخمم يخمم كيفاش يخلفهالهم .. و مازالو يخمم'

فلاشك أنك لن تفهم الكثير مع أنه لا أثر للامازيغية في الكلام أعلاه

[أإأبو العبد]

بل عربية جزائرية أو فرنسية معربة و بدرجة أقل تركية و إسبانية مع وجود كلمات أمازيغية قليلة تستعمل في الدارجة

بس مع هيك مهضومة اللهجة الجزائرية

[أإأبو العبد]

طيب شوفولي هالجملة شو معناها
(قطوسة تبحط لوطة فوق الروشة)
وباي لهجة ومين القائل

[stygnuut]

كاتب النص الأصلي : أإأبو العبد

طيب شوفولي هالجملة شو معناها
(قطوسة تبحط لوطة فوق الروشة)
وباي لهجة ومين القائل

قطوسة أعرفها بالتونسي و تعني قطة أما الباقي متأكد من الجملة ولا أخترعت شوية من عندك ؟

تبحط يقولوها فالخليج و الروشة ممكن المقصود بها حجر كبير و لا يمكن تكون بالليبي