تعلم أن تبتسم 400 مرة باليوم

[fernanda bachchan kfoury]

400 مرة؟؟

وإذا ماقارناهم بالكبار نجد أن الكبار يبتسمون 14 مرة فقط في اليوم .

14؟؟؟؟؟ انا ازا لحقت 5 مرات بكون منيحة

[قرصان الأدرياتيك]

كاتب النص الأصلي : h13free

وهل تبتسم كثيراً مع عائلتك ؟ حاول تذكر آخر نكتة سمعتها من أحد أفراد عائلتك أو موقفاً طريفاً معهم وتذكر موقفك منها . هل كنت مبتسماً أم تكتفي بتحريك شفتيك وهز كتفيك . حاول أن تسأل بأسلوب آخر لعله يجعلك تجيب عليه بسرعة ووضوح . هل تجد صعوبة في الابتسامة لزوجك وأفراد عائلتك ؟ وما هو رأيك في سبب هذه الصعوبة ؟

أنا من أولئك الذين يعبسون حتّى في وجه الفرح وهذا يعود إلى عوامل كثيرة أهمّها الوحدة التي مارستها طوال طفولتي ومراهقتي في البريّة وبين البساتين وبالقرب من نهر مدينتنا... تلك اللحظات كانت الأجمل في حياتي لكنّها طبعتني بطابعها وأشعرُ أنّي الآنَ وبعد مضيّ ثلاثة عقود بدأتُ بالتحرّر منها بالإرادة والعزم... ساعدني على ذلك عنادي و"تناحتي".
بالنسبة لعائلتي فأكثر ابتساماتي وضحكاتي لا بل قهقهاتي وجلاقتي وما إلى هنالك تكون مع أختي التي تصغرني بعام، فقد كانت برفقتي طوال إقامتي في المنزل الوالديّ... وما زلتُ معها كذلك بعد أن تزوّجت وجابت عرّة ولاد الله يهدين. وخاصّة إذا ما أعدنا ذكريات المشاكل التي كنا نتسبب بها لأمي... إلخ.
مع والدتي وهي أكثر من يعرفني ويعرف عني في البيت أحاديثنا تأخذ طابع الجديّة، وابتساماتنا معتدلة وخاصّة عندما أمازحها... !
مع والدي هناك حاجز معيّن... قليلاً ما نبتسم ونضحك، برغم المحبّة والاهتمام المتبادل، يبدو أنَّ ذلك يعود أيضاً إلى المراحل السّابقة التي عوقبتُ فيها من قبله كثيراً...
إذا كانت هناك من صعوبة فالأمر يعود إلى الظروف التي مررنا بها ولا شأن لها للعلاقة بيننا كأفراد عائلة واحدة.

التمرين على مرحلتين :
المرحلة الأولى أن ننظر في المرآة بوجه عابس ..
والمرحلة الثانية ننظر إلى المرآة بوجه مبتسم . وبالتأكيد إن ما سجلته في المرحلة الأولى من مشاعر للآخرين تختلف تماماً عن مشاعر التجربة الثانية .

أنا عجبني وجهي العبوس أكثر... حسيت حالي قرصان عن حق وحقيقة وبعدين هيبة يا أختي هيبة ووقار .

- استمع للنكتة من الآخرين واضحك لها .

والله إذا ما عجبتني رح أضحك عَ صاحبها... .

- اجلس مع الأطفال وابتسم لهم .

هاي حبّيتا كتير كتير... روح قلبي الأطفال واللعب معهم ، إذا بيطلعلي قضي عمري مع الأطفال على ضحك ومسخرة ولعب وجلاقة ما رح قول لأ وبستين جهنم الباقي.

هدى شكراً كتير عالموضوع... قيّم بجدارة .

[حنين.]

كاتب النص الأصلي : قرصان الأدرياتيك

أنا من أولئك الذين يعبسون حتّى في وجه الفرح وهذا يعود إلى عوامل كثيرة أهمّها الوحدة التي مارستها طوال طفولتي ومراهقتي في البريّة وبين البساتين وبالقرب من نهر مدينتنا... بفهم من كلامك انك قرصان من الطفولة يعني
تلك اللحظات كانت الأجمل في حياتي لكنّها طبعتني بطابعها وأشعرُ أنّي الآنَ وبعد مضيّ ثلاثة عقود بدأتُ بالتحرّر منها بالإرادة والعزم... ساعدني على ذلك عنادي و"تناحتي". اتاري العناد الو فوائد
بالنسبة لعائلتي فأكثر ابتساماتي وضحكاتي لا بل قهقهاتي وجلاقتي وما إلى هنالك تكون مع أختي التي تصغرني بعام، فقد كانت برفقتي طوال إقامتي في المنزل الوالديّ... وما زلتُ معها كذلك بعد أن تزوّجت وجابت عرّة ولاد الله يهدين. وخاصّة إذا ما أعدنا ذكريات المشاكل التي كنا نتسبب بها لأمي... إلخ. الله يخليها هي و اولادها
مع والدتي وهي أكثر من يعرفني ويعرف عني في البيت أحاديثنا تأخذ طابع الجديّة، وابتساماتنا معتدلة وخاصّة عندما أمازحها... ! انا كمان ما كتير بضحك مع ماما احيانا بس يمكن يكونو قاصدين يعاملونا بجدية
مع والدي هناك حاجز معيّن... قليلاً ما نبتسم ونضحك، برغم المحبّة والاهتمام المتبادل، يبدو أنَّ ذلك يعود أيضاً إلى المراحل السّابقة التي عوقبتُ فيها من قبله كثيراً... معناها كنت مشاكس
انا والدي الله يرحمو بعمرو لا عاقبني ولا رفضلي طلب وهو كان يحب يحكي معي ويمازحني بس ما بعرف ليش ما كنت اقعد معو كتير صحيت متاخرة
إذا كانت هناك من صعوبة فالأمر يعود إلى الظروف التي مررنا بها ولا شأن لها للعلاقة بيننا كأفراد عائلة واحدة.


أنا عجبني وجهي العبوس أكثر... حسيت حالي قرصان عن حق وحقيقة وبعدين هيبة يا أختي هيبة ووقار . يمكن موضة هالجيل العبوس اخي الكبير كان يوقف قدام المراية ويقعد يختار الملامح اللي بتخوف اكتر وياخد راينا بقلو ليش يرد بحتاجها وقت اللزوم
والله إذا ما عجبتني رح أضحك عَ صاحبها... .


هاي حبّيتا كتير كتير... روح قلبي الأطفال واللعب معهم ، إذا بيطلعلي قضي عمري مع الأطفال على ضحك ومسخرة ولعب وجلاقة ما رح قول لأ وبستين جهنم الباقي.
هلا بس اتاكدت انك طبيعي ليش في حدا ما بيحب الاطفال لولاهم هالدنيا ما بتنعاش

هدى شكراً كتير عالموضوع... قيّم بجدارة .

مرسي للاك قرصان الله يدوم ابتساماتك وافراحك
وان ما لقيت سبب لتبتسم اشتغل في روضة اطفال من غير راتب

[حنين.]

كاتب النص الأصلي : fernanda bachchan kfoury

400 مرة؟؟

14؟؟؟؟؟ انا ازا لحقت 5 مرات بكون منيحة

حاولي تخليهم عشرة هلاسبوع وتزيدي عليهم خمسة كل اسبوع

[ويحد سوري]

مشاهدة الأفلام الفكاهية المرحة .

هي انا مجربهااا
خصوصا الافلام تبع ديزني انو من وين بيجيبوا هالافكار

بس كلشي شافني قلي الله لا يكبرك

[داليا22]

الضحك اكيد بطول بالعمر.......

[ملاك الأحلام]

الواحد لما يضحك بيتحرك 17 عضلة اما لم يعبس بيتحرك 24 عضلة منشان هيك اللي دايما عابسين وجهن كل تجاعيد وحالته حاله واللي بيضحك كتير لما يكبر ما بصير في بوجها تجاعيد
شكرا على الموضوع

[hopes88]

الأبتسامه...
عملية فزيائيه حيويه
وبها تكون انسجام بين الأشخاص
انا نادرا ما اضحك يمكن مع انشغالي بدنيا
شكرا ع الموضوع

[mary_55]

انا الصراحة ماكتير بضحك..
بس ببتسم كتير..
وبخلي الحزن
لوقت بكون لحالي..
موضوعك كتير قيم وحلو
بشكرك عهل موضوع

[noor al houda]

والله مرة حلو هالمواضيع اما بالنسبة لالي فانا بابتسم مليون مرة باليوم...ممكن كل شخص حسب الشخصية لي يتمتع فيها.......
مرسي الك يا بنت بلادي.........

[safafita]

yeslsmou hilw ktir, ana badhak wbabtissim aktar min hik biktir khososan lama balta9i bsahbati almajnonat

[قرصان الأدرياتيك]

كيفَ لي أن أبتسمَ وأنا أعاني طوالَ النهار آلاف المرّات؟!
كيفَ لي أن أُنفذَ البسمة إلى قلبٍ تصرعه سهامُ هذا الدّهر وكذب المرؤوسين ونفاق البشر؟!
حاولتُ يا صديقتي ففشلت...

[sona78]

الضحك دواء الروح .. هي انا بامن فيها جدا
وبتوقع انو الحالة عندي معكوسة تماما للمكتوب.. عندي استعداد للضحك بطريقة بتخلي كل يلي حولي يشاركوني ياها

من ابسط المواقف لاعقدها قادرة اني اطلع بشي بيخليني ابتسم .. ونادرا اتطلع ع المراة من دون ما ابتسم

قادرة اني ابتسم لمجرد اني شوف طفل .. رجل .. امراة .. لك حتى ايا حيوان عم يضحك ... هيدا مع عدوى لكل يلي حولي .. اذا مو ع الموقف .. ع ضحكتي الرنانة جدا
بتوقع هي صفة من الصفات يلي بحبها جدا بحالي ( ما حدا يقول مغرورة .. هيدي وقائع )

بتوقع لهيك بشكل عام بشعر اني سعيدة

[sona78]

كاتب النص الأصلي : قرصان الأدرياتيك

كيفَ لي أن أبتسمَ وأنا أعاني طوالَ النهار آلاف المرّات؟!
كيفَ لي أن أُنفذَ البسمة إلى قلبٍ تصرعه سهامُ هذا الدّهر وكذب المرؤوسين ونفاق البشر؟!
حاولتُ يا صديقتي ففشلت...

ابحث في ثنايا الروح يا صديقي ...
كل ما ذكرته يذهب هباءا ..
عندما تجد انسانا يجعلك تبتسم في احلك الاوقات