موسوعة yass التدوينية

[Abu ToNi]

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال

فكرت انه من كومبيوتري
نزلت على كافيه انترنت نفس المشكلة تماما

[yass]

كاتب النص الأصلي : Abu ToNi

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال

فكرت انه من كومبيوتري
نزلت على كافيه انترنت نفس المشكلة تماما

لعمى ليش هيك!!! طيب و لا يهمك هلأ بحاول شوف حدا خبير بهالقصص و شو بيصير معي بردلك خبر

[Abu ToNi]

صانك يو

** هاموش : لا تكون كمان هنيك مشرف اداري وبدك تفعلي اشتراكي من البلوغ نفسه

[yass]

__________________________________________
هامش

** هاموش : لا تكون كمان هنيك مشرف اداري وبدك تفعلي اشتراكي من البلوغ نفسه

لأ هنيك أنا بالمعتقل

[zen]

كاتب النص الأصلي : Abu ToNi

ياس :
انا قبل شوي صار معي مشكلة واللي هوي انه ما عندي .. او بالاصل ما في ما عندي فكرة
ادوات تنسيق للنص اللي بدي ضيفه او بدي عدل فيه
كيف فيني حلها ؟!


** هاموش :
ما صرلي بالتدوين اكتر من ساعتين .. خلال هال سعتين كان معي زين على المسنجر عبساعدني وعوفته الملايكة تبع سما حمص
لهيك بدك اتطول بالك علي شنو انا ماني زوايد (( انا عدم بس كرامتي ما بستمحي قول عن حالي عدم )) بهي القصص

ا ناكر المعروف
أه وياويلي واوووف



ياس كيف بدي كبر خط البوست
لانو فتت على الاعدادت
لقيت او بقدر كبر اسم المدونة وكلشي
بس خط البوست ما عم يكبر

عفكرة مدونتي على البلوغ سبوت المحجوب

http://zensyria.blogspot.com

دعاية

[homam85]

حلووووووووووووووووووووووو و
كتيــــــــــــــــــــــ ـــــــــــــر
مشكور أخي

[ويحد سوري]

المدوونه شي حضاري انا بقول عنها هوون بيتي ممكن دعاية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بتمنى تمرقوااااااااااااااا

[قرصان الأدرياتيك]

كاتب النص الأصلي : Abu ToNi

عملتها 100 مرة وما مشي الحال
غيرت كل الاوبشن اللي عندي ما مشي الحال
حتى اني حذفت المدونة ورجعت عملت وحدة جديدة .. وما مشي الحال
فكرت انه من كومبيوتري
نزلت على كافيه انترنت نفس المشكلة تماما

كاتب النص الأصلي : yass

لعمى ليش هيك!!! طيب و لا يهمك هلأ بحاول شوف حدا خبير بهالقصص و شو بيصير معي بردلك خبر

بيجوز لأنّو عم تفوت من بروكسي!!!
عادةً مع البروكسي ما بتظهر هيك أدوات... !!!

[قرصان الأدرياتيك]

عزيزي ياس... تحيّة وبعد.

عندي كم سؤال إذا بتسمحلنا يا ولد العمّ:

- لمّا بنزّل مشاركة عالمدوّنة والنصّ طويل كيف بدّي أكتفي ببضعة أسطر والبقيّة تكون مخفيّة تحت اسم "المزيد" أو "التفاصيل"... إلخ؟! في هيك تقنيّة عالبلوج سبوت؟!

- شي تاني يللي هوّ العناوين الموجودة بمدوّنتك كيف بتحطّ الاسم مو الرّابط؟! مثلاً: كيف بتحطّ "الفصل الأوّل" من الأرجوحة ومجرّد تضغط عليه بتنتقل للموضوع؟!

- بالنسبة لليوميّات أو المواضيع يللي بتجي تحت اسم واحد متل "المذكرات" أو "الثلاثائيّات"... إلخ، كيف بدّك تحطها ضمن خانة وحدة وعنوان واحد بس بشرط يظهر عالصفحة الرئيسيّة آخر ما كتبته؟!

ولا تآخذنا ومشكور وعم نعذبك معنا!

سلام .

[yass]

عزيزي ياس... تحيّة وبعد.

عندي كم سؤال إذا بتسمحلنا يا ولد العمّ:

تحت أمرك أنا ابن العم

- لمّا بنزّل مشاركة عالمدوّنة والنصّ طويل كيف بدّي أكتفي ببضعة أسطر والبقيّة تكون مخفيّة تحت اسم "المزيد" أو "التفاصيل"... إلخ؟! في هيك تقنيّة عالبلوج سبوت؟!

بالاصدار القديم تبع البلوغ سبوت كانت موجودة بخيارات النشر, و لكن بالاصدار الحالي (بعد ما صارت تابعة لغوغل) رجعت دوّرت على هالخيار من فترة و ما لقيتو, و لفت انتباهي عدم وجود مدونات على البلوغ سبوت تستخدمها, فبعتقد لاغينها

- شي تاني يللي هوّ العناوين الموجودة بمدوّنتك كيف بتحطّ الاسم مو الرّابط؟! مثلاً: كيف بتحطّ "الفصل الأوّل" من الأرجوحة ومجرّد تضغط عليه بتنتقل للموضوع؟!

بالبلوغ سبوت لما تفوت على "التخطيط" بيطلعلك مخطط لمدونتك, بقائمة اليمين تنقّي "اضافة أداة جديدة" و تاخد "قائمة روابط" و تحط عنوان للقائمة و تحت بيعطيك خيار انو تحط الرابط و اسم الصفحة اللي رح ياخدك عليها الرابط, و هكذا.

- بالنسبة لليوميّات أو المواضيع يللي بتجي تحت اسم واحد متل "المذكرات" أو "الثلاثائيّات"... إلخ، كيف بدّك تحطها ضمن خانة وحدة وعنوان واحد بس بشرط يظهر عالصفحة الرئيسيّة آخر ما كتبته؟!

البلوغ سبوت يعطيك خيار التسميات أو التاغز, اللي هيي اللي تحطها بالخانة اللي تحت بوكس الكتابة, فيك تحط سمات جديدة أو تختار سمات موجودة, و بنفس طريقة اضافة الأداة اللي فوق تقدر تضيف قائمة السمات للقائمة اليمنى..

أما اذا قصدك انو مثلا بالصفحة الرئيسية يظهر أخر ما كتبت تحت كل تسمية.. فهاي بدها حدا فطحل أتش تي أم أل يعمللك ياها بالقالب, ما بتجي جاهزة

ما بعرف ازا هاد قصدك


لأي استفسار آخر أنا بالخدمة

[yass]

وردني انو في ناس عم يعملو مدونات و ما عم يخبرونا

فلذلك أدعو كل المدونين الجدد يحطو مدوناتهون بهالموضوع مع شرح صغير لشو رايد يعمل و كيف توجّه مدونتو حابب يكون.. و هيك (مشان نقدر نزورو و ندعمو و هيك قصص)

[yass]

كاتب النص الأصلي : قرصان الأدرياتيك

بيجوز لأنّو عم تفوت من بروكسي!!!
عادةً مع البروكسي ما بتظهر هيك أدوات... !!!

أنا بحياتي ما دخلت من بروكسي فما بعرف شو بيطلع


أي فيها وجهة نظر لأنو بتذكر الناس اللي بيفوتو ع أخوية من بروكسي دايما بيكون تنسيق النص عندون مو مزبوط.. مشكور عالملاحظة ابن العم


غابي ازا عم تفوت من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

من البروكسي, جرّب تفوت من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

لأنو يمكن ما محجوب

[قرصان الأدرياتيك]

كاتب النص الأصلي : yass

تحت أمرك أنا ابن العم

ما يأمر عليك ظالم!

بالبلوغ سبوت لما تفوت على "التخطيط" بيطلعلك مخطط لمدونتك, بقائمة اليمين تنقّي "اضافة أداة جديدة" و تاخد "قائمة روابط" و تحط عنوان للقائمة و تحت بيعطيك خيار انو تحط الرابط و اسم الصفحة اللي رح ياخدك عليها الرابط, و هكذا.
البلوغ سبوت يعطيك خيار التسميات أو التاغز, اللي هيي اللي تحطها بالخانة اللي تحت بوكس الكتابة, فيك تحط سمات جديدة أو تختار سمات موجودة, و بنفس طريقة اضافة الأداة اللي فوق تقدر تضيف قائمة السمات للقائمة اليمنى..
أما اذا قصدك انو مثلا بالصفحة الرئيسية يظهر أخر ما كتبت تحت كل تسمية.. فهاي بدها حدا فطحل أتش تي أم أل يعمللك ياها بالقالب, ما بتجي جاهزة
ما بعرف ازا هاد قصدك

واللهِ يا ابن العمّ أنا مو فهمان شو بدّي... المشكلة أنو طلبي مو متوفّر بالتقنيّات اللي عم يعرضها هالموقع مع أنّو الأفضل متل ما تفضّلت وقلت. عكل حال رح حاول أتبع خطواتك ولما ما بيمشي الحال بطلب مساعدتك خطوة أثر خطوة لأن كتر الأسئلة ما ألو طعمة .

وردني انو في ناس عم يعملو مدونات و ما عم يخبرونا
فلذلك أدعو كل المدونين الجدد يحطو مدوناتهون بهالموضوع مع شرح صغير لشو رايد يعمل و كيف توجّه مدونتو حابب يكون.. و هيك (مشان نقدر نزورو و ندعمو و هيك قصص)

واللهِ أنت بتنحط عالجرح بيطيب... وعراسي أنت وكل حارتك!
بس يا أخي أنا زلمة مبتدئ جداً وشغلتي فاضيّة واللي موجود حاليّاً بينعدّ على أصابع الإيد ومو هالقيمة اللي خرج تتعرّف... وبيجوز غيب كتير هالسنة بسبب كترة المشاكل عراسي واللهِ حظي كتير معتّر بطلع من شغلة بلقى عشرة... كأنّو متقصديني . فأكيد ما رح كون منظم بالدخول للمدونة الــ "قيد الإنشاء"... وبوعدك بس رتّب فيها شوي (بمساعدتك الله يخليلنا ياك) أنّو أبعتلك العنوان... فلو كان فيها شي محرز كان خبّرتك دغري! .

لأي استفسار آخر أنا بالخدمة

تشكر يا طيّب .

[Abu ToNi]

كاتب النص الأصلي : yass

أنا بحياتي ما دخلت من بروكسي فما بعرف شو بيطلع


أي فيها وجهة نظر لأنو بتذكر الناس اللي بيفوتو ع أخوية من بروكسي دايما بيكون تنسيق النص عندون مو مزبوط.. مشكور عالملاحظة ابن العم


غابي ازا عم تفوت من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

من البروكسي, جرّب تفوت من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

لأنو يمكن ما محجوب

اي اي جربتها ومشي الحال

________________________________

مشان العالم اللي عملت مدونات وما خبرت
انا واحد منهم عملت مدونتي على كتاف زين (( عذبته كتير معي .. مشي معي خطوة بخطوة ومع هاد الشي طالعته بلا منيّة .. ها صعي قبل ما انسى .. ميرسي زين ))

مدونتي حاليا طور التقدم او بالأحرى طور التطوير يعني حديثا حتى خلصت من قصة التنسيقات
توجهاتي فيها مانها كتير خطيرة .. عندي كام كلمة حابب اكتبهم لا اكتر ولا اقل .. فشو بيجي على سيادة المولى الفوقاني (( عقلي يعني )) بكتبه على المدونة .

وما بدي احط اللينك مشان ما يقولوا عما يعمل دعاية

[قرصان الأدرياتيك]

عزيزي ياس
بالنسبة للخطوات اللي سألتك عنها بشان إدراج أكتر من موضوع تحت تسمية واحدة فمشي الحال ومشكور جداً.

عندي سؤال آخر إذا سمحت:
- بإضافة المدوّنة لقائمة المدوّنات السوريّة بيطلبوا منّي "رابط الخلاصات"... ما فهمت شو هاد!

.

[yass]

بإضافة المدوّنة لقائمة المدوّنات السوريّة بيطلبوا منّي "رابط الخلاصات"... ما فهمت شو هاد!

رابط الخلاصات هو رابط ياخدك على فيد الموقع (أر أس أس- أتوم.. الخ), و هو رابط لما تفتح عليه متل كأنو يضيفلك المدونة بالمفضلة و تلاقي انو يبعت التحديثات بشكل تلقائي (يعني تدرج موضوع يؤدي تحدّث رابط الخلاصات و اللي حاطط عندو رابط الخلاصات بيطلع عندو الموضوع الجديد)

متل كأنو رابط الاشتراك بالمدونة.

هلأ في طرق عديدة لمعرفة رابط الخلاصات, أسهلها و أسرعها انك تسجّل بموقع المدون السوري و مكان رابط الخلاصات تحط رابط مدونتك مرة تانية, و تبعتلون بتبعيت "راسلنا" و تعطيون لينك و اسم مدونتك و تقلهون خيو أنا جديد ع هالصنعة و سجلت عندكون و ما بعرف جيب رابط الخلاصات زبطونا بمعيتكون


الشباب القائمين عليه جدا أكابر و محترمين و رح يخدموك بسعة صدر متل ما رح تشوف

أو تبعتلي رابط مدونتك و بحاول أنا طالعلك ياه

[Abu ToNi]

ياس بدك اتطول بالك علينا انا والقرصاان لأن في عنا كتير اسئلة كوننا تلاميذ بهي المصلحة
وبيني وبينك ما كل واحد بصحله دروس تعليمية من شخص مرشح حتى يكون افضل مدون عربي فعما نستغل الفرصة

شو بتفيد ال rss يعني انت قلتله للقرصان الشباب بساعدوك بالقصة وفيهم يعطيوك اللينك وانا ما فهمت شو هوي اللينك هاد .. انا عملت متل ما انت قلتله للقرصان وضفت وحيطت بهي الخانة رابط مدونتي مرة تانية

انه شغلته هاد فينك تقول (( تسجيل متابعة )) وهيك شي ولا شو ؟!

[قرصان الأدرياتيك]

كاتب النص الأصلي : yass

رابط الخلاصات هو رابط ياخدك على فيد الموقع (أر أس أس- أتوم.. الخ), و هو رابط لما تفتح عليه متل كأنو يضيفلك المدونة بالمفضلة و تلاقي انو يبعت التحديثات بشكل تلقائي (يعني تدرج موضوع يؤدي تحدّث رابط الخلاصات و اللي حاطط عندو رابط الخلاصات بيطلع عندو الموضوع الجديد)
متل كأنو رابط الاشتراك بالمدونة.
هلأ في طرق عديدة لمعرفة رابط الخلاصات, أسهلها و أسرعها انك تسجّل بموقع المدون السوري و مكان رابط الخلاصات تحط رابط مدونتك مرة تانية, و تبعتلون بتبعيت "راسلنا" و تعطيون لينك و اسم مدونتك و تقلهون خيو أنا جديد ع هالصنعة و سجلت عندكون و ما بعرف جيب رابط الخلاصات زبطونا بمعيتكون
الشباب القائمين عليه جدا أكابر و محترمين و رح يخدموك بسعة صدر متل ما رح تشوف
أو تبعتلي رابط مدونتك و بحاول أنا طالعلك ياه

بعتلون متل ما قلت... ورح أنطر الردّ! وحاسس أنو عم تعبك معنا فلا تواخذنا.
شكراً عكل شي .