كان يا مكان... حكاية إسمها الأمن والأمان

[VivaSyria]

[quote=sona78;1131045]

ألا يحق لنا اليوم أن نحاسب من تحملنا قمعهم كل هذه السنين بحجة أنهم يوفرون لنا الأمن؟؟

ألا يحق لنا أن نسأل من يعتقلون المثقفين والأحرار بحجة أنهم يوهنون الشعور القومي... من الأولى بالإعتقال؟؟

ألا يحق لنا أن نسأل أين نتائج التحقيقات في كل هذه الحوادث؟؟

ألا يحق لنا أن نسأل ما الجدوى من قانون الطوارئ وعشرات أجهزة المخابرات بعد كل ما يحصل؟؟

ألم تصلنا جميعاً اليوم الرسائل الدموية التي يفهم منها أن قمع الحريات وحكم البسطار وقانون الطوارئ ليس هو مايوفر الأمان للأوطان وللشعوب؟؟؟!!!

ودمتم[/QUOTE]

بس يحق النا........... رح ينفقد الامان الهون ......... ورح ننفقد نحنا...أي نُخفى عن وجه الارض

سورية بلد كتير امن... ما بينفقد فيها غير يلي بيفتح تمو.. لبك مثلا بالعراق وهلق مصر .. لك حتى يلي ما عم يفتح تمو عم ينفقد .....
للاسف صار هيك تفكيبر كتار من الناس .. ما بعرف بس فعلا مين المُلام .... الشعب الساكت .. ولا الحكومة ....... ولا غياب البديل الفعال نتيجة ممارسات الحكومة لعقود من الزمن ..

ياستي كيف ماحسبتيها وبناءً على حكيك فالشعب ساكت من الخوف ومن القهر.. يعني الشعب مو مسكتو غير البسطار... معناها كلو مسؤولية السلطه

وقت تصير السلطه فيه بإيد الشعب ويصير في شي اسمو شبه ديموقراطية بأي شكل منبقى منحط السلطه والشعب بطرفين الميزان ومنحدد مين الملام... أما بوضع اليوم فأكيد يلي محتكر القرار هو الملام الوحيد.

[rama1985]

انا اسفة كتير والله مو قصدي بجوز التبست عليي الاقسام لانو كتير

بس عنجد كتير اسفة مو قصدي والله

اسفة عنجد وكتير ومو بقصدي اتمسخر او اتسلى وحياة الله

[sona78]

[quote=VivaSyria;1131069]

كاتب النص الأصلي : sona78

ياستي كيف ماحسبتيها وبناءً على حكيك فالشعب ساكت من الخوف ومن القهر.. يعني الشعب مو مسكتو غير البسطار... معناها كلو مسؤولية السلطه

وقت تصير السلطه فيه بإيد الشعب ويصير في شي اسمو شبه ديموقراطية بأي شكل منبقى منحط السلطه والشعب بطرفين الميزان ومنحدد مين الملام... أما بوضع اليوم فأكيد يلي محتكر القرار هو الملام الوحيد.

مو معقول نستنى انو السلطة اتغير حالها لحالها لانها عمليا هيك مرتاحة .... ونحنا ما عم نعمل شي لانو ملتعن سلافنا وصار الهم هم المعيشة .وماشيين ع مبدا الايد يلي ما فيك عليها بوسها وادعي عليها بالكسر .. كمان هي مشكلة ......
ما بخاللفك المصدر الاساسي هوي الممارسات القمعية ...بس واضح انو هي الممارسات اعطت مفعولها وما رح تتغير الا اذا حدا وقف بوشها ...... في ناس وقفت ودفعت ثمن لانها لحالها.. .. وفي ناس فزعت وما عاد عملت شي .. يعني فينا انقول دائرة مفرغة ... من هون اجا كلامي انو ما عاد منعرف ع مين الحق

[صياد الطيور]

كاتب النص الأصلي : almurtaja

والله لما تكون غالبية مخابرات العالم عمتشتغل ضد بلدك طبيعي الوضع يكون هيك بالعكس لازم تقولوا الحمدالله

كاتب النص الأصلي : almurtaja

والله يا ابن العم هالنظرية واقع وملموس كمان

المشكلة يا غالي
انو في كتير من الشباب فهمانة و واعية كتير و كلامها منطقي كتير
بس مشكلتها بتشوف القضية من منظور و اتجاه واحد بس
و كمان ببعض الاحيان بتشوف الي بدها ياه و بتتغاضى عن الباقي

[TheLight]

حتى في سويسرا...تساق قطعان الغنم بعصى وكلب حراسة...

[VivaSyria]

كاتب النص الأصلي : صياد الطيور

المشكلة يا غالي
انو في كتير من الشباب فهمانة و واعية كتير و كلامها منطقي كتير
بس مشكلتها بتشوف القضية من منظور و اتجاه واحد بس
و كمان ببعض الاحيان بتشوف الي بدها ياه و بتتغاضى عن الباقي

صديقي في مجال تحكيلي عن قانون الطوارئ والقمع وتكميم أفواه البشر والاعتقالات التعسفية وتجاوزات أجهزة المخابرات من وجهة النظر التانيه؟؟ يعني قلي شو الايجابيات تبع هالشغلات ويلي ما ممكن تتحقق غير بهالطريقه؟