اذا كنت مغترب .. اتفضل لهون

[rama1985]

كاتب النص الأصلي : ظل جيفارا

1- ليش مغترب ؟؟
للدراسة عأساس انو يعني فرصة اجتني للدراسة احسن من الجامعة اللي كنت ادرس فيها بسوريا وانا لحقت مستقبلي
2- صرلك اديش مغترب ؟؟
هلأ بيكون صرلي شهرين تقريبا " جديد لسا"
3- وين مغترب ؟؟
الأردن
4- بتتمنى ترجع عـــ سوريا ؟؟وشو اكتر شي اشتقتلو بسوريا
اووووووووووف بتمنى بهيدي اللحظة ارجع
مشتاق للبحر للجماليات المفقودة لنسمة حرية مشتاق لصحابي كتير لجو عم افتقده هون لإنو متعودين بسوريا على جو فيه شوية حرية " إجتماعية ابدا مو سياسية " وهون عم افتقد شعبنا الحر كتير
5- ليش حابب ترجه عــ سوريا ؟؟ اذا ماكنت حابب كمان ليش ؟؟
حابب إرجع ع سوريا لإني مشتاق كتير لجو انا بنيته مو هو بناني يعني جو من اختياري بشكل تام ...
مشتاق كتير لمجموعة اصدقاء اخترتهن بعناية فائقةوكانوا مني وكنت منهن
6- شو بتساوي اذا لئيت حدا عما يحكي عن بلدك بسووء ؟؟

تحياتي الحارة
ظل جيفارا

يكوينا الحنين ، والبعد عن الوطن يذبحنا من الوريد إلى الوريد

بلادي وان جارت علي عزيزة واهلي وان ضنو علي كرام

بتمنى لالك التوفيق بدراستك

[personita]

أنا هنا في وطن تعودت على أن يعتقلني، فأحيانا يحب السجين سجانه، و أنا أحببت هذا الوطن اللاوطن!

[rama1985]

كاتب النص الأصلي : ابو ريتا

يحكي ويحكي يحكي ، وكل ما يجيب سيرة المواد الأولية يطلع فيّي

والله مافهمت شي عمو بس اكيد انتو فهمانين على بعض

[ليلى]

كاتب النص الأصلي : rama1985

مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
2- صرلك اديش مغترب ؟؟
3- وين مغترب ؟؟
4- بتتمنى ترجع عـــ سوريا ؟؟وشو اكتر شي اشتقتلو بسوريا
5- ليش حابب ترجه عــ سوريا ؟؟ اذا ماكنت حابب كمان ليش ؟؟
6- شو بتساوي اذا لئيت حدا عما يحكي عن بلدك بسووء ؟؟

اي .. شو ما شايفه ردود ...خلونا نفش خلقنا شوي من الغربة ومرارة الغربة

راما

شكرا ع الموضوع الحلوو ... بس كان لازم انتي اول واحدة تجاوبي على الأسئلة...

1- ابي بيشتغل هون و جابنا معو...
2- 14 سنة
3- الكويت
4-لا ما بتمنى ارجع لانو بدي كمل دراستي هون...بروح لسوريا كل سنة ...
5-.............
6- بحاول افهمه انو غلطان...ما بحب حدا يحكي عن بلدي بسوووء...


و هلأ تفضلي انتي فشي خلقك...

[rama1985]

تكرم عيونك ليلى ولووووووووووووووووووووووو وووووو

ليش متغرب؟

الوالد تغرب وغربنا معو

2- صرلك اديش مغترب ؟؟

من وقت يلي خلقت وفتحت عيوني ع الدني وانا بالغربة

3- وين مغترب ؟؟

الرياض السعودية

4- بتتمنى ترجع عـــ سوريا ؟؟وشو اكتر شي اشتقتلو بسوريا

بتمنى اليوم قبل بكرة حاسة حالي بسجن كبير

واكتر شي اشتقتلو رفقاتي يلي سافرو نهائي من السعودية

- ليش حابب ترجه عــ سوريا ؟؟ اذا ماكنت حابب كمان ليش ؟؟

لانو بدي اعيش حياتي بس مابظن اهلي يتركوني بعد عنهم ماعندون غيري

ورح يضلو ماسكين فيني لحتى موت

6- شو بتساوي اذا لئيت حدا عما يحكي عن بلدك بسووء ؟؟


بعمل متل روعة بطالع الالة الحاسبة وبحسب الله ماخلقو

اي وكمان بشرب من دمو وبوزع ع الجيران

شكرا كتير لكل يلي فشو خلقون عنا

[rama1985]

وين الباقين

[ظل جيفارا]

شكرا كتير إلك لإنك فتحتيلي هالفسحة الصغيرة لإني احكي انا مغترب جديد وهلأ ما في شي ببالي غير الشوق ...
شكرا إلك
تحياتي الحارة
ظل جيفارا

[الصمت الناطق]

وأنا في رحم أمي في حالة اغتراب

تغربت في كل البلدان .. ولم ولن أشعر بالإنتماء مهما تعددت

جنسيتي

إلا لغير ترابك يا وطني

مازلت أذكر عندما سمعت في أحد الأغنيات جملة تكررت لمرات

((أنا سوري ويانيالي ))

تأثرت وبكيت وزادني فخراً انتمائي

أحبكَ ياوطني بكل حالاتك وكيف ماتكون

[satoman]

كاتب النص الأصلي : ابو ريتا

يحكي ويحكي يحكي ، وكل ما يجيب سيرة المواد الأولية يطلع فيّي

ليك المواد الاوليه ملا قصه جديده000000 مابدي روح عالخليج مابدي اتغرب

[ghaith80]

انا مغترب بصراحة مشان سببين :
اول شي خدمة العلم
تاني شي مشان الشغل والخبرة
اديش صرلي: شهرين تقريبا فورا بعد التخرج طفشت
وين مغترب: بالدوحة
بتمنى ارجع على سوريا: لا ابدا بالعكس بتمنى جيب اهلي لهون يعيشوا معي لانه بشتقلون بس
ليش مالي حابب رجع على سوريا:
اي انا ماصدقت اليوم اللي سافرت فيه شو بدي ارجع اعمل اشحد واشتغل براتب قليل لا هون عالاقل عايش بشكل محترم وحققت بعض الاحلام المتواضعة اللي بسوريا مستحيل تحقق وبفترة قصيرة
فعلى شو بدي ارجع لا عمي لا زيارة للاهل كل سنة تمام وحاج
واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا
سلام

[يمان Rooooonaldo]

واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا

برافو جدا صراحة وبدون ايا نوع من انواع المجاملة .. .. بتستحق رفع القبعة ..

100 وردة حبيبنا .. وازا .. صحلك بطريقك ..خود الجنسية القطرية .. منشان ما تستحي باسم بلدك .. عالهوية ..

احتراماتي

[اممي]

كاتب النص الأصلي : يمان Rooooonaldo

برافو جدا صراحة وبدون ايا نوع من انواع المجاملة .. .. بتستحق رفع القبعة ..

100 وردة حبيبنا .. وازا .. صحلك بطريقك ..خود الجنسية القطرية .. منشان ما تستحي باسم بلدك .. عالهوية ..

احتراماتي

[rama1985]

كاتب النص الأصلي : ظل جيفارا

شكرا كتير إلك لإنك فتحتيلي هالفسحة الصغيرة لإني احكي انا مغترب جديد وهلأ ما في شي ببالي غير الشوق ...
شكرا إلك
تحياتي الحارة
ظل جيفارا

الف شكر الك انت على اهتمامك وزوءك

نحنا عم نفش خلقنا مو اكتر وانشا الله بترجع بالسلامة

[rama1985]

كاتب النص الأصلي : الصمت الناطق

وأنا في رحم أمي في حالة اغتراب

تغربت في كل البلدان .. ولم ولن أشعر بالإنتماء مهما تعددت

جنسيتي

إلا لغير ترابك يا وطني

مازلت أذكر عندما سمعت في أحد الأغنيات جملة تكررت لمرات

((أنا سوري ويانيالي ))

تأثرت وبكيت وزادني فخراً انتمائي

أحبكَ ياوطني بكل حالاتك وكيف ماتكون

سوريا لاجلك نكتب ولاجلك نعمل لاجلك نصبر ولاجلك نصلي,ا

سوريا مغروسة فينا شئنا ام ابينا, سرها اننا نعشقها

كما يعشق المؤمنين الانبياء.

الف شكر على كلامك والله بيخلي الواحد يبكي فليحميكي الله ياسوريا على مدى الزمان

[rama1985]

كاتب النص الأصلي : ghaith80

انا مغترب بصراحة مشان سببين :
اول شي خدمة العلم
تاني شي مشان الشغل والخبرة
اديش صرلي: شهرين تقريبا فورا بعد التخرج طفشت
وين مغترب: بالدوحة
بتمنى ارجع على سوريا: لا ابدا بالعكس بتمنى جيب اهلي لهون يعيشوا معي لانه بشتقلون بس
ليش مالي حابب رجع على سوريا:
اي انا ماصدقت اليوم اللي سافرت فيه شو بدي ارجع اعمل اشحد واشتغل براتب قليل لا هون عالاقل عايش بشكل محترم وحققت بعض الاحلام المتواضعة اللي بسوريا مستحيل تحقق وبفترة قصيرة
فعلى شو بدي ارجع لا عمي لا زيارة للاهل كل سنة تمام وحاج
واذا شفت حدا عم يحكي بالسوء عن بلدي بكمل معه الحديث لانه معه حق والبلد الي ماحفظلي كرامتي وحقي بالحياة المريحة لشوا بدي دافع عنوا
سلام

انت لساتك جديد تارك البلد لسا ماحسيت بمرارة الغربة

بكرة انا متأكدة انو رح يتغير حكيك تماما ..

الله حاميكي ياسوريا

[هشام ابو شرار]

الغربه الحقيقية مو بالوطن ..كتير في هالوطن اغراب....وكتير برة الوطن حاملين الوطن معهن بالغربة

[دلوعة سوريا]

[quote=rama1985;1130762]

مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::

1- ليش مغترب ؟؟
الوالد تغرب و غربنا معو...2- صرلك اديش مغترب ؟؟
16 سنة 3- وين مغترب ؟؟
بالكويت
4- بتتمنى ترجع عـــ سوريا ؟؟وشو اكتر شي اشتقتلو بسوريا
ارجع على طول ...لاء...بس بفضل زيارة كل سنة كم شهر " هيك احسن"
و اكتر شي اشتقتلو بسوريا الشوارع و الحارات القديمة
5- ليش حابب ترجه عــ سوريا ؟؟ اذا ماكنت حابب كمان ليش ؟؟
اذا كنت حابة ارجع"مع اني ما عم فكّر حالياً بهيك شي" فــ رح ارجع مشان تراث بلدي
اللي هو احلى شي فيها و بيميزها عن غيرها

6- شو بتساوي اذا لئيت حدا عما يحكي عن بلدك بسووء ؟؟
بساوي محشي... "عم بمزح" اكيد بدافع عنها اذا كان عم يحكي شي غلط بس اذا كان صح
بشد عأيدو...اي .. شو ما شايفه ردود ...خلونا نفش خلقنا شوي من الغربة ومرارة الغربة

[b]راما

[اممي]

[quote=rama1985;1130762]

مرحبا للجميع

ازا كنت مغترب او مغتربة.. اكتبلك شي رد حلو وتكون مجاوب فيو عـــ الأسئلة هي ::



1- ليش مغترب ؟؟

يعني الاغتراب الحالي سبب الدراسة



2- صرلك اديش مغترب ؟؟
صارلي اكثر من ميتين سنة (سنة ونص)


3- وين مغترب ؟؟
المانيا


4- بتتمنى ترجع عـــ سوريا ؟؟وشو اكتر شي اشتقتلو بسوريا

اشتقت لكل شي
لما بتكوني بعيدة عن الشام بتصيري حواسك بتنشط الذاكرة لتسحب حتة الروايج الي كانت بالصور
بشتاق لروحي الي ضللت بالبلد والشوراع للرفاق والذكريات
مافي شي بيلخص هالوطن بقلب الانسان


5- ليش حابب ترجه عــ سوريا ؟؟ اذا ماكنت حابب كمان ليش ؟؟
بدي ارجع كفي الطريق وحاول قد مافيني ان ساعد هالبلد ان يكون فيها علم جديد وبحوث نظيفة يمكن بيوم من الايام بيضير بنسمع عن بحوث انتاج سوري


6- شو بتساوي اذا لئيت حدا عما يحكي عن بلدك بسووء ؟؟
ماحدا استرجا لحد هلق ....بيعرفوني حمش