الأمور السلبية بأخوية... نقد ذاتي

[bki]

كاتب النص الأصلي : wild_angel

والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ...
وعلى ما أذكر انطرح موضوع متل هاد من قبل واتناقشنا فيه وخلصنا ...
وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ...

وشكرا ..

شكراً كثير لتفكيرك بهالطريقة, فرد عضلات.....
النقد لازم يظل دوماً بين عيونا لأنو أنفع من المدح, المدح بالوش مذمة, أنا هيك اتربيت. النقد عملية مستمرة,إنتي لازم تنقدي نفسك كل يوم قبل لتنامي, وأنا كل الناس اللس بيهمن إنو بكونوا بكرة أفضل من اليوم.
برجع بقلك شكراً هون كمان عالطريقة التهجمية تبع انتو اللي بتحطو مواضع مكررة, رح قلك شغلة هون ياستي الكريمة, بالأول الموضوع اللي بيكون انطرح بزماناتو,انطرح وأخد طاقتو من النقاش وانتهى, فلما بينطرح مرة ثانية رح يواجه واقعين الاول مارح يلتكش حدا فيه لأنو مو مهم وبالي والثاني رح يكون محور نقاش جديد لأنو مهم. فأعطي الموضوع الطريق اللي بيحددوا الأعضاء بتفاعلن مو من خلال وجهة نظرك بس مع احترامي إلك. بعدين الموضوع عنوانوا واضح, والله ماحدا مجبور يفوت عليه ويكتب فيه كلمة إذا كان ملان وقرفان من تكرروا. هيك المنطق بيقول

[bki]

وهي كمان نقطة سلبية ببعض اعضاء أخوية. الحكم ع الشي من قشرتو السطحية, التهجم بالرد, محاولة فرض الرأي بالقوة, اعتبار مانراه صحيحاً صحيحاً بالمطلق والعكس صحيح, لك ياعمي الحياة غير.

أنا ماني من أنصار المثال الغربي والتمثل فيهن لأنو نحن عنا أمور أفضل بس هاد مابيلغي فكرة إنو عندن أمور مو موجودة عنا, اللي بيتابع مباريات كرة القدم, وخاصة الدولية متل كأس العالم وماشابه بيشوف الناس اللي قطعت مئات الكيلومترات ليحضروا مبارات فريقن, ع المدرجات بيكون جنبن ناس بيشجعو الفريق الثاني, ورغم هيك مافي مشاكل, ليش برأيكن؟ الكل عم يحترم الكل, والبقاء للصح مو للأقوى

[bki]

إذا بتسمحلي بقلك إنو إسلوبها مهما كان مابيعطيك الحق بإنو ترد بنفس الطريقة. أنا كمان عصبت منو بس هاد رأيها, وهيي حرة فيه. مافيك تجبر حدا يغير فكرو خاصة بهالزمن, حاورو ممكن يكون أفضل. وبالنهاية ممكن هي الصح وإنت الغلط.

تحياتي إلك وللجميع

[حبيبة فلسطين]

طبعا متل ما قلت هاي اكبر السيئات و اولها في اخويه اكيد اعرفناها من اول الموضوع لانه المسئ بعرف بشخصيته

[boy freind]

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط

[hamido1979]

كاتب النص الأصلي : boy freind

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط

فكرة حلوة ..................

[bki]

كاتب النص الأصلي : boy freind

انا برأيي مشان تضل اخوية منيحة

تصير المشاركات ما بتنحسب ولا بمحل

مشان يلي جاية يعلك يأحط

والله أنا مع هالفكرة, وكمان لازم كل عضو بيثير نزاعات بلا طعمة وبدون وجه حق لازم يتسكر الباب بوشو لأنو مابيشرفنا هيك أشخاص ماسكين السلم بالعرض وماشيين, موشايفين أبعد من أنفن.

خلونا نخلص من هالعقلية هيي, خلونا نترفع بتفكيرنا وبطريقة تعاملنا مع الرأي الآخر, سياسة غصبن عنك هي موضة قديمة مشرشحة, إذا كنت قوي خلي منطق حوارك هو اللي بيفرض رأيك مو الكلمات النابية أو الإتهامات الباطلة, لأنو كلنا فينا ننزل لمستواها بس نحن أكبر منها, أو للبعض يفترض يكونوا

[boy freind]

يا جماعة افردوا عضلاتكون شي مرة واكتبوا عن الاشياء الإيجابية

الاشياء الايجابية لا تحصى بدها قسم لحالها مو بس موضوع

[bki]

كاتب النص الأصلي : boy freind

الاشياء الايجابية لا تحصى بدها قسم لحالها مو بس موضوع

أخي الكريم, الأشياء الإيجابية هي سبب تواجدنا بأخوية, وبعدين لأنو نحن نؤمن بأخوية واجبنا انعزز الأمور الإيجابية فيها, ومتل مابيقولوا لا شكر على واجب

[boy freind]

هلأ انا برأيي اهم شغلة سلبية هون هي غياب HUS

و اذا ما بتعرف HUS هو القائم بأخوية بمعنى هو صاحب الموقع يعني عندو اعلى سلطة بيقدر يعزل المشرفين و بيقدر يعمل كل شي

بس حاليا هو ما بيدخل و تارك الامور بايد الشباب

[satoman]

وووووووووووووووووين ووووووووووووووووووووووين رايحين كنا مااحلانا شو خطر على بالكم

[هشام ابو شرار]

في كتير شغلات مو واضحة حول المخالفات متل يعني احتساب المخالفات وعددها ومشكلة انه الواحد كم مرة مسمحو اله يدلي برايه في موضوع معين ومتى بسمح يرد على موضوع مش هو اللي كاتبه بس مشارك فيه وخاصة ازا كان في ضمن الردود رسالة موجهة اله شخصيا..وهيك قصص

[bki]

كاتب النص الأصلي : satoman

وووووووووووووووووين ووووووووووووووووووووووين رايحين كنا مااحلانا شو خطر على بالكم

ههههههههههههههههههههههههه ه والله مو أنا اللي فتحت الموضوع, أبوس روحك والله ضحكتني

[bki]

كاتب النص الأصلي : هشام ابو شرار

في كتير شغلات مو واضحة حول المخالفات متل يعني احتساب المخالفات وعددها ومشكلة انه الواحد كم مرة مسمحو اله يدلي برايه في موضوع معين ومتى بسمح يرد على موضوع مش هو اللي كاتبه بس مشارك فيه وخاصة ازا كان في ضمن الردود رسالة موجهة اله شخصيا..وهيك قصص

والله يا عمي هشام في كثير طرق, بس بدك ليقتنع فيها اللي بايدو الحل والربط, أبوس روحك إنت كمان

[هشام ابو شرار]

بس اكبر ايجابية لهلمنتدى اتعرفنا على افضالك...........بوووووووووووو� �ووووووووووووووووسه

[flower bomb]

صحيح انا جديده بس انا متابعه لأغلب المواضيع اللي بتنكتب هون
من وجهة نظري اخويه فيها اشيا كتير كتير رائعه
الشي السلبي اللي لاحزتو محاولة فرض الرأي ,التهجم بالسب والنقد لمجرد النقد
التمييز المبني على اساس البلد,الدين,الثقافه
لكل انسان ثقافته وتركيبته التي لا تشبه احدا اخر
اختلاف الرأي لا يفسد للود قضيه

[Reemi]

كاتب النص الأصلي : boy freind

HUS

و اذا ما بتعرف HUS هو القائم بأخوية بمعنى هو صاحب الموقع يعني عندو اعلى سلطة بيقدر يعزل المشرفين و بيقدر يعمل كل شي

مين خبرك هالخبر؟

لانو مافيو شي من الصحه

[HashtNasht]

كاتب النص الأصلي : الدلوعة نانسي

أكيد لازم يكون في تطبيق من الكل هيك يكون الاحترام متبادل
يعطيك العافية

أنا برأيي انو التطبيق شغال !...و الحمد لله