كبرلك شي سنة ..... خلصنا ولدنة

[boy freind]

و بيوم بيكون التاني قاعد بالمقعد لحالو ( لأنو التالت يلي كان قاعد جنبو قام و قعد عند الاول - جكارة- )

بيجي التالت بيقول للتاني ( طبعا التاني انفلج شنو مافي بالعادة ) : صحيح اللي سمعتو ؟

( لاحظو طريقة السؤال الماكرة )

التاني : و شو اسمعت ؟؟

التالت: قال انت قلت انو اتعس يوم بحياتك لما شفتني ( طبعا التالت جاب معو الاول مشان التاني ما ينكر )

- هون عرف التاني انو الاول عم ينقل حكي و اذا بتلاحظو هون انو الاول بيعرف اذا التاني عرف انه عم ينقل حكي رح يقاطعو و مع هالشي ضحى بالتاني بس مشان يدمر علاقة التاني بالتالت معناها التاني ما بيعني شي للأول و هاد يلي عرفو التاني متأخر -

التاني عجز و ما عرف شو بدو يقول و الاول عم يحاول يحط على عينو

التاني بدو يقول للتالت انو مو قصدو و قالها لأنو كان معصب بس ما رح يصدق

التاني عجز قام التالت قال :

اي معناها خلص كل شي انتهى .

و طلع و لحقو اللئلوء ( الاول ) و التاني التحش لحالو بالمقعد .

يتبع .............


بس ملاحظة : انو هون بتشوفو انو التاني ما في منو و مظلوم بس كمان عامل كم شغلة بزمانو يعني انا ما عم حاول نزلو من السما

[boy freind]

هلأ التالت مشان يضمن انو الاول يصف معو كان لازم يكره الاول بالتاني بطريقة حقيرة كتير كما يلي

الاول اتفق مع التالت انو الاول يكتب ورقة للتالت يكتب فيها اي كلام ( علاك )

و التالت يمشي مع التاني و يطلع الورقة و بصبر يقرأها و يقول للتاني انو الاول كاتب عليك حكي

التالت : يا حزرك شو فيها هالورقة

التاني : ما بعرف

التالت : بدك تعرف ( لاحظو تقل الدم )

هادا الاول كاتب عنك

التاني : شو كاتب ؟

التالت : ولا قلك ما رح اعطيك ياها ( بدو ياه يترجى و يتوسل )

التاني ضل يقلو شو فيها و بليز ( بس عبس )

قام قلو التالت طيب بقلك شو فيها بس بشرط انك تقاطع الاول

التاني ( كان رح يطق على ما يعرف ) : اي ماشي

قام قلو التالت : اي معناها ما رح قلك .

و التالت فورا راح قال للأول انو انا خيرت التاني بينك و بين الورقة و اختار الورقة

طبعا بعد ما بهّر الخبر

و هيك التالت رح يضمن انو الاول رح يصف معو ( لاحظو اديش خبيث و ملعون و حية من تحت تبن )


يتبع .............

[cool girl 35]

حلو .. بانتظار اليتبع

[boy freind]

كاتب النص الأصلي : cool girl 35

حلو .. بانتظار اليتبع

ههههههههه شكرا للجميع عالمرور

[cool girl 35]

عم نستنا . ليش طولت كتيير

[روعة1]

اي شو هل الثلاثي المرح هدول.. شي شغلة و تسالي ع الاخر..

يلا منتظرين..

[دلوعة سوريا]

نحن بانتظار النهاية...

بس و الله دخت.. الاول ,التالت,الاول, التاني,التالت.....الخ... الخ... الخ

[boy freind]

كاتب النص الأصلي : روعة1

اي شو هل الثلاثي المرح هدول.. شي شغلة و تسالي ع الاخر..

يلا منتظرين..

اي اي

نحنا منسلي اكتر من كيلو بزر

[lollipop]

حلوة كتير وأنا بانتظار التتمة بس الصراحة نفسي اذا شفت هلتلاتة لاسلخن قتلة وخصوصي تاني وتالث والأول

[boy freind]

كاتب النص الأصلي : blackrose

حلوة كتير وأنا بانتظار التتمة بس الصراحة نفسي اذا شفت هلتلاتة لاسلخن قتلة وخصوصي تاني وتالث والأول

اي يعني كلهون

يلا هلأ عم اكتب التتمة بس ذاكرتي ضعيفة

[boy freind]

ضلو على هالحالة انو التاني منبوذ و الاول و التالت صحبة

بس يعني صحبتهون ما نزلتلي على معدة ولا فهمتها

شنو التالت كان يحكي عالاول كتير متل هالحادثة :

الأول : كيفك مع التالت .

التاني : والله ما بعرفو منوب ( و كان لسه ما اتعرف عليه منيح )

الاول : والله انا مو كتير

التاني : ليش

الاول : اي لأنو كان يلهيني بحصة الرياضيات مشان ما افهم و بعدين بيرجع عالبيت و ابوه بيشرحلو كل شي

التاني : مو معقول

الاول : والله حتى آنسة الرياضيات قالتلي انو اتحسن مستوايي بعد ما بعدت عنو

( لاحظو التناقض كيف بالاول عم يحكي عليه و هلأ صار صحبة معو معناها منافق )

يتبع ...........

[روعة1]

في ناس بتتغير و بيتغير رايها على حسب ظروفها.. يعني مع السوق بتسوء..

حلو.. متابعة..

[روعة1]

هلأ هلأ بتشوفي

مشي.. ناطرة تشوف بفارغ الصبر..

[boy freind]

التاني : اي مو لهدرجة

الأول : مبلى و اكتر كمان هو بيعمل هيك قاصد .

التاني : ممممم ممكن تكون ظالمو

الاول : اصلا هو بالاصل ما بيحبني و كان يتمسخر عليي و يقول للعالم تدايقني

التاني : هههههه غريبة , طيب ليش .

الاول : اي شو بيعرفني

التاني : اي الحمد لله انو انا بعيد

الاول : اي احسنلك

يتبع ..........

[ابو الوديع]

وحيااااااااات الغالي انا دخت
بس يلا بالأنتظار

[دلوعة سوريا]

ابو الشباب... مطولة القصة لتخلص!!!

[الياسمينة الفلسطينية]

هههههههههههههههه
لك انتا عبقري يا مان كيف بطلعلك تألف هيك افكار ما بعرف ..

يلااا بنتظر البقية انا .....

[كل شى اوهام]

ولى شو هاد

دخت والله العظيم
بس بدى اشوف النهاية شو بدوا يصير