أسعار النترنت في السعودية و مقارنة مع سوريا

[lostman1]

كنت أقرأ في موقع سعودي أسعار التخفيضات على الانترنت السريع 24/24 DSL التي أصبحت متوفرة في كل مكان و بأسعار مقبولة نسبة لدخل المواطن و قارنت الأسعار ففي السعودية أسعار سرعة 128ك ب /ث إلى مبلغ 109ريالات فقط شهريا تغطي تكاليف اشتراك خدمة آفاق DSL شامل التي تتيح اشتراك انترنت مفتوح وعلى مدار الساعة، وخدمات الدعم الفني وبدون بطاقات الانترنت، ويبلغ سعر سرعة 256ك ب /ث مبلغ 149ريالاً شهريا، وسرعة 512ك ب/ث بسعر 199ريالاً شهريا، فيما بلغ سعر سرعة 1ميغا ب/ث وفقاً للتخفيض الجديد مبلغ 299ريالاً شهريا ، يعني بلاش و قارنتها مع أسعار خدمة الانترنت السريع لشركات الخلوي فوجدتها خرافية إذا يبيعون كل 1 غيغا بمبلغ 1500 ليرة سورية لا غير و هي خدمة غير مفتوحة ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

فهل يعقل أن تسعر هذه الشركات على هواها خدمة الأنترنت التي تواصل انخفاض أسعارها بالعالم .. أي مستخدم بسيط يحتاج بالشهر 4 غيغا .. و هذه حساب محدد و لا أظن أنهم يستحقون سعر 1000 ليرة و أقل مقابل هذه الحزمة من الخدمات .. فإلى متى سرقتنا في هذا البلد من شركات الخلوي ؟

[زوربا]

هيك ضيعتنا..مانا شاطرين بالأرقام.......كنت غايب وقت اللي أخدناها بالمدرسة
ياريت لو تحط كل سرعة..شو سعرها بالسعودية وشو بيقابلها بالسوري....وقديش سعر هالسرعة بسوريا

[lostman1]

الاتصالات السعودية تطلق تخفيضات على خدمات آفاق DSL ابتداء من (109) ريالات شهرياً
الرياض - أحمد غاوي:


أعلنت شركة الاتصالات السعودية عن إطلاق تخفيضات كبرى جديدة في خدمات الانترنت من آفاق DSL شامل وذلك اعتبارا من يوم الأربعاء 11ربيع الأول 1429ه الموافق 19مارس 2008م تحقيقا لتطلعات ورغبات عملائها في الحصول على خدمة الانترنت بأسعار تنافسية مغرية على مستوى المملكة والمنطقة، متميزة بجودة عالية، وسرعة فائقة، وخدمة متميزة من خلال آفاق شامل، والذي يجمع خط DSL واشتراك الانترنت المفتوح على مدار الساعة من مصدر واحد ومع فاتورة الهاتف. وأوضح المهندس سعد بن ظافر القحطاني نائب رئيس شركة الاتصالات السعودية لخدمات القطاع السكني، أن التخفيضات الجديدة في خدمة آفاق DSL شامل تلبي رغبة جميع شرائح العملاء في المملكة وتشجعهم على الاشتراك في الخدمة، وأن هذه التخفيضات قد تمت على أسعار الاشتراك ببطاقات سعودي نت بنسبة تخفيض تصل إلى أكثر من 76%، وانعكست بدورها على أسعار آفاق شامل.
كما أوضح القحطاني أن أسعار الاشتراكات في خدمة آفاق DSL شامل ستكون بعد التخفيضات الجديدة في متناول جميع العملاء من مواطنين ومقيمين على أرض الوطن حيث تصل أسعار سرعة 128ك ب /ث إلى مبلغ 109ريالات فقط شهريا تغطي تكاليف اشتراك خدمة آفاق DSL شامل التي تتيح اشتراك انترنت مفتوح وعلى مدار الساعة، وخدمات الدعم الفني وبدون بطاقات الانترنت، ويبلغ سعر سرعة 256ك ب /ث مبلغ 149ريالاً شهريا، وسرعة 512ك ب/ث بسعر 199ريالاً شهريا، فيما بلغ سعر سرعة 1ميغا ب/ث وفقاً للتخفيض الجديد مبلغ 299ريالاً شهريا، وسرعة 2ميغا ب/ث بمبلغ 459ريالاً فقط وكذا الحال لباقي السرعات المتاحة 4، 8، 10ميجا ب / ث، مما يؤكد حرص الشركة الدائم على تقديم أفضل العروض الخدمية التي تجعلها في الطليعة دائماً.
وأضاف القحطاني: أن خدمة آفاق DSL شهدت إقبالاً كبيراً وانتشاراً واسعاً في جميع أنحاء المملكة إذ وصل عدد عملائها نحو 650ألف عميل، ويتوقع أن يصل هذا العدد إلى مليون عميل بنهاية عام 2008م، ومن جانب آخر حققت خدمة آفاق DSL شامل تميزاً جديدا بعد طرحها في سبتمبر عام 2007م التي بلغ عدد العملاء المستفيدين منها حتى الآن أكثر من 180ألف عميل يستفيدون من خدمات ما بعد البيع والدعم الفني وجميع متطلبات الانترنت في باقة واحدة تشمل خط آفاق DSL وبطاقات اشتراك الانترنت لمزود الخدمة سعودي نت فضلاً عن دمج أجور الاشتراك وبطاقات الانترنت في فاتورة هاتف العميل مما يسهل علي العميل التعامل مع مصدر واحد فقط، والحصول على خدمة الانترنت على مدار الساعة وكذلك الدعم الفني الكامل بواسطة مركز

[Ms. J.A]

احنا ال adsl عنا كمان مش كتير غالي !!

[Abu ToNi]

كاتب النص الأصلي : Ms. J.A

احنا ال adsl عنا كمان مش كتير غالي !!

ونحن ما كتير غالي
كل شهرين بتدفعي 4800 ليرة خالصة مخلصة .. هي عدا فاترة التلفون لان بيجيكي خط مدمج انترنت مفتوح باجرة 4800 وتلفون بتدفعي عليه متل العادة ... هي على سرعة 256 كليو بايت بالثانية واللي بتجيكي على البيت بحدود ال 25 كيلو بايت على الداون لود
والأحلى من هيك انه حتى لو قدرتي تدفعي
مافي خطوط يعني بتسجلي على الدور .. وعيش يا كديش لينبت الحشيش

يا شباب انا خطي بالبيت ديال آب
محتفظ فيه على امل يجي شي عالم آثار اوروبي او اميركي ويستفيد منه بشي عملية بحث علمي ونقد تاريخي حول بدايات الارنترنت
بيجي خط هيك معزز مكرم 4 كيلو بالثانية اذا شقت حالا وبأيامها المعدودة بطف للاربعة ونص

آخـــــــــــــــــــــــ ـــــــــــــــــــخ على هيك انترنت آخ

[lostman1]

كاتب النص الأصلي : Ms. J.A

احنا ال adsl عنا كمان مش كتير غالي !!

حضرتك بنت وزير او امير أو عايشة بالمريخ ؟؟

بمصر سعر خط انترنت سريع 256 كيلو بت لا يتجاوز 600 ليرة
و يتم توصيل الخط خلال 24 ساعة من دون دور و لا انتظار ..

أرجو أن تكوني منطقية

[lostman1]

كاتب النص الأصلي : زوربا

هيك ضيعتنا..مانا شاطرين بالأرقام.......كنت غايب وقت اللي أخدناها بالمدرسة
ياريت لو تحط كل سرعة.

راح ريحك - معقول سعر 1 غيغا يكون 30 دولار

هي ما صارت و لا بزيمبابوي يلي سعر ربطة الخبز فوق المليار بعملتهن المحلية ..شو هالسرقة ..
.
.

[MadMax]

كاتب النص الأصلي : lostman1

راح ريحك - معقول سعر 1 غيغا يكون 30 دولار

هي ما صارت و لا بزيمبابوي يلي سعر ربطة الخبز فوق المليار بعملتهن المحلية ..شو هالسرقة ..
.
.

1 غيغا ولا ميغا ..؟؟

[lostman1]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هي الأسعار هون بس حابب أسال الخبراء 1 غيغا للتحميل ، ام للتحميل و التصفح لأنو الشركات المحترمة ما بتعتبر التصفح بالتسعيرة ...

بتامل سيريا تل تكون محترمة

[MadMax]

كاتب النص الأصلي : lostman1

http://www.syria-news.com/readnews.php?sy_seq=81239


هي الأسعار هون بس حابب أسال الخبراء 1 غيغا للتحميل ، ام للتحميل و التصفح لأنو الشركات المحترمة ما بتعتبر التصفح بالتسعيرة ...

بتامل سيريا تل تكون محترمة

عم قول ليش رخيصة
1 غيغا تبادل بيانات يعني أضرب من الديل أب

[Ms. J.A]

كاتب النص الأصلي : lostman1

حضرتك بنت وزير او امير أو عايشة بالمريخ ؟؟

بمصر سعر خط انترنت سريع 256 كيلو بت لا يتجاوز 600 ليرة
و يتم توصيل الخط خلال 24 ساعة من دون دور و لا انتظار ..

أرجو أن تكوني منطقية

لأ حضرتي بنت ابوي مش بنت وزير !!
ومش عايشة بسوريا انا بحكي عن الانترنت بفلسطين
حضرتك عارف وين الله حاطك ؟

[Ms. J.A]

كاتب النص الأصلي : Abu ToNi

ونحن ما كتير غالي
كل شهرين بتدفعي 4800 ليرة خالصة مخلصة .. هي عدا فاترة التلفون لان بيجيكي خط مدمج انترنت مفتوح باجرة 4800 وتلفون بتدفعي عليه متل العادة ... هي على سرعة 256 كليو بايت بالثانية واللي بتجيكي على البيت بحدود ال 25 كيلو بايت على الداون لود
والأحلى من هيك انه حتى لو قدرتي تدفعي
مافي خطوط يعني بتسجلي على الدور .. وعيش يا كديش لينبت الحشيش

يا شباب انا خطي بالبيت ديال آب
محتفظ فيه على امل يجي شي عالم آثار اوروبي او اميركي ويستفيد منه بشي عملية بحث علمي ونقد تاريخي حول بدايات الارنترنت
بيجي خط هيك معزز مكرم 4 كيلو بالثانية اذا شقت حالا وبأيامها المعدودة بطف للاربعة ونص

آخـــــــــــــــــــــــ ـــــــــــــــــــخ على هيك انترنت آخ

رفعت معنوياتي !!
شركة الاتصالات اللي عنا موفرة خطوط بسرعات مختلفة باسعار مش رخيصة بس معقولة كتير والصيانة عليهم كمان
ومرة تانية ابو طوني برضايي عليك ترجملي من ليرة لدولار عشان اقدر افهم

[lostman1]

يعني يفترض فقط من يحمل أفلام أو يرفع ملفات هو من يحاسب على الغيغا اما من يتصفح أو يتابع افلام يو تيوب فلا علاقة له ..

لانو بها يالحالة كل يوم بدنا 400-500 ميغا و مو معقول على الحالة ندفع شهلايا 50-60 ألف لشركة سيراتيل و ام تي ان منشان انترنت ويرلس ..

[cornholio]

هي الأسعار هون بس حابب أسال الخبراء 1 غيغا للتحميل ، ام للتحميل و التصفح لأنو الشركات المحترمة ما بتعتبر التصفح بالتسعيرة ...

بتامل سيريا تل تكون محترمة

1 ميغا سرعة التصفح
1 غيغا منشان التحميل

[lostman1]

كاتب النص الأصلي : SHIVA

1 ميغا سرعة التصفح
1 غيغا منشان التحميل

يعني نتصفح على كيفنا و ما نسأل ؟؟؟

و يا ترى حضور أفلام يو تيوب و ديلي موشن و ميتا كافيه شو يعتبر تحميل او تصفح

و كيف منعرف قديش حملنا لانو العداد ما بيظهر شي - كلو بيجمعوا مع بعضو ( التحميل مع التصفح ) .. ؟؟!!

[cornholio]

كاتب النص الأصلي : lostman1

يعني نتصفح على كيفنا و ما نسأل ؟؟؟

و يا ترى حضور أفلام يو تيوب و ديلي موشن و ميتا كافيه شو يعتبر تحميل او تصفح

و كيف منعرف قديش حملنا لانو العداد ما بيظهر شي - كلو بيجمعوا مع بعضو ( التحميل مع التصفح ) .. ؟؟!!

شغلة اليوتيوب و الميتا كافيه ما الهون علاقة ( ع حد علمي ) بالتحميل لانو عالاغلب هادا ضمن التصفح ( ما بحط شي ب ذمتي هاه ابقى اساال اسا )
بس ما فيك تعرف الا عن طريق الاتصال بالشركة و تعرف قديش انت صرفت

[Abu ToNi]

كاتب النص الأصلي : Ms. J.A

رفعت معنوياتي !!
شركة الاتصالات اللي عنا موفرة خطوط بسرعات مختلفة باسعار مش رخيصة بس معقولة كتير والصيانة عليهم كمان
ومرة تانية ابو طوني برضايي عليك ترجملي من ليرة لدولار عشان اقدر افهم

طيب بترجم لك

خط 256 كيلو ( بالاسم وبيجي على البيت 25 كيلو هي اذا ما كان مقطوع لأن كل فترة والتانية بصير ضغط على السيرفرات وبسبحوا اقل مشترك عنده واسطة ) كل شهرين ب 100 دولار .
وحتى لو كان معك تدفعي مافي خطوط يعطوكي ياها حاليا

اجت ساحبتنا سيرتيل قالت
بتنزلوا 1 غيغا بالشهر ب 30 دولار
او بتنزلوا 3 غيغا ب 60 دولار
او بتنزلوا 5 غيغا ب 90 دولار

وحتى تشتركي مع سيرتيل لازم تشتري مودم خارجي اكسترنر يعني حقه بيجي هاد شي 200 دولار مشان يصير عندك تغطية وايرليس (( واذا ما صار عندك الحق عليكي .. القانون لا يحمي المغفلين على حسبتهم ))

ديل

[Ms. J.A]

كاتب النص الأصلي : Abu ToNi

طيب بترجم لك

خط 256 كيلو ( بالاسم وبيجي على البيت 25 كيلو هي اذا ما كان مقطوع لأن كل فترة والتانية بصير ضغط على السيرفرات وبسبحوا اقل مشترك عنده واسطة ) كل شهرين ب 100 دولار .
وحتى لو كان معك تدفعي مافي خطوط يعطوكي ياها حاليا

اجت ساحبتنا سيرتيل قالت
بتنزلوا 1 غيغا بالشهر ب 30 دولار
او بتنزلوا 3 غيغا ب 60 دولار
او بتنزلوا 5 غيغا ب 90 دولار

وحتى تشتركي مع سيرتيل لازم تشتري مودم خارجي اكسترنر يعني حقه بيجي هاد شي 200 دولار مشان يصير عندك تغطية وايرليس (( واذا ما صار عندك الحق عليكي .. القانون لا يحمي المغفلين على حسبتهم ))

ديل

هيك هاه من اول اضوو الو خليني افهم
انار الله طريقك بنور الحقيقة واضاء قلبك بلمبة كاز !!
كتييييييييييييييييييييييي ييييير هيك غالي خليك عالدايل اب مالو؟؟؟ عاطل ؟؟ !!
احنا المودم منهم وازا خرب او انعطب هم بيبدلو لأنو مكفول !!
ما عنا 1 غيغا و 2 غيغا على ما اظن للعالم اللي زي حالاتنا يعني للاشخاص !
بس مش متأكدة