قيمنا...... تناقض وازدواجية!!!

[khalkhool]

كاتب النص الأصلي : Ms. J.A

ما بقول انو وضع المرأة كان سيء وصار أحسن ولا انو الاسلام انتشل المرأة من الضياع الى التكريم..المرأة كانت توأد وهي صغيرة بالجاهلية وتعامل كضلع اعوج وناقصة عقل ودين بعدين..
طبعا من كل عصر الا ما تطلع ستات بيختلفو عن بقية بنات عصرهم
وهالكلام اللي انت بتحكيه ما بيعني ابدا انو الاسلام هو اللي وصل المرأة للحضيض اللي هي فيه هلأ.. ولا انو الجهل والتخلف اللي احنا فيه انتشر من الجزيرة العربية...

فى دراسته لوضع المرأة في الجاهلية يتطرق هادي العلوي في كتابه المعروف (فصول عن المرأة) الى المجتمع الجاهلي، فيراه في الاصل مجتمع بداوة يحكمه النظام القبلي. وحدد الايجابيات والسلبيات المتعلقة بحياة النساء في ذلك المجتمع، وتعين وضع المرأة الجاهلية بحريتها كفرد غير محكوم بدولة، وكانت سافرة مع غطاء الشعر التقليدي ومحتشمة على النهج السائد، وتختلط بالرجال وتسافر وحدها ولا يمنعها من ذلك سوى شرط الامان في الطريق ولها موقع في الحياة الثقافية، ووجدت شخصيات نسائية مرموقة في التاريخ الجاهلي، منهن الطبيبة رفيدة الاسلمية والشاعرة الخنساء والملكة زنوبيا وغيرهن. كما انها كانت تملك حق الطلاق كما يملكه الرجل. وكان لمن لا زوج لها حق الصداقة غير الجنسية مع رجل واحد تختاره بنفسها.

(مقتبس بتصرف)

كاتب النص الأصلي : Ms. J.A

عليها لوم بس مش كل اللوم !! صعب تحكي انو الجاهل اللي عمل تصرف بدون وعي منو انو غلط وانو مش صح غلطان ومسؤوول 100% عن اللي هو فيه.. هو مسؤول جزئيا وواجب اللي حواليه يفهمو وين هو وشو الو وشو عليه !!
المرأة لازم تفهم شو حقوقها وتقتنع انو هي انسانة مساوية للرجل وانو الرجل مش احسن منها ولا باشي وما الو اي افضلية عليها..
وقت توصل المرأة العربية لهيك قناعة الوضع بيتغير..
ما اتخيل انو بتستحق اللي بيصير فيها.. بتستاهل نزعل عالوضع اللي هي فيه ونحاول نغيرو والتغيير ادم شريك فيه، يعني لو الرجال فهم بنتو ومرتو انو هي انسان بالدرجة الأولى وانها بتقدر تكون اشي عظيم بالمستقبل وعلمها تكون قوية وتتحدى هيك امور بتبدا تتغير

عليها اللوم لما بتعيش الظلم, وبترضى فيه, وفوقها بتعيدو على بنتها!

كاتب النص الأصلي : Ms. J.A

هامشـ : حاسة حالي (بلعي) كتير بس تحملني

خدي راحتك, أنا معك للصبح!

[المحارب العتيق]

كاتب النص الأصلي : khalkhool

أنا رح أحكي عن هي بس:




أول شي:
المصيبة أنو كل الرجال بيفكروا انو ببناتون واخواتون بالحفظ والصون, وحتى نسوانهون, بس الحقيقة أنو ماحدا بالحفظ والصون, يعني غبي كل واحد بيعتقد أنو أختو مابتعرف شي عن الجنس ولاعاملة شي, ونفس الشي بالنسبة لبنتو, بس المصيبة أنو لما بيدخل ليلة عرسو على مرتو فاتحا منتصرا مفكر حالو فتح الأندلس, وهيه القصة يا أما رقعة, يا أما البنت كاينة اتدير بالها مشان ماتخسر شغلة (أنا بنظري تافهة) هي البكارة!
شريك مو حاسس أنو كتير عممت بكلامك . يعني انت أفترضت أنو البنت يا أنا دايرا بالها يا أما رقعة . وهاد كلام مغلوط . وبصراحة أنا بحس فيه أهانة شخصية لألي فكان فيك تقول الكلام عن حالك وتجربتك بدون تعميم
تاني شي:
أنو هاد الموضوع تبع التخلف والـ 400 سنة احتلال عثماني هوه نتيجة حتمية لتاريخ دموي بدأ من الجزيرة العربية وانتشر لوصل للصين والمغرب ووسط آسيا, هاد التاريخ دموي ضد الغير, ودموي ضد الذات, يعني الثقافة اللي بتختصر المرأة بجهاز متعة جنسية وروبوت خدمة! وهاد الشي يلي بييخلينا نحاول نخليها بهي البوتقة والحبس مشان ما تطلع وتتطور وتنافس الرجل متل ماصار بأوربة وباقي الدنية,,,,
حبيب ياريت ترجع تقرا تاريخ شوي . مشان مانعمل الموضوع شرح تاريخي . لأنو كل كلامك غلط ومو أكتر من شخصنة ضد المسلمين . بس للتذكير الأسلام هو يلي نهى عن دفن البنات بالجاهلية وهنن أحياء عند ولادتهم . وفيك ترجع تقرا شي عن المرأة بالعصور القديمة بأوروبا وغيرها
مشان هيك, لقينا أنو أسهل شغلة نعلق عليها هاد الموضوع هوه الغشاء الضعيف يلي ممكن يتمزق بسهولة وبالغلط (ركب البسكليت, ركب الخيل, الجمباز ومعظم الرياضات اللي فيها بتتطلب لياقة ومرونة عالية) وصار هاد الشي هوه السبب بكل شي,
كيف ظبطت معك هي أنو أي رياضة ممكن تفقد البنت غشاء البكارة
يعني:
الببنت مابيصير تحب, لأنو إذا حبت رح تدخل بعلاقة جنسية وتفقد بكارتها,
ومشان البنت ما تحب, مالازم تحتك كتير بالشباب,
ومشان ما تحتك بالشباب, مالازم تطلع من البيت,
ولأنو مالازم تطلع من البيت, مالازم تشتغل,
وما لازم تدرس,
ومالازم تلعب,
وما لازم تتحرك,
مو حاسس أنك عامل فلم هندي بالرد . يعني من كلامك يا متل مو كاتب . يا كل بنت دارسة هية فاقدة لعذريتها . وبطريقة ما عاهرة
وهيك منكون قضينا على أملها و فرصتها أنها ترجع تكون أنسان!!! لأنو هيه بهي الحالة مانها إنسان, بدليل انو في جماعات (ببدون ذكر أسامي) بيعتبروها متاع بالدنية متل السيارة والبيت والكنباية والموبايل, ومتل الجمل والحصان والمعزة والخيمة و و و و و و....
حتى هاد التشبيه غلط . وعلى مقياسو فيني الك أنو في مين عاملها حيوان . غريزة وبس . ومين ماكان بينام معها . وكأنها جهاز تناسلي . بلا مشاعر
الانسان مابيقدر يعيش بإيد وحدة, وإذا قدر, فما رح يكون منتج متل الانسان يلي عندو إيدتين!
والدليل واضح, مجتمع يعمل فيه الجميع (ألمانيا مثلا) ومجتمع يعمل فيه الرجل فقط (بدون ذكر أسامي)

تالت شي:
وهيه المصيبة الأكبر, واللي بتخليني دايما قول أنو المرأة بتستاهل كلشي بيصير فيها, أنو البنت بتعيش حياة قهر وظلم بس لأنها بنت مو شب, وبتكره حياتها بسبب هاد الشي ويتحس إنها أقل بدرجات من الشب, وبالآخر, لما بتكبر وبتتجوز, بترجع بتعيد نفس المأساة مع بنتها!!!

حبيب روء شوي أنت لمحت كتير بكلامك ضد دين معين . والشرف والبنت النظيفة مابدو دين معين أو بيئة معينة . الشرف شغلة غريزية بتنولد مع الشخص . وبتفرق بين شخص وأخر . وهية شغلة طبيعية . والمرأة والرجل بيكملوا بعض . ومشان هيك خلقوا بيختلفوا عن بعض . والبشرية مو نوع واحد

[khalkhool]

كاتب النص الأصلي : المحارب العتيق

حبيب روء شوي أنت لمحت كتير بكلامك ضد دين معين . والشرف والبنت النظيفة مابدو دين معين أو بيئة معينة . الشرف شغلة غريزية بتنولد مع الشخص . وبتفرق بين شخص وأخر . وهية شغلة طبيعية . والمرأة والرجل بيكملوا بعض . ومشان هيك خلقوا بيختلفوا عن بعض . والبشرية مو نوع واحد

أول شي:
أنا ما عممت, بس اعتبرت انو البنت إلها الحرية الشخصية انها تقرر هالشي, واللي بيفكر انو هوه اللي مخبيها ومحافظ عليها من هالشي بيكون غلطان,
تاني شي:
بنصحك تقرأ التاريخ الحيادي يلي حكى عن المرأة, مو اللي كتبوه ناس أسلموا التاريخ!
تالت شي:
هي طريقة التفكير والاستنتاج المبنية على المدرسة الوهابية تبع كل بدعة ضلال وكل ضلال في النار (العلاقة المتعدية غير المنطقية المبنية على الحكم الاجباري بغض النظر عن الاحتمالات, أي تعميم أحد الاحتمالات على الاحتمالات جميعها)
رابع شي:
راجع معلوماتك عن الجمباز, ركوب الخيل, والقفز المظلي...
خامس شي:
حاول تقرأ تاريخ الناس اللي عم تحكي عنهون من كتب محايدة, مو مصادر عنصرية!!!

آخر شي:
أنا رايء شريك, ومن حق كل واحد يعرض وجهة نظرو!

[Ms. J.A]

فى دراسته لوضع المرأة في الجاهلية يتطرق هادي العلوي في كتابه المعروف (فصول عن المرأة) الى المجتمع الجاهلي، فيراه في الاصل مجتمع بداوة يحكمه النظام القبلي. وحدد الايجابيات والسلبيات المتعلقة بحياة النساء في ذلك المجتمع، وتعين وضع المرأة الجاهلية بحريتها كفرد غير محكوم بدولة، وكانت سافرة مع غطاء الشعر التقليدي ومحتشمة على النهج السائد، وتختلط بالرجال وتسافر وحدها ولا يمنعها من ذلك سوى شرط الامان في الطريق ولها موقع في الحياة الثقافية، ووجدت شخصيات نسائية مرموقة في التاريخ الجاهلي، منهن الطبيبة رفيدة الاسلمية والشاعرة الخنساء والملكة زنوبيا وغيرهن. كما انها كانت تملك حق الطلاق كما يملكه الرجل. وكان لمن لا زوج لها حق الصداقة غير الجنسية مع رجل واحد تختاره بنفسها.

(مقتبس بتصرف)

قرأت عدة مقالات ومنها مقالات ضد الاسلام وبتحكي انو احط من قيمة المرأة ولم يرفع من شأنها..
والأغلب أجمع انو المرأة في مكة تحديدا لم تكن تعامل بطريقة حسنة على كل صعب انك تتأكد من مصداقية اي رواية لسبب بسيط انو قليل جدا من تاريخ العرب قبل الاسلام كان مكتوب لهيك مش صعب تلفيق اي رواية
على كل هاد مش موضوعنا اعتراضي كان انك عمالك بتحكي انو اضطهاد المرأة بدا من الجزيرة العربية وانتشر ومش هاد الصح لأنو الاضهاد موجود منذ القدم و عدد قليل من النساء برزوا بالتاريخ

عليها اللوم لما بتعيش الظلم, وبترضى فيه, وفوقها بتعيدو على بنتها!

بتلوم العبيد عالظلم اللي كان يلحق فيهم بعصر الاقطاع ؟؟!

خدي راحتك, أنا معك للصبح!

[Ms. J.A]

كاتب النص الأصلي : المحارب العتيق

كيف ظبطت معك هي أنو أي رياضة ممكن تفقد البنت غشاء البكارة

كلامو مزبوط في رياضات ممكن تأدي لهيك اشي
خصوصي ركوب الخيل والجمباز والبسكليتات كمان !!

[المحارب العتيق]

كاتب النص الأصلي : khalkhool

أول شي:
أنا ما عممت, بس اعتبرت انو البنت إلها الحرية الشخصية انها تقرر هالشي, واللي بيفكر انو هوه اللي مخبيها ومحافظ عليها من هالشي بيكون غلطان,
تاني شي:
بنصحك تقرأ التاريخ الحيادي يلي حكى عن المرأة, مو اللي كتبوه ناس أسلموا التاريخ!
تالت شي:
هي طريقة التفكير والاستنتاج المبنية على المدرسة الوهابية تبع كل بدعة ضلال وكل ضلال في النار (العلاقة المتعدية غير المنطقية المبنية على الحكم الاجباري بغض النظر عن الاحتمالات, أي تعميم أحد الاحتمالات على الاحتمالات جميعها)
رابع شي:
راجع معلوماتك عن الجمباز, ركوب الخيل, والقفز المظلي...
خامس شي:
حاول تقرأ تاريخ الناس اللي عم تحكي عنهون من كتب محايدة, مو مصادر عنصرية!!!

آخر شي:
أنا رايء شريك, ومن حق كل واحد يعرض وجهة نظرو!

كنت بتمنى لاقي شي بردك . بيحكي عن الأزدواجية بالتعامل عند المرأة . ويلي هو لب الموضوع

بس مالقيت بردك غير هجوم على الأسلام مالو أي مبرر . وماشفت أي شي بالموضوع بيذكر الدين أيا كان . وكالعادة وهابية وتكفير هنن اسهل مصطلحين فيه الواحد يهرب فيهم من النقاش

غريب تاريخ عصور بأوروبا . وتاريخ عصور قبل الميلاد . كلها كتبها وزورها كتاب أسلمو التاريخ . غيرت التاريخ بتهرب بسيط

أخيرا بدل مانحكي بالعموم . ياريت تحكيلي شو ردة فعلك إذا شفت أختك مثلا بفعل جنسي مع شخص ما

[المحارب العتيق]

كاتب النص الأصلي : Ms. J.A

كلامو مزبوط في رياضات ممكن تأدي لهيك اشي
خصوصي ركوب الخيل والجمباز والبسكليتات كمان !!

شايفة كيف . ممكن . مو أي حركة بتأدي لفقد غشاء البكارة

وأساسا ماحدا أختصر شرف البنت بغشاء البكارة . ممكن يكون أحدها عند الزواج . بس من المؤكد أنو مو كل شرفها

[khalkhool]

كاتب النص الأصلي : المحارب العتيق

ياريت تحكيلي شو ردة فعلك إذا شفت أختك مثلا بفعل جنسي مع شخص ما

رح اعتبر سؤالك متجرد ومؤدب:

مشاهدة أحد الأصول أو الفروع في وضع جنسي يسبب أثرا نفسيا سيئا, بغض النظر عن نوع العلاقة, يعني لما الولد بالصدفة بيشوف أهله بوضع جنسي بيقرفهون, مع انو هو بيعرف انهون بيعملو هيك دايما, بس المشاهدة لها وقع مختلف بالنفس نظرا لارتباط الجنس دوما بشعور دوني.

يعني إذا عندك اخت متجوزة, وشفتها (بالمصادفة) تمارس الجنس مع زوجها... شو بيكون شعورك؟؟؟؟ اتخيل الموقف, ومافيني صورك ياه أكتر من هيك, بس أنا متأكد فيك تتخيلو....

الأولاد يلي بيشوفو أهلون بأوضاع جنسية, بيمروا بفترات كره لأهلهم وقرف منهم, لأنهم يعتبرون أهلهم مثال الطهارة والعفة, مع العلم أنهم متأكدين أنو أهلهون يمارسون الجنس, بس برجع بعيد: الحكي غير المشاهدة.

اما الموضوع تبع أنو شو بعمل لو شفت اختي مع واحد ومدري شو, فهاد شي مختلف, الانسان بيضل عندو غيرة وحب التملك, انت اذا اختك متجوزة, بتضل ببتغار من صهرك, خصوصي بفترة الخطبة, وإذا امك قررت بعد انصالها عن أبوك انها ترجع تتجوز, فأنت حيكون عندك موقف أسوأ بكتيييييييييييير من الغيرة!!!

الغيرة موجودة, والتخلف موجود, والغبباء موجود, بس النادر هو العقل يلي بيقدر يوزن الأمور مزبوط.

أنا رح أسألك سؤال, كرمال نرجع لموضوع الازدواجية:
في مجال نقارن بين:
إذا شفت اختك بفعل جنسي (خارج نطاق الزوجية أو أي نطاق شرعي أو قانوني)
مع:
إذا اختك شافتك بفعل جنسي كمان خارج نطاق الزوجية أو أي نطاق شرعي أو قانوني

المقارنة من الجوانب التالية:
شعورك ورد فعلك, وشعورها ورد فعلها,
رد فعل أهلك بالحالتين,
رد فعل المجتمع بالحالتين.

وهي لعيونك يا محاربنا العتيق

[khalkhool]

كاتب النص الأصلي : Ms. J.A

بتلوم العبيد عالظلم اللي كان يلحق فيهم بعصر الاقطاع ؟؟!

أنا هلأ بلوم حالي عالظلم يليبحس حالي عايش فيه,
وبلوم كل ساكت وخانع,,,,

وبلوم كل صابر على ظلم,,,,

في بيت شعر كتير حلو, فلقونا فيه بالمدرسة, بيقول:
إذا الشعب يوما أراد الحياة_______فلا بد أن يستجيب القدر
ولابد للليل أن ينجلي ________ولابد للقيد أن ينكسر

وفي حكمة بتقول:
لا أحد يستطيع ركوب ظهرك... إلا إذا كنت منحنيا

[Marooshe]

كاتب النص الأصلي : zen

انا مش معك مروى انو قلتي
الجنس = لا عفة
العفاف مادخلوا بالجنس
وعلى هالحالة مافي حدا عفيف بهادنيا
بس الطريقة اللي تعلمناها انو كيف نتعامل مع الجنس
خلتنا نشوفوا انو شي مقزز ووسخ وهيك شي
أما الجنس فهوي شي مقدس
هوي شي بيصير لما الانسان بيوصل لقمة الحب
ومانو شي تجاري بنوب
وطبعا
مالازم نلغي دور البنات اللي عم يشاركو برسم هالصورة القاتمة عن جنس حواااا
ودمتم ودامت أخوية

ليش انا ايمتى قلت انو العفه بترتبط اصلا بالجنس؟
وشي طبيعي انو الجنس شي مقدس
وارتباط كتير سامي
واحساس راقي

بس مبلا
مافينا ننكر انو المرأه عم تتصور كأداه جنسيه وكسلعه تجاريه
مقياس الجمال والجاذبيه صارو يحددو نسبه التسويق
صور النساء صارت حتى على اغلفه المعلبات
والمجتمع كلو صار وكانو بيفرض على المرأه انها تنحصر ضمن القوالب يلي بيفرضها عليها
من جهه بدو ياها تكون جذابه ومثيره ومغريه وجميله ومرضيه لكافه شهواتو
ومن جهه بدو ياها عفيفه طاهره ما بيوم لمسها انسان
هون منشوف الازدواجيه يلي بتشرح تناقض مجتمعنا بأوضح صوره