لـــــــ ؟؟؟ ــيــ؟؟؟ ــــــش...؟؟؟

[Frank]

ليش البنات صايرا لساناتن اطول من تنانيرهن

ومشاكلهن اكبر من مخاخهن ياترا

[يا نااااس]

كاتب النص الأصلي : VivaSyria

أول شي موضوع الباس الفاضح والمغري هو موضوع نسبي بيتعلق بالأشخاص والأماكن .

اوكي فادي نحنا ما اختلفنا على هاد الشي وانا مو معقدة لأعتبر السبور لبس فاضح
ومعك حق 100%
بس نحنا اللبس الفاضح ما بنختلف عليه
وهو اللي يا دوب بتكون البنت لابسة شي وعم تعرض حالا مو اكتر
وهاد اللي انا عم اسأل عن المبرر للبسو

[أسد_الشام]

كاتب النص الأصلي : يا نااااس

والله البنت اللي بتقصر وبتديق وبترفع و.....
بتكون رخيييييييييييييييييصة وما في الها ولا عذر
قال ما في عريس يدق بابها قال
لك انشالله عمرو ما ييجي
والله الزمن صار آخر زمن
sorry احتديت
بس والله الموضوع بيجنن الواحد
يسلمو على طرحك الحلو

شكرا لمرورك

[أسد_الشام]

بدي أسئ
بالنهاية لازم نعرف انو بعمرو ما كان اللبس مقياس للشرف..
ومافينا نقول عن كل وحدة لباسها محتشم كتير انو هيه محترمة ولا عن كل وحدة لباسها "فاضح على قولك" انو هيه سيئة.. التعميم لايجوز بهيك قصص وعندك بالحياة أمثلة كتير بتورجيكي عدم صحة وجهة نظرك أبداً...
وياهلا


سؤال انت مقتنع بيلي كاتبه 100%
اللبس لا يعد مقياس للشرف
ليش البنت لما تشوفها بالطريق حتفوت لجواتها وتشوف نفسيتها ومخها
ولا الحكم الاول من لبسها ومشيه ؟؟؟؟؟؟؟؟؟

[أسد_الشام]

بنوتة حلب............
شكراً لمرورك وردك الرائع
أنا طول عمري عايش باشام والحمد لله بس القصة زايدة كتير عن حدها
يعني بشكل ملحوظ التلطيش (( والتزليط )) زايد بالشام

ومن وجهة نظرك الحق ع الاهل ؟؟؟؟
ليش الشباب والصبايا بلا مخ ليفكروا
ولا كتير بتنبسط لما تسطح خمس ست شباب وراها

واوووووووووووووووووووووو

[أسد_الشام]

يا ناااس برأيك البنت يلي بتعرض حالها بشكل رخيص ما بتكون فاضية من جوا
يعني حتى لو طبقت شب وقعدت معه هي بتعرف حالها فاضية من جوا والشب ما رح يتمسك فيها
من شان هيك بالنسبة ألها المظهر يلي بيلفت النظر مهم

هي وجهة نظري

[Government]

صراحة انا مع انو البنت تلبس قصير وديق ومفرع وهالشغلات هي وبشدة .. مشان تصير شوارعنا حضارية اكتر
مانحس حالنا متخلفين
يعني هلأ انا لما بمشي بشارع كل اللي فيو لابسات ضيق وهيك بتروحن يا اخي .. بحس حالي باوروبا مو بسوريا

خلونا نتروحن شوي ونحس حالنا باوروبا ولو ..






الله يزكرا بالخير طرطوس خلتنا نحس حالنا باوروربا

[حيفاويه]

كاتب النص الأصلي : Government

صراحة انا مع انو البنت تلبس قصير وديق ومفرع وهالشغلات هي وبشدة .. مشان تصير شوارعنا حضارية اكتر
مانحس حالنا متخلفين
يعني هلأ انا لما بمشي بشارع كل اللي فيو لابسات ضيق وهيك بتروحن يا اخي .. بحس حالي باوروبا مو بسوريا

خلونا نتروحن شوي ونحس حالنا باوروبا ولو ..






الله يزكرا بالخير طرطوس خلتنا نحس حالنا باوروربا

يعني كل ما البنت تفرعت اكتر كل ما صرنا متحضرين اكتر ؟؟

[fernanda bachchan kfoury]

متل ماالشب بيحقلو يلبس متل مابدو
الصبية كمان تلبس متل مابدا بس مو مبالغ فيه لانو منضل عرب مو اجانب
هي شغلة
والشغلة التانية مافي احترام بين الشب والبنت
انو ليش الشب ليقوم يبحلق بهالصبية ويعطيا وج؟
لو الشب مابيعطي وج للصبية بركي بتراجع حالا وتلبس لبس عادي لانو معظم الشباب بيفكرو متل بعض

[شب الكوبة]

هلأ فيه شغلة غلط عم بتصير أحيانا ببعض مجتمعاتنا العربية
أنو في بنات بتصير ع أساس تقلد مطربات و تلبس متل لبسن ... يعني في لبس خاص ببعض المطربات ما بيصير أنو البنت مثلا تلبسو بالشارع أو بالجامعة ...طبعا هاد بغض النظر عن اي اعتبار ديني أة أخلاقي تاني

يعني أنا بشوف أحيانا بالجامعة شوفات لبنات لابسين لبس بيخلي الواحد يتساءل إنو هدول جايات يتعلمو او جايات يعملوا عرض أزياء و نفس الحكي بينطبق ع بعض لشباب

والأضرب من هيك أنو أحيانا بتشوف بنات "بقرات" لابسين قصير أو لابسين ضيق .. اي العمى بقلبن ما أقرفن

الواحد ممكن يفهم أنو بنت جسمها حلو و لابسة متل هيك لبس بس ليش وحدة دبة حتى تلبس ضيق او قصير ..

[jano.]

هلا بما انو الحشمة تعبير مطاط وبما انو كل واحد على كيفو بيقرر ايمتا بتكون البنت "فاضية من جوا"... وفي آراء لهجتا قوية بحيث انو لازم هيي الي تتطبق عالمجتمع(ليش....؟ لازم.....؟ المفروض.....! الخ الخ).... فخليني زت انا كمان رأيي بين هالآراء، ليش لأ؟ هادا رأيي الشخصي....

انا بشوف أنو كل واحد بيعارض اللبس الضيق واظهار المفاتن، بيكون السبب :

- لأنو مو كل البنات الي بيلبسو ضيق بيكون جسمن عم يعجبو لهالشب، يعني لازم يكون جسما مفصّل بحسب ذوقو يا إما خليها تتستر وما تعكر مزاجو.

-أو بيكون مب**ص لانو مستحيل هيك بنت تتنازل وتحكي معو.

- او أنو اذا قرّب ليحكي مع هيك بنت رح يفوت بالحيط، لأنو مافيه إلّا ما يتطلّع على هدوك المناطق وبينشلّ تفكيرو وينربط لسانو وما يعرف يحكي معا كلمتين على بعض....


- واحتمال يكون السبب انو بزماناتو حبّ بنت كان لبسا عادي جداً، وبالأخير اكتشف انو هالبت كانت (ماشية على حدّ شعرها ) فهادا الشب أخونا ماعاد يعرف أينا بنت بتناسبو، واختلطت المفاهيم عندو (خرجو الله لا يقيمو!! كذا مرّة قلنالو لا تحكم عالناس من خلال المظهر)

- او لانو بيكون فايت كذا مرة بعمود او حيط أو عرباية خضرة وهو عم يبحلق بهالاجسام الحلوة

-----------
عالهامش:
اسمعو يابنات... واتذكروا هالحكي منيح، انا شايف آخرتها ما رح يضل غير المراية يلي بغرفتكن لتعرضو عليها لبسكن الي بتحبّوه..... بزمتي مافي احسن من المراية، لا بتعترض ولا بتنزعج ولا بتشمت ولا بتقول "ليش؟!"...

كاتب النص الأصلي : شب الكوبة

هلأ فيه شغلة غلط عم بتصير أحيانا ببعض مجتمعاتنا العربية
أنو في بنات بتصير ع أساس تقلد مطربات و تلبس متل لبسن ... يعني في لبس خاص ببعض المطربات ما بيصير أنو البنت مثلا تلبسو بالشارع أو بالجامعة ...طبعا هاد بغض النظر عن اي اعتبار ديني أة أخلاقي تاني

طالما غضيت النظر عن الاعتبارات الدينية والاخلاقية، ممكن تخبرنا ليش "ما بيصير" أنو البنت تلبس لبس المطربات بالشارع او بالجامعة؟

يعني أنا بشوف أحيانا بالجامعة شوفات لبنات لابسين لبس بيخلي الواحد يتساءل إنو هدول جايات يتعلمو او جايات يعملوا عرض أزياء و نفس الحكي بينطبق ع بعض لشباب
يعني شو المانع اذا اجوا عالجامعة للتعليم ولعرض الازياء سوا؟
اذا كان اللبس بيعجبك معناها اجو للتعليم واذا ما عجبك معناها اجو لعرض الازياء مو؟

والأضرب من هيك أنو أحيانا بتشوف بنات "بقرات" لابسين قصير أو لابسين ضيق .. اي العمى بقلبن ما أقرفن

الواحد ممكن يفهم أنو بنت جسمها حلو و لابسة متل هيك لبس بس ليش وحدة دبة حتى تلبس ضيق او قصير ..
اي احكي هيك من الاول، قول انو لازم تكون مفصّلة تفصيل على مراقك....
عيب هالحكي عيب!




-

[butterfly]

بداية اتمنى ان يفهم ردي ضمن سياقو .. وحتى جرأتي ضمن سياقا .. وعكل اللي ما رح يفهما ضمن سياقا .. فأنا .. يعني بحاول اتفهم هالشي ..

ليش الشب بيبصبص :
1. شيء طبيعي .. غالبا او على ما بعرف اغلب الكائنات إحدى الجنسين .. بيتباهى بجمالو امام الجنس الآخر .. بريشو .. بدنبو .. بطريقة ما
2. تعود ... يعني الشب اللي عايش بمجتمع ما شاف فيه رجل فتاة .. رح تثيرو رجلها .. من دون ما تلبس قصير ..
بينما تعود الأنسان .. بيبطل بيعمل عندو نفس ردة الفعل

ليش البنت بتديق مدري شو بتعمل :
كتير اسباب .. ممكنة ما بعرف ليش حصرتوها بسبب واحد

أولا ً لفت نظر .. الرجل " وهي حاجة طبيعية .. يعني بدون ما ننظر على بعض.. حاجة جدا ً طبيعية " . ثانيا .. ممكن تكون عم تلبس لأجل نفسا .. لأنها هكذا .. ترى نفسها جميلة " وبصراحة اللباس ضمن الأشيا اللي بتندرج حرية شخصية للبني ادم يعني " .
وبالفعل الجسد الأنساني من الأشياء الجميلة يعني .. ( ما بعرف ليش دائما لازم يكون سلوك الأنثى الو علاقة بالرجل ... ؟؟ )
تالتا ً .. يمكن لأنها تحب أن تكون مغرية ... يعني بصراحة انا ما شايفة ضرر أنو الفتاة تكون مغرية .؟؟
فيها تكون مغرية من دون ما تكون مبتذلة
فيها تكون مفعمة أنوثة وإغراء بدون ابتذال

آخر شي .. سؤال من عندي
ليش انت لتتدخل بلبسا ؟ لأنك غير قادر على ضبط نفسك ؟

[BL@CK]

كاتب النص الأصلي : butterfly

2. تعود ... يعني الشب اللي عايش بمجتمع ما شاف فيه رجل فتاة .. رح تثيرو رجلها .. من دون ما تلبس قصير ..

أنا بالنسبة إلي بس شوف ضافير حلوين يا ميمو بصير معي إختلاجات , يعني كتير بيعملو معي حالات من الكاريزما المزمنة ..

بقا برضاي عليكون من هون و رايح بتغطو الضافير ..

[Marooshe]

كاتب النص الأصلي : Frank

ليش البنات صايرا لساناتن اطول من تنانيرهن

بوجود هيك مخلوقات ما بقى قدامنا غير انو لساناتنا يكونو اطول من تنانيرنا...

[وشم الجمال]

على اي ليش رح جاوب ما بعرف بس يللي بدي قولوا مو لابسة والا لابسة رح يلطشوها هاد في حال انو همو عايشين بمجتمع ما فيو صبايا...

يعني مجتمع مثلا كل يللي فيه محجبات لو تيجي عليه صبية مو محجبة ولبسها فضفاض والله ما بيرحموها اما اذا المجتمع معود فما بتفرق معو ....

اما انو ليش بدا تلبس قصير فلأنو ممكن رغبة بابراز مفاتنها ممكن لانو بتحس انو هاللبس ألبق الها ممكن لانو بتحس بانوثتها اكتر...يعني يا خيي ليش لتسأل ...حرة البنت

[سوا ربينا]

حلو هالموضوع عالوجع ......
اول شي بالنسبة لكل الليشات اللي انت قلتها في الها اجوبة وتلت ترباعها نفس الجواب

المهم
نيجي للبس البنت هلأ انا من وجهة نظري في قسمين للبنات من ناحية اللبس الديق والقصير ....

الاول ::انو في بنات بيكونو من اول ما انخلقو ومن صغرهم بيلبسو هيك لبس ديق وقصير وبيكون محيط المجتمع اللي همو عايشين فيه بيلبسو نفس اللبس ...يعني بتقدر تقول انو هاللبس بيكون عفوي وما بيكون مقصود منو الاغراء اول ما شابه ....

التاني ::انو في بنات بيكونو خلينا نقول محتشمات وهب والا صارو بيلبسو قصير وديق هدول اللي ممكن نقول عنهم انهم رخيصات ...وخاصة عند االانتقال من مرحلة المدرسة لمرحلة الجامعة .... لانو مرحلة تحول كتير كبيرة بالنسبة الهم ....حتى في بنات بيكون متحجبات وبيشلحو الحجاب بس يدخلو الجامعة ..هدول اوطى من انو يتطلع فيهم ...وهالاشكال هاي اللي بتكون رخيصة وما الهم قيمة .....

و كتير في بنات محتشمات _على اساس يعني_ بيكونو اوسخ من بنات بيلبسو قصير وديق ...
يعني بالنهاية انا ما بحكم على اللبس الا لشوف الشخص نفسو واتعامل معو وقتها بيبن معي الرخيص والغالي ....
وبالنسبة للبس الديق __هالنقطة كتير مهمة بنظري __ انو هاد صار لبس عادي كتير وصار متل موضة وشغلة كتير عادية ... يعني بتوقع من كل 100 بنت رح تلاقي 99 بنت لابسين ديق فانو هالشي شغلة عادية كتير وما في داعي انو يكون عليها خلاف .....

[jano.]

كاتب النص الأصلي : سوا ربينا

التاني ::انو في بنات بيكونو خلينا نقول محتشمات وهب والا صارو بيلبسو قصير وديق هدول اللي ممكن نقول عنهم انهم رخيصات ...وخاصة عند االانتقال من مرحلة المدرسة لمرحلة الجامعة .... لانو مرحلة تحول كتير كبيرة بالنسبة الهم ....حتى في بنات بيكون متحجبات وبيشلحو الحجاب بس يدخلو الجامعة ..هدول اوطى من انو يتطلع فيهم ...وهالاشكال هاي اللي بتكون رخيصة وما الهم قيمة .....

حلو حلو!
مين حضرتك لتحكم عليهن بانن رخيصات؟ وكيف طلع معك انن أوطى من انو الواحد يتطلع فيهن؟؟
حلّو عن ضهر العالم بقى؟! اتركو هالعالم بحالا يا شيخ! لسّى واحد بيقول هدول رخيصات والتاني بيقول فاضيات...!! عم نحكي على حمل بطيّخ كأنو...
بالفعل هزلت!!
لأ والاحلى انك بعد هالحكي بتكتب:

يعني بالنهاية انا ما بحكم على اللبس الا لشوف الشخص نفسو واتعامل معو وقتها بيبن معي الرخيص والغالي

اي واضح واضح...

[سوا ربينا]

كاتب النص الأصلي : Urhoy

حلو حلو!
مين حضرتك لتحكم عليهن بانن رخيصات؟ وكيف طلع معك انن أوطى من انو الواحد يتطلع فيهن؟؟
حلّو عن ضهر العالم بقى؟! اتركو هالعالم بحالا يا شيخ! لسّى واحد بيقول هدول رخيصات والتاني بيقول فاضيات...!! عم نحكي على حمل بطيّخ كأنو...
بالفعل هزلت!!

...

الله يحلي ايامك يارب ....

بتقدر تقول حضرتي بني ادم شايف كل شي بعينو .... شايف بعيني وما بحكي شروي غروي ....انا بقول عن اللي بشوفو بعيني ...الا اذا انو عيني فيها شي غلط ....
فانو ما تخاف انا ما بزت حكي على كيفي ...فيك تتطمن وتحط ببطنك بطيخة صيفي ....


وبالنسبة للحكي اللي انت علقت عليه بالاحمر ...انا بقصد فيه اللي بيلبسو ديق وقصير من قبل .... يعني ما بعرف ان شالله توصل ...ازا ما وصلت منوصلها....