عالتنكة...صفحات من مذكرات صاحب بسطة

[اممي]

كاتب النص الأصلي : بروليتاري

والله مزبوط هالحكي وأنا من الناس اللي حاولو يقنعوك بس أنت متنح
وباينتك لساتك ويمكن على أتنح..
شوبدي أعمل معك والله شليتني

طيب رفيقي ماانت بتعرفني وبتعرف اني بحسبها علي بعيد
وهلق عنجد يعني اذا سمعت بنصيحتكم وسحبت وياسيدي ربحت ...مفكر ان راح تنحل كل المشاكل يعني وان راح افتح محل كبير بابو رمانة محل هالبسطة المشرشحة !!!
لك انت بتعرف اني مابحب الاماكن المغلقة ...
خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك واذا اتحققت بعد عمر طويل راح تتحول لواقع والواقع شي مادي والمادي انا بكرههههه خصوصا لما بيكون الحلم مادي بيكون ساعتها متل سندويش من المنار الو طعمة صحن بطاطا من فووور يوو...
احلامنا رفيقي مابتخلص ووحياتك حتة لو اتحولت لمادة ذات يوم راح نخلق احلام اكبر وابعد من كل هالبسطات ...

[اممي]

عم تجيني رسايل كتيرة ان العالم ماعم تفهم شي من هالبسطة وان الناس عم تقرا عالساكت لان موحابين يعطو اي تعليق يبين ان هنن ماعم يفهموا ....هلق مابعرف ليش انا مني شاييفها كتير معقدة يمكن لان هاي مذكراتي الي انا عم عيشها ...بس انت متاكدين من حالكن ؟
يمكن بدها القصة مراجعة طبيب

[بروليتاري]

كاتب النص الأصلي : اممي

طيب رفيقي ماانت بتعرفني وبتعرف اني بحسبها علي بعيد
وهلق عنجد يعني اذا سمعت بنصيحتكم وسحبت وياسيدي ربحت ...مفكر ان راح تنحل كل المشاكل يعني وان راح افتح محل كبير بابو رمانة محل هالبسطة المشرشحة !!!
لك انت بتعرف اني مابحب الاماكن المغلقة ...
خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك واذا اتحققت بعد عمر طويل راح تتحول لواقع والواقع شي مادي والمادي انا بكرههههه خصوصا لما بيكون الحلم مادي بيكون ساعتها متل سندويش من المنار الو طعمة صحن بطاطا من فووور يوو...
احلامنا رفيقي مابتخلص ووحياتك حتة لو اتحولت لمادة ذات يوم راح نخلق احلام اكبر وابعد من كل هالبسطات ...

أنا بعرفك أنك منك مادي بس يا صديقي شي منو ولا كلو أنا ماني عم قلك مشي نروح على الفيو بس كمان ما تبقى طول عمرك مع على بسطة
يعني واذا مصر على البسطة يا أخي منفتح فيو ومنحطلك بسطا مرتبة, شلوني معك

[lolit]

كاتب النص الأصلي : اممي

-معك فراطة عم؟
-ماعاد بدها فراطة لك عمو!!
-كيف !!!
-ما الي معك ماعاد الو فراطة ...تصلا شو بدك تفرط فيه لسا ؟
نصيحة حط بعبك ومشي ولاتتلفت احسن مابيفرطوك معو

والله انو عناوين المذكرات تحفة وفلتة وشغلة كبيرة
طبعا غير المذكرات نفسها وبصراحة لو فعلا شلت اول صفحة من كتاب لأفلاطون وقريت اول سطرين ما بكمل الكتاب بس لما قريت اول سطرين من كتابك الحالي فكرت انو لازم شوف آخرتها بهالبسطة
موفق عمو واحسنت وثابر يا سنفور شجاع

[بروليتاري]

أأأأأأأأأأأأأأأأأخ عالمنار يارفيق

[اممي]

كاتب النص الأصلي : بروليتاري

أنا بعرفك أنك منك مادي بس يا صديقي شي منو ولا كلو أنا ماني عم قلك مشي نروح على الفيو بس كمان ما تبقى طول عمرك مع على بسطة
يعني واذا مصر على البسطة يا أخي منفتح فيو ومنحطلك بسطا مرتبة, شلوني معك

بيقلك عصفور بالايد احسن من عشرة عالشجرة ....طيب اذا ماكان بالايد شي شو بيكون الوضع ؟؟

خلص راحت عليك... فرصة ضيعتا

[طفوله]

/خليني هيك عم اتعب وانا عم اقدر احلم ...اصلا احلا شي بالاحلام ان بتعطيك فرصة لتسيح بخيالك ..واذا اتحققت بعد عمر طويل راح تتحول لواقع
والواقع شي مادي
والمادي **/

/احلامنا رفيقي مابتخلص ووحياتك حتى لو اتحولت لمادة ذات يوم راح نخلق احلام اكبر وابعد /


بتــزكــرنــي بــ فــيروز ...


بــزكــركـ بــ الــعفـويــه ابــداع ...

[المحارب العتيق]

ما بلاقي عندك شي لعبة وطنية أو ديمقراطية لعمري

[اممي]

كاتب النص الأصلي : المحارب العتيق

ما بلاقي عندك شي لعبة وطنية أو ديمقراطية لعمري

روح اللعاب بعيد عمو
شفت بحياتك لعبة بيجيبولها لعبة؟
ما اناوانت تنيناتنا معروضين على نفس البسطة

[saba n]

كاتب النص الأصلي : اممي

هلق اي حدا بيالف شي كتاب كم مرة بيرجع بيقراه؟طيب هلق انا اذا قريت هالكتاب اكثر من الي كتب مابكون فهمت فكرت اكثر منو ؟
هالسوال منو عبثي
لاني بعرف عالم من سنين طويلة عم تقرا بنفس الكتاب وبس عم يخلص عم تعيدوا من جديد ,
هلق اذا كان الرد علي السوال الي انسال بالبداية هوه اي فليش مابيكتب واحد علي اسمن اما اذا كان الرد ب لا فخلي يحلوا عن رب لهالكتاب ....وبالمعية يحلو عن ربنا نحنا كمان

اللي عم تحكي عنهم ما عم يقروا الكتاب ليفهموا...عم يقروا (اسقاط فرض)...ولهيك ريّح بالك..ماراح يحلوا عن هلكتاب..

[اممي]

سمعت امبارح بالاخبار ان في متحف بفرنسا بيجيب مصاري كتير يعني اكثر من الي عم يطلعي من البسطة بشي 3 لاربع مرات
وبعد صفنةطلع معي ان شو بيكون شغلة كبيرة اذا قدرنا نعمل متحف للجحاش,اي الجحاش وبنجمع فيه كل الجحاش الي عنا حاليا بالمجتمع والي صوتن معبي الدنية ولاباس ان بنكبر المتحف شوي لنحط صور الجحاش الي مرو كمان عتاريخنا ونرفد انجازاتهن بمسيرتنا الانسانية المكللة
بس في مشكلة وحدة راح نعانيها ....ان هالصرح راح يصفي حدا تيزورو؟!!

[saman]

بس في مشكلة وحدة راح نعانيها ....ان هالصرح راح يصفي حدا تيزورو؟!!

طبعاً ..... الجحاش !

[اممي]

في 5 مليار بني ادم بالارض
معدل وسطي عمر الانسان 68 سنة
اليوم 1440 دقيقة
السنة 524160 دقيقة
لو كل واحد من هالساكنين علي هالارض حط 5 دقايق من عمرو للانسانية ...كان كلشي اطور بمقدار 47 الف سنة ... بس ياضيعانن

[اممي]

كان زمان في برنامج باراديو بيقدم اغاني وبعد كل كم غنية بيطلع صوت طفل صغير بيقول اسم الشخص المنقي هالاغاني وكانت هالعبارة كتير بتكرر (انا لما بسمع هالاغاني بعرف ان جورج عالهندسة-يعني التحكم)
عفكرة هلق ورغم ان هالايام وين ماعم نفتح وين ماعم نسمع ماعم نسمع غير الاغاني الي حاطن جورج ....بس باينت ماعاد عالهندسة او بالاحري يمكن لساتو عليها بس هيه طلعت من برات ايديه ...وماعاد حدا فيه يهديها يعني
باينتن صار بدن نظام صوت جديد ومن النوع الي مابينشز ...

[اممي]

بس بتبطل تمطر وبيصير جفاف بتطلع العالم منشان تصلي استسقاء علي امل ان الله يبعت الخير
هلق يعني سوال عالهامش..
هالعالم الي تاركة اشغالها ورايحة قاصدة الجامع لتدعي الله ان ينزل مطر متوقعة انن بهالصلاة راح يذكروا لالله بان يامان نزلنا مطر او ان الله ماخد علي خاطر وبدو هالعبيدة يتملقولو شوي ؟
طيب ليش باوربا بلد الفجر والخنازير والقردة مابيطلع حدا بيمارس هالعادة ؟وعفكرة طول السنة كابسة مطر عندن ومابيلحقوا نشرات جوية ...

عالهامش نقطة صغيرة مو للقراء بل لصاحب المطر ...ان حبيب ياريت تضبط الفواشة او تنقل الخزان تبعك لان عنا عم تمطر وعندن عم تمطر بس الفرق ان عندن طاقق خزان ميك وعنا طاقة المجاري تبع حضرتك

[اممي]

كلما بتشوف الي بتحبها بتقللها بحبك
وبعد مابتفشل علاقتك لابد انك راح تلاقي حدا جدبد تتقلو بحبك
طيب اذا كان هاد الشخص الجديد بحبك والقديم كمان كان بحبك ....شوبيضمن ان ماراح يطلع حدا ثالث بحبك؟
واذا فرضنا انك رجعت بحبك مع الاولانية فهاد بيعتبر وفا اما اذا مشيت مع التالتة بيعتبر خيانة للاولانيتين
هالبشر مابيعرفو الله وين بيحطو

[اممي]

قبل فترة اتعرفت علي بنت قالت انها بتحب القرائة
طبعا مابتعرفو شو انبسطتت لان بعجقة هالمجتمع السطحي صارت هالقصة نادرة
وصار محسوبكن كل فترة بيقرا كتاب وبيروح يتفهمن عليها ان قاريتي شي؟
ودايما نفس الرد ان والله انا سمعانة فيه بس لساتي مني قاريتو
بعد كذا مرة استنتجت ان الرفيقة بتحب القراية بس مابتقرا
او طلع في منها كتير عنا
يعني متل واحد بيحب الله بس مابيعرفوا لامن قريب ولا من بعيد او حدا بيحب الوطن وكل مابتشوفو بينتعك شعارين رغم ان اكل الازرق واليابس
وعالهامش لسا في هدول الي بيحبوك يعني هدول احلا شي
ان هوه بيحبك وبنفس الوقت فيه بيغدرك ,بيسمك,بيخوزقك ومو بعيدة يبعص..ك عالطالعة وعالنازلة وبيظل بيحبك
والمشكلة ان هوه ماعم بينافق وبقلب بالفعل هوه بيحبك وكل ما بتشوفو بياخدك مباوسة بس كلشي لحال....هدول هنه الي بيرفعوا مبيعات شرايط هاني شاكر

[رجل من ورق]

كمل كمل كمل فوف