مقتل 25 سجين في سجن صيدنايا

[ooopss]

شو يعني شو المزبوط برأيكن ؟

[ayhamm26]

كاتب النص الأصلي : مسطول على طول

لاتعليق رسمي الى الان

كأنوا الشغلة مو عنا ولحنا غلطانين اعلام خزيىء يئبر البي كلو شفافية




اية شو حكا هاد الارهابي ؟

طول بالك ليش مستعجل, بكرا بس تخلص الشغلة بيطلعلك خبر بسيريا نيوز نقلا عن مصدر مطلع رح يرفض اكيد يذكر اسمو, ورح يقولو مات شي 10 سجناء , تاني يوم بيطلع وزير الداخلية بيقلك ماتو شي خمسة بعد كم يوم بتعملها شي صحيفة اجنبية مقابلة مع بشار الاسد بيقلك انجرح شي خمسة بالاخير ببيضها السفير السوري في واشنطن وبيقلك الحادثة كلها على بعضها كذب وما صارت اصلا

[VivaSyria]

كاتب النص الأصلي : ayhamm26

طول بالك ليش مستعجل, بكرا بس تخلص الشغلة بيطلعلك خبر بسيريا نيوز نقلا عن مصدر مطلع رح يرفض اكيد يذكر اسمو, ورح يقولو مات شي 10 سجناء , تاني يوم بيطلع وزير الداخلية بيقلك ماتو شي خمسة بعد كم يوم بتعملها شي صحيفة اجنبية مقابلة مع بشار الاسد بيقلك انجرح شي خمسة بالاخير ببيضها السفير السوري في واشنطن وبيقلك الحادثة كلها على بعضها كذب وما صارت اصلا

بتعرف مع اني كتير بختلف معك بأراء بس عنجد عم تتنبأ صح 100% خرج يحطوك محل ميشيل حايك

[ayhamm26]

كاتب النص الأصلي : VivaSyria

بتعرف مع اني كتير بختلف معك بأراء بس عنجد عم تتنبأ صح 100% خرج يحطوك محل ميشيل حايك

مع اني ما بعرف مين ميشيل حايك, بس الشغلة ما بدها شطارة , يعني ببساطة تعودنا نفس القصة تكررت وعم تتكرر يوميا , اعلام زبالة و اللي عايش برا سوريا بيعرف شغلات وبيسمع بقصص مو سمعان فيها اللي عايش جوا

ومتل ما قال غوار بزمانو , افتح على اذاعة لندن لنسمع شو في عنا اخبار

[yass]

دمشق ـ النزاهة نيوز

ذكرت مصادر حقوقية أن اضطرابات أمنية وقعت داخل سجن صيدنايا العسكري، وقالت أن قتلى وقعوا بسبب هذه الاضطرابات. وقد أكد تلفزيون دنيا المقرب من السلطات الرسمية خبر الاضطرابات الواقعة في السجن لكنه ذكر أن المساجين هم من بدأ بأحداث الشغب.

وقد تناقلت وسائل الإعلام خبر الاضطرابات وتعمد بعضها إلى تضخيم عدد القتلى وفبركة بعض الوقائع التي من شأنها تأجيج المشاعر الدينية، ورغم ذلك فإن السلطات السورية ما زالت تلوذ بالصمت حول الموضوع.

وكان المرصد السوري لحقوق الإنسان ومقره لندن، أول من أثار هذا الخبر عبر بيان صدر عنه، وذكر المرصد أنه استقى معلوماته من أحد السجناء في سجن صيدنايا.

[VivaSyria]

كاتب النص الأصلي : yass

دمشق ـ النزاهة نيوز

ذكرت مصادر حقوقية أن اضطرابات أمنية وقعت داخل سجن صيدنايا العسكري، وقالت أن قتلى وقعوا بسبب هذه الاضطرابات. وقد أكد تلفزيون دنيا المقرب من السلطات الرسمية خبر الاضطرابات الواقعة في السجن لكنه ذكر أن المساجين هم من بدأ بأحداث الشغب.

وقد تناقلت وسائل الإعلام خبر الاضطرابات وتعمد بعضها إلى تضخيم عدد القتلى وفبركة بعض الوقائع التي من شأنها تأجيج المشاعر الدينية، ورغم ذلك فإن السلطات السورية ما زالت تلوذ بالصمت حول الموضوع.

وكان المرصد السوري لحقوق الإنسان ومقره لندن، أول من أثار هذا الخبر عبر بيان صدر عنه، وذكر المرصد أنه استقى معلوماته من أحد السجناء في سجن صيدنايا.

ما عم اقدر افهم عليك... انت مانك مقتنع بيلي صار؟؟ أو مانك مقتنع بالأعداد؟؟ أو مانك مقتنع بمين بلش المشكلة؟؟

[barcawi]

يعني ما حدا جاب سيرة انو الشرطي دعس على المصحف الشريف وأساء للأسلام وشو هي اسلاميين صارت تهمة خلص وصار كل مسلم أرهابي
طيب اذا هيك أنا أكبر أرهابي بالوطن العربي والبعالم كمان منيح هيك
طبعا الكلام مو لحدا بالمنتدى بس للمصدر اللي هو تبع الحكومة يعني 2 ب 1
والله يرحم كل مين مات ظلم بهل المجزرة والله لا يوفق اللي كان السبب

[المحارب العتيق]

كاتب النص الأصلي : yass

ما الذي حصل في سجن صيدنايا العسكري ؟

مصادر موثوقة تؤكد أن تسعة أعشار ما نقلته منظمات حقوق الإنسان السورية ووسائل الإعلام لا أساس له من الصحة




على هذا الصعيد ، أكدت مصادر موثوقة لـ " الحقيقة " عن ما تم تنقاله " مبالغ فيه جدا ، ومعظمه لا أساس له من الصحة " . وكشفت هذه المصادر عن أن الذين افتعلوا العصيان " هم مجموعة من إرهابيي منظمة القاعدة



الحقيقة

بصراحة ياسين أنا من البادية أستغربت منك نقل خبر بهالضعف
قصة المصادر الموثوقة عادة بتكون لما بيجي شي تعميم لبعض المواقع الألكترونية

[yass]

كاتب النص الأصلي : VivaSyria

ما عم اقدر افهم عليك... انت مانك مقتنع بيلي صار؟؟ أو مانك مقتنع بالأعداد؟؟ أو مانك مقتنع بمين بلش المشكلة؟؟

شو لازم تفهم علي ما بعرف... أنا نقلت خبر بحرفيتو و ما علقت عليه بشي.. و ماني هنيك لاعرف شو صار و شو ما صار أساسا.. لقيت خبر جديد عن الحادثة بموقع نوعا ما ما بيدخل بهيك قصص و جبتو... شو يعني ما بيصير؟

[YaSeR]

كاتب النص الأصلي : المحارب العتيق

بصراحة ياسين أنا من البادية أستغربت منك نقل خبر بهالضعف
قصة المصادر الموثوقة عادة بتكون لما بيجي شي تعميم لبعض المواقع الألكترونية

موقع الحقيقة موقع معارضة لنزار نيوف
يعني ما عندو نعميمات ومن هالحكي

وبعدين اذا بتلاحظ انو لا سيريا نيوز ولا شام برس جابت سيرة

[yass]

كاتب النص الأصلي : المحارب العتيق

بصراحة ياسين أنا من البادية أستغربت منك نقل خبر بهالضعف
قصة المصادر الموثوقة عادة بتكون لما بيجي شي تعميم لبعض المواقع الألكترونية

و الله يابو شريك أنا ماني هنيك لقلك شو عم يصير ... انو مافي دخان بلا نار ما اختلفنا...و بسياسة التعتيم الحكيمة و الصمت الاعلامي بالبلد مافي مصدر موثوق متل ما بتعرف... بس ليش لحتى صدّق موقع عبد الحليم خدام و أكذّب هاد مثلا؟ لازم نشوف شو بيحكو العالم ما هيك؟

[VivaSyria]

كاتب النص الأصلي : yass

شو لازم تفهم علي ما بعرف... أنا نقلت خبر بحرفيتو و ما علقت عليه بشي.. و ماني هنيك لاعرف شو صار و شو ما صار أساسا.. لقيت خبر جديد عن الحادثة بموقع نوعا ما ما بيدخل بهيك قصص و جبتو... شو يعني ما بيصير؟

انت عم تجيب الخبر كرد على الخبر الأول و الأخبار البقية.. يعني بقصد انك انت بنقلك لهاد الخبر عم تقول انو الموضوع مضخم زياده و مافي كل يلي صار.. أكيد انا ماعم قلك انك عم تتبنى رأي أي مصدر من المصادر و اكيد أنا كمان ما عم اتبنى أي مصدر منهن..
بردع لسؤالي الأول يلي هو عبارة عن سؤال مو مرتبد بنقل الخبر.. انت برأيك أي شي بيصير بالسجن حتى لو كان اضراب أو استعصاء أو شو ماكان مو الدولة بتتحمل مسؤوليتو؟؟ مو وجود هالسجن من الأساس غلط؟

هامش: بدي أعرف رأيك بغض النظر عن أي شي انكتب بالموضوع.

[المحارب العتيق]

كاتب النص الأصلي : YaSeR

موقع الحقيقة موقع معارضة لنزار نيوف
يعني ما عندو نعميمات ومن هالحكي

وبعدين اذا بتلاحظ انو لا سيريا نيوز ولا شام برس جابت سيرة

أنا بعرف أنو الموقع مو حكومي مشان هيك أستغربت . لما بيقلك الخبر مصدر موثوق . شو هاد مصدر موثوق

باقي المواقع كلها قالت مصادرها

[المحارب العتيق]

كاتب النص الأصلي : yass

و الله يابو شريك أنا ماني هنيك لقلك شو عم يصير ... انو مافي دخان بلا نار ما اختلفنا...و بسياسة التعتيم الحكيمة و الصمت الاعلامي بالبلد مافي مصدر موثوق متل ما بتعرف... بس ليش لحتى صدّق موقع عبد الحليم خدام و أكذّب هاد مثلا؟ لازم نشوف شو بيحكو العالم ما هيك؟

تماما . بس أنا من البداية حسيت أنو حبكة الخبر ضعيفة جدا . وتعارض ماتناقلته عشرات الوكالات الموثوقة

بس ماحبيت رد لأنو حسيت أنو نقلك للخبر مبني على معطيات معينة ببالك

[yass]

كاتب النص الأصلي : VivaSyria

انت عم تجيب الخبر كرد على الخبر الأول و الأخبار البقية.. يعني بقصد انك انت بنقلك لهاد الخبر عم تقول انو الموضوع مضخم زياده و مافي كل يلي صار.. أكيد انا ماعم قلك انك عم تتبنى رأي أي مصدر من المصادر و اكيد أنا كمان ما عم اتبنى أي مصدر منهن..
بردع لسؤالي الأول يلي هو عبارة عن سؤال مو مرتبد بنقل الخبر.. انت برأيك أي شي بيصير بالسجن حتى لو كان اضراب أو استعصاء أو شو ماكان مو الدولة بتتحمل مسؤوليتو؟؟ مو وجود هالسجن من الأساس غلط؟

هامش: بدي أعرف رأيك ماني عم بغض النظر عن أي شي انكتب بالموضوع.

يا عيني أنا ما عم جيب خبر لا كـ رد ع هاد و لا ع هداك.. عم جيب الأخبار اللي عم شوفا عن الخبر اللي مذكور و فقط...

قلتلي بدك رأيي؟ طيب خود رأيي:

أساسا وجود هالسجن غلط.. و ما بني على خطأ فهو خطأ.. لهون بعتقد متفقين.. هلأ هالشي ما يمنع انو الخبر عم يتضخم كتير... و ع أيد مين؟ ع أيد محافظ حماة أيام احداث الاخوان اللي هلأ صار حبيب قلبهون.. و فهمك كفاية.. و تضخيم الخبر و فبركتو و طبلو و تزميرو ما بيدعم قضية هالمساجين انما العكس تماما... بيحولها لشي مبتذل

بعدين صرع ربنا انو بصيدنايا مافي غير اسلاميين... هاي معلومات نائب الرئيس السابق؟ صيدنايا فيو معتقلين سياسيين من كل التيارات و فيو جناح خاص على مايبدو للاسلاميين هو اللي حسب ما عم يحكو بدء منو الاشكال

[yass]

كاتب النص الأصلي : المحارب العتيق

تماما . بس أنا من البداية حسيت أنو حبكة الخبر ضعيفة جدا . وتعارض ماتناقلته عشرات الوكالات الموثوقة

بس ماحبيت رد لأنو حسيت أنو نقلك للخبر مبني على معطيات معينة ببالك

أب شريك مافي وكالة أنباء وحدة حاكية بشكل موثوق.. كلها عم تقول انو مصدر حقوقي قال, و لاحظ انو لا رويترز و لا البي بي سي عم تتورط باثبات هالشي.. بيقولو حكى المرصد السوري.. هنن بس عم يأكدو انو في عمود دخان طالع من السجن شايفينو من بعيد...

فيني قلك من منطلق معرفة للاسف انو 90% من "ألمصادر الحقوقية" هاي هيي مصادر مبتذلة و تشكّل عبئ على قضية حقوق الانسان بدل دعمها و تعزيزها... للأسف عم قلك هالحكي

[المحارب العتيق]

كاتب النص الأصلي : yass

بعدين صرع ربنا انو بصيدنايا مافي غير اسلاميين... هاي معلومات نائب الرئيس السابق؟ صيدنايا فيو معتقلين سياسيين من كل التيارات و فيو جناح خاص على مايبدو للاسلاميين هو اللي حسب ما عم يحكو بدء منو الاشكال

على فكرة سمعت بالراديو مابعرف عن أنو مصدر حقوقي داخل سوريا

أنو يلي بلش بالأعتصام هنن سجناء غير أسلاميين

[yass]

كاتب النص الأصلي : المحارب العتيق

على فكرة سمعت بالراديو مابعرف عن أنو مصدر حقوقي داخل سوريا

أنو يلي بلش بالأعتصام هنن سجناء غير أسلاميين

حسب ما بعرف انو هنن حاطين السجناء السياسيين غير الاسلاميين مع سجناء عامين (يعني مع المجرمين ) و الاسلاميين حاطينهون ع طرف...هيك بعرف..

ع كل صعب كتير واحد يعرف شو صار بالزبط.. يعني بتوقع المنطقة محاوطة و مافي حدا يفوت و يطلع و أغلب الأخبار لا تعدو عن كونها تكهنات أو تسريبات ما فيك تعرف مدى مصداقيتها