من هو الله؟؟

[yass]

1- الموضوع لم و لن يحذف كونه ليس مخالفا لأي دين أو معتقد إلا لمن يريد رؤيته كذلك متقصدا, و الكلام بفكرة لا يعني أبدا المس بها, و من يعتقد أن الكلام بفكرة الله مس لها فيؤسفني تقديم حرية التعبير في هذا المنتدى على حساسيته. الفكرة قديمة قدم الفكر الانساني و تم نقاشها ليس فقط من قبل العلمانيين انما حتى من قبل فلاسفة الأديان. و حتى الشعراء. هل يا ترى نمنع رباعيات الخيام من التداول؟

2- أي محاولة لتخريب الموضوع و اثارة المشاكل فيه بغية اجبارنا على اغلاقه أو حذفه لن تجدي أبدا و لن يتم التسامح ازائها, قلنا مسبقا في ميثاق المنتدى أن المنتدى الجيد ليس المنتدى الذي تتوافق مواضيعه مع أفكارك بشكل كامل, و لدى الجميع وسائل حجب مواضيع شخص ما بحيث لا تظهر لديه, و ببساطة يمكنه عدم الدخول بالمواضيع.

3- لا شيء يبرر التسفيه و المس بأشخاص الأعضاء.. الرجاء ثم الرجاء مناقشة الأفكار و ليس الهجوم الشخصي على العضو.

4- تخريب الموضوع بشكل متعمد بغية الغاءه يندرج بمفهومنا ضمن نطاق الارهاب الفكري, كما يندرج بنفس السياق التهديدات التي تلقيتها بتهكير الموقع من قبل "جماعة جهاد الكتروني" من قبل عضوة في هذا المنتدى. هذا المنتدى تم تهكيره لنفس السبب و عدنا. و لن يثنينا عن عزمنا أي جيوش مجيشة من العقول المتحجرة التي لا تعرف الا لغة الالغاء (طبعا الكلام لمن يهدد. أتفهّم و احترم من لم يعجبه الموضوع و أقيّم كذلك بشكل كبير من راسلني يخبرني بتحفظاته على الموضوع و رغم ذلك قدّر موقفي)




و شكرا للتعاون

[VivaSyria]

كاتب النص الأصلي : تــامر

عم استنى بردك على القصه الي حكيتلك اياها ، فسرلي اياها خيو اذا تكرمت ، وشو استنتجت منها
عشان برضو ما اقول انك ما طنشتها ، وعاجز عن الرد ..

مبدئياً و للتوضيح كان النت فاصل شوي.. و تأخرتلرد لبين ماقريت القصة مره و تنين.. و ردي عليك ما نو من منطلق اني خايف انك تقول عني عاجز عن الرد و إنما خو من باب استكمال النقاش..
الحقيقة ( القصة ) حلوة يعني ( قصة) فيها سويبينس و خرج تصير حلقة بشي مسلسل.. بس المشكلة انو هي ( القصة) مانها مستاهلة شرح لأنو الفكرة يلي ماعم توصلك إنو أنا ماعم ناقش بوجود الله أو عدمو.. أنا عم نقاش بمهام هذا الإله و حدود تدخله.. و متل مااستنتجت من ( قصتك ) انو هاد الله سمح للأشياء الجيده بالإنتفاء بسبب زوال المسببات ( يلي هو لازم يكون المسبب الرئيسي في استمرار جالة الخير و العدل).. و ترك الأمور تسيير بشكلها الطبيعي و بدون تعديل أو تصحيح.. حتى لو وصلت هالأمور للهاوية.. هل هالفكرة صح؟؟

[Abu ToNi]

تامر : فيك توضح لي كيف " الدليل " اللي جبت لي ياه ممكن ينفعني كانسان انه انا شو بهمني البروفسور والطالب المسلم شو حكوا مع بعض يعني قصة فعلا بتضحك الا اذا كنت بتعتبرها احد مقدساتك فاعذر صوت قهقهتي على هيك شغلات لأن دائما بحط حد بقول " اكيد العقل البشري ما حيتخلف اكتر من هيك " وبتفاجئ وقت بشوف انه تخلف اكتر من الحد اللي انا حطيته

[zerocold hacker]

بصراحة انا كنت جاية لكمل رد مبارح لانو النت مبارح عندي فصل

بس المشكلة انو انا حاسة انو اخرة هالموضوع حتكون دينية بحتة يعني بالاخير خناقة وتنظيف

بقا لهيك انا بمتنع عن اي رد

واسفة على التاخير

[طفوله]

اللـه هــو صــوت الضــميـر


مجــموعة رســائل للانســانيــه مــافـي اولــويــه لأحــداها علـى الاخــرى ..


مــافــي داعــي استنهضلكـ تــاريــخ امبــارح ..وعلــوم اليــوم ..وتكــنولوجيــا الــغد ..والــف محــركـ بــحث ..تــ اثبت وجــودو



ايــمان ضمني بتــظهـر قــوتـو بردات الفعــل العفويــه بســاعة الصفــر بــدون حــاجه لــصف الكلام



والمــوده الضمنيــه الشــخصيه بينكـ وبينــو ..اكــبر ..اكــبـر ..من انكـ تآمــن فيــه طلبــا لــ جنـه وخــوفــا من نــار



فقــط لانــو عندكـ قنــاعه مــن خلال ملاحظتكـ اليــوميه وبحثــكـ عن المــعــرفــه ../عــبقــرة الابــداع للنــظـام الكــونــي / فــي نقــطه بتـجــتمع فيــها ..





*اســتفــسار على مــرّ الصفــحات ..ليه معئدين الموضوع لهالدرجــه ..؟




/نــقطــه تــجمــعنــا /

[saba n]

بعيدا عن كل الردود ..اشكر VivaSyria على الموضوع..

الله ..
هو النور المطلق..القيم المطلقة..الحكمة المطلقة ....النقاء المطلق..الاله الواحد...
لو عرفته بوجدانك..وعشقته ..ستدرك انه ليس بكيان..ولا حزب..ولا شخص محدد الاهداف والمصالح والصفات..
الله ...
صانع اللعبة ...نمارسها كل لحظة..
لعبة الالم والامل..وتلك المباراة بينهما..

اما تساؤلاتك الكثيرة ..عن الفقراء والاغنياء..وبلدان العالم الاول..والثالث..وما بينهما..والاذكيا والاغبياء..
فيمكنك ان ترفع تلك التساؤلات لمن اختلقها ..من البشر..
واسألهم نيابة" عني عن مقاييس الجمال التي حددوها..ومقاييس الحضارة التي اوجدوها...وعن نسب التلوث ..التي صنعوها..واسألهم عن تكنلوجيا الاسلحة..وانواع التعذيب...ومن اوحى لهم بها..

[yass]

أنا بدي أرجع أناريه لورا بالزمن شوي... كون الموضوع من أولو أخد منحى على ما يبدو خاص بالديانات السماوية..

فكرة الاله.. بمعنى السلطة المطلقة القادرة على كل شي و بأمرها تسير الدنيا.. هي فكرة سبقت الديانات السماوية .. موجودة بحضارات مغرقة بالقدم و بأسامي متعددة و بصيغ متعددة.. ياترى كيف ظهرت هذه الفكرة؟


أترك السؤال مطروحا و أعود لاحقا

[souriana]

اللي قرأ كتب فراس السواح عن البدء فـ اظن تتكون عندو فكرة مليحة عن الاله

[وشم الجمال]

كاتب النص الأصلي : yass

أنا بدي أرجع أناريه لورا بالزمن شوي... كون الموضوع من أولو أخد منحى على ما يبدو خاص بالديانات السماوية..

فكرة الاله.. بمعنى السلطة المطلقة القادرة على كل شي و بأمرها تسير الدنيا.. هي فكرة سبقت الديانات السماوية .. موجودة بحضارات مغرقة بالقدم و بأسامي متعددة و بصيغ متعددة.. ياترى كيف ظهرت هذه الفكرة؟


أترك السؤال مطروحا و أعود لاحقا

يعني بالمنطق....
هلق انو انا كإنسان وخليني اتخيل اني موجودة بالحضارات القديمة ...بتعرض للمرض بتعرض لشح مياه لا مثلا عاصفة وهيك شي...فانا رح حاول فكر بسبب لهالشي وطبعا لانو نحنا ما كان عنا فهداك الزمن تطور ليحكي انو السبب انو المطر ما نزل هيك هيك هاد الشي رح يخلينا انو نحكي سبب هاللي بصير انو في قوة خارجية بتتحكم بالكون والقوة هي يللي بتخلي المطر ينزل والزرع ينمو و...

يعني الآلهة والاساطير ومطرقة تور وووو كلو كان عبارة عن حاجة الانسان يللي بتخليه يكون على ثقة انو في كائن كامل وهالكائن هوي يللي بيحمل القدرة الكاملة على التحكي بكل شي

[Abu ToNi]

يعني الآلهة والاساطير ومطرقة تور وووو كلو كان عبارة عن حاجة الانسان يللي بتخليه يكون على ثقة انو في كائن كامل وهالكائن هوي يللي بيحمل القدرة الكاملة على التحكي بكل شي

مافي احتمال يكون نابعة من حاجة الانسان لشخص مسيّر وبالتالي عملية البحث عن الآلهة عبر العصور ما كانت البحث عن شيء مشكك انه موجود ويجب الوصول إليه بل كانت عملية للبحث عن مصدر للطمانينة لا اكتر ولا اقل ؟!
وكون جميع الماديات من حجر ونار وقمر يمكن ابطال مفعولها بسهولة فكان لا بدك من وضع الكينونة الروحية لوصف الكائن الروحي المدعو الله ، وفيما بعد تم لصق بعض الالقاب والصفات لكن الفكرة نبعت من التخلي عن الماديات .

لكن بالحضارات القديمة منشوف انه كان في شي روحي وكان غير مادي لكن هاد ما بفسر شي ما بفسر ان الانسان يحاول ادراك الله بقد ما بفسر ان الانسان كان عبحاول يصنع إله ووقت وصل للصف الحالي رضي عن الفكرة وآمن فيها .

بترجع الفكرة للسؤال التالي : من خلق من الله خلق الانسان ام الانسان خلق الله .
انا شخصيا وصلت لقناعة بالجزئية التانية من السؤال .

[MadMax]

كاتب النص الأصلي : yass

ياترى كيف ظهرت هذه الفكرة؟

نا برأيي في سببين
أول سبب هو حاجة الانسان للأمل ...أو الحافز
يعني لما الانسان بيشعر بعجزو أو بيوصل لطرق مسدودة بحب فكرة وجود قوة كبيرة رح تساعدو و رح توقف بجانبو ..
أو رح تنصرو و تجبلو حقو اذا انظلم ..... يعني حب هالصورة فرسمها و صدقها ..
و السبب التاني هو حاجة المجتمع ( بالعموم ) للرادع
يعني كمان قوة عظيمة بس هالمرة بوجهها التاني ...... يللي بتجسد القوة يللي رح تعاقبك اذا أخطأت أو أسأت أو ظلمت ...
يعني فكرة الاله بالمطلق ضرورة بالمجتمع سواء كانت صحيحة أم لا ...
و ضروري الناس تصدقها
لأنو الطبيعة البشرية .... بتختلف من شخص لشخص
و دوافع البشر كمان بتختلف
يعني في ناس كتير ما بيدفعون لعمل ايجابي معين ....
أو بيبعدهون عن عمل سلبي معين .... غير الخوف من هالقوة العظيمة .... يللي تسمى اله

[suryoyo]

كاتب النص الأصلي : gabriel

مافي احتمال يكون نابعة من حاجة الانسان لشخص مسيّر وبالتالي عملية البحث عن الآلهة عبر العصور ما كانت البحث عن شيء مشكك انه موجود ويجب الوصول إليه بل كانت عملية للبحث عن مصدر للطمانينة لا اكتر ولا اقل ؟!
وكون جميع الماديات من حجر ونار وقمر يمكن ابطال مفعولها بسهولة فكان لا بدك من وضع الكينونة الروحية لوصف الكائن الروحي المدعو الله ، وفيما بعد تم لصق بعض الالقاب والصفات لكن الفكرة نبعت من التخلي عن الماديات .

لكن بالحضارات القديمة منشوف انه كان في شي روحي وكان غير مادي لكن هاد ما بفسر شي ما بفسر ان الانسان يحاول ادراك الله بقد ما بفسر ان الانسان كان عبحاول يصنع إله ووقت وصل للصف الحالي رضي عن الفكرة وآمن فيها .

بترجع الفكرة للسؤال التالي : من خلق من الله خلق الانسان ام الانسان خلق الله .
انا شخصيا وصلت لقناعة بالجزئية التانية من السؤال .

اقلك شغلة ...

يعني ما في دخان بلا نار ...


يعني الناس ما وضعوا مفهوم الروح .... بدون ما استدلوا عليها بطريقة او بأخرى .. بدن ما شعروا بوجود شي غير مادي في الحياة


يمكن لازم نحكي عن الروح قبل ما نحكي عن الله

[yass]

كاتب النص الأصلي : Madmax

نا برأيي في سببين
أول سبب هو حاجة الانسان للأمل ...أو الحافز
يعني لما الانسان بيشعر بعجزو أو بيوصل لطرق مسدودة بحب فكرة وجود قوة كبيرة رح تساعدو و رح توقف بجانبو ..
أو رح تنصرو و تجبلو حقو اذا انظلم ..... يعني حب هالصورة فرسمها و صدقها ..
و السبب التاني هو حاجة المجتمع ( بالعموم ) للرادع
يعني كمان قوة عظيمة بس هالمرة بوجهها التاني ...... يللي بتجسد القوة يللي رح تعاقبك اذا أخطأت أو أسأت أو ظلمت ...
يعني فكرة الاله بالمطلق ضرورة بالمجتمع سواء كانت صحيحة أم لا ...
و ضروري الناس تصدقها
لأنو الطبيعة البشرية .... بتختلف من شخص لشخص
و دوافع البشر كمان بتختلف
يعني في ناس كتير ما بيدفعون لعمل ايجابي معين ....
أو بيبعدهون عن عمل سلبي معين .... غير الخوف من هالقوة العظيمة .... يللي تسمى اله

كلامك مطابق لفكرتي عن مفهوم الاله عند مختلف الحضارات... لذلك ما بعتقد في داعي عيدو


تحياتي

[Seth]

كاتب النص الأصلي : sona78

لا تخربط فكرة الله موجودة قبل اليهود بكتير الا اذا قلتلي انو اليهود اقدم من اليونان والاغريق وكل الحضارات القديمة
بس بوافقك براي انو الله في الديانةالمسيحية والاسلاميةماخوذ بشكل كتير كبير من عند اليهود يلي عطوه كل هالحظوة والخطورة

اعتقد انك انتي (المخربطة) لا وجود لفكرة الله (كما نعرفه) عند الاغريق الا اذا اعتبرتي ان الله = زيوس , فرق كبير بين فكرة الالوهةالفلسفية ووجود قوة عظمة خلقت الكون والعالم وفكرة هذه الشخصية الغريبة الاطوار التي تسمى الله .

[Seth]

كاتب النص الأصلي : saba n

اما تساؤلاتك الكثيرة ..عن الفقراء والاغنياء..وبلدان العالم الاول..والثالث..وما بينهما..والاذكيا والاغبياء..

فيمكنك ان ترفع تلك التساؤلات لمن اختلقها ..من البشر..
واسألهم نيابة" عني عن مقاييس الجمال التي حددوها..ومقاييس الحضارة التي اوجدوها...وعن نسب التلوث ..التي صنعوها..واسألهم عن تكنلوجيا الاسلحة..وانواع التعذيب...ومن اوحى لهم بها..

واسألهم عن الاختراعات العظيمة التي صنعها الانسان لراحة الانسان
اسألهم عن الطب والادوية التي اخترعت لتخفيف عذاب الانسان من امراض فتكت به لسنين طويلة
هل يستطيع الله خلق شجرة اسبيرين??! ولماذا لم يخلقها لتخفيف اوجاعنا !!!!

[boy freind]

كاتب النص الأصلي : Seth

واسألهم عن الاختراعات العظيمة التي صنعها الانسان لراحة الانسان
اسألهم عن الطب والادوية التي اخترعت لتخفيف عذاب الانسان من امراض فتكت به لسنين طويلة
هل يستطيع الله خلق شجرة اسبيرين??! ولماذا لم يخلقها لتخفيف اوجاعنا !!!!

بس شغلة شجرة الاسبيرين مو كتير منطقية

في كتير تشبيهات انسب

[Abu ToNi]

كاتب النص الأصلي : suryoyo

اقلك شغلة ...

يعني ما في دخان بلا نار ...


يعني الناس ما وضعوا مفهوم الروح .... بدون ما استدلوا عليها بطريقة او بأخرى .. بدن ما شعروا بوجود شي غير مادي في الحياة


يمكن لازم نحكي عن الروح قبل ما نحكي عن الله

طبعا ما في دخان من غير والنار طبعيتنا هون انه الانسان بحاجة لشخص اقوى منه يسيّر له حياته ففكرة الحضارات القديمة مثلا كان مافي بيناتها اتصال وكان ما وراء البحر يعتقد انه نهاية العالم ومع هاد الشي منشوف ان الانسان كان على جانبي البحر الأحمر مثلا عبيعبد الحجر بحسب المراجع والمستحاثات التاريخية والرسوم التصويرية فما فينا نعتبر التشابه مصداقية لان حنكون صرنا بمعضلة اكبر ، التشابه يمكن مصداقيته انه الانسان فين ما كان عبيبحبث عن شيء اقوى منه حتى يقدم له ولائه اما كون الشيء موجود ويتم البحث عنه وهو النار المسبب للدخان انه الانسان عبد كثير من الاشياء باحثا عن الروح المسماة الله ، انا شخصيا بستبعد كتير الفكرة لأن بشوفها غير منطقية مقارنة مع الشي اللي انا حكيته بالاول .

_____________________________________________
خطر على بالي هلق سؤال غريب : اذا كنت واقف مع جارنا الختيار اللي تجاوز عمره ال 100 وقال لي : " يا ابني في هلق واحد عبشوفك بس انت ما عبتشوفه وهوي اصل الدنيا وهوي الخالق وهوي بيعرفك وانت ما بتعرفه وهلق هوي عبسمعنا بس ما فينا نسمعه "
برايكم كام ثانية حتطلب مني القصة حتى قول انه جارنا خرفان ؟!

مافي احتمال تكون فكرة الله بحد ذاتها نابعة من تفكير رجل يدعى ابراهيم تجازو ال 100 سنة من العمر !!؟ رجل يائس يبحث عن طفل لتكميل نسله وتفكيره وصله لهي الفكرة ؟!

[VivaSyria]

كاتب النص الأصلي : gabriel

خطر على بالي هلق سؤال غريب : اذا كنت واقف مع جارنا الختيار اللي تجاوز عمره ال 100 وقال لي : " يا ابني في هلق واحد عبشوفك بس انت ما عبتشوفه وهوي اصل الدنيا وهوي الخالق وهوي بيعرفك وانت ما بتعرفه وهلق هوي عبسمعنا بس ما فينا نسمعه "
برايكم كام ثانية حتطلب مني القصة حتى قول انه جارنا خرفان ؟!

مافي احتمال تكون فكرة الله بحد ذاتها نابعة من تفكير رجل يدعى ابراهيم تجازو ال 100 سنة من العمر !!؟ رجل يائس يبحث عن طفل لتكميل نسله وتفكيره وصله لهي الفكرة ؟!

هو السؤال يلي ماحدا عم يجاوبني عليه و تحديداً الشباب يلي عم يهاجمونا.. شو الفكره من انو الله في غابر زمان و بحسب (القصص) المنقولة كان كل ربع ساعة يأثبت و جوده.. (يبعت أنبياء يعمل طوفانات يخسف الأرض ) و يعدل مسار البشرية.. وحالياً ماعد اتدخل؟؟