لماذا يتزوج الرجل باخرى؟؟؟

[Donald Duck]

كاتب النص الأصلي : sandra 82

على حد علمي سبب مشكلة البرود الجنسي بيكون إما عضوي أو نفسي
وبالحالتين في أخصائيين ممكن يساعدوها
أصلاً بمتل هيك حالة المفروض الزوج يراعي زوجتو وياخد بإيدها ويحاولوا يلاقوا حل لتحقيق السعادة الزوجية وعلاقة بترضي الطرفين
مو يروح يتزوج عليها ويحرقلا قلبا

.............................................
بس أنو ما منفكر كمان بالمرأة اللي بتعاني من برود زوجها أو إذا كان مقصر معها

بس انا ما قصدت هيك ..

قصدت مقصرة معه بممارسة الجنس ..

او ما بتهتم في .. او ما بتهتم بحالها ...

يعني قصدت يكون في سبب .. مقنع ..

بعدين انتي قولتي يراعي مشاعرها ..

بعرف شب اتزوج من وحدة بعد 3 سنين طلقتوا .. " ما بجيب اولاد " ...

مع انو شفقت عليه .. بس في معها حق ..

هي شو ذنبها تنحرم من الاولاد !!

لهيك في بالحياة شغلات .. ما بقدر الواحد يراعي الشعور .. غالبا يعني ..

[lolit]

بسيطة ليش بيتزوج مرة تانية باخرى؟؟ لأنو الزلمة اضعف من الانثى لهيك ما بيقدر يتحكم بحالو وبرغباتو وببساطة لأنو المرأة التانية بتكون قوية وقادرة انها تستميلو للرجل ومادخل الأولى بالموضوع ابدا ...
ولا دخل الشريعة ولا الحياة كل القصة انو هيك القانون بيسمحلو بما انو هوي وضع القانون ولما كان الرب انثى كانت هيي الي تخطب وهيي الي تطلق وتتجوز مرة وتنين وتلاتة وبتوقع انو هوي عامل هالقانون كرد فعل عليها.
وشكرا
وانا لا مع ولا ضد بس ما بفضل كون المرأة التانية بحياة الرجل

[black_iris]

كاتب النص الأصلي : Reemi

تالتا: انا ما بلاقي مبرر ابدا للزواج من التانيه اذا بدو ولد فينو يطلق الاولى ويروح يتزوج غيرها ..

هاد كلام كتير سليم من وجهة نظري

* مع انو
ممكن الزوجه لعدة اسباب تقبل الزواج التاني "او التالت او الرابع " .. بشرط انو ما تتطلق
يعني هي اللي بتعارض الطلاق مو العكس

[معرف]

كاتب النص الأصلي : lolit

بسيطة ليش بيتزوج مرة تانية باخرى؟؟ لأنو الزلمة اضعف من الانثى لهيك ما بيقدر يتحكم بحالو وبرغباتو وببساطة لأنو المرأة التانية بتكون قوية وقادرة انها تستميلو للرجل ومادخل الأولى بالموضوع ابدا ...
ولا دخل الشريعة ولا الحياة كل القصة انو هيك القانون بيسمحلو بما انو هوي وضع القانون ولما كان الرب انثى كانت هيي الي تخطب وهيي الي تطلق وتتجوز مرة وتنين وتلاتة وبتوقع انو هوي عامل هالقانون كرد فعل عليها.
وشكرا
وانا لا مع ولا ضد بس ما بفضل كون المرأة التانية بحياة الرجل

هو مادخل القانون في الموضوع
يعني في الغرب بيمنع الزواج الثاني ولاكن يسمح بلمصاحبه ان كان زوج او زوجه
يعني حياة لا يقبل فيها الحيوانات
فهنا منقول لو كان الرجل قادر متل ماقالت احد الصبايا عنا هون
فوين المشكل
المهم انو المراة تكون قابله في الوضع الجديد
وبقول كمان ماحدى خاصر في هذا الموضوع الى الرجل
لانو يرح يدفع سمن كبير وهو مارح يرتاح من قال وقيل وليش
برجع

[suryoyo]

نحن بالقرن الواحد و العشرين ... و ما زالت مشكلة العالم هي الجنس فقط


برأيي ... اللي يتزوج بس من اجل الغريزة ........ احسن له ما يتزوج حتى ما يظلم الزوجة و ما يظلم الاولاد و ما يظلم المجتمع ......


و اصل دائما لهذه المقولة ... هل الجنس خلق للانسان ام العكس

[sandra]

كاتب النص الأصلي : Donald Duck

بس انا ما قصدت هيك ..

قصدت مقصرة معه بممارسة الجنس ..

او ما بتهتم في .. او ما بتهتم بحالها ...

يعني قصدت يكون في سبب .. مقنع ..

بعدين انتي قولتي يراعي مشاعرها ..

بعرف شب اتزوج من وحدة بعد 3 سنين طلقتوا .. " ما بجيب اولاد " ...

مع انو شفقت عليه .. بس في معها حق ..

هي شو ذنبها تنحرم من الاولاد !!

لهيك في بالحياة شغلات .. ما بقدر الواحد يراعي الشعور .. غالبا يعني ..

اللي بيسمع هالكلام يا دونالد بيقول أنو الرجل عنا شو بيهتم بحالو وبشكلو والمراة لا
لان بالمقابل في كمان رجل ما بيهتموا بحالهم هون المراة كمان لازم تسكت يعني بس لأنها مرأة

لهيك في بالحياة شغلات .. ما بقدر الواحد يراعي الشعور .. غالبا يعني ..

إذا كانت العلاقة الزوجية ما فيها مراعاة لمشاعر الآخر
فبصراحة لا كان بتزوجوا من الأساس لأن الزواج هو ارتباط بالسراء والضراء وبيتطلب التضحية من الطرفين
الزواج مو لعبة أبداً والزوجة أو الزوج مو لعبة جبناها وقت اللي منمل أو ما عاد بدنا ياها منرميها بعيد
بالنسبة لموضوع الانجاب فأنا كتير بشجع أنو يصير فحص طبي حقيقي قبل الزواج مو متل العادة ورقة عادية شكلية
بهالحالة إذا في مشاكل صحية أو مشاكل متعلقة بالانجاب بيتم الكشف عنها قبل الزواج
وهيك الطرفين بياخدو القرار إما بالاستمرار أو لا

[suryoyo]

كاتب النص الأصلي : معرف

هو مادخل القانون في الموضوع
يعني في الغرب بيمنع الزواج الثاني ولاكن يسمح بلمصاحبه ان كان زوج او زوجه
يعني حياة لا يقبل فيها الحيوانات

يعني القانون حتى لو كان موجود ما ممكن يلاحق هكذا حالات ...

و بكل مجتمع حالات المساكنة موجودة لكن بمجتمعاتنا قليلة بالعدد .....

[suryoyo]

كاتب النص الأصلي : black_iris

هاد كلام كتير سليم من وجهة نظري

* مع انو
ممكن الزوجه لعدة اسباب تقبل الزواج التاني "او التالت او الرابع " .. بشرط انو ما تتطلق
يعني هي اللي بتعارض الطلاق مو العكس

بس ما ممكن تقبل حتى ما تنام بالشارع لان اهلها قد يرفضون استقبالها .اذا طلبت هي الطلاق من رجلها ...

بالحقيقة ... هنا الكارثة الكبرى ........ عندما تقبل الزوجة باهانة و بمذلة حتى ما تتعرض للذل الاكبر ...

[sandra]

كاتب النص الأصلي : suryoyo

بس ما ممكن تقبل حتى ما تنام بالشارع لان اهلها قد يرفضون استقبالها .اذا طلبت هي الطلاق من رجلها ...

بالحقيقة ... هنا الكارثة الكبرى ........ عندما تقبل الزوجة باهانة و بمذلة حتى ما تتعرض للذل الاكبر ...

المشكلة أنو ببلادنا ما في قانون يحمي المرأة بهيك حالات فرح ترضى بهالواقع المر أكيد

[مالك الحلبي]

هلق قبول الزوجة بأن يتزوج زوجها عليها
هل نصفه بالذل ؟

على الهامش كيفك suryoyo
طمني عنك

[Abu ToNi]

انه الشي اللي ما عبقدر افهمه ليش ما بصير مرأة تتزوج من اكتر من رجل ؟!
يا اخي منحط لها شروط انها ترضي الرجلين جنسيا وجسديا وانه يكون عندها القدرة على الاهتمام بالشؤون المنزلية لكلا الزوجين يعني تطبخ للتنين وتغسل للتنين وتجلي للتنين ليش ما بصير متل هاد الشي وفق الشروط العادلة والمنطقية السابقة

[W.E.G.A]

هو بيتحجج بالدين

بس هو فعلا لانه غبي

[black_iris]

كاتب النص الأصلي : suryoyo

بس ما ممكن تقبل حتى ما تنام بالشارع لان اهلها قد يرفضون استقبالها .اذا طلبت هي الطلاق من رجلها ...

بالحقيقة ... هنا الكارثة الكبرى ........ عندما تقبل الزوجة باهانة و بمذلة حتى ما تتعرض للذل الاكبر ...

ممكن ..
مع اني بصراحه بستبعد انو اهل يرفضو بنتهم تحت اي ظرف .. ممكن هالكلام كان موجود زمان
لكن هلأ الوضع تغير
وانا معك انو إذا قبول الزوجه بالزواج التاني كان للسبب اللي ذكرتو فهو كارثه

[suryoyo]

كاتب النص الأصلي : sandra 82

المشكلة أنو ببلادنا ما في قانون يحمي المرأة بهيك حالات فرح ترضى بهالواقع المر أكيد

حتى بحالة وجود قوانين افضل ...

رح يظل التطبيق مرهون بتقاليد المجتمع و رفضهم للمطلقة على اقل تقدير

كاتب النص الأصلي : مالك الحلبي

هلق قبول الزوجة بأن يتزوج زوجها عليها
هل نصفه بالذل ؟

على الهامش كيفك suryoyo
طمني عنك

انا قلت حالات ..... و ما عممت ابدا


يعني اذا الزوجة رفضت زواج رجلها الثاني من امرأة اخرى ..........و هو أصر على الزواج


رح تضطر تغادر لبيت اهلها كعلامة على الرفض و قد تضطر هي من يطلب الطلاق و في هذه الحالة ما تحصل فلس احمر

و ممكن في حالات معينة الاهل يصرون على بقاء ابنتهم على ذمة الزوج ..... بسبب تقاليد المجتمع و النظرة الخاطئة للمطلقة ...

احكيلنا على حالة هذه المرأة ......... اللي فقدت الناس اللي المفروض تستند عليهم ؟؟؟

هذا مو اسمه ذل ؟؟

طبعا ما زلت احكي عن حالات معينة قد تكون مو كثيرة لكن بحد ذاتها مآسي

يعني بهذه الحالة اما العيش مع الزوج اللي ما تقدر تتعايش معه مثلا او النوم بالشارع

...............................
و على الهامش انا بخير نشكر الرب شكرا على السؤال اخي

[مالك الحلبي]

كاتب النص الأصلي : suryoyo

حتى بحالة وجود قوانين افضل ...

رح يظل التطبيق مرهون بتقاليد المجتمع و رفضهم للمطلقة على اقل تقدير

المطلق مثل المطلقة أناس عاديين بس أوقات نظرت المجتع الجاهل ألهم غلط وبتوقع حتى المطلقة بتقدر تقبل تتزوج بدون أذن الأهل بما أنها ثيب وليست بكر


انا قلت حالات ..... و ما عممت ابدا


يعني اذا الزوجة رفضت زواج رجلها الثاني من امرأة اخرى ..........و هو أصر على الزواج


رح تضطر تغادر لبيت اهلها كعلامة على الرفض و قد تضطر هي من يطلب الطلاق و في هذه الحالة ما تحصل فلس احمر
مو شرط تغادر أبدا بس ألها حقوقها إذا طلبت الطلاق هلق من أحرم المحرمات أني أساوم على حقها وأعذبها منشان تسقط حقوقها وأطلقها هذا محرم أخلاقيا ودينيا ولا يستعمله إلا الحيواناتوحسابهم عسير بالأخرة لأن المرأة مكرمة ومعززة كمخلوق جميل وهي وردة لألهم

و ممكن في حالات معينة الاهل يصرون على بقاء ابنتهم على ذمة الزوج ..... بسبب تقاليد المجتمع و النظرة الخاطئة للمطلقة ...
التقاليد هي عادلت مكتسبة من أستذة بعض الجهال بمواضيع المجتمع يعني أجبار ما لازم يكون في أجبار خيار فقط مخيرة

احكيلنا على حالة هذه المرأة ......... اللي فقدت الناس اللي المفروض تستند عليهم ؟؟؟
طبائع الرجل والمرأة متغيرة عبر الزمن وهنا تكمن المصيبة وخاصة بعد زواج أبنتها وأبنها فتصبح مثل الديك العشيري يعني البوس الكبير الأمر الناهي وكله قدامها فالصوا هنا المصيبة وكذلك الرجل لكن لا أدافع عنه وأصفه يحمل زيادة بالعقلانية عن المرأة مع أحترامي لكل نساء الأرض وهي كمان وردة ألهم حاسس حالي بدي اتزوج هون

هذا مو اسمه ذل ؟؟

طبعا ما زلت احكي عن حالات معينة قد تكون مو كثيرة لكن بحد ذاتها مآسي
صحيح هناك مأساي ولا أنكر أبدا وهي وردة ألك سيويويو

يعني بهذه الحالة اما العيش مع الزوج اللي ما تقدر تتعايش معه مثلا او النوم بالشارع
ومن قال لك أنها تستطيع النوم بالشارع إلا إذا حرمها أهلها من إرثها أو ضحك عليها زوجها وأخذ مالها فمال الزوجة للزوجة ولا يمكن لأحد أن يقربه وأحذر كل الرجال من أخذ أموال الزوجة تحت أي ظرف من الظروف ولا حتى الأقتراض منه فله عواقب أخرى وقضية أخرى أما أين تعيش ربك بدبرها الله ما في أكرم منه

...............................
و على الهامش انا بخير نشكر الرب شكرا على السؤال اخي
كيف الطقس عندك عنا بحلب نار وزيت الغار عبشعل متل الفتاشة يا زلمة وشوي بفجر الموقع

ما في أحلى من الحديث الراقي والناس الرايقة تقبل تحياتي سيريويو

[Abu ToNi]

يعني اذا الزوجة رفضت زواج رجلها الثاني من امرأة اخرى ..........و هو أصر على الزواج

انا بحياتي ما شفت كائن عقله مكتمل بيرضى يكون شخص ثالث بموضوع العلاقات اللي بتحمل مشاعر خاصة ما بدنا نقول الزواج خلينا على الاطار الاصغر من هيك العلاقة البريئة الشخصية بين تنين اي شخص بحاول يتخلى عن التاني او بحاول يدخّل شخص ثالث فيها ما بكون بطريقة او بأخرى عبذل الشخص المشترك معه بالعلاقة ؟!

انا اللي بستغربه اكتر من انه كيف المرا بترضى على زوجها يتزوج من امرأة تانية انه كيف الامرأة التانية بترضى تخرب بيت المرأة الأولى وتتزوج من احد اعمدة المنزل واللي هوي الأب ؟!

يا ريتني ما دخلت على هاد الموضوع لأني رجعت قرفت من البلد من جديد ومن الشعب المتخلف اللي فيها واللي بيرجع للقرون البدائية

[Donald Duck]

اللي بيسمع هالكلام يا دونالد بيقول أنو الرجل عنا شو بيهتم بحالو وبشكلو والمراة لا
لان بالمقابل في كمان رجل ما بيهتموا بحالهم هون المراة كمان لازم تسكت يعني بس لأنها مرأة

اذا ما يهتم في حاله .. وما بهتم فيها .. اطلقوا بكون احسن ..

يعني الحياة الزوجية تفاهم واهتمام .. الرجل بهتم بالمرأة .. والمرأة بتهتم بالرجل ..

بس انتي انشالله يكون حظك حلو من هالناحية ..

إذا كانت العلاقة الزوجية ما فيها مراعاة لمشاعر الآخر
فبصراحة لا كان بتزوجوا من الأساس لأن الزواج هو ارتباط بالسراء والضراء وبيتطلب التضحية من الطرفين
الزواج مو لعبة أبداً والزوجة أو الزوج مو لعبة جبناها وقت اللي منمل أو ما عاد بدنا ياها منرميها بعيد
بالنسبة لموضوع الانجاب فأنا كتير بشجع أنو يصير فحص طبي حقيقي قبل الزواج مو متل العادة ورقة عادية شكلية
بهالحالة إذا في مشاكل صحية أو مشاكل متعلقة بالانجاب بيتم الكشف عنها قبل الزواج
وهيك الطرفين بياخدو القرار إما بالاستمرار أو لا

يعني يا سندرا ... شو ما فيها مراعاه ..

الحياة الزوجية اكيد لازم تكون مبينية على مراعاة الشعور .. وعلى الاحترام المتبادل .. لتكون حياة ناجحة ..

بس يعني ..

موش كل الناس مثل بعضها .. في ناس بتحب الاولاد وفي ناس بتحب الجنس ..

يعني الشخص الي بموت ليجيب ولد .. شو ذنبه انو زوجتة ما بتخلف .. والعكس كمان ..

يعني لازم يعيش حياتة يتحسر .. طبعا احنا بنحكي ومو مجربين هالحالة ..

على فكرة .. احنا عنا القانون ما بيسمح اكثر من زوجة .. بس بيسمح بصديقة ..

يعني الي بتزوج ثانية عنا .. لازم يسجل الثانية " صديقة " ...

واذا خالف القانون بنسجن ..

[Donald Duck]

على الهامش ..

في عادات في مجتمعنا .. سيئة جدا ..

خصوصا نظرة المجتمع .. للمطلقة .. وللارمل ..