نعوات سورية...ميشيل كيلو...

[me2]

كاتب النص الأصلي : كهربجي مثقف

عمرك أطول من عمري

العمر كلو ...ألنا تنيناتنا

مولفين من زمان على نفس الموزة المتوسطة ...

[Danito]

بصراحة آلمني جدا خبر اعتقال ميشيل كيلو

بالنسبة للمقالة أنا قرأتها و بصراحة كريمبو لم أجد فيها أي تملق لجهة معينة و إنما هو تحدث عن التمايز الطائفي الاجتماعي ..
اعترف بأنني عندما بدأت قراءة المقالة ضربت على وتر حساس هو أني أصلا ابن ضيعة و من دخلاء المدينة لكن بصراحة و عندما تابعت قراءتها اكتشفت كم المقالة موجعة فقط كما هي الحقيقة

خلفية تاريخية
تحدث عن تجييش ابناء الريف، مع أني ضد القول بأن ابناء الريف و خاصة الساحل يعيشون عالة على الدولة.. فالزراعة هناك مردودها أفضل من باقي انحاء سوريا و لكن لا بد من الاعتراف بأن حالة التنميط و نشر الصورة المغلوطة لأبناء الريف على أنهم متسلقي جيش و أمن هي حقيقة واقعية مع أن الريف فيه من الفقراء و الطبقات المتوسطة و حتى الغنية التي تمتهن الزرعاة و العلم و الحرف الأخرى (في الريف و خارجه) لكنها لا تبرز للعيان كما تبرز الصورة الاستعراضية التي يظهر فيها اصغر عنصر أمن بسيارة جيب واز مقرقعة (و هي سيارة معركة و سيارة حقلية و ليست للتنقل و المواصلات في المدينة أصلا) و هنا أحب أن أشير أن الكثير من العسكريين من الطائفة العلوية و غيرها من أبناء الريف و من غيرهم من أكثر الناس نظافة و استقامة و في اليوم التالي لتقاعدهم أو الشهر التالي بأكثر تقدير يستقلون المواصلات العامة من سرافيس و غيره و هم لم يخرجوا من سنين خدمتهم الطويلة إلا ببيت و بعض الهدايا بعيد الجيش و هم غالبا ممن يتم تسريحهم باكرا و يعيشون و يموتون مع إنجازاتهم الشجاعة بصمت .. بينما التطبيل و التظمير و المظاهر الاستعراضية الفارغة من سيارات مفيمة (و يالدزينة) و قسائم البانزين و المنازل المنفوضة و و و تكون من نصيب البقية المتملقة التي تجيد لعق الأحذية و التي تمارس سلوكها كالكلاب المدربة المربوطة بسلاسل ذهبية و الجاهزة للنباح و الإخافة و حتى العض و النهش على طلب السيد الذي لا يبخل برمي العظام و حتى اللحم لحيواناته الغير أليفة و المدللة (يعني ما يبرز للعيان ليس المنجز و من أدى واجبه بصمت و لكن من امتهن الفساد)

المهم:
اعتقد ان ميشيل كيلو أراد الإشارة إلى الحالة العامة التي أوصلنا إليها حكم باسم الوطنية و الأمن القومية و الشعارات الطنانة الرنانة التي مللنا سماعها حتى فقدت معناها و غدت كالعلكة التي علكناها لساعات طويلة فذهب نكتها و سكرها و لم يبقى منها سوى قوام مطاطي يتحلل كل لحظة
بينما الحقيقة ما جرى هو تعميق الهوة بين المواطنين و دحرهم إلى عمق كهوفهم الطائفية و نشر التحفز بينهم و تبادل الاتهامات : (لا أقدم رأي فيما يلي و لكن الصورة الدارجة في الأذهان)
فالعلويين : ضباط و مدراء أمن ظالمين فاسدين ابناء ضيع همجيين..الخ
السنيين : طائفة متعصبة ظلامية تريد أن تسحق باقي الأقليات بأقرب فرصة
المسيحيين : طائقة من الوصوليين المتعصبين لبعضهم الذين يكرهون جميع المسلمين و الذي يمسحون جوخ للجميع ظاهريا
باقي الأقليات: تتوزع بين هراطقة و ضيعجية و بدع و و

بغض النظر عن التاريخ لكن في القرن العشرين كان هناك فرصة حقيقية لبناء دولة تنبذ الطائفية و تستخرج من السوري أعظم معاني الإبداع و الوعي بدل أن تدفع به دفعا إلى وديان الجهل و الطائفية لتستثمر المشاعر و تضع الوطن على كف عفريت

بصراحة أرى مقالة ميشيل كيلو مؤلمة كالواقع ، ربما لا ترسم صورة لكامل المجتمع لكنها تعبر عن خطر حقيقي موجود ربما حملت قليلا من التعميم و لكن اتصور لخدمة النص

[me2]

الحبس للدواب فقط .. و هدول مو دواب هدول بني أدمين و بيحقلون يلعو و يعلكو متل ما بيلعو و بيعلكو غيرون بشكل رسمي و من كافة المنابر .

[dot]

كاتب النص الأصلي : Reemi

1- فتت عالموضوع لانو الاسم شدني..!
2- اضريت اقراه وخلي عيوني يروحو..كرمال انو سارة صاحبة الموضوع..!
3-لخلصت من القراءة ووصلت الرد الاول لسارة لعرفت انو لـ كيلو..!
4-انا مع الي قال انو بيعمل نعرات طائفية..خيو طول عمري بسوريا وبقرا بورقات النعوات..وليش عمري ما انتبهت عليي حضرتوا ذاكروا يعني...؟!؟!؟!

انا بقلكن..لانو مابيخطر ببالي الطائفية..بس الي بدو اياها بينكشها..!

وانا معك ....بعدين بينطبق على هالكيلو المتل يلي بيقول يلي فيه شوكة بتنخذو.

[me2]

ما رح أفتح موضوع جديد , و لو أنو مايلي بدو وقفة برأيي ..

مين أعلان دمشق ؟؟ كم زلمة ؟؟ شو بيمثلو ؟؟

مين الغادري ؟؟؟ كم زلمة ؟؟ شو بيمثلو ؟؟

مين خدام ؟؟؟ كم زلمة ؟؟ شو بيمثل ؟؟

في شي معارضة غيرون ؟؟؟ ما بعرف اذا نسيت حدا ما يواخذنا ..

المهم :

كل هدول "برأيي" مانون شي بالمعنى الشعبي . يعني هدول بيمثلو يا دوب انفسهم .. ما حدا يزعل أنو هدا رأيي.

منجي على البلاء الأعظم " الأخوان المسلمين " هدول شي غصبن عني .. هدول ناس قديمين و جداد , متلونيين و بيستعملو الدين ..

لو اليوم سمحت الدولة للأخوانجية بفتح مكاتب , برأيي أنو رح يصفو الناس بالدور ليسجلو أسماوءهم , طبعا اذا اقتنعو أنو القوائم مارح تتسرب للحكومة .

الخلاصة :

كل المعارضة بتعرف أنها ولا شي بلا الأخوان .. و بالتالي أخذت المعارضة مهمة تمسيح الجوخ لأخونجية من خدام لمشيل كيلو .. للأسف.

تمسيح الجوخ مو سهل و مكلف .. و هدا اللي صار مع ميشيل كيلو .. وغيرو. و صح القول :

يا طالب الدبس من طيز النمس ... كفاك الله شر العسل

[سرسورة]

كاتب النص الأصلي : me2

ما رح أفتح موضوع جديد , و لو أنو مايلي بدو وقفة برأيي ..

مين أعلان دمشق ؟؟ كم زلمة ؟؟ شو بيمثلو ؟؟

مين الغادري ؟؟؟ كم زلمة ؟؟ شو بيمثلو ؟؟

مين خدام ؟؟؟ كم زلمة ؟؟ شو بيمثل ؟؟

في شي معارضة غيرون ؟؟؟ ما بعرف اذا نسيت حدا ما يواخذنا ..

المهم :

كل هدول "برأيي" مانون شي بالمعنى الشعبي . يعني هدول بيمثلو يا دوب انفسهم .. ما حدا يزعل أنو هدا رأيي.

منجي على البلاء الأعظم " الأخوان المسلمين " هدول شي غصبن عني .. هدول ناس قديمين و جداد , متلونيين و بيستعملو الدين ..

لو اليوم سمحت الدولة للأخوانجية بفتح مكاتب , برأيي أنو رح يصفو الناس بالدور ليسجلو أسماوءهم , طبعا اذا اقتنعو أنو القوائم مارح تتسرب للحكومة .

الخلاصة :

كل المعارضة بتعرف أنها ولا شي بلا الأخوان .. و بالتالي أخذت المعارضة مهمة تمسيح الجوخ لأخونجية من خدام لمشيل كيلو .. للأسف.

تمسيح الجوخ مو سهل و مكلف .. و هدا اللي صار مع ميشيل كيلو .. وغيرو. و صح القول :

يا طالب الدبس من طيز النمس ... كفاك الله شر العسل

الله يسلم هالتم..كفيت و وفيت

[me2]

كاتب النص الأصلي : سرسورة

الله يسلم هالتم..كفيت و وفيت

تسلمي على حكيك الحلو ...