حجبوا أخوية كلياً ..... طيب وبعدين !!!!؟

[Barleb]

كاتب النص الأصلي : Madmax

نحنا عليتنا كلها معترين ....و التعتير عنا بالوراثة

أقوى شي التعتير

[Sun Shine Art]

اي بدكون ماتواخذو لوزير الاتصال ....لان هو العبد المامور .........

ولك الله ..كل واحد مسؤول بقول انا العبد المأمور ...بس بدي اعرف مين هدا المأمور ..وبالمره مين العبد

[Abu ToNi]

شوووووو ؟ يعني السيريا نيوز مو معبية عينك لا يكون

والسيريا نيوز وقت ما عجبهم " ادائها " حجبوها لفترة .....

شو رايك بالغوغل ؟!؟! حاسه شوي عبعارض هال أيام كبسناه انا وسيادتك حجب وما سالنا على حدا وعمره ما يبحثوا على شي

قرد بعينهم
ليش حتى يبحثوا بالأصل كل شي مأمن بالبلد ليش الفزلكة واكل الهوا والبحبشة والنكوشة

[yass]

كاتب النص الأصلي : gabriel

والسيريا نيوز وقت ما عجبهم " ادائها " حجبوها لفترة .....

شو رايك بالغوغل ؟!؟! حاسه شوي عبعارض هال أيام كبسناه انا وسيادتك حجب وما سالنا على حدا وعمره ما يبحثوا على شي

قرد بعينهم
ليش حتى يبحثوا بالأصل كل شي مأمن بالبلد ليش الفزلكة واكل الهوا والبحبشة والنكوشة

لا تخليني انزل هلأ بالسيريانيوز و اللي اخترع سيريانيوز

حجبوها كم يوم استعراض بس هيك لتنظيف الواجهة لأنو كانت كتير كتير طالعة ريحتهون.. و لليوم يعني

[MadMax]

كاتب النص الأصلي : yass

لا تخليني انزل هلأ بالسيريانيوز و اللي اخترع سيريانيوز

حجبوها كم يوم استعراض بس هيك لتنظيف الواجهة لأنو كانت كتير كتير طالعة ريحتهون.. و لليوم يعني

بحياتي ما كتبت تعليق عندون ....و نشروه

ما حبيتون هالجماعة

[yass]

كاتب النص الأصلي : Madmax

بحياتي ما كتبت تعليق عندون ....و نشروه

ما حبيتون هالجماعة

و لا أنا... و مع ذلك ببعتلهون دايما.. هيك حب ازعاج.. لأ و بكتبلهون دايما بالأخير نفس الديباجة تبع ما رح تنشروه

[ابو عمير السوري]

انا حزين جدا يعني كان في حوار كان في عتب كان في محبة عم نفقد كل هدول والخير لقدام.....يمكن ماصفي أمامنا غير مجلة أسامة نفوت عليها أو جريدة تشرين

[saman]

غير مجلة أسامة نفوت عليها أو جريدة تشرين

ليش ما دريت انو حجبوها 4 تيام !!!!؟

[BL@CK]

السيد العزيز المحترم أبو نحلة تحياتي إلك و لنحلاتك و أنتبه جدا ً جزيلا ً و أنت عم تهتم بالنحلات ما تطلعلا شي وحدي طايشي تأرصك و تحرمنا من طلتك ..

بدي أعتزر منك شي بألف وتلاتميوتلاتين على حذف ردك بس و للأسف هون عنا بالأخوية يمنع منعا ً باتا ً ( مع التشديد على التنوين ) نشر أي رابط لبرامج أو مواقع كسر بروكسي ..

وجب التنويه لأخذ العلم من قبل الجميع ..

[habiba2008]

كاتب النص الأصلي : مالي خايف

مالك حق تقولي تنزل لهيك مستوى أي مستوى ومستوى مين ومين قلك انو نحنا ضايعين ياريت كل واحد يحكي عن حالو

akhi hey hakika beneba lal moukhabarat akhawia ou ghirha ma betjhawefhoun lisabab wahed enou law bedhoun blamh elbasar yemhou 99bel 100 men chabab akhawia yali bi sourya had wake3 mou chamata ba3dine lich kel ma elwahed haka chi jad bethesou fih tetnawazou

menou akhawia fada lachabab daye3in adkya ou
moutakafine bes ma bi idhoun chi fa 3am ifechou khelek houn ou 3am i3abrou 3an afkarhoun
3am tkoul enkoun mou daye3ine esmahli kelek enou edaya3 labes kel wahed a3ed wara enet leanou akher manfad la yali ma biidou hal fakelna 3am netjhaba wara elcomputer lahata n3aber 3an aya chi
ou ma fi da3i tkaber kelna bne3ref elbir ou ghatah
ou ma fi hada ahsan men hada

[أبو نحله]

مرحبا يا شباب
في برنامج لكسر الحجب شغال و منيح Freegate
هذا رابط لتنزيله


+++++++++++++

معلم حكينالك الرجاء بلا روابط.. الشبيبة الطيبة اللي بالي بالك كتير مداومين عنا.. و كل رابط تحطو عم تعرضو لخطر الحجب (صايرة قبل الله وكيلك ما عم بيض عليك) .. لذلك مرقو من تحت لتحت بالبرايفت أو هيك شي بس لا تنشرو.. كرمال ما ينحجب و تروح فائدتو