حجبوا أخوية كلياً ..... طيب وبعدين !!!!؟
 

مرحبا ....... بدون كترة لعي ..... فايت اليوم الصبح على أخوية بدي اتطمن على أحوال العباد ..... واذ ما عم يفتح أخوية ... جربنا رابط رابطين ... يلي بعدو ما فتح أخوية يا جماعة شو القصة!!! طلع أخوية محجوب كلياً وطبعاً ما خليت مسبة على وزير الاتصالات والجمعية المعلوماتية الزفتة .... يعني ما بيكفي انترنت ...بيخخخخخخخخخلي الواحد ينرفز وبينزل الضغط ... كمان حجب .... اي لا والله الله ما قالها !!!!!! المهم وانا عم بحبش بالنت من شوي عن قصة الحجب ....(مدري شو خطر ببالي ) لقيت هالصورة يلي رح ساندرا (لانو انا ما عم بقدر نزل صور وولا شي ) طبعاً بتوقع انو الشغلة زادت عن حدها كتيييييييييييييير يعني شي ما عاد فيه الواحد يتحملو ... لسا على حجب .. على حجب ... شو وين قاعدين نحنا ...... كاتمين أفواهنا .... عن كل شي .... انا صحيح ماني معارض وماني موالي ... بس في شغلات ما بينسكت عنا !!!!! يعني وبعدين !؟ -------------------------------------------- ع جنب :الموضوع بجوز يطلع مخبص شوي ... بتمنى من اي حدا من الشمرفين المتواجدين بس يزبطوا ... لاني فايت على أخوية من موقع كسر بروكسي .....(سمايلي ابو وردة )

هاللي حجب أخوية .. اكيد مأثرة عليه بآراء أعضاءها الحرة .. ولازم مايسكت حدا عن هالموضوع ..

وهي الصورة اللي طلبتا أمير بيك :gem:

بإختصار: يلي عم يصير تعبير عن ضعف وعجز رهيبين... مواقع البورنو مفتوحه ومواقع النقاش الحضاري مغلقة

اسمها الحقيقي سياسة القمع والديكتاتورية.... أسف عالكلمة بس عنجد حقارة

هاي العقلية القمعية المخابراتية... ما بتستحمل شي متل أخوية.. يعني وقت الصحيح شو في غلط بأخوية؟ وين التهديد عالأمن الوطني و السلامة القومية بأخوية .. أو بغيرها من المواقع المحجوبة..

بحق التجهيزات و المعدات الحديثة جدا اللي تم استيرادها مشان الحجب و الملاحقة الالكترونية كم جهاز سكانر و كم جهاز أشعة و كم تجهيز طبي كان ممكن ينشرى؟ بكلفة كل فرع أمني عم يراقبنا هلأ كم مستوصف ينعمل؟؟

ناطرين تطور و تقدم و اصلاح و شفافية من هيك ناس؟ اذا هالأشباح عاجزين يتقبلو وجود شقفة منتدى .. اذا عاجزين عن هالشي.. كيف راح يكونو كفو يعملو بلد حضاري و يتقبلو الآخر... كيف رح يعملو هالاصلاح اللي صارعين ربنا فيه؟

بدهون شباب ما يسترجي يحكي كلمة.. بدهون شباب مهتمين بالموبايل و الغنا و الصياعة... بدهون يانا نكون جاهلين و مو بس هيك.. .انو كل واحد يكون حريص على جهلو و يحافظ على جهلو ... لأنو الجهل = السلامة (لا تنام بين القبور و ما تشوف منامات...)


يجوز هاليومين الاسكان العسكري يبلش يعمل مظلة ضخمة فوق الشام.. مشان يحجبو ضو الشمس لأنو نفس الشمس بتضوّي اسرائيل.. فبيجوز في تخاطب عن طريق الأشعة...


عيب يا.....

هاد شرف للموقع وعار عليهم

باقون بأخوية عزيزي المخبر .. ماعندك حل الا تعبينا قشة لفة

ما بتصور أنو أخوية محجوبــــة .....بس الظاهر انو في مشكلة بيجوز بأخوية بحد ذاتها .... لأنو الو يومين الموقع بينحجب حوالي أربع ساعات وبيرجع بعدين عادي ... يعني لو في قرار بالحجب بتصور كانوا حجبوا أخوية بشكل كامل
أصلا "هنن" بيجوز اخر همن "أخوية"
ما بعرف ليش البعض بيقولوا ما في عنا ديمقراطية أبدا و كلام الأخ صاحب الموضوع قدامن اكبر دليل على عدم دقة هالطرح
هدا عدا عن كتير مواقع "معارضة" فيه اي سوري يفوت عليها
تصبحوا على خير

ما في مشكلة بأخوية من أي نوع.. المشكلة بغير مطرح..

أخوية محجوبة بشكل كامل اعتبارا من اليوم, و القلة اللي عم يقدرو يفوتو بدون برامج فك الحجب عم يحالفهون الحظ بوجود ثغرات بالمخدمات المتعددة و البطاقات و هالقصص

HALA LICH LA YEHEJBOU AKHAWIA CHOU YALI DID ENIDAM BHIK MAWKE3 OU BA3DIN KELOU HAKI MOUJARAD FACH KHELEK OU FADFADA MOU AKTAR HALA ELMOUJHABARAT RAH TENZEL LAHIK MOUSTAWA OU T3ABI RASHA BFECHET KHELEK CHABAB DAYE3IN OU KARHANIN HALHOUN MEN AWDA3 MOUZRYA
LA OU FOUK HAD 3ARFIN ENOU HACHABAB MOU BI IDHOUN CHI

مابعرف بس انا عندي من أماكن محجوب . ومن اماكن هلأ قدرت ادخل

شكلها المشكلة بالنت . مو بأخوية

لو رحل صوتي ما بترحل حناجركم :) ..

الصراحه انا عندي ابدا مافي مشكله بفتح الموقع وليس محجوبن الحمد الله ما نحسد حالنا بس ....انا عايشه بالخليج .....

بس الصراحه اذا كان محجوب فا هل الشي الكون شرف كبير فيه وموشي جديد عنا بسوريا ع الحجب .....

وللاسف بحب خبركون انه الموقع محجوب بالسعوديه وشي محزن لان لي صديق كنت اتمنى وجوده بينكم ...

بس للاسف مازال القمع ...والترهيب هما سلاح اغلب حكوماتنا .......

U88

هاد برنامج فك حجب .. سريع و شغال 100 %

كبوس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

كرمال تنزل البرنامج


وهي اللينك كرمال يلي فايت من مواقع كسر بروكسي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بيبقى في فسحة أمل

سيكس عن سيكس بيفرق .. بـ مواقع البورنو في بنات و نسوان ع، *****


و بمواقع النقاش و كشف صفقات الفساد في أشخاص ذو مقامات رفيعة عم *****


أقتباساً عن كريم " هالشي كلو (من زاوية ضيقة) انتصار للحرية و انتصار للمنبر

و في عالم عم ترجف مؤخراتها...و الشي الوحيد يللي بيرجف المؤخرات هوي الحقيقة...بس كمان مؤخراتهم رجفتمن حقيقة الكلمة يللي عم نكتبها


و دمتم للحرية:larg:"

والله انا بالنسبة الي الموقع ماعم يفتح وداخل من موقع كسر بروكسي بس حبيبي البرنامج كيف بشتغل مافمت علي ومامشي حالو