يوميات الاستاز سامع المطنش

[امرأة من ورق]

كاتب النص الأصلي : hanny dagher

بدك تكفي الموضوع او لاء ؟

هيك النية انو كفي

لماذا؟؟؟

[hanny dagher]

تم تثبيت الموضوع على امل انو تكفي

[امرأة من ورق]

كاتب النص الأصلي : hanny dagher

تم تثبيت الموضوع على امل انو تكفي

هيييييييييييييي والله وكبرت ياامرأة من ورق وصار الك موضوع مثبت

شكرا كتير ومتابعة فيه اكيد

[امرأة من ورق]

في كتير ناس بيتسائلو انو ليش الفريق السوري بالرياضة بيضل ياخد كأس العالم شوفو ليش...


دخل الاستاز سامع المطنش إلى قاعة الصف بخطوات رشيقة تكاد تكون نطات
ولكنه اليوم قد غير ستايل اللباس الذي يرتديه بالعادة..... مااجمله اليوم وهوي يرتدي بيجاما رياضة عليها اشارة صح (يعني ماركة NIKE مو حياله) وينتعل حذاء رياضي (ميد ان تشاينا) ويحمل في يده وسائل الايضاح والتدريب....... نعم في يده كرة قدم

دخل الصف وحيّا الطلاب التحية المعهودة بصوته الرياضي ثم توجه مباشرة إلى اللوح وكتب
المادة: تربية رياضية
الحصة: كرة قدم

ثم قفز قفزة عالية وحط بعدها على كرسيه..... وضع الكرة على الطاولة وكان عيون الطلاب وخصوصا الذكور منهم تكاد تلتهم الكرة
ثم قال: شوفو اليوم بدنا نعمل مباراة كرة قدم..... رح تنقسمو فريقين التلات مقاعد الاولى ضد التلات المقاعد الاخيرة...... بس هلق وقبل المباراة رح تركضو حوالين الملعب مرتين لأنو التحمية ضرورية قبل لعب الرياضة

وهلأ وله منك الو اللي فيه يتخيل التحمية والمباراة بعيون مفتوحة بيكون منيح واللي مافيه يتخيل بعيون مفتوحة فيه يغمض عيونو

[butterfly]

مبروك التثبيت

وتسجيل متابعة

[ري مي]

اي والله كمان مبروك التثبيت مني
ويسلمو

[امرأة من ورق]

شكرا كتير ري مي وميمو

[COSTA]

[طنش تعش]

انا شاميم ريحة تطنيش

[lolo2_3]

حلوة القصة اليوم والله هل الاستاذ مو قليل بنوب شكرا امرأة من ورق

[امرأة من ورق]

شكرا كتير كوستا ولولو وطنش تعش

ومية وردة لعيونكن

صحي طنش تعش لتكون بتقربو للاستاذ سامع المطنش؟؟

[امرأة من ورق]

الساعة الآن السابعة صباحا..... تقترب مدام مطنش من السرير لتوقظ زوجها المصون الاستاز سامع وهي تحمل بيدها صينية القهوة..... فتهز سامع هزة لطيفة وتقول له: سموعتي صارت الساعة سبعة مابدك تفيق ياعيوني وهي جهزت القهوة السادة المرة متل مابتحبها

فاستيقظ الاستاز وهو متفاجأ من اللطف الغير معهود وعلى شفتيه ابتسامة رضى وسعادة ونظر إلى حرمته نظرة حب
وقبل أن يتناول فنجان القهوة بيده..... بادرته المدام بالقول: حبيبي بكرة عرس أخي لاتنسى اليوم تمر عالصايغ وتجبلنا النقوط..... يعني بالقليلة شي خاتم هيك يكون حلو على ذوقك

وماأن سمع الاستاز سامع هذا الكلام حتى اسودت الدنيا في عينيه واحس بدوار..... وذكر أن اليوم هوي العاشر من الشهر ولكن........ يالله ماضل من الراتب شي لأ وكمان بدو يجيب نقوط دهب
نهض من السرير مسرعا وارتدى ملابسه بسرعة وخرج من المنزل ليتمشى إلى المدرسة ويفكر ماذا يجب أن يفعل بهالمصيبة..... حتى أنه نسي أن يغسل وجهه أو ينظف أسنانه أو يشرب القهوة ومازال عبق الصباح يفوح منه

يتبع......

[امرأة من ورق]

وصل الاستاز سامع إلى المدرسة ودخل إلى الصف وأغلق الباب بلطف حتى أن كل جدران المدرسة ارتجت وكادت أن تقع

وحين رآه الطلاب غاضب إلى هذه الدرجة وقفو وجلسو حتى قبل أن يسمعو التحية وشعروا بأن مصيبة ستقع اليوم فكان الصمت الرهيب في القاعة

اقترب الاستاز مباشرة من اللوح وكتب
المادة: علم نفس
الدرس: أساليب التربية الحديثة

وماأن أنهى الكتابة حتى سمع صوت صادر من بين الطلاب فأدار وجهه نحوهم وعرف مصدر الصوت..... إنه ماجد..... سحقا لماجد

فصرخ الاستاز: ولاه ماجد تعى لهون..... قرب قرب لعندي لقلك..... والله لربي المدرسة كلها فيك ياقليل التهذيب..... ياقليل الأدب..... والله لخليك عبرة للي مابيعتبر...... والله لتصير مسخرة كل المدرسة ياابن ال******
ارفع راسك ياكر مشان استحكم بالكفوف منيح يابغل

بتعطس بالصف والاستاز موجود....... ولك مو ناقص غير تسعل كمان ياحيوان

[امرأة من ورق]

أنهى الاستاز سامع المطنش الحصص المقررة لهذا اليوم..... وخرج من المدرسة متجها إلى منزله
وبينما كان يتمشى كان يفكر بوضعه ويحدث نفسه واحيانا يعلو صوته مخاطبا نفسه حتى أن المارة بدوؤا بالالتفات إليه وبالقول: ياحرام مجنون تاني

كان يفكر بأنه يقضي كل نهاره بالمدرسة والأطفال الاغبياء يسألون اسئلة بحاجة لعالم للإجابة عليها وليش لمدرس مثله..... كيف له أن يجيب عن سؤال مثل لماذا للسمكة غلاصم ولكنها غير موجودة عند الانسان.... اي والله سؤال صعب
والاسوء ان بعض التلاميذ وقحين حتى أنهم لايتورعو عن السعال والعطاس بينما الاستاذ في الصف......
إنها حياة المدرس الصعبة

ولكن وبعد كل هذا التعب يتقاضى راتبا بالكاد يكفيه نصف الشهر لقضاء الحاجات الضرورية فقط.... ثم تأتي الواجبات الاجتماعية التي لاتنتهي

سموعتي بكرة عرس اخي بدي النقوط

بابا بابا اليوم عيد ميلادي رفيقتي بدي جبلها لعبة هدية

ياااااااااااي اليوم عيد الام لازم نجيب هدية للماما وهدية لمرت عمي

و.....

و....

وبعد تفكير طويل وعميق صرخ استازنا بصوت عالي غطى على كل اصوات السيارات والسرافيس وكلام المارة....... نعم لقد صرخ: ياهووووووووو وجدتها



يتبع

[hanny dagher]

والله كنت محضر قصة بس ما رح اقطع هاي القصة لنشوف شو رح يصير مع ابو السمع

[امرأة من ورق]

كاتب النص الأصلي : hanny dagher

والله كنت محضر قصة بس ما رح اقطع هاي القصة لنشوف شو رح يصير مع ابو السمع

حدا بدو يساعدني على سموعة الشعب

شكرا كتير هاني وهي رح خلص القصة

[امرأة من ورق]

وصل الاستاز سامع إلى المنزل بخطى راقصة وابتسامته تكاد تصل إلى أذنيه

فاستقبلته المدام بالسؤال: شو سموعتي شايفتك مبسوط اكيد جبتلي النقوط لعرس أخي

فجاوبها بكل ثقة: يامرة ولايهمك اليوم نشاله اليوم بتدبر المصاري وبكرة انتي بتنزلي عالصايغ وبتشتري الهدية على ذوقك

ماان انهى كلامه حتى امسك بالهاتف يريد ان يتحدث بخصوص حل مشكلته ولكن ماان رفع سماعة الهاتف حتى صرخت احداهن بوجهه: ولك يامواطن ياادامي اذا بدك تحكي بالهاتف روح ادفع الفاتورة..... شو مفكرين الهاتف ببلاش..... يلعمى هالشعب البجم

فشعر الاستاز بقليل من الاسى ولكن مشكلة صغيرة كهذه لن تحطم من معنوياته المرتفعة وقال للمدام: يللا هوي انا بدي احكي مع جارنا اللي ساكن مقابيلنا رح روح اعملو زيارة ونحكي بموضوعنا وبلا الهاتف

فجاوبته المدام بصوتها الحنون: حبيبي صحي ايمتى رح تجبلي موبايل..... ولك اذا هالفصعونة خطيبة اخي صار معها موبايل..... وللا لتكون مفكرها احسن مني وهيي بتستاهل وانا لأ ؟؟

فقال الاستاز: ولك عيوني انت مافي منك بالكون كلو..... والموبايل جاييكي قريبا ولا يهمك بس طولي بالك عليي كم يوم

وماان انهى كلامه مع المدام حتى توجه إلى الباب خارجا من المنزل وقاصدا بيت الجيران



يتبع.....

[امرأة من ورق]

رن الاستاز سامع جرس بيت الجيران بحنية ووقف منتظرا حتى فتحت طفلة صغيرة الباب وقالت له: ثو بدك عمو؟؟

فقال لها: عمو قولي للبابا الاستاز سامع بدو يحكي معك بموضوع ضروري

فدخلت الطفلة إلى المنزل وسمعها الاستاز تقول: بابا بابا في واحد اثمو الاثتاذ ثامع بدو يحكي معك..... ثم سمع رد الجار وهوي يقول: يلعمى شو بدو هاد جايينا بوقت الغدا

وماهي إلا لحظات حتى أطل الجار من الباب وقال للاستاز سامع: ولك يامية هلا ياجار.... كيفك؟ وكيف الصحة؟؟ تفضل تفضل نورت.... يامية هلا والله

فدخل الاستاز سامع إلى البيت الذي يدخله لأول مرة في حياته وقال للجار: انا آسف ابو حمادة اذا كنت اجيت من غير موعد بس في موضوع ضروري ومستعجل شوي حابب احكي معك فيه

ثم وصلو إلى غرفة الاستقبال وجلسو وبدأ الاستاز سامع بالكلام عن موضوعه المهم: هاد ياجار بتذكر من فترة قلتلي أنو قرايبك عندو ولد (الله يخليلو اياه) وبدو يعطيه دروس خصوصية وانا وقتها كنت مشغول ومافيي عملتها...... بقى الله يخليك جار اذا فيك تشوف شو وضعو واذا لسه مادبر استاز منشان انا بخدمو فيها من عيوني..... والله والله هي بس خدمة لعيونك..... يعني مو معقول انت طلبت وانا ارفضلك هالطلب لكن ليش اسمنا جيران ولللوووووو

فقال له ابو حمادة: والله مابعرف شو صار بوضعون بس هلأ رح احكيلك معو وشوف شو الوضع

فخرج ابو حمادة من الغرفة ليتحدث بالهاتف وعاد بعد قليل ليقول للاستاز: مشي الحال ياجار وانشاله اليوم بعد الضهر بنروح انا وانت لعندون عالبيت وبتعملو درس تجريبي بينك وبين الولد لنشوف اذا بيصير مجال للتفاهم بيناتكن ونشاله خير ياجار

فنهض الاستاز من كرسيه وهو بقمة السعادة وقال للجار: الف شكر ياجار..... لكن بانتظار الضهر لحتى نروح لعندون وهلأ بدي استأذن بتكون المرة ناطرتني عالغدا...... يللا بخاطرك جار


كمان يتبع......