أخوية

أخوية (http://www.akhawia.net/forum.php)
-   أدب ساخر (http://www.akhawia.net/forumdisplay.php?f=44)
-   -   يوميات الاستاز سامع المطنش (http://www.akhawia.net/showthread.php?t=44269)

امرأة من ورق 30/06/2006 14:34

يوميات الاستاز سامع المطنش
 
هاد ياسادة وياسيدات هون بدي احكي شوي عن مذكرات استاز من اساتذة المدارس عنا اسمو سامع المطنش :yahoo:
المهم الاستاز سامع هاد استاز نموذجي من اساتذتنا...... يعني فهم عميق للمناهج..... اسلوب راقي بالتعامل مع الطلاب...... واسلوب سلس وواضح بشرح وتوضيح المنهاج للطلبة الاعزاء

وهلأ رح نبلش بالحكاية الاولى من يوميات استازنا الكبير


دخل الاستاز سامع المطنش إلى قاعة الصف وعلى محياه ابتسامة صفراء وحيّا الطلاب صارخا بهم:
وقف ولك انت وياه

وقف الطلاب احتراما للاستاز ثم قال لهم جلوس فجلسو
امسك الاستاز بالطباشير الابيض وكتب على زاوية اللوح
الحصة: علوم
الدرس: تشريح السمكة
ثم جلس على كرسيه بعد ان نفض عنها الغبار الطباشيري....... وفتح حقيبته السوداء واخرج منها كتاب العلوم وقال للطلاب افتحو على الصفحة كذا
ثم بدأ يقرأ لطلابه الاعزاء محتوى درس تشريح السمكة قراءة واضحة وسلسة
ثم سأله احد الطلاب: يااستاز يااستاز هلق ليش السمكة الها غلاصم وانا ماالي؟؟؟!!!!
فأجابه الاستاز بكل رحابة صدر جواب علمي دقيق: ولك وله لانو الله خلقك هيك وخلقها هيك

:shock: :cry:

yanni 30/06/2006 14:43

المزيد المزيد

امرأة من ورق 30/06/2006 14:45

اقتباس:

كاتب النص الأصلي : yanni
المزيد المزيد

يللا يللا :D

امرأة من ورق 30/06/2006 14:51

حساب
 
دخل الاستاز سامع المطنش الى الصف كالعادة بابتسامته الصفراء وتحيته اللطيفة للطلاب: وقف ولك
ووقف الطلاب احتراما ثم جلسو بعد ان سمعو طلبه اللطيف: جلوس ولك

ثم تناول الطبشورة البيضاء بانامله الرقيقة :sosweet: وكتب على اللوح
الحصة: حساب
الدرس: جدول الضرب

وجلس على كرسيه بحنية وقال للطلاب: ياولاد..... اليوم بدنا ناخد درس رح تستفيدو منو بكل مراحل الدراسة يعني حتى بالجامعة مافيكون تعيشو بلاه وكمان بالحياة اليومية رح تتضطرو تستخدموه...... لهي بدي اياكون تحفظوه متل اساميكون واحسن...... سامعين ولاه

فهز الطلاب رؤوسهم الصغيرة بالايجاب

وبعدها فتح الاستاز حقيبته السوداء واخرج الآلة الحاسبة ليتمكن من شرح الدرس من دون اخطاء

:shock: :cry:

yanni 30/06/2006 14:55

هاااه
عجبتني شغلة الكلكوليتر هي
طيب انا حيبب توصلي لحصة البارا سيكولجي
حيبب اعرف شو عمل فيها

امرأة من ورق 30/06/2006 15:10

اقتباس:

كاتب النص الأصلي : yanni
هاااه
عجبتني شغلة الكلكوليتر هي
طيب انا حيبب توصلي لحصة البارا سيكولجي
حيبب اعرف شو عمل فيها

اكيد رح نزلها بس انطر عليي ليجي عمو الوحي ;-)

ري مي 30/06/2006 15:21

ميرسي كتير:D

امرأة من ورق 30/06/2006 15:23

اقتباس:

كاتب النص الأصلي : ري مي
ميرسي كتير:D

ميرسي الك
كلك ذوق:D

امرأة من ورق 30/06/2006 17:35

كمان علوم
 
دخل الاستاز سامع عالصف بس هالمرة مع عبسة ومع شوي تلبك وخجل وبعد التحية المعهودة ووقوف وجلوس الطلاب

امسك الطبشورة البيضاء بيد مرتجفة وكتب على اللوح
المادة:علوم
الدرس: التكاثر عند الإنسان :oops:

ثم امسك الطبشورة الحمراء ورسم فوق التكاثر عند الإنسان اشارة اكس كبيرة حمراء

وجلس على كرسيه بتلبك ثم اخرج من حقيبته السوداء كتاب العلوم وقال للطلاب: والله ماعم افهم ليش عم يحطولكن هيك دروس بتخرب عقولكن البريئة..... يعني معقول انو ولاد بعمر الزهور يعلموهون هيك وساخات..... شوفو ياولاد من رجعتكون عالبيت بتمسكو مقص وبتقصون هالكم ورقة الوسخة من الكتاب وبتكبون بالتواليت..... سامعين وله منك الو

وهنا اتجهت انظار كل الطلاب إلى ماتحت اشارة الاكس الحمراء وكانت عيونوهم تقدح شررا

:shock: :cry:

امرأة من ورق 30/06/2006 17:48

موسيقى وغناء
 
اليوم دخل الاستاز سامع المطنش إلى قاعة الصف وهوي مصطهج عم ينط ومايحط..... ليش؟؟؟؟ يللا لنشوف ليش

دخل الاستاز مع ابتسامة حقيقية وفرحة عارمة وقال للطلاب اليوم غناء وفرح ومرح :clap:
فوقف الطلاب وجلسو حتى بدون ان يتلقو الطلب اللطيف المعتاد من الاستاز

امسك الاستاز الطبشورة باصابع ترقص فرحا وكتب على اللوح
المادة: موسيقى وغناء
الدرس: أغنية "عليي صوتك بالغنا" :yahoo:

جلس الاستاز على كرسيه بخفة وقال: ياولاد اليوم بدنا نتعلم غنية كلكن بتعرفوها اكيد بس هي غنية تحمل معاني وطنية وقومية عميقة :? وهي غنية "عليي صوتك بالغنا"
بس شوف ولاه منك الو مابدي اسمع ولا همسة ولا صوت..... ماحدا منكن بيتنفس سامعين وله..... بدي اسمع دبيب النملة الماشية عالارض

:shock: :cry:

butterfly 30/06/2006 17:49

رائعين
بس نزليلنا ياهون مسلسل ... كل يوم وحدة تنتبن :yahoo: :yahoo: :sosweet: :sosweet:
كتير حبيتون يا الله :mimo:

امرأة من ورق 30/06/2006 17:52

اقتباس:

كاتب النص الأصلي : butterfly
رائعين
بس نزليلنا ياهون مسلسل ... كل يوم وحدة تنتبن :yahoo: :yahoo: :sosweet: :sosweet:
كتير حبيتون يا الله :mimo:

اوكي عيوني :yahoo: :yahoo:

انا سعيدة كتير انون عجبوكي :yahoo: :yahoo:

شكرا :D

lolo2_3 30/06/2006 18:28

حلويين هل اليوميات يسلموو:D
بذكروني بشوية اساتذة كانو عنا:lol:

امرأة من ورق 30/06/2006 18:32

اقتباس:

كاتب النص الأصلي : lolo2_3
حلويين هل اليوميات يسلموو:D
بذكروني بشوية اساتذة كانو عنا:lol:

شكرا كتير لولو :D
وصدقيني كل هالقصص اما صايرة معي ايام المدرسة والجامعة او سامعتها من حدا صايرة معو..... يعني كلها واقعية..... يمكن فيها شوية مبالغة بس كلها فيها شي من الواقع :yahoo:

lolo2_3 30/06/2006 18:39

اقتباس:

كاتب النص الأصلي : امرأة من ورق
شكرا كتير لولو :D
وصدقيني كل هالقصص اما صايرة معي ايام المدرسة والجامعة او سامعتها من حدا صايرة معو..... يعني كلها واقعية..... يمكن فيها شوية مبالغة بس كلها فيها شي من الواقع :yahoo:



والله عنجد انا عم احكي انو كتير معقولة تصير ليش نحنا شو اللي عقدنا من المدارس غير المدرسين اللي متل الاستاذ سامع:oops:

HashtNasht 30/06/2006 20:55

على فكرة الاستاذ سامع الو اثر كبير بنفوسنا كلنا

و تارك لمساتو العظيمة بافكارنا

و هو بالحقيقة عايش معنا بكل لحظة

:cry:


يا ريت ما تقطعينا من أخبارو


و روحي ....شايفلك :yahoo:

امرأة من ورق 30/06/2006 20:58

اقتباس:

كاتب النص الأصلي : hashtnasht
على فكرة الاستاذ سامع الو اثر كبير بنفوسنا كلنا

و تارك لمساتو العظيمة بافكارنا

و هو بالحقيقة عايش معنا بكل لحظة

:cry:

اي هاد استاز كبير كتير ومهم ببلدنا :cry:

اقتباس:

يا ريت ما تقطعينا من أخبارو


و روحي ....شايفلك :yahoo:
اي اكيد رح توصلكن اخبارو اول باول 8)

hanny dagher 01/07/2006 11:20

بدك تكفي الموضوع او لاء ؟


الساعة بإيدك هلق يا سيدي 02:11 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03989 seconds with 10 queries