$$ مصاري $$

[اسد_الشام]

كاتب النص الأصلي : تالين

انا صبية يعني فيك تقلي ما تنســـي


المصاري سبب المشاكل؟
اي معك حق الظاهر انت من جماعة اصحاب القناعة كنز لا يفنى

وست الصبايا كمان

[waleeeeeedo]

كاتب النص الأصلي : اسد_الشام

$ $ مـصـاري $ $
لكل شخص قاموسه الخاص يضع فيه المفردات التي يستعملها والتي يسمعها بشكل متكرر
وصدقوني إذا قلت لكم بأن الكلمة المشتركة بين قواميس سكان الأرض جميعاً هي المصاري ((نقود)) ((فلوس))
ولكن أريد أن أطرح سؤالاً متمنياً بأن يجيبني أحد ما....لماذا ندخل المصاري في كل أحاديثنا ((يعني وحتى ونحن عم نحكي شي ما دخلوه بالمصاري فإننا نستعمل كلمات كلها مصاري)) يا جماعة وكأنو القاموس ما فيه غير هـ الكلمة هي .....
بلشنا عدوا لألكون........
حاكيني سلف , بيحكي بالتقسيط , بيربحك جميلة , خوذ وعطي , الغالي بيرخصلك , أنت غالي وطلبت رخيص , غالي على قلبي
ما بيسوى فرنك , راحوا فراطة أو راحوا بحق الفجل ((مع العلم بأنه يتكلم عن حدا ميت)) , دفع حياته ثمن لوطنه , شو بتخصر إذا قعدت , نكسب شوفتك , كلامك ذهب , ما في كلفة بيناتنا , كلفنا خاطرك , شو طالعلي منك , شو شاريهون للجماعة , طول بلا غلة ((شو دخل الطول بالغلة.....مصاااااري)) , مو قابضني جد . بيسوى تقله ذهب
· واحد مركب سنان عيرة والعيرة شو دين والدين شو مصاااااااااااااري
· مكسور عليه نوم ومكسور يعني مديون
· ما بيتعلم الواحد إلا من كيسه ......والكيس شو بيكون فيه يا حزركون مصاااااااااااري
· كيف صار أبنك ؟ فيجيب مثل الليرة ((في صبي مثل الليرة ))
· الولد ما بيتقدر بثمن ((من طلب منهم تقدير ثمن الولد يا أخي بدهن يبيعوه يبيعوه من ماسكهن ))
· عيونه 10/10 (( ليش كل هـ العشرات وهنن كلهن عينتين ))
· الفنانة هيفاء وهبي ثـــــروة فنـــــية
· إذا جماعة راحوا ليخطبوا شي بنت لأبنهم ((مدلل الماما)) شو بيقولوا لأهل العروس : والله حبيناكم من كل قلبنا ونحن بصراحة شارين بنتكون بالحلال ......شو البنت لعبة ليشتروها
· يشتري المشاكل شره.....((بقديش ومنين))

يعني عن جد شو بدكن بالحكي المصاري شي أساسي بحياتنا وهذا الذي يقول المصاري وسخ الدنيا على عيني وينك بس هات ارجيني ..... يعني معلش هدول شوية نماذج وكلمات وإلا ما شاء الله ما بتخلص
بعدين أبقوا تذكروا حكيي بعد كم سنة إذا مو كم شهر صباح الخير سوف تلغى من جميع القواميس سوف تستبدل
بـ صباح الليرات ....( يعني صباح الخيرات والليرات.... خلص موضة قديمة ) هذا عصر الليرات
وكما يقول المثل الدراهم مراهم .


فكرة المصاري من مسرحية لولا فسحة الأمل لـ زياد الرحباني

عم تحكي حكم ،،،،، اشكرك على هالموضوع اسد الشام ،،،، دمتم في سلام جميعا ،،،، وتقبلوا مروري من هووووووون

[اسد_الشام]

كاتب النص الأصلي : waleeeeeedo

عم تحكي حكم ،،،،، اشكرك على هالموضوع اسد الشام ،،،، دمتم في سلام جميعا ،،،، وتقبلوا مروري من هووووووون

أهلا وليدو
ونور الموضوع بمرورك يا طيب

[pioneer]

يعني لازم نخلي المصاري بايدنا مو بقلبنا
وسيلة ممكن تحقق السعادة موغاية بتبرر كل الوسائل للوصول الها
بس شو بدكن بالحكي ايدي عراسكن اذا بيصح لكل واحد منكن شي مليون ليرة من غامض علمه بيقول لاء المصاري وسخ الدنيا ولا بياخدن وبيضحك بعبة

[XerostomiA]

أنت حتى لن يبتل ظمؤك بكوب ماء إن لم تمتلك القرش لتشتريه ..

لا نختلف أبدا على أن المال يتحكم بالعقول ..

و لكن الاختلاف على من يؤثر المال على قلبه ..

[sweetyjojo]

يعني ليش لنحكي كتير


اللي معو مصاري الكل بيدور حواليه


واللي ما معه مصاري بيموت غريب



هي حال الدنيا صفى ارخص شي هو البني ادم


الله عليكي يا دنيا ملعونة من يوم خلقتي

[اسد_الشام]

كاتب النص الأصلي : XerostomiA

أنت حتى لن يبتل ظمؤك بكوب ماء إن لم تمتلك القرش لتشتريه ..

لا نختلف أبدا على أن المال يتحكم بالعقول ..

و لكن الاختلاف على من يؤثر المال على قلبه ..

مشكورة لمرورك.....

بس كيف يؤثر المال على قلبه

[اسد_الشام]

كاتب النص الأصلي : pioneer

يعني لازم نخلي المصاري بايدنا مو بقلبنا
وسيلة ممكن تحقق السعادة موغاية بتبرر كل الوسائل للوصول الها
بس شو بدكن بالحكي ايدي عراسكن اذا بيصح لكل واحد منكن شي مليون ليرة من غامض علمه بيقول لاء المصاري وسخ الدنيا ولا بياخدن وبيضحك بعبة

لو أنا بقول المصاري وسخ الدنيا وباخدون
يمكن مو بس أنا شعبك كله
حتى لو معي 100000000 زيادة الخير خير

[اسد_الشام]

كاتب النص الأصلي : sweetyjojo

يعني ليش لنحكي كتير


اللي معو مصاري الكل بيدور حواليه


واللي ما معه مصاري بيموت غريب



هي حال الدنيا صفى ارخص شي هو البني ادم


الله عليكي يا دنيا ملعونة من يوم خلقتي

أي والله بقينا أرخص شي بالدنيا......
بس مو الكل.....الطفرانين بس....

مشكورة لمرورك ونور الموضوع

[مالك الحلبي]

{وَتُحِبُّونَ الْمَالَ حُبّاً جَمّاً }الفجر20

[XerostomiA]

كاتب النص الأصلي : اسد_الشام

مشكورة لمرورك.....

بس كيف يؤثر المال على قلبه

عندما يؤثر المال على من يحب ..
أو يضحي بقريب لأجل المال ..

أو حتى يقبض يده على أمواله لمن يحب ..

[اسد_الشام]

كاتب النص الأصلي : مالك الحلبي

{وَتُحِبُّونَ الْمَالَ حُبّاً جَمّاً }الفجر20

جزاك الله كل الخير ومشكور لمرورك

[اسد_الشام]

كاتب النص الأصلي : XerostomiA

عندما يؤثر المال على من يحب ..
أو يضحي بقريب لأجل المال ..

أو حتى يقبض يده على أمواله لمن يحب ..

XerostomiA معاكي حق ....

وشكراً الك ع التوضيح