إذا كنت طالب باكالوريا تعال فش خلقك - صفحة 4

يائيل · 14/05/2006

اقتباس:

كاتب النص الأصلي : sweetbaby

ليش مقلل كتير ولو

خيتو منشان روح بعثة على أمريكا وهاف فان متلك شو بس إنت بتهافي فان؟

لكن ريتا تضحكي علينا شو على بالك ما عم تقدمي هون

عم امزح لا تزعلي

Gazita · 14/05/2006

ذكرتونا بالباكالوريا .ربي يسهل ليكم الامتحانات وينجحكم
قرفانين العلوم والادب ولا يهمكم كلو يهون وتبقى مرحلة التانوية احلى الذكريات.
بس منيح انو بالباك ما كنت عاملة لا علوم ولا ادب

Abu ToNi · 14/05/2006

إنو إنت جديد هون يعني ما صرلك زمان فكيف هيك خطر على بالك قبل الفحص تسجل بهالمنتدى

يا اخ يائيل انا مسجّل بالمنتدى من 3 أشهر تقريبا بس اشتراكي ما كان مفعّل
بعدين ما بعتقد انو كنت عبقول انوا مالازم نضيع موقت بس كنت عبقول انو لازم ننتبه للوقت يللي عبضيع ما بعتقد انك ما بتضيع مقت وانت بتتفرج لى التلفزيون أو بتتسلى مع أهلك بالمقابل أنا
ماني عيشي مع أهلي وغستراختي الوحيدة هي على الأنترنت وعلى الأكل مشان هيك ما بعتقد بحق لك تقول لي ليش سجلت بالمنتدى أو ليش ماسجلت ومع هل شي بدّي أقول لك موفق بدرسك وان شاء الله تجمّع مجموع مرتب ترفع راسك ورا أهلك فيه

يائيل · 15/05/2006

اقتباس:

يا اخ يائيل انا مسجّل بالمنتدى من 3 أشهر تقريبا بس اشتراكي ما كان مفعّل
بعدين ما بعتقد انو كنت عبقول انوا مالازم نضيع موقت بس كنت عبقول انو لازم ننتبه للوقت يللي عبضيع ما بعتقد انك ما بتضيع مقت وانت بتتفرج لى التلفزيون أو بتتسلى مع أهلك بالمقابل أنا
ماني عيشي مع أهلي وغستراختي الوحيدة هي على الأنترنت وعلى الأكل مشان هيك ما بعتقد بحق لك تقول لي ليش سجلت بالمنتدى أو ليش ماسجلت ومع هل شي بدّي أقول لك موفق بدرسك وان شاء الله تجمّع مجموع مرتب ترفع راسك ورا أهلك فيه

[/quote]
شبنا معلم ليش هيك انزعجت ما قصدي شي الله وكيلك بس عم امزح معك ولو
خلص إذا زعجتك عنجد أنا أسف كتير ويا ريت تقبل اعتذاري

يائيل · 15/05/2006

شباب باعتبار إنو طلعنا ( شلة الباكالوريات ) كتار بهالمنتدى ومنشان نواسي بعض يوم النتائج فأنا بنفس يوم النتائج رح ساوي مشاركة جديدة اسمها ( يا طلاب الباكالوريا تعو احكولنا شو صار معكن ) ورح حطه بهاد القسم نفسه( على الطاير) ويومتها كل واحد فيكن بيجي بقللنا شو كان الفرع تبعه ( علمي ولا أدبي ) وقديش جمع علامات وشو ناوي يسجل ( يعني بالمشرمحي شو بيتوقع يطلعلو ) وشو ردة فعله و ردة فعل أهله على مجموعه
إذا موافقين وبتوعدوني تجو وتشاركو وما حدا يخجل لحتى حط المشاركة
يللا الموافقين يرفعو إيديهن

marioma alghzayala · 15/05/2006

انو هيك يعني ؟؟ ..

يائيل · 15/05/2006

اقتباس:

كاتب النص الأصلي : marioma alghzayala

اقتباس:

انو هيك يعني

؟؟ ..

بالضبط يللا مين كمان قال أنا

امرأة من ورق · 15/05/2006

اقتباس:

كاتب النص الأصلي : يائيل

شباب باعتبار إنو طلعنا ( شلة الباكالوريات ) كتار بهالمنتدى ومنشان نواسي بعض يوم النتائج فأنا بنفس يوم النتائج رح ساوي مشاركة جديدة اسمها ( يا طلاب الباكالوريا تعو احكولنا شو صار معكن ) ورح حطه بهاد القسم نفسه( على الطاير) ويومتها كل واحد فيكن بيجي بقللنا شو كان الفرع تبعه ( علمي ولا أدبي ) وقديش جمع علامات وشو ناوي يسجل ( يعني بالمشرمحي شو بيتوقع يطلعلو ) وشو ردة فعله و ردة فعل أهله على مجموعه
إذا موافقين وبتوعدوني تجو وتشاركو وما حدا يخجل لحتى حط المشاركة
يللا الموافقين يرفعو إيديهن

اللي اخد البكالوريا من شي عشر سنين مضت (وليييييييييييي ختيرنا

) فيه يحكي عن شعورو لما طلعت النتيجة؟؟؟؟

اذا بدك بحكيلك شو صار فيي يومتها هلأ وهون بهاد الموضوع واذا بدك بنطر عليك لحتى تنزل الموضوع الجديد هداك بعد كم شهر وبحكي

وشباب وصبايا انشاله موفقين وبتكون نتائجكن متل مابتتمنو

Liu Kang · 15/05/2006

يعني انا بدي اعرف شغلة بالنسبة لكتاب العلوم نحناا شو دخلنا بالصرصور متل ماقال اخ يائيل يعني تركو الدنيا كلها واجو عالصرصور بدهن يعلمونا التكاثر عند الصرصور ومو بس هيك قال سراخس وطحالب قال مشاااااااااااان الله هي بشو بتفيدناا الواحد والله صار 3 مرات بقدم باكلوريا ولا قدرت احفظ درس السراخس والطحالب ولا كللو كوم وكتاب الجبر كووم اتفه من هيك مادة بالرياضيات ما في ولا الو علاقة بالعلم قال شو زتينا حجر نرد وليرة شو احتمال وشو احتمال شي بيطقق ولا كتاب الفيزياء احسن الي فيه تجارب غلط عم يدرسونا اياهاا ولااا كتاب العربي لشوووو مو اضيع التعبير والفنوون ولك نحناا باكالوريا علمي بدهن يجيبو اجلنااا بعدين اذا مادة الديانة ما بيحسبوهاا لشووو عم يدرسونا اياهااا اااااااااااااه مشان الله قولووو ولا كتاب القراءة بمادة العربي بدك تدرس كتاب القراءة كللو على سؤال عليه 3 علامااااااااااااااات

Varon · 15/05/2006

هلا من كلشي ما لحقتولي غير الصرصور .!!!
خيو لك شو بدنا بالتابع انتهى ولا عمرو ما ينتهي ...ولا شو دخلنا بالمذاهب من عمكون سامي البارودي لل منفلوطي..انا الصراحة يئست ..هههههه
خيو بدك العالم تحط مجموعة ..؟؟انا بوعدك اذا كنت عايش لوقتا بحط لعيناك ..

marioma alghzayala · 15/05/2006

اقتباس:

كاتب النص الأصلي : Varon

هلا من كلشي ما لحقتولي غير الصرصور .!!!
خيو لك شو بدنا بالتابع انتهى ولا عمرو ما ينتهي ...ولا شو دخلنا بالمذاهب من عمكون سامي البارودي لل منفلوطي..انا الصراحة يئست ..هههههه
خيو بدك العالم تحط مجموعة ..؟؟انا بوعدك اذا كنت عايش لوقتا بحط لعيناك ..

لا لا حالتك متازمة .. لك شبنا ابو الليل ..

يائيل · 16/05/2006

اقتباس:

كاتب النص الأصلي : امرأة من ورق

اللي اخد البكالوريا من شي عشر سنين مضت (وليييييييييييي ختيرنا

) فيه يحكي عن شعورو لما طلعت النتيجة؟؟؟؟

اذا بدك بحكيلك شو صار فيي يومتها هلأ وهون بهاد الموضوع واذا بدك بنطر عليك لحتى تنزل الموضوع الجديد هداك بعد كم شهر وبحكي

وشباب وصبايا انشاله موفقين وبتكون نتائجكن متل مابتتمنو

والله بفضل إنو بلاها هلق لإنو كل واحد فينا كرهان حياته ومو جاي على بالنا نسمع شو رح يصير فينا يوم النتائج
معلش عيني امرأة من ورق سامحينا هالمرة ( لك قلتلك قوليلي اسمك ما رضيتي....لك والله طويل ومشكلته ما بتدخل عليه ياء النداء إذا بدنا نحكي بالعامية فشو الحل ) يعني كل مرة بدي قلك كيفك امرأة من ورق وكيف صحتك امرأة من ورق عالقليلة شي اسم دلع
يلللا خيتو بدي روح ادرس وشكراً كتير إلك لمواساتك إلنا بهالمحنة

أدوات الموضوع
عرض صفحة الطباعة إرسال هذه الصفحة إلى صديق