|
إذا كنت طالب باكالوريا تعال فش خلقك
إذا كنت متلي طالب باكلوريا :سوريا:
حاسس إنو الفحص قرب وما عاد قدران تحفظ شي :cry: كرهان حياتك من هالمنهاج المعت اللي كلو لعي عالفاضي :shock: عايف ربك من نق أهلك عليك : قوم ادروس , هاد مستقبلك, تحمل كم يوم بترتاح العمر كله , ليش قاعد طالب الباكالوريا ما لازم يرتاح ....... ومن هالحكي :aah: قرفان عيشتك لإنو قبل شوي فتحت أسئلة الدورات وما فهمت شي :( داق خلقك من غلاظة هدول اللي بيطلعو بالندوات التعليمية وببلشو يتفلسفو على ربنا:jakoush: مليت من الدراسة وبدك تفش خلقك وصلت حبيب تفضل لهون وبلش احكي اللي بقلبك وفش خلقك ولا تخلي مادة ولا أستاذ ولا مدير إلا والعن أبو فوت لهون وقول شو المادة اللي زاعجتك وأنو درس بالضبط وسب على أبو اللي عمل هالكتاب وإذا بدك لا تخلي ولا كلمة عاللي عم يحطو هالأسئلة بالفحص الأخير وخصوصاً منهم هدول اللي بيطلعو بالندوات التعليمية المهم إنو تفش خلقك لحتى ترجع تدرس ( إذا بدك تدرس ) وإنت مبسوط ومرتاح الدعوة مفتوحة كمان لكل طلاب الثانوي وخصوصا حبايب قلبي العواشر ربي إلهي يعينهن على هالنهاج الجديد يعني إذا شي مدرس مدخللكن شي سبعين درس بالفحص اللي جاي بعد كم أسبوع أو شي أستاذ كان قيللكن احفظو من الملخص بعين إجت الأسئلة من التربية فقاللكن أنا مالي علاقة وكل شي من هالقبيل فوتو كمان وأهلا وسهلا فيكن وقبل ما انهي كلامي بدي أهي غنية جايب هالقساوة منين لكل اللي بحطو أسئلة الباكالوريا التوقيع : يائيل علي , باكالوريا علمي |
أنا رح بلش
إنو بس بدي أعرف هالمحترم اللي حاطط كتاب العلوم من كل عقله مفكر إنو بدنا نحفظه كلله ...لعمى هاد بلوكة مو كتاب لك أنا شو بدي بالصرصور ولا بطحلب المدري شوإسمو بعدين أنا شو دخلني بأقسام الدماغ الداخلية ( يا داخل بين البصلة وقشرتها ما بنوبك غير ريحتها ) ولا وظائف المخيخ والصفحتين اللي وراه والله العظيم لعو قلبي وما انحفظو هلق كل ما عالم جاب ضفدع ومدري شضو عملو بدنا نحفظ الحكي اللي قاله لعمى بلكي الزلمة محشش لك يضرب كتاب العلوم واللي حط كتاب العلوم واللي عم يحط أسئلة العلوم وسلم تصحيح العلوم لعمى بقلبهن شو ما فيهن رحمة |
الحق كلو معك ياشريك بصراحة هون حطنا الجمال وخصوصا بالرياضيات مشان هيك شوف اقرا هل القصيدة ولاتزحل ايام وبتمضى :
خلاص يالرياضيات مليت...من معادلاتك ومسائلك هجيت صعوبتك تفتت الصخر تفتيت...وفي الأختبار أنا دجيت ومع الراسبين صفيت...وبسببك بكيت وونيت ومنك جلست في البيت...ومع الزقرت ضبيت من دروسك ياما عانيت...وبحصصك يا ما شقيت خلاص جنيت...وشعر رأسي شديت وحافي في الشارع مشيت...ومن أغلى الناس تبريت وعن الأكل صديت...وبعز الصيف شتيت وبسببك في الجيب باكيت...وبسببك أسمي نسيتة مدرسك يا ما ترجيت...وعللا إيديك حبيت ولشرعي عنيت...وفي أياما لا ما تهنيت ولو إني أموت تمنيت شلون شريك روقلي اعصابك شوي ام شان تزين المنتدى بعلملتك الحلوة |
الحمد لله خلصت من البكالوريا من زمان وقربت اتخرج من الجامعة
|
اقتباس:
حلوة كثــــــــــــــــــــــي ر الكلمات:oops: باش تحقق نجاح كبير في التوب فايف اذا دخلتها خاصة واحنا ع ابواب ~وشبابيك~ امتحانات وبالتوفيق للجمـــــــــــــــــــــ يع:سوريا: :سوريا: |
أنا طالب بكلوريا فايت بالحيط أو وصلت لمرحلة صار الحيط يفوت فيي يلعن أبو كل يللي حط العلوم فمثلا أنا إذا بدي صير مهندس لا سمح الله شوبيفيدوني الطفرات الوراثية وإذا بدي صير دكتور الله لا يقدر شوبيفدوني العلاقات بالمثلث والعربي ليش مناكل همو كل ما دق الكوز بالجرة وما إلو طعمة والديانة ما بتفيد غير انو بتكسر الطالب وبالكيمياء شو بدنا بصناعة الصابون والفيزياء شو بتفيدنا الكهرطيسية ولاإنكليزي ما عم يفيد بشي لانو يلي عم يتعلم إنكليزي هون بس يروح لاميركا كأنو ما تعلم شي
أما القومية فما الها طعمة وكلها حشو شو الواحد بدو يحكي ليحكي تركوها لربكون |
:lol: :lol: :lol: :lol:
i am bakloria too:clap: :clap: :clap: :gem: :gem: but why r u taking it that serious guy be like me come to US and have fun:lol: :lol: |
اقتباس:
بس شو هي علامات عالية ما علامات عالية نزعتها شريك طبعاً عم امزح معلم ... وإن شاء الله على قبال الكل |
اقتباس:
|
اقتباس:
ملعوبة هي شغلة الشبابيك لإنو عنجد نحنا منفوت عالإمتحان من الباب ومنطلع مدري من الحيط مدري من الشباك |
اقتباس:
أنا رح قلك بتقصر عمرنا وبتخلينا نركب نضارات كعب الفنجان وبتحطم نفسياتنا وفوق هيك بتخلينا نحس بالذنب لأخر عمرنا إنو ليش ما درسنا أكتر كنا جبنا علامات أكتر وفتنا فرع أحسن وعشنا حياة أفضل فبلاها قولتك مو أحسن من وجعة هالراس بس معلم أنا ما جبت سيرة القومية يعني أنا ما دخلني ( لك وين أخديني ) على فكرة أحلى مادة هي القومية لدرجة إنو على قد ما بحب دروسها بقعد بالدرس الواحد خمس ساعات ( بتعرف مالي نفس اتركها على قد مو لذيذة) |
اقتباس:
ما لكني بكندا عم أكول هوا لا fun ولا بطيخ اصفر |
اقتباس:
|
اقتباس:
|
اقتباس:
|
اقتباس:
|
ولك منك الو الو ..... شو عم تعملو هون ...... الامتحان عالبواب وانتو قاعدين عم تطقو حنك هون .......عم امزح شباب بالعكس قعدو غيرو جو شوي وبعدين رجعو عالدرس يعني انا سامحتلكن .....بس بدي قلكن الصراحة البكالوريا صعبة بس عن جد مو اصعب شي بالدنيا ...... يعني انشاله بتعيشو بتشوفو بلاوي التخرج وبلاوي الحياة اللي بتجي بعدو سواء كانت دراسات عليا او شغل
|
اقتباس:
هي حلوة منك هههههههه يعني الحق معك الفايت على قاعت الإمتحان مابيعرف من وين بيطلع يا من الشباك او من الباب :lol: ((صح التعبير)) ويسلمو دياتك على الكتابة الجميلة!!!!!!!!! |
| الساعة بإيدك هلق يا سيدي 10:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون