|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
28/08/2006
|
#1 | ||||||
|
مشرف
|
دورها و عطيني شحطه
 اجينا ورحنا ورحنا واجينا وبعدين مابيتغير شي كل شي على حالو يعني الشي يلي بنساوبي اليوم هو نفسو يلي ساوينا مبارح وبدنا نساوي بكره وبنرجع بنساويه بعد بكره ويلي بعدو يعني هيك الشغله دايره بدائرة مغلقه نص قطرها 2 سم يعني مافي خواص بدنا نلف وندور وندور ونلف حولين النقطه وهيك بدها تمشي القصه بس!!!!!؟؟؟ لحظه في شغلات بنعملها مرة وممكن نعيدها بس كل مرة بتكون مختلفه عن يلي قبلها وألها نكهة جديده مبارح وانا طالع بالسيارة رايح على الشغل طلعت غنيه لابو وديع بيغرد وبيقول احلى ايام العمر عمر السهر وصرت اتذكر ايام السهرات والليالي العامرة بالفرح احيانا وبالآسى اوقات تانيه بس كانت السهرات تبقى حلوة وهون حطنا ابو خليل الجمال .... يعني لما بتذكر كيف كنا نسهر للصبح واحنا قاعدين ومسلطنين على شي غنيه لام كلثوم او شي موال للعملاق وديع الصافي او حتى الاغاني الشعبيه ومواويل العتابا مع الكاس ..لا تسألو اي كاس اكيد المشروب يعني بصراحه العرق وشويه هالمازاوات قدام منا ونفس هالاركيله يلي مخلي الجو ضبابي والضحك والتخويت بالله كان الواحد ينسى همو وحتى لو كانت القعده فيها لمحه من الآسى بتلاقي نسايم البسمه عم داعب وجهك وبتصير تضحك ولو كنت عم تضحك من قرفك بس بتنبسط وبتعرف انو اليوم يلي عم يروح مارح يرجع لهيك ما في احلى من السهر ه والقعده الحلوة يعني انا واحد من الناس بدفع نص عمري لأسهر شي سهرة متل ايام السهر بسوريا صحي نسيت خبركن اني برا سوريا ويمكن هدا الشي يلي بخليني حن للسهرات لان اكيد الجو بسوريا هلئ كلو سهر ات وقعدات من يلي بحبن قلبي يعني هلئ بتلاقي فلان طالع هو وفلان على الساحل وبيتذكروني لما كنت اطلع متل المجنون بالليل على طرطوس بشان اسمع فيروز الصبح على الشط وفلان تاني بكون عم يشرب كاسه المته هو وتلاته تانيين وفاتيينها لعبه تركس والتخويت شغال او بكونو اصحابنا التانيين -لا حظولي هي التانيين -بيكونو سهرانين -ساعه بقرب الحبيب -ايييييييييييييييييه راحت علينا نفسي يرجع الوقت لورا شي سنه لارجع استمتع بكل لحظه من كل سهرة سهرتها انتو بعدكن معي..!!!!؟؟؟؟ طيب ليش ساكتين اتفضلو عطوني رايكن كيف بتحبو تكون سهرتكن وشو احلى سهرة ممكن الواحد يسهرها بس يرجع على البلد واسمحولي وجه شكر ل leoprad
كان اسمه.. .
لا تذكروا اسمه! خلوه في قلوبنا... لا تدعوا الكلمة تضيع في الهواء، كالرماد... "We ask the Syrian government to stop banning Akhawia" |
||||||
|
|
28/08/2006
|
#2 | ||||
|
عضو
-- زعيـــــــم --
|
اي دورها خيي وعطيني شحطة
 اليوم 28 آب والصيف عم بيودع وأنا ما حسيت بالصيفية السنة مع اني مو مغتربة ولا شي ما سهرت متل كل صيفية ولا رحت رحلات متل كل مرة ييييييييييييي على هالوضع أحلى شي الكزدورة المسا بعدين دق طرنيب بس بشرط واللي بيخسر يا ويلو من المسخرة تاني يوم يا الله ليش هيك عنجد الوقت اللي بيروح ما بيرجع أي دورها خيي وعطيني شحطة
أمام المواقف غير المتوقعة التي تضعنا فيها الحياة.
أحب أن يتبع المرء مزاجه السري,ويستسلم لأول فكرة تخطر بذهنه دون مفاضلتها أو مقارنتها بأخرى. فالفكرة الأولى دائما على حق مهما كانت شاذة وغريبة لأنها وحدها تشبهنا. ....... خلي حبنا يمشي ع المي وما يغرق |
||||
|
|
|
28/08/2006
|
#3 | |||||||
|
عضو
-- مستشــــــــــار --
|
اقتباس:
 نحنا لاعنا سهرات ولا عنا شي |
|||||||
|
|
|
28/08/2006
|
#6 | ||||||
|
عضو
-- أخ لهلوب --
|
أحلى سهرة!!!!!!!!!
أحلى سهرة وقت بتطلع عالضيعة يوم الخميس و بتروح عالساحة و بتلتقي مع رفقات ألك زمان ما شفتون....... هدول اصدقاء الطفولة، عرفتون ما هيك؟؟؟ يلي كانو معك بكل لحظة سعادة انت و صغير....... و بتصيرو تحكو سوا و تتذكروا كيف كبرتوا و ين صرتو من احلامكن.... و كمان احلى سهرة و قت يلي بتخلص شغل و بتروح بتقعد عالكورنيش قدام البحر انت و أعز رفقاتك ........ و تنفخ نفس اركيلة غير شكل و بتتطلع بوجه الناس يلي قاعد معون و بتحس بالحب يلي بعيونون كيف عم يضويلك كل حياتك.... الصداقة كتير حلوة يا ناس...... و احلى سهرة وقت لبتروح لعند خالتك ام ياسين انت و الشلة بالشتوية و بتقعدوا جنبا و بتكون هيي محضرتلكون هالاكل الطيب....... يي ذكرتني بأشيا كتيرة الله يسامحك!!!!!!
إنسانة بلا حدود
نحنا خلقنا من الحب...... و خلقنا لنحب و ننحب أنا أعيش و كأني سأموت في كل لحظة!!!!! |
||||||
|
|
|
29/08/2006
|
#7 | ||||||
|
مشرف متقاعد
|
دورها وعطيني مليون شحطة وقول الله وولع غيرها ولا تخاف
قلتلي احلى سهرة ما هيك.... لك ااااااااااااااااااااااااييييييييييييه ع وجع القلب الي عملته انت هلق... خيو متل ما قالت ري مي اليوم 28 آب لا وهلق صرنا 29 لانه الاعه 12 وشوي..المهم راحت الصيفية ورج ايلول ...وورقوا الاصفر شهر ايلول...تحت الشبابيك... اخ بس لو كنت هلق سهرانه ع سطوح ضيعتنا انا والغالي وعم نحكي ونمزح ونتقاتل ونعصب او سهرانه انا ورفيقتي ببيتهن ع البرنده والسد قدمنا ومنظر وهوى برد العمر.. او سهرانه انا واهلي عم نحكي نرغي ع العالم او سهرانه انا ورفقاتي بالضيعه وهنن بيلعبوا شدة وانا بتفرج ويتعايطوا ع بعض ويصرخوا وانا اضحك...ولك اخخخخخخخخخخخخخخخخخخخخخخ ع شي نفس اركيلة قدام البحر ... بكمل ولا حاجة؟ شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
29/08/2006
|
#8 | |||||||
|
مشرف متقاعد
|
اقتباس:
ورقو الأصفر - جوزف حرب ورقو الأصفر شهر أيلول تحت الشبابيك ذكرني و ورقو دهب مشغول ذكرني فيك رجع أيلول و أنت بعيد بغيمي حزيني قمرها وحيد بيصير يبكيني شتي أيلول و يفيقني عليك يا حبيبي ليالي شتي أيلول بتشبه عينيك يا ريت الريح إذا أنتا نسيت حبيبي أول الخريف و ما جيت ينساها الحور و قمرها يغيب و ليلا يطول و نبقى حبيبي غريبي و غريب أنا و أيلول |
|||||||
|
|
|
29/08/2006
|
#9 | ||||||
|
عضو
-- زعيـــــــم --
 |
لك أخ ما أحلى أيام السهر قولت أبونا وديع يا 26 سنة و يا عمر الولدنة و يا مين يرجعني صغير و ياخد مالك يا دني يا با أوف
أخلى سهرات سهرات البحر بيضل الواحد عل الشط عم يسكر لتطلع الشمس و عند الشروق بيكون الواحد عم يمر بأحلى لحظات حياتو
انسان بلا حدود
بين الرغبات الأبدية الجارفة...و الأقدار المعاكسة...كان قدري وكان الحب يأتي،متسللا إلي،من باب نصف مفتوح،وقلب نصف مغلق أجمل حب هو الذي نعثر عليه أثناء بحثنا عن شيء أخر |
||||||
|
|
|
29/08/2006
|
#11 | ||||||
|
عضو
-- قبضاي --
 |
مشان الله بس ... والله دمعوا عيوني
لك دخيل رب سورية وتراب سورية أنا هلأ شي شهر زمان ومسافر وصدقوني يا جماعة اني احياناً ببكي وبقول : كيف بدي اترك هالبلد ؟ اما عن السهرات فحدث ولا حرج انا من الشام والسهرة من الشام ولا احلى احلى لعبة تريكس بالربوة مع نفس أرغيلة وأصواتنا بتوصل للمريخ ونحنا عم نتخانق على اختيار او شب او أص ... او احلى سهرة بالشام القديمة بباب توما .. بباب شرقي .... لك آآآآخ واحلى احلى شي صحن فول من عند بوز الجدي بنص سوق الجمعة بعد نص الليل يا ويلي شو طيب وآخر شي اختمها ابريق موز وحليب عند ابو شاكر بالصالحية لك آآآآآآآخ .. من عند مين لح اشرب كوكتيل من بعدك يا ابو شاكر ؟ اما طلة قاسيون فلا حدا يذكرني بتحس حالك واقف بالسما والنجوم عم تضوي وكاشف الدنيا كلها والله شوفة بترد الروح لك آآآآآخ ويا ويلي ع البلد شو حلوة
آه يا شام.. كيف أشرح ما بي
وأنا فيـكِ دائمـاً مسكونُ أهي مجنونة بشوقي إليها... هذه الشام، أم أنا المجنون؟ شام.. يا شام.. يا أميرة حبي كيف ينسى غرامـه المجنون؟ ********* أبو اللول معكم دائماً :
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
29/08/2006
|
#12 | ||||||
|
عضو
-- مستشــــــــــار --
|
ذكرتوني واليوم 28اوت. خلصت الصيفية مو
اي خلصت وراحت معها ايام كتير حلوة متل ماراحت ايام العطل اللي كنا بنقضيها كلها بالسفر والسهر مع الاصدقاء الجداد اللي بنتعرف عليهم بالمكان اللي بنقضي فيه اجازتنا.بتذكر وقت كنا نتعرف على شلة ويوم بعد يوم بيزداد عددها وبتحلى السهرة.وباخر ايام الاجازة بنوعد بعضنا مشان السنة الجاية نقضي اجازة الصيفية بنفس المكان ونلتقي فيه.ما خلفنا الوعد وصرنا نتلاقى 4 سنين متابعة.بس ظروف كل شخص فينا ما تركت هالاربع سنين يتمددو ليوصلو للسنة الماضية وهالسنة والسنوات الجاية.يلا خلصت الصيفية بس لسى ذكريات حلوة بتضل بقلوبنا ولك اه
(¯`v´¯)غزلان زهرة نيسان(¯`v´¯)
(¯`v´¯)Le souvenir du bonheur n'est plus du bonheur ; le souvenir de la douleur est de la douleur encore.(¯`v´¯) (¯`v´¯)اخوية صبية وست الصبايا(¯`v´¯) |
||||||
|
|
|
29/08/2006
|
#15 | |||||||
|
عضو
-- قبضاي --
|
اقتباس:
.. مو معقولة انتي .. بكيتيني |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:56 (بحسب عمك غرينتش الكبير +3)