|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
30/04/2005
|
#1 | ||||
|
شبه عضو
-- اخ حرٍك --
 |
بعض المفردات التي يستخدمها أهالي حمص الكرام
هذه بعض المفردات التي يستخدمها أهالي حمص الكرام
بكسليت (دراجة هوائية) غال (مفتاح) ميكب (بيك اب) شديش(كم) ولا : آداة تستخدم في النهر والشتم دشرو : يعني حل عنو ماني غضران : يعني لست بقادر دشّرني : أي حل عني ... وحل عني يعني اتركني بحالي أيدي بزنارك : تعبير يستخدم للتعبير عن الرجاء دخيل الله : أيضاَ تعبير والمقصود به هو الاستغاثة بالله وضرّاب السخن : وهي مسبة.. وتعني .... مابعرف مسبة وبس يبعتلو حمى : أي تصيبه حمى ويمرض يتحورق : متل يبعتلو حمى يتقوص : بنفس المعنى يتأمع : كمان هيك شي وين غاطط : وين مو مبين والسبع تنعام : يعني إلنا الشرف حيط بياخذو وحيط بيجيو : تقال للي بيسكر من كتر الترنح مابيعرف الخمسة من الطمسه : عن الرجل اللي ماعندو ثقافة سرّي مرّي : عاللي بيخفق برات البيت شندي بندي : للي بيحكي بلا طعمه شروي غروي فايت بالحيط – طاقق الفيوز : للدلالة على انو ماعم يلاقي كلمة مناسبة مجنط : مفلس ولا قرش كحته : إيدو ماسكه .. بخيل شاطط ماطط : يعني مدلع زيادة نعيان : يعني قلبو بارد نايط = نعيان = بارد شاضومه : بنت مجلوئة .. يعني كيف بدي إلكن .... قليلة أدب ومصبينه شحاطة : مايلبسه المرء في قدمه عندما يكون في المنزل تعسيله : نومة بعض الظهر مسرسبة : يعني بتحب النظافة كتير أسسييع أوعى الزيت : بمعنى وسع وفسح طريق أغّيييييى : هي للأبضايات وبسعقلو جوزتين بخرج : يعني عقله صغير متل الأطرش بالزفة : يعني مالو علاقة بالموضوع حاج تحوص وتلوص : يعني حاجة تفتل وتدور شوية لرخار : بعد شوي بنت عمي : يعني مرتو وطبعاً بالعكس قطرميز= اناء زجاجي) مقعود = مربى مشمش او 00000) بيتنجان(باذنجان) على حيس رئّة : يعني شوي شوي سلحبة عم ياكل بعقلو حلاوة : يعني عم يجدبا على سماه عم يحفر كوسا : يعني عم ينكش بمناخيرو . عملك موشة : يعني جولة . غاسل ايدي منو : يعني قاطع الأمل منو غرفة ماشية ، آيمة آعدة : يعني منكوت كرارا . فئّر حناكك : يعني طق حنكك بايدي فاينة : يعني الزاحلة او الشغلة المو تمام فش نيعك : يعني حط ايدي جوات تمك لحتا ينملخ نيعك لءوي تشد إيدك : يعني لا تعتمد عليه كتير لاب : يعني دار لابس وشو عالمألوب : يعني مو رايئ وما عم يتحاكا . لألوء : يعني تبع . مأرّح : يعني مو قليل . مأطع موصل : يعني بيلعب على كل الحبال . مدجون : يعني عالموضة بس مو بسنو مدهرن : يعني عالموضة اكبر من سنو مربع ، أوضة : غرفة الضيوف بالبيت العربي . مفدوغ : مشقوق النء : طلب الشغلة بشكل متكرر باوقات متقاربة يعني تعيف سماه للواحد ( أكيد النسوان بيعرفوا ) النبيرة ، الدنكورة : وهي دعبولة بتطلع براس الواحد بعد ما ياكلو شي طرءة على راسو . نتع : حمل . ندف ، لطش ، سفئ : يعني اخد سلبطة . يرح رح : يعني شي في بسفلو مي . يردح : يعيط ويندب . يرغي : يحكي حكي بلا طعمة . يكش ، يبيض ، يسحب ، يقشط : يعني يكزب ويحكي قصص ومفكر العالم مسدءة يوك : جورة بالحيط بحطو فيا الفرش .شويط : هي الريحة يلي غالبا منشما لما تكون الام عم تطبخ وعم تحكي بالتلفون مع بنتا او اختا .. طجونة ، ششنية ، تبنية : يعني واعة معدن زغيرة طلع بالعالي : يعني عيط بصوت اعلا من صوت يلي عم يحكي معو عاطس القرد بوشو : يعني مو رايء وعم يخانء دبان وشو عاطسو من مناخيرو : يعني بيشبهو كتييييير العجولي : ما بعرف بس شغلة حمر اتكل ، زمر عالكوع ، عطي ضو ، هوينا : يعني حل عنا وفرقنا ، تركنا يعني . أرصة مفلفلة : يعني هي الأرصة يلي بتجي ماكنة وبكون تدرج ألوانا عالجلد حمرا بعدين زرقا بعدين خضرا وبتضل شاهدة على العصر خخخخخ . أشكرة ، أشكر خبر : يعني واضحة . اصحك تنبرء ، حاج تطول وتقصر ، اصحا يطئلك شي عرء : يعني لأوي آظااان : يعني الهيتر يا بعدي او السخاااان . آكل كم : يعني آكل بحالو مقلب . آلب عطّابة : يعني متوسخ آلب شحارة . أنبز ، نبّأ : يعني تناوء خخخخ ال يعني شرحناها يعني مممممم تطلع بس مد راسو بئّ : يعني كان عم يشرب مي وبء بقلب الكاسة يع عليه باب لخم : يعني ما فهمو شي سطلو سطل بالمشرمحي ، بالألم نشرح : يعني بالعربي الفصيح البونات : مخصصات من الدولة للسكر والشاي والرز للمواطنين الآكلين هوا التدع : يعني احترء من طرفو وهي للأكل والواعات . تدندل : يعني طخى راسو من قرنة عالية تمر تينة : ما بعرف بس بقولو لزق في متل التمر تينة معناتا شغلة بتلزق . تنح عبدك يا ربي : هي لما يسكر مخو للواحد وغير ربك ما عاد يفهمو حطة : هي الوجبة من الغسيل حندء بندء : يعني عازك وعوازك . خطاف الزعزع ، زعة : يعني بيجي عالسريع وبروح خطرة : يعني مرة او بزماناتو .. هي لما الواحد يكون بدو يحكي سيرة خطوف رجلك : يعني روح عالسريع ورجاع . خطيّ : حرام درخوشة ، زابوءة ، خلع : يعني حارة ديقة مكنكنة بس الخلع بيتميز انو سد . رايح بالعبطة : يعني رايح بالعجقة مو مبين . ممممممم يعني كانو يكون في عجقة والكل عم يحكي تقوم انت تلحش شي مسبة عالماشي بتقوم بتروح بالعبطة ... المسبة طبعا مو انت رايح بالعرض : يعني سمين ورايح بدنو كلو بخلفيتو رايح نيفا : يعني خالص سلامتك زرنئ : شرب المي من تم الواعة سواء كانت قنينة او غيرا بشرط ما يدق تمو فيا سءّ : يعني تمسيح المي يلي بتنكب بخرئة ناشفة . سرنوة : وحدة وشا ململم وسلالة من تحت لتحت . سكبة : يعني شوية اكل من عند الجيران سكملة : الطربيزة الزغيرة يلي بحطو عليا الضيافة من شاي وغيرو سلحب : يعني زمط انسحب بهدوء سنادة خاصرتو : يعني واحد وين ما راح بياخدو معو . شمع الخيط ، فركا : يعني هربا لانو بقولو لما يكون الواحد بردان ومناخيرو حمر بقولو مناخيرو متل العجولي |
||||
|
|
30/04/2005
|
#2 | ||||
|
عضو
-- قبضاي --
|
حلوة الفكرة .... خلونا نبلش بكل المدن ؟؟؟
أيها الكلاب الى حينا أنتم وكل كلاب الأرض مدعوون ...
فتفضلوا ومعكم سكاكينكم وشوككم وأدواتكم منكم الجبن والفعل ومنا الدم واللحم |
||||
|
|
|
30/04/2005
|
#3 | ||||||
|
مشرف متقاعد
|
شو مشان لا يقوم ماعاجبكون الحكي الحمصي
بالغرام هل كون ابتدى ..وياسلام مش بائي حدا ..
.وقلبي ئال عحالو اهتدى.......... بالغرام مافي نجوم مابدها قمر ...مافي ليل مابدو سهر مافي عيون مافيها نظر.. بالغرااااااااام رئيسة الحزب الكفوري أم وائل |
||||||
|
|
|
30/04/2005
|
#5 | |||||||
|
مشرف متقاعد
|
اقتباس:
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
|
02/05/2005
|
#6 | |||||||
|
أميـــــــــ
|
اقتباس:
ادعـــي علـــي بالموت.. ولا سمني
بس لا تفارقني دخيــل الله و تغيب طاري السفر يا بعد عمري همني شلون اودع في المطار اغلـــى حبيب :cry: تعال قبل تروح عني ضمني اقرب من انفاسي ترى حالي صعيب ابنتثر قدام عينك لمني وابسألك هل نلتقي عما قريب نسيت حتي اسمي دخيلك سمني باللى تسمينى البيلك واجيب مجنون عاقل ما علي من لامني انا مع نفسي واحس اني غريب |
|||||||
|
|
|
02/05/2005
|
#7 | |||||||
|
عضو
-- زعيـــــــم --
 |
اقتباس:
الحياة سيجارة طبعاً سيجارة
HASHiiIIIIIIIIIIIIIIIIIiiiiiiiSH مو غلط الواحد يسمع جاد شويري الحياة سيجارة ممكن أكتر يعني تقريباً كروز أو أكتر....... يعني تقريباً هيك شي بس السيجارة هي الأساس يا أخي الحياة سيجارة فعلاً......الحياة سيجارة |
|||||||
|
|
|
02/05/2005
|
#9 | |||||||
|
عضو
-- زعيـــــــم --
|
اقتباس:
لك ليش في حدا بيسترجي يحكي على حمص |
|||||||
|
|
|
02/05/2005
|
#10 | ||||||
|
عضو
-- قبضاي --
|
اقتباس:
الفكرة أنو ماحدا بيطلعلو يحكي على حمص ... أبتداء من الوعر و انتهاء بجورة الشياح مرورا على الدبلان ... بالمناسب أنا بظن أنو أهل حمص هني أعلى سوية علمية و أكتر تحصيل علمي عالي بكل الموزمبيق ... |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:06 (بحسب عمك غرينتش الكبير +3)