silin · 26/03/2006

انا بحس انو الاهل والمجتمع بحد ذاتو معطي الشب اكتر من حقو بكتير
وحتى منشوف انو معظم النساء برضخ للامر الواقع

مثلا:

-اذا شب وبنت عملو غلط (زنا) رح يكون مصير الشب غير تماما عن مصير البنت
-واذا الاهل شافوا ابنن الشب عم يحكي على التلفون مع شي بنت رح يقولو شــــب وينبسطو امااااا اذا شافوا بنتن عم تحكي مع شي شب على التلفون يا ويلاااا ويا سواد ليلاااا

لناخد اول شي عن الزنا ... عنّا بالمجتمعات الشرقية بتلاقو انو الشب كتير عادي اذا ضهر بمعنى تاني يعني.. مع شي بنت هوووون قبل ما يتزوج كتير عادي بتفكيرن (للبنات)(اكيد ما الكل)
ورح يتزوجو بكل بساطة وكانو ما عمل شي ولا صار شي
اما البنت اذا عملت شي (طبعا انا ضد 100% للجهتين) ويكتشف زوجا بأول يوم انو ما عذراء رح تقوم القيامة وتتجرس ويمكن يؤدي فيها هلشي للموت ورح تذل اهلا الخ....

وتاني شي عن قصة انو يكون في عند الجهتين اصدقاء من الجنسين
الشب كتير عادي رح يصادق ويحكي على التلفون معن ورح يضهر ويشم الهوا ويعمل كل شي بدو ياه.... اما البنت اذا ابســــــط شي حكيت مع رفقاتا على التلفون وشافوها اهلا رح يصير في مجزرة بالبيت ورح تاكل قتلة مرتبة وفي منن اد ما هنّي متخلفين بيفصلوها من المدرسة ورح يحرموها من المصروف .....

بتعرفوا لي عملت هلموضوع لانو انا كمان برأي انو كل هلشي صحيح ولازم يكون يعني البنت لما تعمل شي متل الزنا رح تفقد اغلى شي عندا بالحياة اما الشب ما رح يصير شي
هيدا من جهة
بس انا ضد الفكرة التانية يعني لازم الاهل ما يحبسوا البنت ويعطوها ثقة بنفسا حتى تواجه الحياة بمفردا

كتير منلاقي هلمشكلة بمجتمعاتنا العربية واكيد انا ما عم اجمل الكل
فشو رأيكن

silin · 26/03/2006

اســــــــفة غلطت بكتابة العنوان

الفرق بين غلطت الشاب وغلطت البنت

المستحيل · 26/03/2006

لأنو يا ست سيلين هي هية الحياة وهاد هو مجتمعنا ومن فترة حد واحد من الشباب قصة على هل الموضوع اللي عم تحكي فيه اذا بتزكريي لاني بضل اسمنا مجتمع شرقي واي واحد بدو يفكر بمنطق شرقي ولو ما هيك كان الكل عمل اللي بدو ياه ومعع كل هل الشي البنات ما عم يقصرو يعني كمان انا معك مو الكل اكيد في نسبة لهل الشي اللي عم تحكيه يعني الوحدة لو ما بدها تواعد شب ما بتواعدو واذا هية بدها هل الشي بتحدا كل شي بس من شان تواعدو وكل هل الشي بينعكس من البنت ذاتها تربيتها واخلاقها يعين اذا هية عم تشوف مثلا اخوها ادامها عم يعمل هل الشي رح تعمل هية وتقول ليه بس اخي وانا محرم عللي المهم وكلها بالاخير هنن الاهل اللي بيكونو متحملين اكبر الغلط بهل الشي
مشكورة يا سيلين

ِAbu Alzooz · 27/03/2006

ما بتسمعي المتل الشرقي يلي بيقلق
مخ الرجال بين فخادو
وشرف البنت بين فخادها

(((الجنرال أبوجعفرالورد))) · 27/03/2006

اقتباس:

كاتب النص الأصلي : ابو وليم

ما بتسمعي المتل الشرقي يلي بيقلق
مخ الرجال بين فخادو
وشرف البنت بين فخادها

ملعوبة ....... أحلى أبو وليم والله ......... هههههههههه

كلامك صحيح ....... بس نحنا بمجتمع شرقي ..... هيك التقاليد جرت ..... بس مو كل العالم بتتقيد فيا ............. تحياتي ألك ......

كريم ايوب · 27/03/2006

يجب على البنت ان تصارح اهلها بانها على علاقة شريفة بشاب تهوى

كي لا يصل خبر كاذب الى الاهل وعندها لم يكن اي اشكال

نحنو في القرن 21

omran · 27/03/2006

كلام سيلين سليم
بس عطونا حلول
انا برأي انو لازم يكون التصحيح اعتبارا منا نحنا
يعني شلة أخوية من أعمار متفاوتة منهم متزوج (أقلية)
ومنهم رح يتزوج(ألف مبروك)
ومنهم عشقان و بدو يخطب
ومنهم ما بيفكر حتى ب الزواج (حاليا متلي)
فــــــــــــــــــــــــ ـــــــــــــــــــــــــ ـــــــــــــــــــــــــ ـــــ
لازم نحنا نعلم اولادنا على هذه الاساسيات و نجنيبهم الوقوع في الخطأ (الزنا مثلا)
خلنا نحكي عن الزنا
يعني للأسف محرم الكلام والتوجيه من الأهل في العلاقة الجنسية بسبب الخحل أحيانا او اسباب اخرى

silin · 27/03/2006

شكرا على ردودكن جميعا

ولا ابو وليم شو هلمثل هيدا من وين جايبوا

والله يعطي هلنوع من الناس(يلي حكيت معنن) العقل والادراك لشو عم يعملوا

**zen** · 27/03/2006

شو هالحكي سيلين
كيف يعني هي بتفقد اغلى شي بتملكوا وهو ما بيفقد هالشي
هلق برائيك هاد اغلي بتملكوا البنت

اذا البنات هيك بيفكرو ما راح نعتب على الباقي
يا حياتي
اي انسان معرض للغلط وبيرجع عنو الانسان بنت ان كان او شب
مو ملائكة
بعدين الزاني والزانية هيك بيقولوا بالدين انو الزاني بيتعاقب قبل الزانية

عنا قصور وتخلف بالتفكير
عنجد مع ني ذكر صرت حس حالي عايش بمجتمع زكوري متخلف

silin · 27/03/2006

بس يا زين هيدي الحقيقة بتحس الشب عندو حريّة اكتر بكتير من البنت بالمجتمع العربي
انو انا ما عم قول انو هيي لازم تعمل شي لانو الشب عم يعمل لا بالعكس
انا ضد مفهوم الحريّة الزايدة للشب
يعني لا هيي لازم ترضى انو تاخد واحد من هلنوع
ولا هو يرضى بهيدا الشي

واكيد ما في حدا معصوم عن الخطء الكل بيغلط
بس انا هون عم قيّم الكل

toocoolfriend · 27/03/2006

اقتباس:

كاتب النص الأصلي : zen

شو هالحكي سيلين
كيف يعني هي بتفقد اغلى شي بتملكوا وهو ما بيفقد هالشي
هلق برائيك هاد اغلي بتملكوا البنت

اذا البنات هيك بيفكرو ما راح نعتب على الباقي
يا حياتي
اي انسان معرض للغلط وبيرجع عنو الانسان بنت ان كان او شب
مو ملائكة
بعدين الزاني والزانية هيك بيقولوا بالدين انو الزاني بيتعاقب قبل الزانية

عنا قصور وتخلف بالتفكير
عنجد مع ني ذكر صرت حس حالي عايش بمجتمع زكوري متخلف

ما تناقشها مش رح تقتنع

toocoolfriend · 27/03/2006

أنا من ناحيتي ما رح علق

عشان طلع الشعر علساني بس ما كانت تقتنع. قال هيك المجتمع ونحنا ما فينا نغيرو
يا ريتها اقتنعت انو التغيير ببلش مننا.

بس شو بدنا نعمل