|
{{ الفرق بين غلطة الشاب وغلطة البنت }}
انا بحس انو الاهل والمجتمع بحد ذاتو معطي الشب اكتر من حقو بكتير
وحتى منشوف انو معظم النساء برضخ للامر الواقع مثلا: -اذا شب وبنت عملو غلط (زنا) رح يكون مصير الشب غير تماما عن مصير البنت -واذا الاهل شافوا ابنن الشب عم يحكي على التلفون مع شي بنت رح يقولو شــــب وينبسطو امااااا اذا شافوا بنتن عم تحكي مع شي شب على التلفون يا ويلاااا ويا سواد ليلاااا لناخد اول شي عن الزنا ... عنّا بالمجتمعات الشرقية بتلاقو انو الشب كتير عادي اذا ضهر بمعنى تاني يعني.. مع شي بنت هوووون قبل ما يتزوج كتير عادي بتفكيرن (للبنات)(اكيد ما الكل) ورح يتزوجو بكل بساطة وكانو ما عمل شي ولا صار شي اما البنت اذا عملت شي (طبعا انا ضد 100% للجهتين) ويكتشف زوجا بأول يوم انو ما عذراء رح تقوم القيامة وتتجرس ويمكن يؤدي فيها هلشي للموت ورح تذل اهلا الخ.... وتاني شي عن قصة انو يكون في عند الجهتين اصدقاء من الجنسين الشب كتير عادي رح يصادق ويحكي على التلفون معن ورح يضهر ويشم الهوا ويعمل كل شي بدو ياه.... اما البنت اذا ابســــــط شي حكيت مع رفقاتا على التلفون وشافوها اهلا رح يصير في مجزرة بالبيت ورح تاكل قتلة مرتبة وفي منن اد ما هنّي متخلفين بيفصلوها من المدرسة ورح يحرموها من المصروف ..... بتعرفوا لي عملت هلموضوع لانو انا كمان برأي انو كل هلشي صحيح ولازم يكون يعني البنت لما تعمل شي متل الزنا رح تفقد اغلى شي عندا بالحياة اما الشب ما رح يصير شي هيدا من جهة بس انا ضد الفكرة التانية يعني لازم الاهل ما يحبسوا البنت ويعطوها ثقة بنفسا حتى تواجه الحياة بمفردا كتير منلاقي هلمشكلة بمجتمعاتنا العربية واكيد انا ما عم اجمل الكل فشو رأيكن |
اســــــــفة غلطت بكتابة العنوان
الفرق بين غلطت الشاب وغلطت البنت |
لأنو يا ست سيلين هي هية الحياة وهاد هو مجتمعنا ومن فترة حد واحد من الشباب قصة على هل الموضوع اللي عم تحكي فيه اذا بتزكريي لاني بضل اسمنا مجتمع شرقي واي واحد بدو يفكر بمنطق شرقي ولو ما هيك كان الكل عمل اللي بدو ياه ومعع كل هل الشي البنات ما عم يقصرو يعني كمان انا معك مو الكل اكيد في نسبة لهل الشي اللي عم تحكيه يعني الوحدة لو ما بدها تواعد شب ما بتواعدو واذا هية بدها هل الشي بتحدا كل شي بس من شان تواعدو وكل هل الشي بينعكس من البنت ذاتها تربيتها واخلاقها يعين اذا هية عم تشوف مثلا اخوها ادامها عم يعمل هل الشي رح تعمل هية وتقول ليه بس اخي وانا محرم عللي المهم وكلها بالاخير هنن الاهل اللي بيكونو متحملين اكبر الغلط بهل الشي
مشكورة يا سيلين |
ما بتسمعي المتل الشرقي يلي بيقلق
مخ الرجال بين فخادو وشرف البنت بين فخادها |
اقتباس:
كلامك صحيح ....... بس نحنا بمجتمع شرقي ..... هيك التقاليد جرت ..... بس مو كل العالم بتتقيد فيا ............. تحياتي ألك ...... |
يجب على البنت ان تصارح اهلها بانها على علاقة شريفة بشاب تهوى
كي لا يصل خبر كاذب الى الاهل وعندها لم يكن اي اشكال نحنو في القرن 21 |
كلام سيلين سليم
بس عطونا حلول انا برأي انو لازم يكون التصحيح اعتبارا منا نحنا يعني شلة أخوية من أعمار متفاوتة منهم متزوج (أقلية) ومنهم رح يتزوج(ألف مبروك) ومنهم عشقان و بدو يخطب ومنهم ما بيفكر حتى ب الزواج (حاليا متلي) فــــــــــــــــــــــــ ـــــــــــــــــــــــــ ـــــــــــــــــــــــــ ـــــ لازم نحنا نعلم اولادنا على هذه الاساسيات و نجنيبهم الوقوع في الخطأ (الزنا مثلا) خلنا نحكي عن الزنا يعني للأسف محرم الكلام والتوجيه من الأهل في العلاقة الجنسية بسبب الخحل أحيانا او اسباب اخرى |
شكرا على ردودكن جميعا
ولا ابو وليم شو هلمثل هيدا من وين جايبوا:shock: :shock: :shock: :shock: :shock: والله يعطي هلنوع من الناس(يلي حكيت معنن) العقل والادراك لشو عم يعملوا |
:aah: :aah: :aah: :aah: :aah: :aah: :aah:
شو هالحكي سيلين كيف يعني هي بتفقد اغلى شي بتملكوا وهو ما بيفقد هالشي هلق برائيك هاد اغلي بتملكوا البنت :cry: :cry: :cry: :cry: :cry: اذا البنات هيك بيفكرو ما راح نعتب على الباقي يا حياتي اي انسان معرض للغلط وبيرجع عنو الانسان بنت ان كان او شب مو ملائكة بعدين الزاني والزانية هيك بيقولوا بالدين انو الزاني بيتعاقب قبل الزانية :jakoush: :jakoush: :jakoush: :jakoush: عنا قصور وتخلف بالتفكير عنجد مع ني ذكر صرت حس حالي عايش بمجتمع زكوري متخلف :? :? :? :? :? |
بس يا زين هيدي الحقيقة بتحس الشب عندو حريّة اكتر بكتير من البنت بالمجتمع العربي
انو انا ما عم قول انو هيي لازم تعمل شي لانو الشب عم يعمل لا بالعكس انا ضد مفهوم الحريّة الزايدة للشب يعني لا هيي لازم ترضى انو تاخد واحد من هلنوع ولا هو يرضى بهيدا الشي واكيد ما في حدا معصوم عن الخطء الكل بيغلط بس انا هون عم قيّم الكل |
اقتباس:
|
أنا من ناحيتي ما رح علق
عشان طلع الشعر علساني بس ما كانت تقتنع. قال هيك المجتمع ونحنا ما فينا نغيرو يا ريتها اقتنعت انو التغيير ببلش مننا. بس شو بدنا نعمل |
اسكت ولا دب
انا غيرت رأي بس بعد حوار بيني وبين نفسي انت ما الك دخل بشي |
كذابة
انتي غيرتي رأيك من ورايي بس لا وعيك وغرورك خلاكي تفكري انو مش من ورايي |
روح نام ولا شو لحالك يلي بتفكر هيك
كه كه كه |
اقتباس:
يعني العنوان الغلط هو الي خلاني أدخل عالموضوع :p ولو كتبتي العنوان الصحيح كنت مادخلت لأني بعرف النقاش بهيك مواضيع كيف بيكون :wink1: |
اي الله يستر من الأعظم :pos:
|
موضوع غير شكل
ياسلاااااااااام شوووووو هالموضوع هادا
بعدين انتي يا انسة ليش حاسك مقهورة وكتبتي هادا الموضوع من قهرك وحقدك على المجتمع اللي انت عايشة فيه:? :? :? :? هيك مجتمعنا وهيك عاداتنا وتقاليدنا ليش هالزعل ;-) ;-) ;-) وبعدين مين قلك انوووووو اذا أهل الشب حسوووو عليه انووووووو عبيحكي مع بنت بمشولو ياها وبيحسبوااااااا عادية بحب قلك انووووووو انت غلطانة كتير بهالكلام:pos: :pos: :pos: :pos: :pos: :pos: |
| الساعة بإيدك هلق يا سيدي 04:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون