|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
17/10/2008
|
#1 | ||||||
|
مشرف متقاعد
|
فـيـروز واخـر الـلـيـل
بالطبيعة.... الواحد ييصحى من نومو ع صوت فيروز ليروق ع ريحة الياسمين وقهوتو بالجنينة..بس يا جماعه بما انو انا عطول بمشي عطراف الدني و بتمشي الدني بعكسي .. فقلبت و صار الطبيعي عندي اسمع فيرز باخر الليل وقت الدنيا كلها بتكون ساكته و هدول و حتى العصافير نايمه .. و مافي بالجو غير صوت فيروز الملائكي و شوي عتمه و برد .... فيروز باخر الليل بتخلق حالة من الحنين غريب لشي مو معروف..لشي يخليك تصفن.. وتعيد حساباتك.. وانت عايش بحالة من الروحانية مستحيل تقدر تعيشا باي وضع تاني... مرة من مرات فيروز واخر الليل.. خبرتني انو الكذبة مش خطية... وخبرتني عن سهرتي الطويلة مع القمر... مافي احلى من النومة ع صوت فيروز.... بتحس صوتا بيضل يتغلغل لجواتك... وبتغفل وانت سامع صوتها جواتكك...فاحلام سعيدة ياعزيزي 
قالت سفيرتي للنجوم الكذبة مش خطية
الصفر اكبر من اي عدد اصغر منو أنـا لـحـبـيـبـي وحـبـيـبـي إلـي، فـيـا عـوازل فـلـفـلـو... لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي بكرا التغيير جاي على ايدنا نحنا جايي... Baby!! you are like my own personal brand of heroin |
||||||
|
|
17/10/2008
|
#2 | ||||||
|
عضو
-- مستشــــــــــار --
|
اسلوبك يجنن بجد الكلام فى تصوير جميل اوى
معايا فيروز هى الوحيدة اللى بقدر اسمعها فى كل الاوقات فى الصصبح او المسا وحتى اخر الليل يعنى عكس كل المطربين الاخرين يعنى انا كتير بعشق ام كلثوم بس ما بقدر اسمعها غير بالليل ومابتظبط معى ابدا اذا حاولت بالنهار فيروز هى سيدة الوقت
ورؤوس الناس على جثث الحيوانات
ورؤوس الحيوانات على جثث الناس فتحسس رأسك فتحسس رأسك! اذا كان احد قد اعترض طريقنا فمن المحتمل ان نكون نحن قد اعترضنا طريق شخص ما. فأنا التى اخترت منذ البداية ان اخسر العالم كله على أمل ان اربح نفسى. |
||||||
|
|
|
17/10/2008
|
#3 | ||||||
|
عضو
-- أخ لهلوب --
|
انا معك صديقتي ...انا عندي list at my player خصوصي لفيروز ب الليل....فيا اغاني معينة بس...
لغة الصدق سهلة دائما.
|
||||||
|
|
|
17/10/2008
|
#4 | ||||||
|
عضو
-- مستشــــــــــار --
  |
اي عنجد انا مجربها من قبل
انو ما عندي مشكلة اسمعها 24 ساعة باليوم بس بعدين صرت نام على صوت زياد حصرا
"We ask the Syrian government to stop banning Akhawia
اخوية باقية.. بقينا ام لم نبقى... |
||||||
|
|
|
17/10/2008
|
#5 | ||||||
|
عضو
-- قبضاي --
|
فيروز تعيد لي ذكريات مبعثرة مع كلماتها وتغمرني حزن بصوتها اصبحت لا اتجرأ احيانا ان اسمع لفيروز اشعر وكأنها كانت حكاية قديمة طوى عليها الزمن مع كل صرخة من صرخاتها ...
من دواعي سرورك ان تغوص في اعماق صورتك
تمضها بعينيك وذرايعك وقلبك يلهو احيانا بخفقانه وبصخب هذه الشكوى الوحشية المتمردة فانتما تغمضان لا تبوحان |
||||||
|
|
|
17/10/2008
|
#6 | ||||||
|
عضو
-- مستشــــــــــار --
|
صراحة بكل الاوقات .. بتنسمع ..
صوت ملايكي .. وكتير حنون .. 
شاورما ©
كمّون © Calculater © " لو .. رجعت الشام .. لـ حضن الشام .." 2011 |
||||||
|
|
|
17/10/2008
|
#7 | |||||||
|
مشرف متقاعد
|
ههههه لك مو ئلتلك هون من اول ما رديتي
 فيروز صوت بضمنلك يكون نهارك حلو...بيعطيك جرعة رواق بتكفيك لفترة طويلة صوت بعيش معك الحالة الي انتا عايشا هاي مسجلتا عندي من بصمات من كلمات زكرني موضوعك فيها بس ما بعرف لمين : اقتباس:
يا خسارة...عيب والله عيب
One thing you can be sure of I'll never ask for more than your love Shine your light on this heart of mine آخر تعديل fofo besset syria يوم 17/10/2008 في 23:22. |
|||||||
|
|
|
18/10/2008
|
#10 | ||||||
|
عضو
-- مستشــــــــــار --
|
فيروز وقت الصبح
وفيروز وقت الضهر وفيروز قبل النوم وفيروز وانا نايمة فيروز بكل الاوقات الامل الذي ينير الدرب والحنان الذي يريح القلب
ياوطني يسعد صباحك
متى الحزن يطلق سراحك الابتسامة النبيلة هي التي تخرج من قلب يبكي هكذا انا قررت ((((*(*(*(*(*(*(*عصابة الملوك *)*)*)*)*)*)*) )))) |
||||||
|
|
|
18/10/2008
|
#12 | ||||
|
مشرف
|
قليلة .. انو قليلة لما مع فيروز المسا يبين كل شي احلى .. كل ما ضب جناحو هالليل منهرب مع العتمة عشباك مليان ذكريات منختصر مستقبلنا بماضي عشناه بحلوو .. بمرّو .. بس بيضلو حلو . قليلة لما اسمع فيروز المسا.. بتذكر صوت المطر لما ينئر عشباكي وريحتو الي رغم من انها "بلا كحول" لكن كنت اسكر عليها بليالي تشرين الباردة والقمر المتخبي ورا الغيوم . قليلة لما مع فيروز المسا ... يحضر لبالنا الكستنا المشوية عالصوبية ... يحضر لبالنا أنينة نبيد ... احمرّت خجل من البرد ومن صوت فيروز ... منتذكر شوارع دمشق القديمة ... وياسمينها لما نمر عليها بعيوننّا .. خوفاً من انو نأذيها بايدينا ... مع فيروز .. والمسا دونما الصبح ... ما بقدر اتذكر الا ايام الطفولة .. ايام الولدنة بالحارة .. الزوايا اللي تخبينا فيها ياما وياما .. من اهلنا .. رفقاتنا .. مستقبل عمينطرنا ... المهم نتخبى .. بطفولتنا مع فيروز المسا .. ما بقدر اتذكر الا احلامي .. ضحكات ... نسمات نيسان ... فجع مجنون لكل شي... بس مع فيروز المسا . ومن هون : بليل وشتي صوتن مسموع رتروت .... كبيرة كتير كتير
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||
|
|
|
18/10/2008
|
#13 | ||||||
|
مشرف متقاعد
|
فيروز ؟؟
قصة طويلييييييييي 
انا بحبك وانت بتحبني ..وفخار يطبش بعضو
i miss you ....:sosad: الخطأ الوحيد الذي يرتكبه الانسان هو الخطأ الذي لايتعلم منه شيئاً. |
||||||
|
|
|
18/10/2008
|
#14 | ||||||
|
عضو
-- مستشــــــــــار --
|
انا بسمع فيروز ايمتا ما كان
الصبح مشان صحصح و بليل مشان حاول انعس يعني يروز مالها وقت بس للصراحة بموت بماجدة قبل النوم ________________________ فعول: بس الاهم من هيك انو لازم اسمع فهد بلان قبل الأكل
*** لنصير مزبلة و بدون تاريخ ***
"محمد الماغوط " حطم سيفك , تناول فأسك , و اتبعني و ازرع السلام و المحبة في كبد الأرض "رسالة الرب بعل إلى شعبه السوري " عالوعد يا كمون أخوية ... أبو وليام على طول الدرب |
||||||
|
|
|
18/10/2008
|
#15 | |||||||
|
عضو
-- مستشــــــــــار --
|
اقتباس:
أجمل الأمهات ..... التي انتظرت ابنها ..... أجمل الأمهات التي انتظرته
وعاد ..... ..... عاد مستشهدا ..... ...... فبكت دمعتين و وردة ...... ولم تنزوي في ثياب الحداد آه ياريتا على فقيدك ... بحبك بلا ولا شي... بحبك يا ضيعتي البعيدة بيت ياشوط... |
|||||||
|
|
|
18/10/2008
|
#16 | |||||||||||||||
|
مشرف متقاعد
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
شكرا ع التشجيع |
|||||||||||||||
|
|
|
18/10/2008
|
#17 | ||||||||||
|
مشرف متقاعد
|
اقتباس:
ماهوي ياعزيزي الذكريات والاحاسيس الملخبطة يللي بتعيشنا فيها فيروز... هوي اللي بيسبب الخوف من سماعا... بس انا وصلت لمرحلة انو كل ماخفت من فيروز كل ماسمعتا اكتر اقتباس:
اقتباس:
اقتباس:
فيروز ورموزها كلهون...بيخلوك تصفن... وتعرفك عنجد شو معنى حياتنا... ليش قولتك قليلة فيروز...الضهر... مع نفس الاركيلة...مع كل سحبة بتسحبها ونفس بتطالعو...بتلاقيا عم تصدح بتقلك وتخبرك ع اللي ناقصك...بتمرقلك صور ومقاطع من حياتك... انت كنت نسيانون ثانكس اغين |
||||||||||
|
|
|
18/10/2008
|
#18 | |||||
|
مشرف
|
اقتباس:
من فترة .. قبل ما نطبس  كنت ضل حاطط الحزن بالجرن .. ومقضيها .. اول غنية واخر غنية بسمعها بالليل ... قديش كان في ناس .. انو بتوجع كتير كانت بالنسبة الي .. تولدلي احساس بالوحدة - حزن - وجع - فرائ .... اتذكر كتير شغلات ما المفروض انو اتذكرها .. شغلات كنت مقضي سنين لحاول مجرد محاولة انو انساها ... تجيني فيروز بآخر السهر تذكرني فيهن .. يمكن تمر لحظات فيهن ابكي ( مع انو نادراً لابكي انا مش لانو بصفتي رجل وما يفترض انو ابكي متل ما هوي سائد انما ما بعرف بس المهم ماني متعود اني ابكي يمكن لانو ما في شي مستاهل البكي ) لكن رغم كل ذلك تبكيني فيروز .. ومع ذلك هالدمعة اللي تنزل تكون باردة كتير ... هالدمعة اللي تردلي الروح .. هالدمعة اللي دايما بتذكرني لما مرة بالليل حطيت راسي عكتف قاسيون ونمت عهي الغنية بالذات ... هي الغنية اللي ما كنت اسمعها الا بالليل ... وهي الغنية اللي كانت تجبرني غصب عن انفي .. انو فيق عليها ... وكانت توجعني كتير . وهلئ ... بحالة اعتبرها اني بافضل احوالي نفسياً .. كلو فينا نقول مستقر .. خصوصاً الوضع العاطفي مع انو كلمات هالغنية بالذات بتوحي بكتير وجع ... لكن مع ذلك .. بسمعها .. بتفائل كتير ... بنبسط كتير .. وبحب  أكتر من قبل ... يمكن الكلمات ما بتعنيلي أكتر ما يعنيلي صوت فيروز .. بهي الغنية او لربما .. بتحمل كلمات ومصطلحات ... بعشقها كتير .. انو شتي ومطر وناس وحيطان وطرقات .. وانتظار ... *رتروت ... المقال اللي ذكرتيه تبع أمين معلوف .. للأسف ما حصلي الشرف اني اقراه .. ازا بتبرفتيلنا ياه فانو هي كلها الك |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:07 (بحسب عمك غرينتش الكبير +3)