|
فـيـروز واخـر الـلـيـل
بالطبيعة.... الواحد ييصحى من نومو ع صوت فيروز ليروق ع ريحة الياسمين وقهوتو بالجنينة..بس يا جماعه بما انو انا عطول بمشي عطراف الدني و بتمشي الدني بعكسي .. فقلبت و صار الطبيعي عندي اسمع فيرز باخر الليل وقت الدنيا كلها بتكون ساكته و هدول و حتى العصافير نايمه .. و مافي بالجو غير صوت فيروز الملائكي و شوي عتمه و برد .... فيروز باخر الليل بتخلق حالة من الحنين غريب لشي مو معروف..لشي يخليك تصفن.. وتعيد حساباتك.. وانت عايش بحالة من الروحانية مستحيل تقدر تعيشا باي وضع تاني... مرة من مرات فيروز واخر الليل.. خبرتني انو الكذبة مش خطية... وخبرتني عن سهرتي الطويلة مع القمر... مافي احلى من النومة ع صوت فيروز.... بتحس صوتا بيضل يتغلغل لجواتك... وبتغفل وانت سامع صوتها جواتكك...فاحلام سعيدة ياعزيزي  |
اسلوبك يجنن بجد الكلام فى تصوير جميل اوى
معايا فيروز هى الوحيدة اللى بقدر اسمعها فى كل الاوقات فى الصصبح او المسا وحتى اخر الليل يعنى عكس كل المطربين الاخرين يعنى انا كتير بعشق ام كلثوم بس ما بقدر اسمعها غير بالليل ومابتظبط معى ابدا اذا حاولت بالنهار فيروز هى سيدة الوقت |
انا معك صديقتي ...انا عندي list at my player خصوصي لفيروز ب الليل....فيا اغاني معينة بس...
|
اي عنجد انا مجربها من قبل
انو ما عندي مشكلة اسمعها 24 ساعة باليوم بس بعدين صرت نام على صوت زياد حصرا |
فيروز تعيد لي ذكريات مبعثرة مع كلماتها وتغمرني حزن بصوتها اصبحت لا اتجرأ احيانا ان اسمع لفيروز اشعر وكأنها كانت حكاية قديمة طوى عليها الزمن مع كل صرخة من صرخاتها ... |
صراحة بكل الاوقات .. بتنسمع ..
صوت ملايكي .. وكتير حنون .. :D |
ههههه لك مو ئلتلك هون من اول ما رديتي :gem:
فيروز صوت بضمنلك يكون نهارك حلو...بيعطيك جرعة رواق بتكفيك لفترة طويلة صوت بعيش معك الحالة الي انتا عايشا هاي مسجلتا عندي من بصمات من كلمات زكرني موضوعك فيها بس ما بعرف لمين : اقتباس:
:D:D |
فيروز بالصبح
وثوما بالسواريه هيك اتركب مزاجى |
مابظن في احن من صوت السيده فيروز وباي وقت
|
فيروز وقت الصبح
وفيروز وقت الضهر وفيروز قبل النوم وفيروز وانا نايمة فيروز بكل الاوقات الامل الذي ينير الدرب والحنان الذي يريح القلب |
فـيروز .. وخــريـف .. وشــط رايــئ باللــيــل .. وئهــوه |
قليلة .. انو قليلة لما مع فيروز المسا يبين كل شي احلى .. كل ما ضب جناحو هالليل منهرب مع العتمة عشباك مليان ذكريات منختصر مستقبلنا بماضي عشناه بحلوو .. بمرّو .. بس بيضلو حلو . قليلة لما اسمع فيروز المسا.. بتذكر صوت المطر لما ينئر عشباكي وريحتو الي رغم من انها "بلا كحول" لكن كنت اسكر عليها بليالي تشرين الباردة والقمر المتخبي ورا الغيوم . قليلة لما مع فيروز المسا ... يحضر لبالنا الكستنا المشوية عالصوبية ... يحضر لبالنا أنينة نبيد ... احمرّت خجل من البرد ومن صوت فيروز ... منتذكر شوارع دمشق القديمة ... وياسمينها لما نمر عليها بعيوننّا .. خوفاً من انو نأذيها بايدينا ... مع فيروز .. والمسا دونما الصبح ... ما بقدر اتذكر الا ايام الطفولة .. ايام الولدنة بالحارة .. الزوايا اللي تخبينا فيها ياما وياما .. من اهلنا .. رفقاتنا .. مستقبل عمينطرنا ... المهم نتخبى .. بطفولتنا مع فيروز المسا .. ما بقدر اتذكر الا احلامي .. ضحكات ... نسمات نيسان ... فجع مجنون لكل شي... بس مع فيروز المسا . ومن هون : بليل وشتي صوتن مسموع رتروت .... :D كبيرة كتير كتير |
فيروز ؟؟
قصة طويلييييييييي :sosweet: |
انا بسمع فيروز ايمتا ما كان
الصبح مشان صحصح و بليل مشان حاول انعس يعني يروز مالها وقت بس للصراحة بموت بماجدة قبل النوم ________________________ فعول: بس الاهم من هيك انو لازم اسمع فهد بلان قبل الأكل |
اقتباس:
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
شكرا ع التشجيع:D |
اقتباس:
ماهوي ياعزيزي الذكريات والاحاسيس الملخبطة يللي بتعيشنا فيها فيروز... هوي اللي بيسبب الخوف من سماعا... بس انا وصلت لمرحلة انو كل ماخفت من فيروز كل ماسمعتا اكتر اقتباس:
اقتباس:
اقتباس:
فيروز ورموزها كلهون...بيخلوك تصفن... وتعرفك عنجد شو معنى حياتنا... ليش قولتك قليلة فيروز...الضهر... مع نفس الاركيلة...مع كل سحبة بتسحبها ونفس بتطالعو...بتلاقيا عم تصدح بتقلك وتخبرك ع اللي ناقصك...بتمرقلك صور ومقاطع من حياتك... انت كنت نسيانون ثانكس اغين:D |
اقتباس:
من فترة .. قبل ما نطبس :lol: كنت ضل حاطط الحزن بالجرن .. ومقضيها .. اول غنية واخر غنية بسمعها بالليل ... قديش كان في ناس .. انو بتوجع كتير كانت بالنسبة الي .. تولدلي احساس بالوحدة - حزن - وجع - فرائ .... اتذكر كتير شغلات ما المفروض انو اتذكرها .. شغلات كنت مقضي سنين لحاول مجرد محاولة انو انساها ... تجيني فيروز بآخر السهر تذكرني فيهن .. يمكن تمر لحظات فيهن ابكي ( مع انو نادراً لابكي انا مش لانو بصفتي رجل وما يفترض انو ابكي متل ما هوي سائد انما ما بعرف بس المهم ماني متعود اني ابكي يمكن لانو ما في شي مستاهل البكي ) لكن رغم كل ذلك تبكيني فيروز .. ومع ذلك هالدمعة اللي تنزل تكون باردة كتير ... هالدمعة اللي تردلي الروح .. هالدمعة اللي دايما بتذكرني لما مرة بالليل حطيت راسي عكتف قاسيون ونمت عهي الغنية بالذات ... هي الغنية اللي ما كنت اسمعها الا بالليل ... وهي الغنية اللي كانت تجبرني غصب عن انفي .. انو فيق عليها ... وكانت توجعني كتير . وهلئ ... بحالة اعتبرها اني بافضل احوالي نفسياً .. كلو فينا نقول مستقر .. خصوصاً الوضع العاطفي :lol: مع انو كلمات هالغنية بالذات بتوحي بكتير وجع ... لكن مع ذلك .. بسمعها .. بتفائل كتير ... بنبسط كتير .. وبحب :hart:أكتر من قبل ... يمكن الكلمات ما بتعنيلي أكتر ما يعنيلي صوت فيروز .. بهي الغنية او لربما .. بتحمل كلمات ومصطلحات ... بعشقها كتير .. انو شتي ومطر وناس وحيطان وطرقات .. وانتظار ... *رتروت ... المقال اللي ذكرتيه تبع أمين معلوف .. للأسف ما حصلي الشرف اني اقراه .. ازا بتبرفتيلنا ياه :D فانو هي كلها الك |
| الساعة بإيدك هلق يا سيدي 08:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون