اختك مع واحد اد جدها بصير؟

[Odell]

هل يحق للرجل في سن ما فوق الأربعين والخمسين أن يحب....


بترضى لاختك تحب واحد اد جدها او تحب جيبتو بمعنى اصح

بترضى تزوجهم لبعض؟


قبل ما يودع الاخ




والصبايا بترضي تتزوجي واحد كبير بالسن ... ممكن مديرك او دكتورك بالجامعة

طيب لو كان فقير بترضي تتزوجيه؟

*
( افرضو الزلمي عزابي ووصل لهالعمر من دون ارتباط )

شو راي الشبيبة والصبايا

[وشم الجمال]

اذا بحبو وبيحبني طبعا بوافق
الاهل قطعا بيعارضوا بس اذا هو بيحبني جد بيتحدى العالم كله

[Odell]

طيب ع اي اساس حبيتي واحد ادو يعني ؟


وما قلتيلي لو فقير بترضي فيه؟

[maro18]

كاتب النص الأصلي : Odell

طيب ع اي اساس حبيتي واحد ادو يعني ؟


وما قلتيلي لو فقير بترضي فيه؟

شو دخل الفقر والغنى بالحب
يعنى اذا بتحب بجد مش بيفرق معها كبير ولا صغير او غنى او فقير
بس اكيد الاهل هيعارضوا جدا جدا

[MadMax]

كاتب النص الأصلي : Odell

بترضى لاختك تحب واحد اد جدها او تحب جيبتو بمعنى اصح

بترضى تحدد لأختك مين بدها تحب ..؟؟

[butterfly]

كاتب النص الأصلي : Odell

بترضى لاختك تحب واحد اد جدها او تحب جيبتو بمعنى اصح

بترضى تزوجهم لبعض؟

والصبايا بترضي تتزوجي واحد كبير بالسن ... ممكن مديرك او دكتورك بالجامعة

طيب لو كان فقير بترضي تتزوجيه؟

*
( افرضو الزلمي عزابي ووصل لهالعمر من دون ارتباط )

الجواب الأول . شو خصو أخي ؟ دقيقة وحدة ليكون أنا من بعد أملاكو ؟ ...
الجواب التاني ؟ شرحو .. شو خصو يرضى أو ما يرضى
الجواب الثالت .. اناشخصيا ً .. إذا بحبو ومقتنعة فيه وبحس أنو انا وهوي رح تكون حياتنا مستقرة ورح نقدر نكون عيلة .. ففرق العمر ما كتير بيوقف بوشي .. بالعكس ما بحب الشب الصغير ... بحس بدو كتير ليعرف شو بدو من الدني وليصير مسؤول ويعتمد عليه
بعدين في شي بالشيب كتير بيشدني ...
الجواب الرابع .. لو كان فقير ومنتوف وما رح يحقق استقرار لعيلتي ما باخدو سواء كان صغير او كبير ..

[الفيلسوفة]

بترضى لاختك تحب واحد اد جدها او تحب جيبتو بمعنى اصح

شو المانع هي حياتا وهي حرة وبعدين ليش دغري ربطت حبا لالو بجيبتو.....

مو بالضرورة تحب البنت شخص قد جدا بس لانو مريش في شغلات اكبر من هيك بكتير

بترضى تزوجهم لبعض؟

شوف سواء رضيت ولا مارضيت هي راح تتزوجو لانو انا لا وصية عليها ولا الي الحق اني اتدخل اذا حسيت اني

ماكتير مقتنعة فية راح انصحا وهي حرة تقبل هالنصيحة او لأ..

قبل ما يودع الاخ

فال الله ولا فالك يا عمي ماكنا حلويين شو اللي جاب سيرة الموت

والصبايا بترضي تتزوجي واحد كبير بالسن ... ممكن مديرك او دكتورك بالجامعة

طيب لو كان فقير بترضي تتزوجيه؟

لو دكتور بالجامعة بتزوجوا اليوم قبل بكرة اصلا حلمي تزوج واحد كبير ودكتور ومامهم فقير ولا غني.....

طالما حبيت ارتبط بواحد قد جدي معناتو اكيد اللي جذبني الو اكبر من شوية مصاري..

[وشم الجمال]

انا اذا بدي احب مش انا اللي بختار وساعتا بكون تحت امر الحب واذا نحنا بدنا نختار كان ما وقعنا مع حدن رح نتعذب بحبه بمعنى بنحب مين بيتناسب مع ظروفنا واهلنا ما بيرفضوا بس اهمن شي الحب ما بيطلع للظروف وما مهم غني والا فقير

[fofo besset syria]

كاتب النص الأصلي : Odell

هل يحق للرجل في سن ما فوق الأربعين والخمسين أن يحب....


بترضى لاختك تحب واحد اد جدها او تحب جيبتو بمعنى اصح

بترضى تزوجهم لبعض؟


قبل ما يودع الاخ




والصبايا بترضي تتزوجي واحد كبير بالسن ... ممكن مديرك او دكتورك بالجامعة

طيب لو كان فقير بترضي تتزوجيه؟

*
( افرضو الزلمي عزابي ووصل لهالعمر من دون ارتباط )

شو راي الشبيبة والصبايا

مع احترامي الك بس طريقة طرحك للموضوع غلط كتير واستفزازية كتير...
يعني انتا عم تجاوب ما عم تسأل...
الحب ما الو عمر ولا شروط ولما الشب او البنت تحب ما راح تفقكر قبل ما تحب بعمرو او وضعو او اي شي تاني...
وازا بتسمع بالمثل بقولو الحب اعمى...
يعني انتا هيك عم تظلم البنات لما تقول انها بتحبه مشان المصاري..طبعا هاد الشي بصير مرات بس مو مقياس لكل الناس

[ما بعرف]

هلق ليك
رأيي شي وقرارها شي تاني تماماً
من حيث الرأي في كتير مقومات بتلعب دورها صحيح نقطة العمر ممكن تكون سلبية بس لا تنسى انو هالعمر ما راح عالفاضي يعني اذا ما كان في مال ممكن يكون في علم وخبرة وتجارب بالحياة
يعني انا اذا ممكن اعترض وانتبهوا اعترض برأيي بس القرار مو الي بعترض من ناحية العمر لجهة انو هي حياة يعني بعد عشرين سنة هو صار عالعكازة وهي لسا بشبابها فا ممكن تنظلم من هالناحية وممكن يكون غير قادر على التلاؤم معها من ناحية العلاقات العامة ( وهادا الحكي بناءاً على نماذج انا شايفها وعايش معها )

بس انا حابب اسأل سؤال للصبايا :

لنفرض مثلاً اخذتي قرار وعارضك اهلك فيه ومع ذلك عملتي متل ما بدك و طلع حكي اهلك مظبوط بس ما عاد ينفع الندم ..... شو بتنصحي اختك الصغيرة : تعمل متل ما بدها ولا تاخد برأي اهلها

[اسبيرانزا]

اكيد لو فى حب حقيقى يبقى انسى اى عوائق اخرى لانهم هيقدروا يتغلبوا عليها وبعدين انا معتبرش العمر عائق لانى مبحسبش العمر بالسنين لكن باللحظات الحلوة اللى بيعيشها الانسان فاذا كان انسان قلبوا مليان بالحب والسعادة فاكيد هيكون فى عينى اصغر شاب , وياما بنشوف شباب بقلوب عجوزة والعكس
اما بالنسبة للمال ,, فما اجملها الحياة المبنية على الكفاح بين اتنين حبوا بعض , بل بالعكس كل ما الزوج دة شاف مراتوا بتكافح معاه وعايشة على الحلوة والمرة هيزيد حبوا ليها وهيزيد حبها فيه وهتكون اجمل حياة
الرجل الصالح للزواج من وجهت نظرى هو الرجل الناضج عقليا ونفسيا وجسميا ( بغض النظر عن السن ) والمرأة الصالحة للرواج هى المرأة الناضجة عقليا وعاطفيا وجسما وكمان تكون فى روحه جندية علشان تكون صبورة معاه وتكافح ليبنوا بيت عميد

[farbella]

هاي
اول شي بالحب ما حدن بيقرر ازا ابي ولا اخي بيرضى لما لا
تانيا في رجال بشن الخمسين وهنن احلى بالف مرة من شباب العشرين صراحة وبيكونو اجذب
وتالتا الرجل الكبير بيحترم الامراة اكتر وبيرضيها اكتر ويدللها اكتر ما تتزوج شب من جيلها
ورابعا لما تتزوج شخص كبير بالعمر شوي رح يكون ارضائه اسهل وما تخاف من قصة الخيانة اللي كل الشباب بهالوقت فنانين فيها اسم الله عليهن
ممممممم وبس مشكور اوديل

[وشم الجمال]

كاتب النص الأصلي : maro18

شو دخل الفقر والغنى بالحب
يعنى اذا بتحب بجد مش بيفرق معها كبير ولا صغير او غنى او فقير
بس اكيد الاهل هيعارضوا جدا جدا

يسلم تمك والله درر وشكلك مو ضد الفكرة صح

[وشم الجمال]

كاتب النص الأصلي : ما بعرف

هلق ليك
رأيي شي وقرارها شي تاني تماماً
من حيث الرأي في كتير مقومات بتلعب دورها صحيح نقطة العمر ممكن تكون سلبية بس لا تنسى انو هالعمر ما راح عالفاضي يعني اذا ما كان في مال ممكن يكون في علم وخبرة وتجارب بالحياة
يعني انا اذا ممكن اعترض وانتبهوا اعترض برأيي بس القرار مو الي بعترض من ناحية العمر لجهة انو هي حياة يعني بعد عشرين سنة هو صار عالعكازة وهي لسا بشبابها فا ممكن تنظلم من هالناحية وممكن يكون غير قادر على التلاؤم معها من ناحية العلاقات العامة ( وهادا الحكي بناءاً على نماذج انا شايفها وعايش معها )

بس انا حابب اسأل سؤال للصبايا :

لنفرض مثلاً اخذتي قرار وعارضك اهلك فيه ومع ذلك عملتي متل ما بدك و طلع حكي اهلك مظبوط بس ما عاد ينفع الندم ..... شو بتنصحي اختك الصغيرة : تعمل متل ما بدها ولا تاخد برأي اهلها

بدي اعلق على نقطة انه عالعكازة وهي بعز شبابها
البنت طبيعة جسمها بتشيخ ابكر من الرجل فيعني الاتنين رح يشيخوا سوى واذا استوصت فيه عمرو ما بيشيخ لانه حبها بيعطيه القوة

[جمانة شهاب]

شو اتزوج واحد اد ابي او جدي
ليش ارمي حالي يعني
ليش شو ناقصني انا
جمال و دلال
شو بدي حب فيه اصلا
حتى لو جيبتو مليانة
انا صغيرة روح ضيع حالي مع واحد على حافة قبرو
لا ما بقبل
لو عندو كنوز الدنيا
بدي حب واحد بعمري مشان افهمو و يفهمني
شو بدي بواحد بيمشي ع العكازة
عندي بابا بيكفي
يسلمو اوديل

[maro18]

كاتب النص الأصلي : ما بعرف

بس انا حابب اسأل سؤال للصبايا :

لنفرض مثلاً اخذتي قرار وعارضك اهلك فيه ومع ذلك عملتي متل ما بدك و طلع حكي اهلك مظبوط بس ما عاد ينفع الندم ..... شو بتنصحي اختك الصغيرة : تعمل متل ما بدها ولا تاخد برأي اهلها

لا برضوا راح قولها تعمل اللى عيزاه لانه حتى لو تحت ضغط من اى حد ونصيحة هتفضل طول عمرها حاسة انها ضيعت فرصة عمرها وانها غلطت لما سمعت الكلام
مش مهم انها تجرب وتكتشف انها غلطت بس اكيد احسن من انها تفضل خايفة من اى شىء
وكمان ما احكمش على تجربة حد بتجربتى لانه ممكن يكون فى اختلاف بين الشخصين

[حزوم الحباب]

كاتب النص الأصلي : Odell

هل يحق للرجل في سن ما فوق الأربعين والخمسين أن يحب....

ليش لأ ؟...شو دخل هي بهي . وليش من أيمتا العمر بيحدد أو كان مقياس للحب .

بترضى لاختك تحب واحد اد جدها او تحب جيبتو بمعنى اصح


هي حياتها وهي حرة فيها ..طالما اساتا ضمن مجال الشرف و الأحترام فأذا خالفت أحدهما فواجب التدخل هنا.. بالطريقة المناسبة..



قبل ما يودع الاخ
ولو ووووو يا زلمة ليش مين بيعرف ئيمتا جاي يومو بيجوز يقبرها ويقبر 4بعدها




والصبايا بترضي تتزوجي واحد كبير بالسن ... ممكن مديرك او دكتورك بالجامعة

طيب لو كان فقير بترضي تتزوجيه؟

*
هون بدك تسئلون هنون ..

( افرضو الزلمي عزابي ووصل لهالعمر من دون ارتباط )

شو راي الشبيبة والصبايا

طبعا مع لفت عناية الأخوة الى أن الزلمي مو متجوز ...

وأذا كان متجوز و عندو عر ولاد .....هون : أذا بيقدر يكون معون و ما يقطعون من أي شي أنا ما بمانع حتى لو كان أبي


وشكرا عل الموضوع.............

[ranran]

هل يحق للي عمرو 50 يتجوز؟ طيب يعني بس الواحد يسير عمرو 50 لازم بقول أنا خلصت حياتي و يلملم غراضو و يروح ع دار العجزة حقو طبعا يتجوز و يرتبط بإنسانة و يعيش معا و يشاركا حياتو يعني الواحد لما بختير ما لازم نشطب على حياتو

هلأ أنو وحدة تاخد رجال أكبر منا ب 20 سنة يعني قد أبوها برأيي أنو في مشكلة يعني رح تكون علاقتن علاقة أب و بنتو مو علاقة شريكين حياة هوي رح ينظرلا أنو هي ملاكو المدلل اللي بحاجة ل جناحاتو
و هي رح تنحرم من كتير أشيا ما بتقدر تعملا بالنسبة لعمرو متلا مشاريع مع رفقاتن أو ... و كمان أفكارن رح تتعارض يكتير مواضيع لأنو هوي خبرتو و نضجو أكتر منا بكتير يعني متل أبوا يعني رجال ال 50 مفروض يتفاهم مع مرأة ال 40 مو مع فتاة 20 -30

اذا أختي صار معا هيك أنا ما بكون مع قرارا. طبعا ما بقدر أجبرا أنو تعمل برأيي بس بقدر أقلا رأيي و يمكن أنصحا أنو تعيش فترة منيحة مع ه البابا قبل ما تقرر قرار الزواج

هالشي ما بعني أنو كل اللي بيتجوزو أكبر منن ب 20 سنة ندمانين بس أكيد في تنازلات قدموا من الطرفين بالنسبة الي أنا ما بتنازل عنا بالنسبة لغيري ممكن يكون مقتنع
شكرا ع الموضوع