|
اختك مع واحد اد جدها بصير؟
هل يحق للرجل في سن ما فوق الأربعين والخمسين أن يحب....
بترضى لاختك تحب واحد اد جدها او تحب جيبتو بمعنى اصح :angel: بترضى تزوجهم لبعض؟ قبل ما يودع الاخ :birthday: والصبايا بترضي تتزوجي واحد كبير بالسن ... ممكن مديرك او دكتورك بالجامعة طيب لو كان فقير بترضي تتزوجيه؟ * ( افرضو الزلمي عزابي ووصل لهالعمر من دون ارتباط ) شو راي الشبيبة والصبايا :D |
اذا بحبو وبيحبني طبعا بوافق
الاهل قطعا بيعارضوا بس اذا هو بيحبني جد بيتحدى العالم كله |
طيب ع اي اساس حبيتي واحد ادو يعني ؟
وما قلتيلي لو فقير بترضي فيه؟ |
اقتباس:
يعنى اذا بتحب بجد مش بيفرق معها كبير ولا صغير او غنى او فقير بس اكيد الاهل هيعارضوا جدا جدا |
اقتباس:
|
اقتباس:
الجواب التاني ؟ شرحو .. شو خصو يرضى أو ما يرضى الجواب الثالت .. اناشخصيا ً .. إذا بحبو ومقتنعة فيه وبحس أنو انا وهوي رح تكون حياتنا مستقرة ورح نقدر نكون عيلة .. ففرق العمر ما كتير بيوقف بوشي .. بالعكس ما بحب الشب الصغير ... بحس بدو كتير ليعرف شو بدو من الدني وليصير مسؤول ويعتمد عليه بعدين في شي بالشيب :sosweet: كتير بيشدني ... الجواب الرابع .. لو كان فقير ومنتوف وما رح يحقق استقرار لعيلتي ما باخدو سواء كان صغير او كبير .. |
اقتباس:
شو المانع هي حياتا وهي حرة وبعدين ليش دغري ربطت حبا لالو بجيبتو..... مو بالضرورة تحب البنت شخص قد جدا بس لانو مريش :jakoush:في شغلات اكبر من هيك بكتير اقتباس:
شوف سواء رضيت ولا مارضيت هي راح تتزوجو لانو انا لا وصية عليها ولا الي الحق اني اتدخل اذا حسيت اني ماكتير مقتنعة فية راح انصحا وهي حرة تقبل هالنصيحة او لأ.. اقتباس:
اقتباس:
لو دكتور بالجامعة بتزوجوا اليوم قبل بكرة :oops:اصلا حلمي تزوج واحد كبير ودكتور ومامهم فقير ولا غني..... طالما حبيت ارتبط بواحد قد جدي معناتو اكيد اللي جذبني الو اكبر من شوية مصاري.. |
انا اذا بدي احب مش انا اللي بختار وساعتا بكون تحت امر الحب واذا نحنا بدنا نختار كان ما وقعنا مع حدن رح نتعذب بحبه بمعنى بنحب مين بيتناسب مع ظروفنا واهلنا ما بيرفضوا بس اهمن شي الحب ما بيطلع للظروف وما مهم غني والا فقير
|
اقتباس:
يعني انتا عم تجاوب ما عم تسأل... الحب ما الو عمر ولا شروط ولما الشب او البنت تحب ما راح تفقكر قبل ما تحب بعمرو او وضعو او اي شي تاني... وازا بتسمع بالمثل بقولو الحب اعمى... يعني انتا هيك عم تظلم البنات لما تقول انها بتحبه مشان المصاري..طبعا هاد الشي بصير مرات بس مو مقياس لكل الناس :D:D |
هلق ليك
رأيي شي وقرارها شي تاني تماماً من حيث الرأي في كتير مقومات بتلعب دورها صحيح نقطة العمر ممكن تكون سلبية بس لا تنسى انو هالعمر ما راح عالفاضي يعني اذا ما كان في مال ممكن يكون في علم وخبرة وتجارب بالحياة يعني انا اذا ممكن اعترض وانتبهوا اعترض برأيي بس القرار مو الي بعترض من ناحية العمر لجهة انو هي حياة يعني بعد عشرين سنة هو صار عالعكازة وهي لسا بشبابها فا ممكن تنظلم من هالناحية وممكن يكون غير قادر على التلاؤم معها من ناحية العلاقات العامة ( وهادا الحكي بناءاً على نماذج انا شايفها وعايش معها ) بس انا حابب اسأل سؤال للصبايا : لنفرض مثلاً اخذتي قرار وعارضك اهلك فيه ومع ذلك عملتي متل ما بدك و طلع حكي اهلك مظبوط بس ما عاد ينفع الندم ..... شو بتنصحي اختك الصغيرة : تعمل متل ما بدها ولا تاخد برأي اهلها :confo: |
اكيد لو فى حب حقيقى يبقى انسى اى عوائق اخرى لانهم هيقدروا يتغلبوا عليها وبعدين انا معتبرش العمر عائق لانى مبحسبش العمر بالسنين لكن باللحظات الحلوة اللى بيعيشها الانسان فاذا كان انسان قلبوا مليان بالحب والسعادة فاكيد هيكون فى عينى اصغر شاب , وياما بنشوف شباب بقلوب عجوزة والعكس
اما بالنسبة للمال ,, فما اجملها الحياة المبنية على الكفاح بين اتنين حبوا بعض , بل بالعكس كل ما الزوج دة شاف مراتوا بتكافح معاه وعايشة على الحلوة والمرة هيزيد حبوا ليها وهيزيد حبها فيه وهتكون اجمل حياة الرجل الصالح للزواج من وجهت نظرى هو الرجل الناضج عقليا ونفسيا وجسميا ( بغض النظر عن السن ) والمرأة الصالحة للرواج هى المرأة الناضجة عقليا وعاطفيا وجسما وكمان تكون فى روحه جندية علشان تكون صبورة معاه وتكافح ليبنوا بيت عميد:hart: |
هاي
اول شي بالحب ما حدن بيقرر ازا ابي ولا اخي بيرضى لما لا تانيا في رجال بشن الخمسين وهنن احلى بالف مرة من شباب العشرين صراحة وبيكونو اجذب وتالتا الرجل الكبير بيحترم الامراة اكتر وبيرضيها اكتر ويدللها اكتر ما تتزوج شب من جيلها ورابعا لما تتزوج شخص كبير بالعمر شوي رح يكون ارضائه اسهل وما تخاف من قصة الخيانة اللي كل الشباب بهالوقت فنانين فيها اسم الله عليهن ممممممم وبس مشكور اوديل |
اقتباس:
|
اقتباس:
البنت طبيعة جسمها بتشيخ ابكر من الرجل فيعني الاتنين رح يشيخوا سوى واذا استوصت فيه عمرو ما بيشيخ لانه حبها بيعطيه القوة:gem: |
شو اتزوج واحد اد ابي او جدي:shock:
ليش ارمي حالي يعني:pos: ليش شو ناقصني انا جمال و دلال :oops: شو بدي حب فيه اصلا حتى لو جيبتو مليانة انا صغيرة روح ضيع حالي مع واحد على حافة قبرو:cry: لا ما بقبل لو عندو كنوز الدنيا بدي حب واحد بعمري مشان افهمو و يفهمني:gem: شو بدي بواحد بيمشي ع العكازة عندي بابا بيكفي:p يسلمو اوديل:D |
اقتباس:
مش مهم انها تجرب وتكتشف انها غلطت بس اكيد احسن من انها تفضل خايفة من اى شىء وكمان ما احكمش على تجربة حد بتجربتى لانه ممكن يكون فى اختلاف بين الشخصين |
اقتباس:
وأذا كان متجوز و عندو عر ولاد:pos: .....هون : أذا بيقدر يكون معون و ما يقطعون من أي شي أنا ما بمانع حتى لو كان أبي :D وشكرا عل الموضوع............. |
هل يحق للي عمرو 50 يتجوز؟ طيب يعني بس الواحد يسير عمرو 50 لازم بقول أنا خلصت حياتي و يلملم غراضو و يروح ع دار العجزة حقو طبعا يتجوز و يرتبط بإنسانة و يعيش معا و يشاركا حياتو يعني الواحد لما بختير ما لازم نشطب على حياتو
هلأ أنو وحدة تاخد رجال أكبر منا ب 20 سنة يعني قد أبوها برأيي أنو في مشكلة يعني رح تكون علاقتن علاقة أب و بنتو مو علاقة شريكين حياة هوي رح ينظرلا أنو هي ملاكو المدلل اللي بحاجة ل جناحاتو و هي رح تنحرم من كتير أشيا ما بتقدر تعملا بالنسبة لعمرو متلا مشاريع مع رفقاتن أو ... و كمان أفكارن رح تتعارض يكتير مواضيع لأنو هوي خبرتو و نضجو أكتر منا بكتير يعني متل أبوا يعني رجال ال 50 مفروض يتفاهم مع مرأة ال 40 مو مع فتاة 20 -30 اذا أختي صار معا هيك أنا ما بكون مع قرارا. طبعا ما بقدر أجبرا أنو تعمل برأيي بس بقدر أقلا رأيي و يمكن أنصحا أنو تعيش فترة منيحة مع ه البابا قبل ما تقرر قرار الزواج هالشي ما بعني أنو كل اللي بيتجوزو أكبر منن ب 20 سنة ندمانين بس أكيد في تنازلات قدموا من الطرفين بالنسبة الي أنا ما بتنازل عنا بالنسبة لغيري ممكن يكون مقتنع شكرا ع الموضوع :D |
| الساعة بإيدك هلق يا سيدي 18:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون