كيف تكون عضو مميز ؟

Spector · 12/11/2006

انتقاء المواضيع المفيدة أو المهملة نوعاً ما أو الغريبة_ على أن تكون ذات أهمية_ وصياغتها بمفردات بسيطة وشاملة تلامس بها عقلية القاريء.
وضع المواضيع في مكانها الصحيح شيء اساسي !
إذا كان موضوعك طويل و بملل القلب حاول تقصمو لحلقات لسهولة التصفح وكمان يعني اذا عجبني موضوعك كل يوم بقرا صفحة مشان ما ضيع حالي .
محاولة صياغة المواضيع على شكل نقاط مع مراعاة التنسيق بين الخطوات فإنه مريح بالنسبة للقاريء.
عدم التقييد بموضوع معين والتحدث عنه مراراً وتكراراً بأساليب و طرق مختلفة.
حاول الرد بنقد او بشكر او يعني شي رد بناء مو بس " شكرا " او " تقبر قلبي عالموضوع " او ...الخ
عندما ترد على موضوع ما يجب عليك التفكير ملياً في انتقاء الألفاظ المناسبة الغير محرجه والغير جارحة.
وقت بتنتقد غيرك فلازم تكون واضح و متأكد انو نقدك لتصحيح الخطأ و ليس لمجرد النقد .
الأقتباس مهم جدا لحتا العضو يلي مقابيلك يعرف اذا الحكي موجه له او لغيره.
اذا كان ردك بأعتراض او بنقد فأذا كان عضو سبقك مافي داعي تنقد او تعترض نفس الاعتراض .
لا تفخر بمشاركاتك الكتيرة بس فخار بقدر تأثيرك عالمنتدى و جودة مواضيعك وردودك.
الردود و المواضيع الترفيهية ما بتنقص من هيبة العضو .
يجب عليك توضيح ان موضوعك منقول اذا كان منقول.
اذا انت قررت تغادرنا فودع اهلك بالمنتدى لأنو متل ما ستقبلوك بحب رح يودعوك بالحب
ويا شباب نحن هون مشان نوصل رسالة فبأيدنا نوصلا بشكل صحيح وبأيدنا نوصلا بشكل قبيح وبالاّخير كل واحد بيعكس عن مجتمعو و بيتو يلي متربي فيه.
ياشباب هاي نصائح من اخ لأخوه

Syrian__Angel · 12/11/2006

وبضيف نقطة كمان ....
- لا تستخدم الوان بتعمي العين ولا حجم خط بيغط عالقلب ...

ثانكيو

....
و تقبر قلب عدوّيني عالموضوع

Spector · 12/11/2006

الخط الاورانج الفاتح

أمين بالمنتدى

ولابس طاقية الخفا

اقتباس:

و تقبر قلب عدوّيني عالموضوع

ماعاش يلي يعاديكي

صلي على روحو

سمايلي حامل شبرية

Syrian__Angel · 12/11/2006

اقتباس:

أمين بالمنتدى ولابس طاقية الخفا

تمويه

اقتباس:

ماعاش يلي يعاديكي صلي على روحو

كان طيّب .. كاااااان حنيّن ....

بس يلا خلص عمرو .... next

وائل 76 · 12/11/2006

مشكور جيمس على موضوعك
بحب ضيف شغلة هون بما انك حصرت تقريبا كل شي بيميز العضو لكن بقيت شغلة صغيرة و هيا انو مهما كانت افكارك مختلفة وبتحمل ثقافة ما سواء كنت صح او خطأ لازم تكون مشاركتك مبنية على احترام عقائد الغير
لانو احترامي لعقائد الغير انما هو احترام لذاتي ولعقيدتي
متل ما قلت كلنا بنحمل رسالة و كلنا بنعكس ثقافتنا ومجتمعنا واهم شي بنعكس عقائدنا

مرسي جيمس وتقبل مني كل الاحترام والتقدير

Spector · 12/11/2006

اقتباس:

كاتب النص الأصلي : وائل 76

مشكور جيمس على موضوعك
بحب ضيف شغلة هون بما انك حصرت تقريبا كل شي بيميز العضو لكن بقيت شغلة صغيرة و هيا انو مهما كانت افكارك مختلفة وبتحمل ثقافة ما سواء كنت صح او خطأ لازم تكون مشاركتك مبنية على احترام عقائد الغير
لانو احترامي لعقائد الغير انما هو احترام لذاتي ولعقيدتي
متل ما قلت كلنا بنحمل رسالة و كلنا بنعكس ثقافتنا ومجتمعنا واهم شي بنعكس عقائدنا

مرسي جيمس وتقبل مني كل الاحترام والتقدير

محاولة مني بأنو ما حول الموضوع من مسارو لهيك رح قلك
شكرا عالمرور

وائل 76 · 12/11/2006

اقتباس:

كاتب النص الأصلي : GMC

محاولة مني بأنو ما حول الموضوع من مسارو لهيك رح قلك
شكرا عالمرور

هيك تفسر كلامي جيمس ؟؟؟؟؟؟؟؟؟؟؟؟؟؟؟؟
على كل حال بعتذر على مشاركتي بموضوع بيخصك ما راح تكرر وازعجك بعد هيك

Spector · 12/11/2006

اقتباس:

كاتب النص الأصلي : وائل 76

هيك تفسر كلامي جيمس ؟؟؟؟؟؟؟؟؟؟؟؟؟؟؟؟
على كل حال بعتذر على مشاركتي بموضوع بيخصك ما راح تكرر وازعجك بعد هيك

له يا وائل ولو بس انا قصدي انو هاد الموضوع لو فتحتو رح يصير حوار ديني وهاد مو الهدف من موضوعي
انت عم تطرح مشكلة عامة وانا ردي رح يكون قاسي لهيك رح يجو الشباب التانيين ويحولو الموضوع متل باقي المواضيع لحوار ديني لهيك عم قلك بلاها هالسيرة