أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   كيف تكون عضو مميز ؟ (http://www.akhawia.net/showthread.php?t=64680)

Spector 12/11/2006 01:16
كيف تكون عضو مميز ؟
 
  • انتقاء المواضيع المفيدة أو المهملة نوعاً ما أو الغريبة_ على أن تكون ذات أهمية_ وصياغتها بمفردات بسيطة وشاملة تلامس بها عقلية القاريء.
  • وضع المواضيع في مكانها الصحيح شيء اساسي !
  • إذا كان موضوعك طويل و بملل القلب :lol: حاول تقصمو لحلقات لسهولة التصفح وكمان يعني اذا عجبني موضوعك كل يوم بقرا صفحة مشان ما ضيع حالي .
  • محاولة صياغة المواضيع على شكل نقاط مع مراعاة التنسيق بين الخطوات فإنه مريح بالنسبة للقاريء.
  • عدم التقييد بموضوع معين والتحدث عنه مراراً وتكراراً بأساليب و طرق مختلفة.
  • حاول الرد بنقد او بشكر او يعني شي رد بناء مو بس " شكرا " او " تقبر قلبي عالموضوع " او ...الخ
  • عندما ترد على موضوع ما يجب عليك التفكير ملياً في انتقاء الألفاظ المناسبة الغير محرجه والغير جارحة.
  • وقت بتنتقد غيرك فلازم تكون واضح و متأكد انو نقدك لتصحيح الخطأ و ليس لمجرد النقد .
  • الأقتباس مهم جدا لحتا العضو يلي مقابيلك يعرف اذا الحكي موجه له او لغيره.
  • اذا كان ردك بأعتراض او بنقد فأذا كان عضو سبقك مافي داعي تنقد او تعترض نفس الاعتراض .
  • لا تفخر بمشاركاتك الكتيرة بس فخار بقدر تأثيرك عالمنتدى و جودة مواضيعك وردودك.
  • الردود و المواضيع الترفيهية ما بتنقص من هيبة العضو .
  • يجب عليك توضيح ان موضوعك منقول اذا كان منقول.
  • اذا انت قررت تغادرنا فودع اهلك بالمنتدى لأنو متل ما ستقبلوك بحب رح يودعوك بالحب
  • ويا شباب نحن هون مشان نوصل رسالة فبأيدنا نوصلا بشكل صحيح وبأيدنا نوصلا بشكل قبيح وبالاّخير كل واحد بيعكس عن مجتمعو و بيتو يلي متربي فيه.
    ياشباب هاي نصائح من اخ لأخوه :D

Syrian__Angel 12/11/2006 02:53
وبضيف نقطة كمان ....
- لا تستخدم الوان بتعمي العين ولا حجم خط بيغط عالقلب ...

ثانكيو :D ....
و تقبر قلب عدوّيني عالموضوع :lol:

Spector 12/11/2006 02:56
الخط الاورانج الفاتح ;-) أمين بالمنتدى :o ولابس طاقية الخفا :adal:

اقتباس:
و تقبر قلب عدوّيني عالموضوع
ماعاش يلي يعاديكي :lol: صلي على روحو :pos: سمايلي حامل شبرية :p

Syrian__Angel 12/11/2006 02:58
اقتباس:
أمين بالمنتدى ولابس طاقية الخفا
تمويه :o

اقتباس:
ماعاش يلي يعاديكي صلي على روحو
كان طيّب .. كاااااان حنيّن ....

بس يلا خلص عمرو .... next :lol:

وائل 76 12/11/2006 03:10
مشكور جيمس على موضوعك
بحب ضيف شغلة هون بما انك حصرت تقريبا كل شي بيميز العضو لكن بقيت شغلة صغيرة و هيا انو مهما كانت افكارك مختلفة وبتحمل ثقافة ما سواء كنت صح او خطأ لازم تكون مشاركتك مبنية على احترام عقائد الغير
لانو احترامي لعقائد الغير انما هو احترام لذاتي ولعقيدتي
متل ما قلت كلنا بنحمل رسالة و كلنا بنعكس ثقافتنا ومجتمعنا واهم شي بنعكس عقائدنا



مرسي جيمس وتقبل مني كل الاحترام والتقدير :D

Spector 12/11/2006 03:13
اقتباس:
كاتب النص الأصلي : وائل 76 (مشاركة 551622)
مشكور جيمس على موضوعك
بحب ضيف شغلة هون بما انك حصرت تقريبا كل شي بيميز العضو لكن بقيت شغلة صغيرة و هيا انو مهما كانت افكارك مختلفة وبتحمل ثقافة ما سواء كنت صح او خطأ لازم تكون مشاركتك مبنية على احترام عقائد الغير
لانو احترامي لعقائد الغير انما هو احترام لذاتي ولعقيدتي
متل ما قلت كلنا بنحمل رسالة و كلنا بنعكس ثقافتنا ومجتمعنا واهم شي بنعكس عقائدنا



مرسي جيمس وتقبل مني كل الاحترام والتقدير :D
محاولة مني بأنو ما حول الموضوع من مسارو لهيك رح قلك
شكرا عالمرور :D

وائل 76 12/11/2006 03:16
اقتباس:
كاتب النص الأصلي : GMC (مشاركة 551623)
محاولة مني بأنو ما حول الموضوع من مسارو لهيك رح قلك
شكرا عالمرور :D

هيك تفسر كلامي جيمس ؟؟؟؟؟؟؟؟؟؟؟؟؟؟؟؟
على كل حال بعتذر على مشاركتي بموضوع بيخصك ما راح تكرر وازعجك بعد هيك



Spector 12/11/2006 03:20
اقتباس:
كاتب النص الأصلي : وائل 76 (مشاركة 551628)
هيك تفسر كلامي جيمس ؟؟؟؟؟؟؟؟؟؟؟؟؟؟؟؟
على كل حال بعتذر على مشاركتي بموضوع بيخصك ما راح تكرر وازعجك بعد هيك

له يا وائل ولو بس انا قصدي انو هاد الموضوع لو فتحتو رح يصير حوار ديني وهاد مو الهدف من موضوعي
انت عم تطرح مشكلة عامة وانا ردي رح يكون قاسي لهيك رح يجو الشباب التانيين ويحولو الموضوع متل باقي المواضيع لحوار ديني لهيك عم قلك بلاها هالسيرة :D

اريجو 13/11/2006 22:06
شكرا..:hart: ..

ِAbu Alzooz 04/10/2007 20:44
up.......

Government 05/10/2007 13:50
هالموضوع شو عبيعمل بالسقيفة

ِAbu Alzooz 05/10/2007 14:55
اقتباس:
كاتب النص الأصلي : GOVERMENT (مشاركة 775486)
هالموضوع شو عبيعمل بالسقيفة
ليش شبها السقيفة :frown:

*Marwa* 05/10/2007 15:04
اقتباس:
كاتب النص الأصلي : ABU WILLIAM (مشاركة 775551)
ليش شبها السقيفة :frown:
:o
مالها وعلى بالها ..بالعكس احلى واروق واحّرر (مشتقة من متحرر) مكان هي السقيفة :lol:


الساعة بإيدك هلق يا سيدي 16:18 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02861 seconds with 10 queries